صورة عشيقته ما تفارقني

الله يعينج ويصبرج..الصراحه شي صعب وحاسه بلي قاعده تمرين فيه..بس انا اشوف انج الحين بعد مارستيله الصور ارسلي الفيديو بعد ....وشوفي ايش راح يصير شنو ردة فعله وانتي لاتسرعين بأي قرار نطري شوفي هو شنو بسوي لازم تأدبينه قبل كل شي حسسيه انه راح يخسرج ...طبعا صدي عنه قد ماتقدرين يعني لا اتصال ولا مسجات ترى الحقرااااااااااان يذبح بموته من القهر وهالوقت الي تعرفين اذا هو شاريج ولا لأ....بس لاتقولين حق حد السالفه يعني اذا حد اسئلج قولي روحوا اسئلوا هو شوفوا شنو يقول يعني لاتفضيحنه ولا تسترين على الموضوع عشان مايتقوا عليج لان حتى لو اسئلوا شنو راح يقول......؟؟؟؟؟؟ مايقدر يقول اي شي بس جذي انتي راح تخوفينه وتحسسينه بغلطته عدل
 
سبحان الله مافي أحد مرتاح في هذي الدنيا الله يكون في عونا يابلقيسات والله يفرجها عليج أخت ورود
 
الله يعينك اختي

خلي موقفك حاسم هذه المرة

لكن شيلي موضوع الطلاق من بالك ...انت ا لان في وضع ما يسمح لك تتأخذي قرار مصيري يخص حياتك و حياة ابناءك

ربي يعينك
 
اذا كان الصوره والفيديو انتي شفتيه بالصدفه فاحتسبي امرج لله سبحانه وتعالى اولا وثانيا ثبتي على موقفج علشان يحس انج مو عبيطه تسامحين حتى لو على اكبر خطء
اما اذا كان الصورة والفيديو احد باعثهم لج فهذا الشخص يبي يدمر حياتج وبيتج
استعيني بالله والله كريم ورددي
"اللهم اجرني في مصيبتي واخلف لي خير منها"
 
هلا خواتي...

انا الصور لقيتهم في موبايله ومصورهم قبل تقريبا اسبوع
يعني بعد ما تكلمنا وتراضينا بيومين يعني ماله عذر ابدا

انا ما ادري شو السبب في خيانته انا دايما الوم نفسي اقول انني السبب يمكن
مقصره عليه لكنه هو ابدا ما يرد البيت الا وهو تعبان وايد بس للنوم وهذا بعد
ما يكون متغيب ليومين وثلاثه عن البيت

ومرات احس انه هو شخصيته جي يعني عينه زايغه ويحب الحريم وضعيف جدام الشيطان

لا تقولون غيري طريقتج وياه بما انج تحسين انه السبب منج
انا حاولت بس احسه نفس الشي يعني هو احسه بوجهين يعني جدامي المحب الولهان
لكن في نفس الوقت يخوني ( من تاريخ الصور اللي في الموبايل )
هذا اللي قاهرني يعني احس بتكون معاناتي ابديه معاه

ما ادري كيف بعيش وياه يعني بكون على اعصابي طول الوقت مهما تاب والا لا
باحسه طول الوقت يمثل علي

بنات قولولي شو الحل انا الحين هددته بالطلاق واني ما ابي ارجع له
بعد اللي شفته بس انا ما خبرت اهلنا بالسبب الحقيقي بس بيني وبينه عشان يخاف ويتأدب
بس ابي أسألكم شو الخطوه الثانيه
يعني شو اسوي والا اقول عشان يحس بغلطته ولا يكررها
وفي نفس الوقت ما يفكر اني ضعفت لاني رديتله عشان العيال ( تفكير الاهل من الجانبين )


​
 
الله يهديه لاتياسي اختي العزيزة انما العسر يسرا شوفي احد الى يعزهم ويحترم رايهم وقولى لهم عن احوالك مثل اخوه او اخوك لاتخافي يمكن يستحي منهم وينصلح حاله انتى جربي والله ييسر امرك
 
