صور فاضحه في موبايل البنت

[الكناري]

السلام عليكم ومبارك عليكم الشهر الفضيل
راح ادخل بالموضوع مباشره
جارتي امس مرتني ونفسيتها جدا تعبانه طبعا بعد تهدئتها قلتلها شالقصه فقالت لي بنتي الوسطيه وعمرها 19 سنه تقول اذتني بطريقه لبسها تتعمد تلبس الملابس اللي تبرز جسمها وتضع المكياج اللافت للنظر المهم هي عندها جهاز البلاك بيري ومدمنه عليه .
تقول الام بدون ماتدري بنتي استغليت الفرصه واخذت موبايل البنت وبدأت ابحث فيه وياللهول مارايت!!!!!
رايت بنتي مصوره نفسها وهي عاريه تماما بلقطات جدا فاضحه وعندما واجهتها بالصور قالت جسمي وكيفي وانا احب اصور نفسي
الام تقول مادري شلون اتعامل معاها
افيدونا بالرد بارك الله فيكم

 

[مبتليه بنفسها]

الرد السلييم انها تاخذ منها الموبايل وماتمشي البنت على اللي تبيه البنت وهي بعدها مراهقه ,, انا بقوولج سالفة سمعتي انه بيمنعون الخدمه ( خدمه البلاك بيري ) عدنا في الامارات ترى جهاز البلاك بيري فيه رقابه من الدولة المصنعه يعني اي حرف او اي صورة او اي شي فيه هم يقدرون يوصلون له ،،

وبعد على فكرة بسهووله يقدر الواحد يشل الصور من التلفون بواسطه برنامج سهل ومتوافر فكل محلات التلفونات بس المطلوب البن كود يعني انا اقدر اشوف الصور اللي فجهاز غيري ..

نصيحتي انج تنصحين امها ترى البنت مالها الا شرفها واذا ضاع ،، ضاع كل شي وياه ,,
وهذي مسؤوليه الام لازم ماتغفل عن بنتها .. هذي مسؤولية وبعدين كلنا عندنا تلفونات واجسامنا ماشاء الله عليها وبعد لازم في مغزى انها مصورة جسمها عاري تماماً ( اظن فهمتي علي ))

والله يستر على بنات الجميع ,

 

[honhon]

يالله والله حاجه تعور الراس
بس المفروض الام ماتخلي الموبايل معها وتراقب بنتها زين
المشكله ان البنات بهالوقت يفرضن كلمتهم على الام والام مالها كلمه
يارب تستر على بنات المسلمين

 

[ارامكوا2010]

?????????????????????والله لوانها بنتي كان كسرت راسها بعد قاعدة ترد علي ياسلام وش فايدة تربيتي لها بنات اخر زمن اللهم اصلح بناتنا واهديهم لصراط المستقيم .

 

[رحيق]

عزيزتي سأحولك إلى الإستشارات البناتيه
فقد يفيدوك في التعامل مع البنت
.................​

 

[أحساسي كتلوني]

الله يعينها عليها بس البنت ماتنعطى كل
شي تباه كل شي بحدود

 

[الخواتم]

الله يكون في عونك الموضوع مو سهل زي مانتم متخيلين البنت صغيره وممكن احد قايلها او سامعه من احد عامل الحركه هاذي وحبت تجرب الوالد وينه عن الموضوع قلتي له لان انتي ماتقدرين تسوين حاجه الوقت هذا كل حاجه تخوف وشكل البنت فالته فتحي عيونك عليهم قفلي الابواب قبل ماتنامين ولاتتركين البنات في الاسواق لوحدهم حاولي تروحين معهم او احد عاقل يروح معهم خليك رفيقه لهم اتودعيهم الله

 

[يابعدها سماي]

" ما كان الرفق في شيء إلا زانه، وما نزع من شيء إلا شانه "

بنت ترد مثل ها الرد ما اعتقد القوه تنفع معها لإنها بتعاند اكثر

وجيل الحين التعامل معه ما هو بالقوه ولا بالعنف !

بنت تحتاج الى مراقبه وبنفس الوقت متنفس لعواطفها

لازم تعرف الام صديقاتها وتعرف بنتها وين تروح وين تجي

ومن تكلم << وهذي ضروريه جداً

بس من دون لا تحس البنت

بنفس الوقت من المهم والواجب على الام انها ماتتركت بنتها فريسة الفراغ

يعني تكثر الطلعات والزيارات مع بنتها

ما تتركها ابداً تروح مكان لحالها

تحاول تعرف صديقاتها وتتقرب منهن

ولو ما تتقبل البنت من امها ها الشي << وانا اعتقد ان اللي ترد هذا الرد مستحيل تتقبل تقرب امها لها ابداً لكن تحاول

عليها تكلم احد من اقاربها او اخواتها تتقبل منه بنتها

الجوال من رايي تغيره احسن

والله يعينها ​

 

[نغم الحياة]

والله العضيم لا اعطي ابوها جولها عاد هو يتصرف
ليش وصلت لي هاذي الدرجة وتقول بكيفي الله لا يبتلينا ييارب
ويستر على امها ويعينها

 

[حُ لْ م !]

