ودي أفتح هذي الصفحة للفضفضة وبصراحة معكن يا بنياتي ..
ماهي الطريقة المناسبة لتكون الأم قريبة من بناتها ؟**
وماذا تتمنين من أمك أن تفعل من أجلك ؟
وما الأشياء التي تضايقك من أمك ولا تستطيعين أن تخبريها بها ؟ ولماذا ؟
أي شي في خاطرك ... أي شيء .... ( سلبي ) أو ( إيجابي) في علاقتك مع والدتك أكتبيه لنا هنا ..
وكذلك من كانت لها تجربة ناجحة في علاقتها مع والدتها تكتبها لنا لنستفيد جميعا .
بانتظاركم **بناتي الحبيبات .. وقلبي مفتوح لكن....... بكل الحب .....
وخواتي الأمهات الغاليات ... ما نستغني عن مداخلاتكن القيمة ....**
أعجبني جدا قربك من أبنائك واهتمامك بهم وخاصة اجتماع مناقشة أمور الصلاة وهذا من توفيق الله لك والمفروض يكون موجود في كل بيوت المسلمين لأن من صلحت صلاته صلحت حياته وفاز في الدنيا والآخرة ..
طيب ممكن بعض الأسئلة أختي لزيادة الفائدة :
- كم أعمار أبنائك أوفي أي المراحل الدراسية ؟
- هذي الطرق الناجحة في التربية كيف تعلمتيها ؟ يعني هل كانت موجودة في بيت أهلك أو تعلمتيها من القراءة و الاطلاع ؟
- ممكن تضربين لنا بعض الأمثلة العملية علي على بعض المواقف مع أبنائك ؟
- اي يوم الذي حددتيه لاجتماعكم مع بعض وكيف تكون جلستكم ؟ يعني هل محددة بمكان و طريقة معينة ؟
وجزاك الله خيرا على هذه المشاركة التي أسعدتني جدا جدا وأسأل الله أن يبارك لكم وعليكم وأن يقضي دينكم ويوسع رزقكم وييسر أمور ولادتك ..
والدليل انك تسألين عن الطريقة اللي تريدين بر أمك بها وقربك منها ..
طيب حبيبتي بقول لك شيء مهم .. أو : قاعدة عاااامة .. لكسب قلوب الناس سمعتها في احد الدورات التدريبية :
يقول المدرب : إذا أراد الصياد أن يصيد سمكة . ماذا يفعل ؟
يرمي السنارة وفيها طُعم .. صح ؟
طيب : هل يصلح ان يكون الطعم هذا من طعامنا نحن البشر ؟
لا طبعا .. لان السمكة لن تلتفت له ..
وانما يضع لها الطُعم الذي تحبه
بل ، وحتى انواع الاسماك المختلفة يختلف نوع الطعم المناسب لها حسب نوعها !
سبحان الله
يعني اذا يبغى يصيد سمك بوري لا يصلح ان يضع الطعم الخاص بسمك الهامور ... مثلا ..
يعني انتي تقربي من الوالدة وشوفي ايش هي الاشياء اللي تحبها ،، وسويها ..
وايش الاشياء اللي تضايقها .. وابتعدي عنها ..
شفتي كيف الحل سهل ..
واذا فيه اشياء الوالدة تطلبها منك وانتي ما تحبيها .. هنا يتضح برك وحبك لها .. لما تسوي لها الشي اللي هي بتغاه مع انك ما تحبيه ،، او يكون شي متعب بالنسبة لك لكن انتي تقومي وتضغطي على نفسك وتسويه علشانها ... اكيد هذا شي عظيم عند الله سبحانه .. وتأكدي انها بترضى عنك .. يمكن في البداية ما تنتبه لك .. لكن معليش بر الام يستاهل انك تتعبي وتضغطي على نفسك عشان رضاها .. لان الله سبحانه قال لنا :" واخفض لهما جناح الذل من الرحمة " شفتي كيف : الذل . الوالدين يستاهلون اننا نذل لهم عشان ربي يرضى عنا ..
ثم يقول تعالى :" وقل رب ارحمهما كما ربياني صغيرا " ثم لا نترك الدعاء للوالدين بالرحمة والمغفرة ..وان يرزقنا برهما ورضاهما عنا ..
