صياح × صياح

[نايس هواوي]

مرحبا ياحلوين ..........
ولدي البكر واه من البكر دايما يصيح موب يبكي يصيح صياح يصحي الميت
عمره الحين 7 سنوات ومتفوق في دراسته وقلبه طيب ينضحك عليه موب ملكع يعني بس صيوح
يقهرني اليوم صحى اهل العماره كلهم على اسباب تافهه ماادري شسوي فيه
انا اعرف انو حساس بس موب لايق ولد حساس وغير كذا اكبر اخوانه
هو عارف انه ضعيف ودايم يقولي يمه وشلون اصير قوي وماعاد اصيح يمه ودي اصير بطل يحزن قلبي عليه اذا قال كذا واحاول ارفع معنوياته بس لازم نرجع لهالحساسيه الزايده
اخر شي طرا علي اني اقوله اني راح اشتري لك قلب اسد وابيك تفطر عليه عشان تصير قوي مثل الاسد يعني شغله نفسيه وبجيب له كبده خروف وافطره عليها يعني تتعزز نفسيته شوي ويحاول يقوي قلبه وش رايكم الله يخليكم ردوا علي تكفووووووووووووووووون ابي اسويها بكره اذا وافقتوني​

 

[نايس هواوي]

افا 10 قراااات ولا احد رد لامؤيد ولا معارض
جزيتم خيرا

 

[&لحظه صمت&]

هههههههههههههههههه
تصدقين فكره حلووه
سويها وعلمينا بالنتاااائج
علشان اقول لاختي ذبحتنا بنتها بالصياااح

 

[بقعة ضوء]

فكرة روووعة

بس كمان جربي معه تنزعلي منه لم يصيح يعني قولي له لا تكلمني اذا بتظل تصيح وانا ازعلم لم تصيح و اتضايق لأن الرجل القوي مايصيح ... ومن هالكلام ..

 

[درة العروس]

اختي الغاليه........
صدقيني ثقة ولدك واحساسه بشخصيته انتي اللي تقدري تساعدينه فيه......يعني لما يقولك انا ماني بطل قولي له لا انت مرره بطل وانا احس انك قوي مره وشجاع ......خليه يثق بنفسه ....عطيه اعمال بسيطه بالبيت يقدر يسويها واذا انجزها قولي له وااو مشاء الله عليك والله انك بطل ....
اذا قام يصيح ...قولي له لا مو معقول البطل يصيح كذه .....
حلو انك قاعده تحاورين ولدك ..بس دايم بالحوار ازرعي فيه انه ولد خطير وانه مافي احسن منه....
والله مره زعلت يوم تقولين انه عارف عن نفسه انه ضعيف ...... ليش من وين جاه هالاحساس انه ضعيف ....
ولازم ابوه يساعدك بهالشي ويزرع فيه الثقه.......
الله يحفظ لك ايه وتشوفينه مثل ماتحبين......

 

[نايس هواوي]

ياهلا بكم والله فرحتوني يوم رديتوا علي الله يجزاكم الجنه
سويت الفكره وعشان مااصير كذابه عنده ولانكم تاخرتوا شوي بالرد توكلت على الله وسويتها بس قلت له اني رحت الىاللحام وقالي ماعندي قلب اسد بس عندي شي يقوي القلب والدم وفيه حديد كثيييييييييييييييييير وهي الكبده ورضى بالفكره وتحمس انو ياكل طبعا موب اول مره ياكل كبده بس استانس عشانها بتقوي قلبه
اول ماجاء من المدرسه صار يعدد الموقف الي صارت له وماصاح فيها او حتى دمعت عيونه
وكل يوم راح اعزز ثقته في نفسه بالكلام الحلو ان شاء الله​

 

[الاموره القموره]

اختـــــــــي لا تنسين تقرأين عليه المعوذات وشــي من القرأن اذا نام
او شغلي المسجل على قران بصوت واطي يمكن عنده قلــق ...وكلام الله يهدي سبحـــان الله
ترى احنا نغفل عن هالشي وهو مهم جــــدا
اتمنى اني افدتك​

 

[نايس هواوي]

الله يجزاك خير اختي الاموره ترى الاموره= القموره
باديه في هالشي ان شاء الله ​