لا حول ولاقوة الا بالله ..

ما عندها غير انها تاخذ الجوال من بنتها وتمسح اللي فيه

شكلها مالها كلمه على بنتها << يعني اللي تبيه تاخذه << الله يعينها بس

اذا ما نفع معاها تقول لابوها وهو يتصرف معاها اذا كان ابوها شديد

اول شي تهددها انها بتقول لابوها واذا ما سمعت تقوله

البنت بتروح في داهيه اذا تركتها كذا

 

[Q6r..]

اولا الموبايل ينسحب منها وبدون اي اعذار ولا مقدمات

ثانيا ابوها لازم يدري عنها عشان يأدبها شوي ,, اذا مب ابوها اي حد يقدر عليها دام الام مب قادره

ثالثا ,, مهما سوت البنت ,, المفروض الام ماتبين ضعف شخصيتها وعدم قدرتها ع ردع البنت
حتى لو كانت البنت قويه ,, الام لازم تكون اقوى منها حتى لو وصلت المساله للضرب!!

واذا ع اللبس والمكياج فكل البنات هالايام جذي ,, مب الكل البعض
بس الي يسترها عباتها ..

في البيت ,, خلوها تلبس الي تلبسه ,, بس بغرفتها ..

ممم ولو تسون فيها مقلب يكون احسن .. منها تعيش الخوف وتذوقه ومنها تتادب وتحرم ..
يعني تتعاون الام مع اي زميله لها او هي شخصيا وتضيف البنت في جهازها
وتبدا تشوف نوعيه بنتها .. اذا هي لها علاقه بشباب لا سمح الله او غيره ..
وتحاول تستدرجها او انها ترسل اي صوره من موبايل البنت لموبايها وتبدا بطرق التهديد وغيره
وبشرط يدوم هالشي لمده اسبوووع .. واذا الام خايفه ع بنتها ,, فتخليها ايام

جذي البنت بتعرف ان كلام امها كله صح .. من نصايح وسوالف شرف وغيره ..

والله الهادي .. صدقيني البنت الي جذي مايردعها الا الخوف بعينه انها تعيشه وتذوقه يكون تحرم

والافضل انكم ماتقولون لها الصج ,, اقصد مب لازم هي تعرف انكم انتوا الي متفقين ع هالشي
خلوها ع عماها عشان تحرم تسوي هالشي من تصوير واشياء فاضحه ...

 

[شموووخ انسانه]

اولا الموبايل ينسحب منها وبدون اي اعذار ولا مقدمات

ثانيا ابوها لازم يدري عنها عشان يأدبها شوي ,, اذا مب ابوها اي حد يقدر عليها دام الام مب قادره

ثالثا ,, مهما سوت البنت ,, المفروض الام ماتبين ضعف شخصيتها وعدم قدرتها ع ردع البنت
حتى لو كانت البنت قويه ,, الام لازم تكون اقوى منها حتى لو وصلت المساله للضرب!!

واذا ع اللبس والمكياج فكل البنات هالايام جذي ,, مب الكل البعض
بس الي يسترها عباتها ..

في البيت ,, خلوها تلبس الي تلبسه ,, بس بغرفتها ..

ممم ولو تسون فيها مقلب يكون احسن .. منها تعيش الخوف وتذوقه ومنها تتادب وتحرم ..
يعني تتعاون الام مع اي زميله لها او هي شخصيا وتضيف البنت في جهازها
وتبدا تشوف نوعيه بنتها .. اذا هي لها علاقه بشباب لا سمح الله او غيره ..
وتحاول تستدرجها او انها ترسل اي صوره من موبايل البنت لموبايها وتبدا بطرق التهديد وغيره
وبشرط يدوم هالشي لمده اسبوووع .. واذا الام خايفه ع بنتها ,, فتخليها ايام

جذي البنت بتعرف ان كلام امها كله صح .. من نصايح وسوالف شرف وغيره ..

والله الهادي .. صدقيني البنت الي جذي مايردعها الا الخوف بعينه انها تعيشه وتذوقه يكون تحرم

والافضل انكم ماتقولون لها الصج ,, اقصد مب لازم هي تعرف انكم انتوا الي متفقين ع هالشي
خلوها ع عماها عشان تحرم تسوي هالشي من تصوير واشياء فاضحه ...

صادقه والله الله يعطيك القوه والعافيه

 

[الحاااالمه]

نفس الي بقوله قالته اختي قطر لبى قلبها انا معها بكل حرف
مهما كانت لام ضعيفه
بس بصراحه انصدمت في بنات كذا الله يهديهم الى صراط المستقيم يااااااااااااااارب 19 موصغيره

 

[اعلامية طموحة]

اولا يا اختي دورك انتي يبدأ من عند الأم

ماينفع الأم تكون بهذي الشخصية المهترئة والوهنة

قلنا انها مراهقه وعنيده ولسانها طويل بس لكل شي حدود

في بيوت يمكن ماتبعد خمسة امتار عن بيتهم البنت لو فعلت نص هذي الفعلة يمكن انها تضرب حتى الموت

وفي بيتها هي بنتها تقول جسمي وكيفي!!!!

اختي ذكري جارتك بدورها كأم .. وان الضعف في هذي المسئلة اكبر جريمة راح ترتكبها في حياتها

لأن بنت ال19 اليوم صورتها عارية في البلاك بيري وماخفي كان أعظم

كيف بيكون وضعها لما تصير بنت 29 سنة؟؟؟؟ وشو موقف الأم حينها؟

لازم الأم تبدأ بفرض احترامها على بنتها

وتبدأ بتنفيذ العقاب دون هواده مهما علا صوت البنت وترنحت وهددت وتوعدت

توصد عليها الباب وتحرمها من كل هذه الالكترونيات

ولا تتسرع باخبار الأب بل تستفيد منه بورقة تهديد تلوح بها في يدها

أي تقول لها يا تستجيبي للعقاب او اخبر ابوك وهو حر يذبحك كيف يشاء

وتؤكد لها ان تمردها لن يزيد الأمر إلا سوء لذلك لا حل لها سوى الاحترام

قد يأخذ الأمر اسبوع او اكثر لتستوعب البنت شخصية امها لذلك على الام ان تصبر وتتحمل ما قد ينتج من تمرد البنت

بعد أم تهدأ البنت وتستوعب ان الأم مصره على عقابها تبدأ في مرحلة اخرى


لكن اتمنىى ان توصلي المرحلة الأولى للأم ونرى ردة فعلها هل هي مستعده لان تتغير لمصلحة ابنتها

لأن التغيير لن يحدث بين يوم وليلة

ونحن لا نملك عصا سحرية للتغيير

لان التغيير يحتاج لوقت وجهد

نتمنى ان تتواصلا معنا

أسأل الله ان يسدد خطى هذه الأم ويهدي ابنتها وسائر بنات المسلمين​

 

[Ms.RoZa]

مثل ماقالت إعلاميه طموحه .. واضح ان البنت دايسه ع شخصية الماما بقوووه
حلوه هذي اجل تحط شرف وسمعة اهلها بالارض ثم تقول جسمي وبكيفي ..
والام بكل بلاهه تجي لجارتها تسألها وش اسوي !! ..

بنت قليلة ادب ياختي وش بتسوين معاها غير تكسريها ضرب ؟
اذا ما انضربت بهالفعل المشين اجل متى تنضرب ان شاءالله ؟ لاحملت !!

الله المستعان بس

 

[سحابه غلاا]

الله يعين هالام المسكييينه ويصببره
اختي ماافيه الى تااخذوون الجواال منه لان موو لاازم اهي تررسلهن فيه برناامج يااخذ كل ماافي الجواال <البلاكـ >واهي قااعد بيته ومااتدرري


دعوواتك لي بدواام التووفقييق ...

 

[الكناري]

شكرا حبيباتي على ردودكم وعلى انفعالاتكم
وراح اقولكم اللي صار مع جارتي اولا قطعت خدمه البلاك بيري عن البنت
ثانيا شرطت على بنتها ان ماتطلع الا معاها
ثالثا : قالت لها ان الصور في الفلاش ميموري بالصور الام حافظتهم في الخزينه
واي حركه من قبل البنت راح تخبر اباها
بس البنت ذكيه فتحاول تتصرف هاليومين بحذر امام الام
ما اقول غير الله يهيدها

 

[اعلامية طموحة]

اي طبعا بتكون ذكية​

لكن بشري جارتك للمرأة كيد اقوى من كيد الشيطان ​

وكيد بنتها من الشيطان يعني من الأقوى؟؟؟؟​

خل تستخدم كل قوتها لحماية بنتها وتأديبها​

من بعد فترة تعطيها مساحة محدوده لتكسبها في صفها

يعني تلبيلها طلب تطلبه من زمان

تشتريلها حاجات خاطرها فيه

تطبخلها شي تحبه

بس لاتليييييييييييييين

الموضوع يحتاج صبر وحيله

بس النتائج بأذن الله تكون في صالحها

​

 

[اعلامية طموحة]

والشي الأهم

تنزل عليهااقسى انواع العقوبات المتاحة اذا كسرت القانون الجديد

اول مره تكسر القانون تعاقبها على طول من دون تردد

لان البنت اكيد اكيد بتختبر جدية امها خاصة اذا كانت امها متعوده عليها انها ضعيفة فتتحذر من الحين

ويالله ننتظر الاخبار الطيبة​

 

[همسني الشوق]

احسن شي تاخذراي استشاري تربيه
والله يهديه وبنااات المسلمين