ولا تنسي القرب من الله بأداء الفرائض والسنن والبعد عن المعاصي وكثرة الاستغفار .
الموضوع يحتاج شوية صبر بس يا الغالية .. وبتشوفين كيف الوالدة بتتغير معاملتها لك الى الأحسن باذن الله وراح تشوفين السعادة والرضى اللي تتمنينه .
مشكوره موضوعك حلو
عندي مشكله ياليت تقدرون تحلونه
طيب اخوي الصغير عمره 7 سنوات يحب يقلد الكبار بشكل جنوني<<< لانه اخر العنقود
تخيلي يتمنى تطلع له لحيه مثل اخوي الكبير ويسوق سياره ويتلفظ احيانا بكلمات قذره يحس انه رجال ويستقوي علا الي اكبر منه وغيوووور بشده وخصوصا
اذا حبيت احد من اطفال العايله لاني قريبه مره له وبس اتمنى يعيش طفولته مثل الاطفال ويكون مؤدب ؟
وبس ياليت يكون عندكم حل ؟ بعد الله سبحانه مغير الاحوال
وآآآآآآآآآو ..موضوووع خطييير ..من جد نحتااج مواضيح مثل ككذااا ..
مشكوورة"زهوور الرييف"الله يوفقك ويسعدك ويرزقك بر اولادك وصلاحهم جميعهم ياارب..
اختي :"الجروح"::
مــآشــآء الله بااين علييك انساانه مثقفه وأم نآآجحه ..اعجبني كلامك كثيييير ..
ان شاءالله اذا الله عطاني عمر وصرت ام بتذكر كلامك كووويس...مشكووورة وماقصررتي ربي يسععدك ويخليك ..
بصرااحه قريت الموضوع هذا قبل وفكرت اكتب عن امي .. بس امس هاوشتني ومن كلامها عرفت وتأكدت انهاا حآآآلة ميئوس منهااااااااااا...
الله يعيني عليهاااا يااااااااارب...من جد عندي حالة مستعصية...
مشكوووووووووورة زهوور الريف والجرووح
وبصراحه كلالالالالاكم مرا حلو وجزاكن الله خير والموضووع جزااكم الله خير
وانا بعد حبيت افضفض معاااكم ^^ ومشكلتي الحين هي
ابوي بصراحه يعني بعض الاحيان يقهرني يعني كل مانتفرج يقوول
حطو ع العربيه ومايخلي احنا نتفرج وربي انه يقهر مع انه طيب وحنوون
بس مادري ايش فيه هذي الاياام يمكن عشاانه تعباان يسوي فيني كذا
وربي انو بعض الاحياان يواصل معنا وكل مايجي اكره اقوول بنفسي ياربي هذا
الحين يقول حطوه ع العربيه واقول عسى هالعربيه تخرب وربي انقهر منه واقول
متى ابوي يرجع مثل اوول ابوي الطيب اللي يخلي الواحد على رااحته
بليييييز بناااات سااعدووني وهو الحين ماادري احسه متحسن شوي من التعب
لانه مزكم وبليييييز ادعوله بالشفاااء العااجل ويمكن مع المرض يعصب ..
يارب تشفي لبابا اللهم اميييييين..
الله يسعدك أختي الجروح ويبارك فيك يارب وأسأل الله أن يجعلني كما قلتِ .
وبالنسبة لزوجك أسأل الله له الشفاء والعافية وأن يطيل عمره على طاعته ..
بالنسبة لبعده في مسألة تربية الأبناء ، فكثير من الآباء مع الأسف بعيدين عن أبنائهم والأم يقع عليها العبء الأكبر في التربية والمتابعه .
والحمد لله أن هذه صفاته وأنه يشجعك ويشد من أزرك وهذا يكفي ويعتبر متابعه ومشاركة منه وهي نعمة عظيمة أسأل الله أن يديمها عليكم .
وأتذكر أني قرأت مرة أن كثير من العظماء كانوا يتامى الأباء .
وكان الفضل في نجاحهم **يرجع بعد الله تعالى لأمهاتهم ، فالامام أحمد بن حنبل رحمه الله لما كان صغيرا ، كانت أمه تأخذه إلى صلاة الفجر وتجلس في الخارج تنتظره حتى يتنتهي الصلاة .. سبحان الله .. يالها من أم !
فلم يخيب الله مسعاها وجعل ابنها إماما يتدارس المسلمون كتبه وينهلون من علمه ويترحمون عليه الى أن يشاء الله تعالى ..
وأوصيك أخيتي بأن تستمري على منهجك في تربية أبناءك وخااااااصة الحلقة الاسبوعية فهي مهمة جدا ولا تتنازلي عنها او تسمحي لأحد أبناءك بالتخلف عن الحضور مهما كانت الظروف لأني وقعت في هذا الخطأ مع الاسف ، صارت لي ظروف فأوقفت الحلقة مع ابنائي واستمر التوقف لعدة سنوات ما انتبهت الا وقد كبروا .. والآن أحاول أن أعيدها مرة أخرى ولم أفلح ...
شكرا لك أختي مرة أخرى على المتابعه والاهتمام وافادتنا بخبراتك التربوية وأسأل الله لكم التوفيق لما يحب ويرضى .**
طيب مو احنا اتفقنا أن نشوف الأشياء اللي تضايق الوالدة عشان تبتعدي عنها ؟
الحين هي أكيد تتضايق لما تقولي لها : اعدلي !
فالحين لازم هذي الكلمة ما تقولينها مرة ثانية .. طيب حبيبتي ؟
وأبغاك ضرووووووري تجيبي ورقة وقلم وتكتبي الاشياء اللي تحبها الوالدة منك .. والاشياء اللي تضايقها ... ولاااازم تطبقين الاشياء اللي قلت لك عليها في ردي السابق. .. وراح تشوفين الفرق والتحسن في علاقتكم وبتدعين لي حتى لو عقب فترة باذن الله ( وانا ترى أتكلم من واقع تجربة شخصية مو مجرد كلام يكتب ويقرأ .. انا صارت لي ظروف مشابهه مع أمي الله يحفظها ويطول عمرها على طاعته .. وكنت أحاول بكل طريقة أرضيها وكانت دايما زعلانة مني، لما اكتشفت اني كنت اراضيها على طريقتي انا وفهمي القاصر ! لكن لما سويت هالطريقة اللي شرحتها لك وصرت أركز على الاشياء اللي تحبها وأبتعد عن الاشياء اللي تضايقها والله تغيرت علاقتنا وتحسنت بدرجة كبيرة ، وصرت أشوف علامات الرضى عليها وأسمع الدعوات الحلوة منها .. صحيح لابد من المشاكل والاختلاف ، لكن ويييين أقل يمكن بـ 90٪ عن قبل ولله الحمد ..
أسأل الله بمنه وكرمه أن يهديك ويهدي الوالدة ويألف بين قلوبكم ويوفقكم لما يحب ويرضى .
هلا بك ابنتي الغالية " ابوي تاج راسي "**
أسعدني اختيارك للمعرف واسال الله ان يبارك لك بابيك ويرزقك بره ورضاه .
وأسعدني جدا اهتمامك بأخيك وحرصه عليك فجزاك الله خير الجزاء .
وبالنسبة لتعديل سلوك أخيك فلازم تتعاونون كلكم أهل البيت في هذا الشيء .. الأب ، الأم ، الاخوان ....لان بعض المواقف تحتاج الشدة وبعضها اللين .. فلازم كلكم تقعدون مع بعض وتتناقشون في مسألة تربية أخيك ( طبعا بدون ما يشوفكم او يسمعكم ) او اذا ماقدرتوا تجتمعون تكلمين كل واحد لحاله ، انا اسوي هالطريقة في بيتنا اذا صارت مشكلة اقعد مع كل واحد لحالة واتناقش معها لان سبحان الله احينا تلقين افكار ماجت على بالك ..
والحين نجي لمناقشة السلوكيات اللي تبين تعدلينها عند أخيك :
- التقليد :
التقليد اللي مافيه خطورة عليه مو مشكلة ، والتقليد شي طبيعي عند الاطفال لذلك لازم تستغلونه في ان تكونوا له قدوة حسنة في كل شي .. وخاصة اخوك الكبير اللي يحب يقلده ..
اما التقليد في قيادة السيارة فاشتروا له سيارات ، اشبعوا رغبته ، ونوعوا وخذوا له سيارات اللي يمكن تحكمها بالريموت .. واذا قال يبي سيارة حقيقية قولي له : أوه هذي مشوارها طويل .. لازم رخصة قيادة والرخصة لازم يسوون اختبار والاختبار لازم عمرك 18 .. يعني خليه ييأيس من هذا الموضوع نهائيا ..**
____________
- الكلمات البذيئة :
حفظيه او كرري دايما عليه حديث : " ليس المؤمن بالطعان ولا اللعان ولا الفاحش ولا البذيء "
ترى الطفل يفهم الكلام اللي نقوله له .. لا تظنين ان الامر صعب بالعكس سهل باذن الله بس يحتاج طولة بال وصبر ..
وخليكم قريبين منه وخاصة انت .. وسولفي معاه عن الجنة والاشياء الحلوة اللي فيها وشوقيه لها وان الصالحين من صفاتهم ما يتكلمون الا الكلام الزين وكلميه عن حسن الخلق وهكذا ( ابحثي في النت تلقين الآيات والاحاديث اللي تصلح وكذلك القصص المناسبة ) واخوك هذا كنز بين يدينك اكسبي فيه الاجر بتعليمه وتربيته وستجدين نتيجة ذلك في ميزا حسناتك في الآخرة باذن الله .. وفي الدنيا إذا كبر بعدين بيتذكر جهودك معاه وقربك منه ويقعد كله يذكرك بالخير ويدعو لك ..
____________
من ناحية الغيره :
أيضا الغيره شي طبيعي في كثير من الصغار ويمكن أغلبهم ، وزي ما قلت لك خليكم قريبين منه ولا تمدحون أو تتقربين من طفل آخر قدامه حتى لا تثيري غيرته واجعليه يشعر بالامان معكم . وبنفس الوقت قولي له ان المسلمين اخوان وكلنا نحب بعض وحديث : " لا يؤمن أحدكم حتى يحب لأخيه ما يحبه لنفسه " وصدقيني هذي فرصتك تعودينه على الصفات الحسنة من صغره ويابختك بيكون أجرها لك لين يوم القيمة انشاء الله .
_____________
ونجي الحين لأهم نقطة وهي :
- الدعاء ..
قال تعالى : ( واذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي علهم يرشدون )
أسأل الله الهادي أن يهدي أخيك وأبنائي وأبناء المسلمين لأحسن الأخلاق وأن يصرف عنهم سيئها وأن ينبتهم نباتا حسنا ويجعلهم من الصالحين ...
بنتي الغالية ملاك المستحيل :
أشكرك بداية ا على دعواتك الطيبة التي أسعدتني كثيييييرا وأسأل الله أن يتقبلها ويتقبل منا ومنكم صالح الاعمال ..
وبالنسبة لكلامك عن الوالدة بصراحة ضاق صدري مرة لما قلتي عنها هذا الكلام .. لا لا لا يا ملاك .. مهما كان الام ما ينقال عنها كذا ..
وثانيا : لا تيأسين من رحمة الله تعالى وقدرته .. فالله قادر على تغيير الاحوال اذا أراد بلمح البصر .. وانتي ماشاء الله عليك تعرفين هذا الشي لكن الشيطان دايما يبغى يخرب على المؤمن .. أنا ما أبي أتكلم كلام مثالي من عالم الخيال ويكون مامنه فايده ..
وبالنسبة لمشكلتك انا ما أدري ايش هي بالضبط .. عشان كذا أرجو منك ان تقري ردي على الغالية " غلا عمري " لأن فيه القواعد الاساسية للتعامل مع الناس عامة ، والام بشكل خاص ... وياسلاااام اذا كان التطبيق احتسابا لوجه الله تعالى ... يصير جهدك في ارضاء امك عسل على قلبك ، حتى لو ما بين عليها في البداية ، لكن صدقيني مع الوقت بتشوفين الفرق بالتأكيد .. اقول لك هذا الكلام ثقة بالله وحسن ظن به سبحانه لانه لا يضيع عمل المحسنين والعاقبة للمتقين ... بس انتبهي من مكايد الشيطان انه يخليك تيأسين من رحمة الله تعالى أو تسيئين الظن به سبحانه بدون ما تحسين ...
أسأل الله الكريم المنان الهادي أن يهديك ووالدتك لما يحب ويرضى من الأقوال والأعمال وأن يؤلف بين قلوبكم ويرزقك رضاها وبرها ...