زوجج حبيبتي شمالي والاجنوبي لازم تعرفين شخصيته شنو وبعدين تعدين الخطه لمواجهته اقري قصص ناعمه ولازم تعرفين شخصيته عدل واقري اسرار العشيقات في قصص ناعمه واكثري من الاستغفار تراه من عجائب قدرة الله والله يرده لك ردا جميلا واخبرينا بالتطورات دعواتنا لك ياختي
 
لا حول ولا قوة الا بلله يمكن هو متزوججنج رضا اهله فقط ليس بقناعته هو ولا قناعه انه يحرم نفسه من عشيقات او بلاوي خلاص عنده مسووليه

لكن انه يصوره شخص ثاالث اسمحيلي هذا الله يبليج منه بمرض هو جرحج جرح كبير
وعشيقته وكل الاشيا هاي صح بيندم بيرد لك وبيتركها بس شو عقبه
العلاقه الزوجيه اساسها التفاهم والكرامه بين الاثنين حتى لو صديقه مع صديقته ما ترضى تودره على طول لو كشفت فقط نظره فمابلج زوجه له تعاهده على الصدق والوفا وهو عزج الله ويا بنات الشوارع

ماقدر اقولج اطلقي اقدر اقولج صلي الاستخاره الله ما يفضح عباده الا اذا في شي

صلي الاستخاره واذا تطلقتي ما بتموتين الله يرزقج بولد الحلال اللي احسن عنه بس لا تخلين الدليل عليج عطي اهلج الدليل القاطع او اقطعيه فتره وشوفي ردة فعله هذا سار بيت الله ولا استغفر رد حلفتك انتي شو
 
مرحبا خواتي....

انا اشكركم لردودكم معاه وتعاطفكم

انا شخصية زوجي جنوبي غربي
وانا جنوبيه شرقيه

انا حاولت اني اتعامل معاه على اساس شخصيته
وحاولت اني استوعب اسباب خيانته
بس انا توصلت في النهايه انه هذه شخصيته انه ما يصبر عن الحريم والخيانه

الحين هو برع البيت لاني فهمت اهلي واهله اني ما ابي يرجع للبيت وهو كلم ابوي
مره واحدة بس انا ما طعت اني اتفاهم معاه وحسسته اني زعلانه وايد من اللي سواه

هو يطرشلي مسجات يقول اني فاهمه الموضوع غلط وفي نفس الوقت
يقولي هذه الصور قديمه واني تبت لله وهذا بيني وبين ربي وان شاء الله بيغفرلي
بس يقولي اني استغفر الله بعد بسبب اني تجسست عليه وتدخلت في خصوصياته
( شوفوا العدل ) يقارن اخطاءه بأخطائي

بنات ابي أسألكم كيف الحين اتعامل وياه يعني شو اسوي اذا رجع يبي التفاهم
على اساس شخصيته الجنوبيه ؟ كيف اخليه يخاف ويتأدب وخصوصا اني ابيه
يتكلم جدام الاهل بس بدون ما افضحه وفي نفس الوقت يخاف اني اقول اللي شفته؟؟
( يعني امسكه من ايده اللي توجعه ) ويكون هذا لصالحي؟

اتمنى انكم فهمتوني ....




​
 
هلا اختي طرايف...

بالعكس هو متزوجني برضاه وهو يحبني وايد
وصبر وايد وما تزوج لين وافقت عليه
وهو مثل ما قلت ولد عمي يعني كل الاهل موافقين عليه
​
 
غاليتي

الامر ليس بالسهل ابدا عزيزتي .......

ولكن اذا بحثتي جيدا في جوانبك عن بقايا محبة وبوادر مسامحة انصحك حينها بالاستشارة الاسرية لكي لا تتركيه

فريسة سهلة لبنات الحرام ......... خاصة بعد ذلك المطب العصيب في علاقتكم .........


