صياح ابني الدائم ؟؟

[هند بنت عتبة]

مرحبا بنات
اتمنى تكونون بخير ياارب

حبيباتي ولدي عمره 11 شهر كله يصيح ما يلعب ولايسوي اي شي بس يصيح مايسكت الا اذا بحضني او بحضن ابوه او طالعين >> انا عارفة انا مايشكي من شي وديته العيادة وفحصه الدكتور وقال مايشكي من شي الحمدلله

ودي تقولون لي كيف اتعامل معاه اخليه يهدا يلعب لوحده عالارض ؟؟

وبعد عندي استفسار : هو تاخر في الجلوس والحبو بس الحين كمل 11 شهر مايوقف واذا مسك الغنفة بيوقف يكون متكي على ركبته ,, هل طبيعي والا ممكن في رجوله شي ؟؟

بنات انا مالي الا هالولد وخايفه عليه بلييز طمنوني عادي مايوقف بهالسن ؟؟ وكيف ممكن اعامله حتى يهدا ويتعلم يلعب لوحده ؟؟​

 

[am yazed]

اهلين حبيبتي الله يخليلك ابنك ويصلحه ويعوضك خير يارب
العبي انت وابوه معه في العابه يمكن مايحب يلعب لوحده وعشان ماعنده احد في البيت متعلق فيكم
ولدي عمره سنه وشهرين مامشي وقال الدكتور عادي
عطيه كالسيوم بعد استشارة الطبيب انا عطيه لولدي صار يجلس وطلعت كل اسنانه ويوقف لوحده الحين لكن المشي لا
لا تخافين دايم حصينه بالاذكار وادعي له بصلاح وطول العمر
الله يحفظه ويجعله قرة عينك يارب ويحفظ عيالي

 

[صبا روحي]

مافيه الا العافيه بأذن الله
بس انتي اقري عليه وسمي عليه بكل شي اذا لبستي او نومتيه يمكن فيه خوف يعني داخله خوف
وحصنيه والمشي عادي جدا لحد سنه وخمس شهور عادي وطبيعي
الله يحفظه ويخليه لكم

 

[حياتي لله]

شي طبيعي مع الاطفال مايمشون بسرعة لاتحاتين فيه الله يخلية
أنتي لعبي معاه شوي و بيتعود ع اللعب ولكي هذا الدعاء
"ربي أرزق ذريتي صحبة الاخيار
وصفات الاطهار و توكل الاطيار
ربي و بلغني فيهم غايه أمالي
وأمنياتي بحولك وقوتك ربي
متعني ببرهم في حياتي
وأرحمني بدعائهم بعد مماتي"

"رب أجعلني مقيم الصلاة ومن
ذريتي ربنا تقبل الدعاء"

 

[هند بنت عتبة]

تسلمون خواتي

الدكتور صرفله كالسيوم وفيتامين
وهو من يبته هو خواف بشكل مو طبيعي

يمكن لانه يوم كنت حامل فيه عشت ايام كلها خوف وتفكير ومحاتاة فتاثر في نفسيتي

 

[وحيده في دنياي]

كأنك تتكلمين عن ولدي
ولدي صييييييييييييييياح كثييييييير
وعمره سنه وشهرين
ومايمشي
بس يمسك الغنفه ويمشي عليها
عجزت الاقي حل لو للصياااااااح بس

 

[هند بنت عتبة]

بنات العبه اسولف معاه احطله رسوووم

بس مافي فايده ابدا

مايسكت

وبعدين مايوقف واذا رفع نفسه يطيح

اخاف ريوله فيها شي​