صفحات من حياتي ## قد يكون فيها عبر وعظات!الجزء الثاني!

ما أروعك رواقنا كم تعجبني شخصيتك الطيبة الحنون
تربيتنا على أن نعمل الخير وننساه أنغرست فينا وجعلتنا أحياناً
مثل السذج ...مع أننا ولله الحمد نفهم كل تصرف وكل همسة وشي تعني ولكن نطنش حتى لا نخسر الحسنات التي عملناها .
صدقت يا غالية وهذا ما يحدث معي أحيانا نفس تفكيرك
بارك الله فيك وأمد في عمرك على العمل الصالح وأسأل المولى أن يرزق ابنتك الزوج الصالح
ويقر عينيك برؤية أحفادك
 
حياك يارواق ان شاء الله ما فيه الا العافيه

تجيني لحظات اشعر بما شعرتي بها واحس ان

الموت وصل ولكن سرعا ما يروح كل شيء

وانسى يمكن بهذه الحاله ربي رايد لنا الخير

علشان نذكره ونزيد في الدعاء والذكر والاستغفار​
 
الحمدلله عندما أستيقظت كنت بخير وحمدت الله كثيراً ..

ودنا نتعاهد على الدعاء لبعضنا البعض وعندما نخرج صدقة ننويها لنا ولجميع المسلمين حتى تتضاعف الحسنات ويتم القبول من الله سبحانه وتعالى .

رواق الحبيبه ابكتني كلماتك ربي يعطيكي طول العمر ويغفر لك ويدخلك الجنه امين
حصلت معي اكثر من مره حتى انني اسرع اتوضا واصلي واطلب من الله ان يمهلني حتى اكمل رسالتي
ولكن حبيبتي كل الموضوع توتر يؤثر على اعصابنا شكلك مثل لوريس يا رواق الحكمه
نحمل هموم كل الناس وما احد سا ئل فينا كل واحد نفسي نفسي
وبالنسبه للبنات احنا مدلعينهم زياده خاصه انا بناتي الصغار تدلعو على الاخر
اما الكبار والله قسيت عليهم بشغل البيت وما كانو ياخذو اللي يريدوه مثل الصغيرات
الله المستعان ربي يرزقهم الازواج الصالحين اللهم امين
 
الله يلبسك الصحة والعافية ويخليك لنا ولعين ترجيك اللهم امـــــــــــين.
انتبهي لنفسك ياغالية ترى والله اننا نحبك ... لو اعرف بنتك كان مصعت اذنها عندها هالأم الدرة وتنكد عليها بدلع البنات .... الله يصلحها ويصلح اخوانها وعيالي ويذيقنا برهم وعيال كل القارئات اللهم امــــــــين.
 
رواق الغاليه آنتبهي على نفسك الي حسيتي فيه من زيادة دقات القلب
هذآآ بسبب التوتر ولانك تشوفين الخطآء وتكتمين >> الله يعين قلب الام
آما آحساسك آنها لحظة الموت ..قد جاني ذآ الاحسآس
فعلاا الله يرحمنآ برحمته هذه اللحظه صعبه الله المستعان بالنسبه لي كم آنا مقصره جدآآ
آسال الله آن يمد عمرنا وعمرك في طاعته ويرزقك رآحة البآل
فعلاا ما آحد يفكر الا في نفسه والله آنك صادقه ​

رواق الغاليه
آنا دآئما آستمد منك الامل
والقوه والحكمه
لذلك آنتبهي لنفسك فآنت لك غلاا ما هو بسيط عندي ​

بالنسبه لابنتك شي طبيعي الحسآسيه يوم كنت بعمرها كل كلمة تبكيني
وهذآآ شي طبيعي والحسآسيه هذه آكثر ما تكون من آخوانها العيآل
وآكيد آنكم مدلعينها
الله يسعدها ويحقق ما تحلم به
ويرزقهاا بالزوج الصالح وجميع بنات المسلمين ​

آسال الله العظيم آن يفرج همك رواقنآ ويسعدك ويسر آمورك الى ما يحبه ويرضاه
ويشرح خاطرك يا رب العالمين ويفتح عليك آبواب الرزق والرحمه والمغرفه​
 
الحمدلله عندما أستيقظت كنت بخير وحمدت الله كثيراً ..

ودنا نتعاهد على الدعاء لبعضنا البعض وعندما نخرج صدقة ننويها لنا ولجميع المسلمين حتى تتضاعف الحسنات ويتم القبول من الله سبحانه وتعالى .


