صفحة فضفضة للبنات .. والأمهات .. فقط ...

رجعت لك يا بنية ة أمك ..

انا قعدت أفكر بالم ضوع اللي قلتيه
بقيت يمكن قصدهم ان شراء السيارة للولد يكون مرة وحدة
مو مثل الفساتين وشغلات البنات اللي تتكرر دايما
يعني البنات عندهم مناسبات كثيرة يحبون يكشخون فيها ودايما كشختهم تكلف أكثر من الولد ..
وكذلك السيارة للولد راح يخدم فيها أهله يعني ماراح تصير له لوحده بس ..

وتصدقين ان سؤالك هذا حل لي اشكال وريحني
لأني كنت أفكر أقول في نفسي : الحين البنات مصاريفهم أكثر من الأولاد في الاعياد والمناسبات وغيرها
لكن احس الحين ارتحت لما تذكرت السيارة والمصاريف الجانبية
وبكذا ان شاء الله يكون تحقق العدل بين الاولاد والبنات ..

وارجو يكون توضيحي للمسأله مفيد للجميع

وحياك الله يا بنيتي في اي سؤال ..**
 
قرأت مشكلتك بنيتي
وارجو ان تطلعي على الحلول التي في هذا الموضوع
واقرئيه بتركيز من بدايته
اسال الله ان يصلح احوالكم ويوفقكم لما فيه الخير
 
موووووضوع مررررررررره حلو استفدت منه كثير

يعطيك العافيه ع الطرح
 
هلا بك بنتي بيننا ...طيب كيف الام تصير صديقة بنتها .... وأكثر البنات بهالوقت مشغولات بالنت والجوال ؟؟؟؟؟ واذا أمها طلبت منها تقعد معاها يكون الجوال بيدها والا الآيباد والا اللاب توب ؟ ؟؟؟ واذا قالوا لها قعدي معانا تقعد على نار ؟؟؟؟؟ و اذا طلبت منها امها تساعدها في شغل البيت اما ما تسويه زين ، او تسويه من غير نفس ،، او تأجل وتسوف لما تزهق الأم وتكره تطلب منها شي ؟؟؟؟؟كيف يا بناتي تتقرب الأم من بنتها وتصير صديقتها وهي ما تلقاها ؟؟؟
 
الاخت صرقعه من ذوقك وحلاوت كلامك عن امك تمنيت اني اكون امك حتى بنتي تكون زيك
ماشاء الله تبارك الله الله يتمم عليكم يارب
 
اعجبني موضوعكم وكل عام وانتم بخير وخاصه زهور الريف الله يوفقك على هالقلب الكبير

نصيحه للامهات دافعي عن اولادك بكذا بيشعرون بحبك لهم وثانيا ناقشيهم بكل شي اللي يعجبك واللي مايعجبك

انا امي الله يهديها تحب مره السوالف معي بس عن مشاكلها ومشاكل ابوي لاني اعطيها حلول واتفاعل معها بس اذا تكلمت عن مشاكلي تسحب علي اما تصرف الموضوع او تسكت وتناظرني ولا كاني اتكلم ولا تناقش ابد تتهرب بشكل فضيع ولما اقول لها ابتكلم عن هالموضوع تقول انتي حقود وماتنسين ودايم ماتردد انك حقود حتي بجد حقدت عليها مع انها هي اللي ماتنسى في مواضيع صارت من ٨ سنين وللحين ترددها وما تشكر ابد الله يهديها اخواني صاروا تجاهلونها لو يذبحون ارواحهم لا يمكن تشكر احد تحسه عيب واخرها قبل كم يوم تهاوشت مع اخوي هوشه كبيره قالها انا اعطيك كل فلوسي واخدمك ولا عمرك قلتي شكرا وتقول انا ما احب اشكر احد مو لازم اشكركم!!!

اللحين كل من في البيت متجاهلها قبل كنت انا اسولف معها وامشي وقتها اللحين تركتها خلاص بعد الجروح اللي سوتها وصرت رسميه معها السلام كيف الحال بس صرت ارحمها احسهاااااااااا مللللللللللللللللت مره ومع اني ما قاطعتها زي ماكنت مقرره يعني نسولف اكلمها لا كن مو زي ماتعودت اني اقصلها عن صديقاتي وتفضفض لي مشاكلها لا من بعيد لبعيد وصارت دايم تقولي ابوريك على هالجفاء ولقيتها مره تصيح تقول انا عطيتكم فلوسي واخر شي تركتون للاسف كل الحياه عندها فلوس وياليتها جد خصصتنا بفلوسها امي حتى اعدائها تعطيهم فلوس هي طبعها كذا كريمه ورحمتها بذاك اليوم وتعاطفت معها وصرت احاكيها زي قبل واحسها فرحت وبدت تفضفض بس من بكره رجعت تدعي وتتلفظ بالفاظ مزعجه ورجعت انا لتجاهلي لها واحيانا اسولف لها وكذا بس مو زي اول وهي تبي زي قبل بس انا خلااااااص طلعت من قلبي للاسف

وصرت احس بالانتصار وبنفس الوقت بالضييييقه لاني خايفه من النار والعقوق انا ما عمري شفت ام واب محيرين بكل شي مثلهم

انا بفضفض لكم دايم وانتم استفيدوا من مشاكلي بحياتكم والله يوفقكم
 
السلام عليكم انا عندى بنت 4 سنوات شايله همها من الحين احترت فى طريقه تربيتها احيانا اقول بخليها قويه تاخذ حقها من الدنيا واخليها تحب نفسها اكثر من اى شى ثانى بس ارجع واقول اخاف تطلع قويه وماترحم احد واحيانا اقول ابي اربيها مثل اهلنا على البرائه والحب والتضحيه بس اقول اخاف تحب الناس اكثر من نفسها وتكون ضعيفه ويضيع حقها بس الشى الى ماحتلات فيه انى اربيها على مخافه الله



تتوقعو ايش الطريقه الصح الى تربى بنتك عليها بحيث تاخذ حقها وماتضلم 000تكون حنونه وطيبه بس مو ساذجه
 

فعلا ما في مثل الأم ... !

(( شريان الحياة )) ..

يا رب أحفظ لنا أمهاتنا ومتعهن بالصحة والعافية .. وأقر عيوننا بهن وأقر عيونهن بنا ..

وارحم من مات منهن , واجعل الفردوس الأعلى مثواهن ومثوى أحبتنا ممن سبقونا إلى الدار الآخرة , ومثوانا إذا صرنا إلى ما صاروا إليه ..

(( جزاك الله خير .. موضوع في الصميم ))
 
في شي احب اضيفه ان بعض الامهات من التزامهم ومحافظتهم على ابنائهم
ما يخلونهم يشغلون اغاني ولا يسمعونها ابدا وهذا شي طيب
بس اللي مو طيب انها ما تربي فيهم الخوف من الله ومراقبته في السر
يطالع امه ما هي موجوده ابوه في العمل يفتح اللي يبي
وبدون مراقبة
اشكرك اختي على الموضوع الاكثر من رائع
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل