صمت الازواج

[وردة الشرق]

سؤال يحيرني، و اظن انه يحير كل امراه متزوجه

كيف نتصرف ازاء صمت الازواج؟

بعض الاراء تقول شاركيه اهتمامته وابدئي بالتحدث عما يحب و سوف يبادلك الحديث
لكني لا اتصور ذلك!

ما هو الحل الافضل لفتح باب الحديث مع الزوج؟

و كيف اجعله صديقي

 

[صــدى الصمـت]

الله يعينك يالغلا

من ناحيتي انا فضلت الصمت وان سالني رديت لقيته احسن حل لي :sadwalk:

ان شاء الله البنات مايقصرون معاج بالرد

 

[om.ahmad]

رد : صمت الازواج

طاعي شوه هوه يحب.. فيه ريايل..يحبوون يتكلموون عن الكوره..
وفيه..ريال..يحبوون يتكلموون عن البورصه..
شوفي ريلج في شوه يحب يتكلم ويطول يوم يتكلم عنه عندج..

أنا عني..يتكلم عن البورصه..ويعيدلي السالفه أكثر من مره....أحيان أمل..

جربي تلعبين معه أي لعبه..مثل ورقه.. وفيه ألعاب حق الأزواج..البنات يبيعوونها هنيه في النت..جربي..

وأن شاء الله أخاتي يساعدوونج أكثر..

 

[القلب الكبير]

رد : صمت الازواج

تفضلي هذا الرابط

http://www.uaebalqees.com/vb/showthread.php?t=374

 

[CUTE ANGEL]

في البدايه اعرفي شو أطباع زوجج
يعني في بعض الازواج لما يكونون متضايقين من شي ما يحبون يتكلمون مع احد الين يهدون بس بعضهم يحبون يفضفضون و هم معصبين في حزتها
في بعض الاحيان يكون الزوج مرتااااااح و مستانس و مزاجه راااااايق هاتيله سوالف حلوه و فرحه مب نكد و هم ولا تحشين في الناس ولا تييبين طاري الناس و الكلام عن مشاكل الناس لان الرياييل بعادتهم ما يحبون هالسوالف و اصلا حرام حرام حرام
كوني بكلامج رومانسيه و مش رومانسيه يعني كوني رقيقه و لطيفه بكلامج ولا تصيري دفشه في مصطلحاتج و أسلوبج و بنفس الوقت لا تكوني 24 ساعه رومانسيه وااااايد لأنه بيمل و بيطفر يعني خليه يتشوق لهالإحساس الرومانسي لا تزوديها

 

[Nonaya]

اهلين حبيبتي
انا فاهمه عليك كوني مريت بالتجربه هذي من قبل
والحمد لله بعد جهد وصبر تغير والحمد لله
وصرنا نتشارك في اي شي ونسولف لبعضنا
انا كان كل مااكلمه عن اي شي ماينصت بس يحب يقلب
في قنوات الاخبار ومن اخبار لاخبار مايمل
وانا ماكنت احبها كثير
بس حاولت اكلمه فيها اسمع وياه ,, استفسر عن اي شي موفاهمته
لين فعلا صرت احبها ونتكلم فيها على طووول
وطبعا من حبه فيها يحب يتكلم كثير
وبعدين صرت اتكلم معاه بطريقه وديه
اقول له حبيبي ودي نتكلم عن كذا شرايك اسوي كذا؟
واقول له على بعض المشاكل اللي في الدراسه معاي
وشوي شوي اليييييييييين صرت اقول له اي شي
وهو يققول لي اي شي
بس حبيت انبهك لنقطه ومعلومه انا قريتها
واستفدت منها
ان الرجل مايقدر يركز على شيئين في وقت واحد
وان لما كان يطالع الاخبار اكلمه ومايرد وانقهر
وساعات اسويها مشكله
بس بعد ماعرفت صرت استنى يخلص واقوم اتدلع عليه
عشان يسمعني
اقول له مو مهم تقول رايك بس اسمعني
والله يوفقك