ليت الوجع بعروق قلبي
ولا فيك..
وليت التعب غلطان
ساهي ولا جاك..
لو الشفاء بضلوع صدري
لداويك..
لطحن جميع ضلوعي...
صدري فداياك..
الله من شر المقادير
يحميك..
و يحفظك
يا عيوني ويرعاك
​

ألف لاباس عليك ياعمري...اللي فيك من أثر القولون....

والزعل...أنا مثلك...كل ماتضايقت أثر على دقات قلبي....يوم سألت ألدكتور هل هذا طبيعي وغير خطر

قال طبيعي شرط مايصاحبه أرتفاع ضغط....

هدي حالك يالغاليه...ولاتجهدين نفسك...فوق طاقتهااااااااااا...

تراك مانتي برخيصه ياقلبي...ربي اللي يشهد شكثر غلاتك...

الله يحفظك من كل سوء...ويهدي أحبابك ويألف بين قلوبهم....ويقر عينك بصلاحهم...

ويبلغك فيهم كبير وصغير....اللهم أمين أمين

​

 
ربي يعطيك الصحه والعافيه
ويطيل في عمرك وتشوفين بنتك احلى عروس
وهذاالي حصل معك بسبب كثر التفكير الدائم بمن حولك وخصوصا العزيزين على قلبك
ريحي بالك ووسعي صدرك مافيكي شيء ياالغاليه
وهذي امور تحصل عندي كثير ماادري يمكن انا بعد مثلك بنتي وحيده ودائم مهتمين فيها وتشوفيني اتعب نفسيا اذا شفتها متضايقه اواحد مزعلها
وطبع البنات حساسين جدا طالعين مثلنا ههههههه
الله يطول في عمرك ويبارك لك في عيالك ويحفظ لك احفادك ويهديهم ويصلح الجميع ويعيننا على تربيتهم
 
ألغلا مثل آلندى ينزل على هونه
لكن
غلاكِ مطر تموت الأرض من دونه
 
سلامات عليك اختي رواق ماتشوفين شر ان شاءالله
انتي شكلك من النوع المهمام زي مايقولون ..يعني تشيلين هم كل شي ولو كان بسيط
وانا بعد عندي نفس هالطبع اللي متعبني شوي في حياتي والله الدنيا ماتستاهل منا كذا
ماغير نجيب لأنفسنا التعب والقولون وكل الأمراض ..
انتي بس ريحي بالك شوي وبترتاحين ان شاء الله
وبنتك طبيعي البنات في هالسن يكونون حساسات ويزعلون من اي شي اتركيها فتره تهدأ
وقوليلها تتغلب على هالطبع بعدين لأن الحياه يبغالها انسان قوي يواجه متاعبها..الله يخليها لك
وتفرحين بها وهي عروس ان شاء الله..الله يحفظك ويشفيك ويخليك لعين ترجيك..
 
لا باس عليك..رواق يااعمري لا تخافين من دقات القلب اذا مااصاحبها بعض من الاعراض من دوخه او اغماء او ضيق تنفس(دكتورة على غفله ابي اضحكك)
انا ياارواق من سبع اشهور كان يجيني حاله غريبه الصبح اول ماافتح اعيوني احس دقات سريعه في قلبي لدرجة اني مااقدر اتنفس ولا اقدر امشي من قوة الالم وسرعة الخفقان
مااخليت دكتور مااجيته بااطنيه عظام غدد
حتى التلفزيون على القلب سويته بس عشان اعرف ليش قلبي كذا وليه التعب ماايجيني الا الصباح ومع الزعل وكل الفحوصات تطلع سليمه حتى في شدة الخفقان اروح المستشفى يسسون لي تخطيط يطلع التخطيط سليم
اللين قعدت مع اخصائيه في العلاج النفسي وبدات معي العلاج السلوكي
واكدت لي ان كل الاعراض اللي تصيب الانسان من دوخه ومن خفقان ومن تعرق ومن انتفاخ ومن ضيق التنفس اذا اطلعت الفحوصات سليمه كلها من ضغوط نفسيه
واهم شي قالته لي اني اخذ الامور بهدوء
وان يكون لي متنفس بعيد عن جو البيت وركزت على المشي وان يكون احد معي حتى لا ياتي التفكير السلبي
وان اكون علاقات اجتماعيه ناجحه وان يكون هناك تزاور ..بااستمرار
والحمدلله احس ان الاعراض خفت اكثر من
الاول
ماششششششششششوفين شر يالغاليه
​
 
-سلامتك ... ووعسأك ماتشوفيين شر ...
بنتك وواقعه تحت ضغط نفسي ... وأنتى تتأأثرين بها ..
الله يرزقك نفساا هادئه ...مطمئنه ..
ماتحتاجيين نصائح ..ياأم عبد العزيز . الله يقوويك بطاعته ..
ويفرج عنك وعن كل مسلم ..
 