موفقة غاليتي
 
حبيبتي ماادري شقولج...

دامج وصلتي للتهديد وهو خايف...اممممم ماادري انتي الحين قريتي عن شخصيته

صح؟؟!!

ابتدي تعاملي على اساسها هو جنوبي غربي يعني مايروح بعيد...لازم قبل لاتفكرين تغيرينه

غيري نفسج مااقولج البسي وتعدلي لااا غيري شخصيتج اللي هو حافظها المسكينه اللي

تدري عقب ترضى بسرعه لااااااااا...وبيني له اذا فكرتي ترجعين وتسامحين عشان العيال

اماا هو خليها للوقت...لين يثبت لك..انه صج تغير..

غيري اسلوبك خليك مهتمه في نفسك لنفسك مو له بيني له عندك اللي يشغلك مو هو كل حياتك

هو مجرد جزء من حياتك لا اكثر...شوفي ايش اغلاطك معاه وصححيها للاحسن..

يمكن هو مسكين ترى الريال ضعيف عند اللي بالي بالك..يعني صدقيني لو تنشفينه بذيك

الشغله وتعلمي فن الجماع وعندج كم موضوع بيفيدونج في قسم اللاستشارات الجنسية

صدقيني لو يطلع من البيت ويشوف ام الاغراء مايتحرك فيه شيء لان الاخ نشف ع الآخر:shiny:...

انصحج تقرين قصة برود ومطر <<نفس الزوج يحب الحريم وشوفي كيف قدرت تتعامل معاه

مااقولج نسخه سوي نفسها لا بس خذي العبره تقدرين تعرفين شاللي يصلح لزوجج..

وقلبي معاااااااااااج..لاتستعجلين وقولي له عطني وقت أفكر...!!

وخلج قويه وبيني له ان الطلاق مايهمك ولايهزك بالعكس انا بشوف حياتي وبخلي عيالك لك

ليش ادفن نفسي معاك وعشانك انت اش سويت لي؟؟؟!!

خلي يحس انك ماتحتاجينه هو اللي يحتاجك...يبي يلعب العب بس مو معاي ...

فهمتي علي..والله يوفقج..ونبي نسمع اخبارج..
 
يعني الواحد المفروض يستر على روحه عشان الله يستر عليه
مو يخلي دليل خيانته جدام زوجته كأنه يبيها تكتشف
الله معاج و يعينج انشالله اختي العزيزه
 
لاحول ولاقوة الا بالله ,,,,
الله يصبرك اختي وان شاء الله يتوب من بعدها ..
بصراحه مو قادره استوعب !!! ليه الشباب معظمه كذا !!!
كلميه عن الامراض اللي تجي من وراهم قولي له قصص عن الايدز خليه يخاف
الله يبعد عنكم كل مكروه بس لازم يرتدع لازم
الله يصبرك
 
اعتقد لو تسالي الله الفرج ثم تستشيري الدكتوره ناعمه افظل
 
الخيانه نفس الطعنه في الظهر والله مؤلمه جدا جدا
الله لا ايذوقها انسان
يا اختي لا تسكتين عن حقج ادبيه علميه ان الله حق
ولا اتحاولين اتفسرين الخيانه على انها صارت بسبب تقصير منج
هو السبب الاول والاخير
هذا ابتلاء من رب العالمين ارجعي الى الله اولا واخرا والله حاسه بالالم اللي في قلبج حبيبتي
والقهر حتى لو عدى الموضوع على خير وانحلت الامور الخاين اينام مرتاح وايغط في نوم عميق
لكن الشخص اللي انخان عينه ما تذوق النوم وايظل حامل هذي الذكرى المريره حتى الموت

فعلا الخيانه مؤلمه
الله ايعينج يا اختي واعرفي ان الله ما بيضيع حقج ولا تفكرين في شي غير كيف تنتقمين لكرامتج
لانج لو سامحتيه بدون استرجاع كرامتج بتعيشين طول عمرج ندمانه
طمنينا عنج حبيبتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل