صور لبعض العبايات اللي من تصميمي،، تفضلن ورايكم يهمني

[عشق الإمارات]

انا اصمم عبي وعندي مشغل وحبيت ارويكم بعض من تصاميمي وان شاء الله ينال على اعجابكم


1- هذي العباه الشغل كله يكون على الظهر والأكمام والشيله على طرف واحد،، جدا راقيه فاللبس،، السعر (650درهم)

http://www5.0zz0.com/2009/06/30/09/214717866.jpg

صورة الكم
http://www5.0zz0.com/2009/06/30/09/648103856.jpg

صورة الشيله
http://www5.0zz0.com/2009/06/30/09/232514417.jpg

2- وهذي العباه عباره عن شغل تطريز ذهبي مع أحمر ويتكرز الشغل على الصدر والكم والشيله من طرف واحد،، السعر (600 درهم)

http://www5.0zz0.com/2009/06/30/09/989834333.jpg

الكم
http://www5.0zz0.com/2009/06/30/09/694363077.jpg

الشيله
http://www5.0zz0.com/2009/06/30/09/276267323.jpg

3- العباه هذي عن جد يونيك وحلاتها يوم تكون راصه عاليد من تحت والشغل يكون فقط عالكم والشيله على طرف واحد،، السعر (600 درهم)

http://www5.0zz0.com/2009/06/30/09/162228928.jpg

الشيله
http://www5.0zz0.com/2009/06/30/09/782132027.jpg

4- هذي العباه فخمه اكتفي بعرض صورة الكم فقط خوفا من سرقات الأفكار اللي للأسف حاصله في المنتديات،، وشغل هذي العباه يكون عباره عن كريستالات ولولو اسود على الصدر والظهر والشيله تصلح للأعياد والأعراس،، السعر (850 درهم)

http://www5.0zz0.com/2009/06/30/09/596768126.jpg

5- هذي العباه شغل تطريز باللون الأصفر مع تداخلات الأحمر والأخضر وفصوص سوارفسكي بنفس الوان التطريز وحركة الكم من فوق غريبه وجديده بس وايد حلوه وفيها شغل بعد على الصدر والشيله على طرف واحد،، اكتفي بعرض جزء بسيط من الموديل،، السعر (700 درهم)

http://www5.0zz0.com/2009/06/30/09/157404518.jpg


اكتفي بهذي الصور فقط وعندي موديلات كثيره وافكار جميله،، وأسعاري مميزه وما راح تلقون منها في السوق،، وحياكم الله في موضوعي وارائكم تهمني سواءا كانت بالأعجاب أو بالنقد

وللتواصل على رقم الموبايل 00971508918008
الإمارات​

 

[اجمل شعور]

ما شالله موفقه

 

[برد النسيم]

مشاء الله تبارك الله لديك قدره على التصميم رائعه ولكن لو كانت في غير العبائات يا غاليه لكان

أحسن فالعبائه ما شرعت الا للستر وليس للزينه وفقك الله لما يحب ويرضى...:icon26::icon26:


أخ ــــــتكــ

::برد النسيم::​

 

[سوسيتا 515]

جزاك الله خيرا عندك فن في التصميم ولاكن لو كان في غير العبائه لكان أفضل ....لأن العبائه للستر ...أعيدي النظر دون أهمال هذه المهاره والموهبه ...

 

[الريم100]

ماشاء الله ذوق رايق وموهبة بديعة ، لكن حبيبتي لوصرفتي موهبتك إلى ما يرضي الله ويسرك يوم الحساب ولا يثقل كفة السيئات كتصميم الفساتين الساترة وأزياء الأطفال ؛ لأن العباية للستر وليست للزينة بل لتحجب الزينة تحتها وتخفيها .

 

[> نبض <]

حبيبتي عقبال مانشوفك تصلحين جلابيات تصميمك راائع إلى الأمام ..ياارب
قال تعالى :"ولا تبرجن تبرج الجاهلية الأولى " اللهم اهدي فتيات المسلمين لما تحب وترضى ..

 

[عبقرية منسية]

مثل ماقالوا الخوات العباة للستر ... نتمنى نشوف ملابس سهرة ساترة من ايدك لانها موموجود بالسوق .. موفقة

 

[عشق الإمارات]

شكرا خواتي عالردود وعلى النصيحه،، تصميماتي تصلح لحضور الحفلات والمناسبه النسائيه ولا تصلح للموالات والمجمعات التجاريه لأنها تلفت واللي يحطي عقله في راسه يعرف خلاصه

 

[hassnaag]

تسلم ايدك

 

[عشق الإمارات]

تسلم ايدك

تسلمين حبيبتي

 

[ام عبدالعزيز1]

يسلمو والله يهدي الجميع ويفقك لما يحب ويرضى

 

[صفاء القلب]

ما شاء الله شغلك مميز وحلو
بس لا يشرع الزينه على العبايه
موفقه ولما يرضي الله فأنتي عندك موهبه ما شاء الله

 

[دموع الصمت]

شكرا خواتي عالردود وعلى النصيحه،، تصميماتي تصلح لحضور الحفلات والمناسبه النسائيه ولا تصلح للموالات والمجمعات التجاريه لأنها تلفت واللي يحطي عقله في راسه يعرف خلاصه

اختي الغالية

جميلة هي ابداعاتك لوكانت في حدود الشرع

وكلنا نعلم ان العباءة شرعت للستر وان تكون خاية تماما من الزينة

واخشى عليك اخيتي الغالية ولم تبيني انها لاتصلح وتلفت إلا لأن فيك خير وصلاح

فمن حبي لك
اذكرك ان من سعى لمعصية لها وزره ووزر من عمل بها الى يوم الدين
فما يضمنك عزيزتي الا يخرجن بها الى الرجال
فمجرد خروجها من منزلها وهي ترتديها لابد ان تصادف رجلا مهما كان
فكل رجل ينظر الى لابستها يلحقك اثم بيعها والله اعلى واعلم

واسأل الله لي ولك ولأخواتنا البلقيسات خير الدنيا والآخرة
وان يوفقنا لما يحبه ويرضاه

 

[أم بشوري]

رووووعه العبايات تسلم ايدينك يا عزيزتي
طيب يا بنات ليش سويتوها سالفه
مثال اذا فيه وحده تبغى تلبس العبايه المزركشه
مثلاً في عرس
أوحفله
نفس عبايات اختي الحبيبه
مومشكله تلبس عبايه فوقها عباية راس
وتروح العرس من احلى مايكون وغير كذا ماعصت رب العالمين

 

[أم بشوري]

ارفع الموضوع أب أب أب

 

[ملوووك]

تسلمييييييييييييييييي

 

[نوف الحربي]

روعه:clap:

 

[نوف الحربي]

عشق روعه تصاميمك ومعروفه انها للحفلات الخاصه

لان شكلها واضح ميه بالميه انها مو للمولات ولا اي مكان يكون عام وفيه اختلاط بين الرجال والنساء

فخامتها اعجبتني حيل حيل وان شاء الله بحجز منك قريب بس مدري كم يسوى الدرهم بالريال السعودي

 

[الشقاويه]

اختي الصور كثير صغيره مب واضحه .. يا ليت لو تطرشين الموديلات اللي عندج كلها عشان اقدر اختار خاصة اني مب من الامارات وفعلا والله حابه اتواصل معاج ...


موفقه اختي

 

[رماني]

بالتوفيق حبوبه