الحمدلله على سلامتك الله يشفيك ويحفظك
وتشوفين بنتك عرروووس يارب
مثل ماقالت ريح التوت مانتي رخيصه
يالغاليه رواق لاتزعلين حالك ولاتخلي الهم ياكلك
الله يبلغك مرادك ويشرح خاطرك
 
ربي يحفظكن جميع ويحقق لكن كل الأماني ويسعد قلوبكن ..

هو موقف حصل وكتبته حتى نأخذ عبرة منه ..

أنا أتجنب النقاشات حتى لا تتعب نفسيتي وحتى لا يصير مني خطأ ثم أتعب أكثر ..

ولكن سبحان الله التوتر يجي لحد الإنسان بدون إستأذان ..

الله يطامنا بأسمه الكريم ويرحمنا وهو سبحانه أرحم الراحمين ..

البارحة كان عند بنتي مادة صعبه تذاكرها لهذا اليوم وكانت متوترة منها

ولكن تركتها تذاكر وكنت تحت عندي أخوي المريض الله يشفيه جايبه

ولدي يغير عندنا جو ..وعندما صعدت غرفتي ودي أصلي الوتر
ومريت غرفة بنتي وجدتها في حالة الله يعلم بها ..

قلت لها قومي توضي وصلي ركعتين وأطلبي من ربي يسهلها عليك

وبحثت عن أدعية للتسهيل الأمور وكتبته لها وقرأت لها في ماء

وبعدها أستودعتها الله وطلبت من بعض الغاليات يدعون لها ..

وعندما جاءت اليوم والله وجهه مجهد جداً وتقول الحمدلله الأسئلة فيها السهل والصعب ...

قلت لها خلاص غيري جو عن سيرة المذاكرة وبنتكلم في زميلتك التي

قربت ولادتها الله يهون عليها آمين .
شريت لها هدية !!
قالت :يووووه يمه ذكرتيني لازم أشتري لها لأني صعب أشوفها بعدين .
قلت لها: يااااارب رحمتك ...كنت بأنسيك الأختبار وأنتي شلت هم الهدية

نامي ويصير خير ..
حبيباتي الغاليات :
البنات في هذا الوقت يردن كل شيء حسب مزاجهن ولا يحسبن حساب الظروف ..
زملاتها تخرجن ماشاء الله تبارك الله وفي منهن من تم عقد قرانها
وعاملين الباقيات حفلة لهن ومعهن بنتي ..
أنا معها وفكرة ممتازة وطيبة ولكن الهدية لماذا لاتكون جماعية

يعني الكل يدفع ويشترى هدية قيمة بأسم المجموعة !!
لا البنات أقترحن أن تكون كل وحدة تحضر هدية لوحدها ..
وبنتي ماشاء الله تبارك الله لاتقبل إلا بهدية قيمة قلت لها وشلون هدية
قيمة وهن زميلات فقط ..
وأحاول أقنعها ان الهدية رمز وليست في القيمة ويكفي شيء مناسب ومفيد ..
لم تقتنع ربي يحفظها ..
تقول:يعني أنتي تشوفين الهدايا التي تهدى لي إذا كانت ماهي على مزاجي أو لم تكن ماركة أجمعها في دولاب المستودع ولا أستفيد منها ..

يطول النقاش بيننا ولم نصل لنتيجة ...
ولكنها تشتري ماقررته ولو على حساب ميزانيتها ...

دعواتكن لي ولها ولجميع المسلمين ربي مايحرمني منكن ويحقق ربي
لكل واحدة منكن ماترغب وتريد ويسهل لها ربي كل أمر شديد اللهم آمين .

المعذرة لأني ماراجعت ماكتبت قد يكون فيه أخطاء ..

إلى اللقاء قريباً..
 
الله يجزاكن كل خير أدعن لوالدة زميلة بنتي أدخلت المستشفى الله يشفيها في

حالة حرجة ..ولذا ألغيت الحفلة ..والله يغفر لنا ويرحمنا ولا يؤخذنا بذنوبنا

ويرفع الغمة عن الأمة ..والسلام عليكم ورحمة الله وبركاته .
 
الله يشفي مرضانا ومرضى المسلميين

اللهم اشف والدة أختنا في الله شفاااءًلايغاادر سقما

سبحاان الله رووقه الحبيبة الانساان ميسر لما خلق له

كل أمر فيه خيرة والانساان لايعلم وش مقددر له

ترييد وانا أرييد ويفعل الله مايرييد

الله يفررج همها ويرفع الضر عن امها آميين ​
 
اسال الله العلي العظيم ان يشفي والدة زميلة بنتك
شفاء لايغادر سقما
ربي يحفظ بنتك ويخليها لك يااارب
الله يرزقك سعة الصدر وراحة البال
خليهم يتدلعون عندنا
ولاراحوا بيوت ازواجهن يعرفون قيمة الدلع والرفاهيه
فدييت قلبها
راعية واجب بنتك مثل امها
ربي يحفظها لك ويبلغك بزواجها وعيالها يااارب
 
الله يحفظكن ويستجيب دعائكن ويكتب الله لكن الأجر والثواب ..

والله يشفيها ويعافيها لقبها أم عبدالله ..إنسانه طيبة وحبوبة ولها نشاط في مدارس التحفيظ ...
عندما أخبرتني أبنتي أن الحفلة ألغيتي شعرت براحة وحزن في نفس الوقت على أم عبدالله الله يشفيها ..
الراحة لأن البارحة صار الكسوف والمسلمين يصلون صلاة الكسوف ونحن
في الحفلة !!!
أبنتي أخبرتني من أسبوع عن الحفلة ..وقلت لها إن شاء الله ولكن مكانها لم يعجبني ولم أخبربنتي بشعوري ..
ولكن من فضل الله سبحانه وتعالى ...هي من طلب مني أن أذهب معها
ونحجز طاولة في نفس المطعم وهي تسلم على زميلاتها وتعطيهن الهدايا وتجلس معهن قليلاً
ثم تأتي لطاولتنا ونتعشى مع بعض ..
أنا عاد سويت نفسي أنه عادي أجلسي مع زميلاتك وغيري جو!!
قالت :لا ماودي فقط أعمل الواجب ..
وفي الحقيقة كنت متضايقة من كيف نذهب ونترك الصلاة ؟!!
وعندما صار الظرف هذا ..
بدون شعور قلت : الحمدلله ......الله يشفي أم عبدالله ..وذهبت لغرفتي ..
لحقت بي وقالت : ماشاء الله فرحتى ماودك أغير جو!!
قلت لها :بلا ودي وترى مستعدة نذهب مع أخوك ولكن في المطعم القريب !!
قالت :لا ..مافي داعي ..
أنا صمت ولكن في نفسي أردد الحمدلله ..
ثم رجعت مرة ثانية وقالت : يااااااسلام فرحتي يعني !!
قلت :وش صار لك ..؟أنتي تقولين مافي داعي !
قالت :آيه ودي انتي تلزمين علي !!
قلت لها: ياحبي لك ليه ألزم وانتي شايفه أن الوقت غير مناسب ..
وأنصرفت ولم تعلق ..
ولكن بصراحة تعجبت من طريقتها ..يعني الأختبارات تعمل عمايلها في النفوس ..الله المستعان ..وبعد الصلاة نمت ...
الأبناء يحتاجون لجلسات كثيرة من الحوار الهادف وتوضيح كل الامور .
ولكن نحن ماعندنا صبر ..ودنا نقول رأينا بكلمات قليلة وهم يفهمون ويطبقون فقط ..
 
ايه يارواق عندي وعندك خير ناكله بالعافيه
بس تصدقين اخيتي انا ارحم بناتي لانهن دائما
جالسات بالبيت والاولاد غير يطلعوا ويغيروا
جو تكفيهم صلاة الجماعه بالمسجد بس البنات
خاصه بناتي مايحبن الا انا واياهم احيانا
اطلع معاهن وانا كارهه الطلعه بس علشانهن
ابغيهن يغيرن جو ​
 
جمانة الغالية:ربي يسعدك على الدعاء والمرور.
القلب الطيب الغالية :
ربي يحفظك ويسعدك ويحبك ربي كما أحبيتيني ويتقبل دعائك .

نبراس الشرق:
الله يسعد قلبك ويحفظ لك الأبناء والبنين ..
كم عمر بناتك ربي يحفظهن لك ويسعدهن وأياك وجميع المسلمين آمين .
 
ياسبحاان الله العظييم لك اسلووب وطرييقة يااروووقه الحبييبة تحتم ع الوااحد الرااحه

من جد والله اشعر بارتيااح وهدوووء عندما أدخل يوميااتك لا وبعد ماشاء الله عليك مختاارة لون مرييح الاخضر فعلا يرييح البصر والنفس ويهديء الاعصااب

زاادك الله علما ونووورا وتقىًوصلاااح ، وباارك الله لك في عمرك وعاافيتك وبنييك

جوجو دوما قربك ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل