صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
الحمدالله طمنتينا عليها جزاكي الله خيرا كلنا نسال عن اختنا وحبيبتنا ومعلمتنا حمدا وسلاما انها بخير يااااااااااااااااارب وان شاء الله عما قريب نسمع عنها وتطلنا احلى طله
 
الله يبشرك بالخيررررررررررررررر حتى انا خفت عليها والله
 
الله يبشرك بمايسرك ياجوجو

ويارب يفرج همك ويطمنك على من تحملين همه

بارك الله فيك ..
 
الله يجزاك خير ياجوجو ويفرج همك وهم من تحملين همهم ويفقك لما يحب ويرضى والحمدلله ان هند ومها بخير
 
صبــــــــــاحـــــــــــكــمــ شــــــــــوق..


وحشوــنوــي موت....

والله مو بيدي المنتدى مو راضي يفتح معاي ولا مع امــي :( والحين دخلت وبيطلع من كيفه ف لازم اكتب لكم بالوورد وعقب اسوي بيست عشان مايفصــل جنــنــي ....

بنات امي قالت لي اقولكم انها دعت لكـــم بالحج والله انها تقول دعيت لهم بالصحه وتفريج الهموم والرزق وتسخير الازواج والذريات والرضى من الله عليكــمـ اجمعين..

احبكم من كل قلبي .... بكتب لكم عن شي البارحه صار....شي حلــو عن رحمة الله بنا .... مهما اذنبنا سبحان الله ما احلمه... ربي يحبنا نحن امة محمد ونحن ماذا !!! ابليس يقول ان بني ادم يدعون حب الله ويعصونه ويدعون بغضي ويطيعونــي!!

راجعه لكم...
بخصوص الرقيه وقفتها ما ادري ليه.... ورجعت ابتديها من البارحه ... بقول لكم كل شي ....بس هونكم ترى الحين عندنا اختبارات والمنتدى ماكان يفتح معااااي.
جمونه ماتقصرين فديتج... عساكم كلكم ذخر... وربي احبكم اكثر من ناصـــــــر ....
وحشتـــــــــــونـــــــــي مـــــــــوت....

هنــد​
 
صباحك خير هنوده
الحمدالله على السلامه
شوق اللي هي انا فتحت متصفح
تكفين مري عليه
ترى مريت بتجربه مشابهه لتجربتك وذكرت جزء بسيط منها بس اجتزتها
واي استشاره مايردك غير ازرار الكيبورد
طيب يالغاليه
 
الحمدلله على سلامتك ياهند ..وجزاك الله كل خير ياجمانة على تطميننا ربي يسعدك ويفرج همك وهم كل المسلمين آمين
 
الحمدلله وأخيرا رجعت معلمة .........اشتقنا لك كثيرا .....الله لا يحرمك من غالي
 
صباحكم معيــــة الله جل وعلا تحرسكم من كل شــر وتحقق لكم كل أمنية وتبعد عنكم كل حزن وتفرج عليكم كل كرب وتزيح عن قلوبكم كل هم وترزقكم ب رزق من الله تعجزون عن عده وسعاده من الله لاتشقون بعدها أبدا يا رب العالمين..

خواتي.... امس قلت لكم اني وقفت البقرة ... لاسباب عده اهمها خوفي وانا عارفه ان هذا غلط.. وبعد كوني ما كنت ادخل بسبب المنتدى والفصل اللي يصير لي وصعوبة الدخول سبب ثاني.... وقلت خلاص ببدى من اليوم وماراح اوقف... وبالفعل بديتها ومعاي وحده بالدوام بعد بدت معاي امس وكل وحده تشجع الثانيه...

بنات قريت البارحه السورة في غرفة ابوي (مو غرفته اللي مع زوجته لا غرفه ثانيه له.. نفس قبل قريتها بصوت مسموع بالتجويــد وبهدوء... نعاس طبعا جاني بس اغسل وجهي واستمر... وعقب ما عديت 1وشي وخمسين ايه ماتذكر بالضبط تغيــر صوتي وفيني عبره ابي ابكي وامسك نفسي واقول بخاطري الله معاي مافيه الا الخير...واتذكركم خصوصا رووزي وكلامها واواصل... وخلصتها ولله الحمد (انا كنت اقراها بساعه وشوي امس يابنات 3 ساعات وضاق خاطري واصريت الا اكملها... والحمدلله كملتها ..
المشكله مو في اني كملتها المشكله عقب ماكملتها ب عشر دقايق بدت حربي معاهم ومو نفس قبل اعراض بجسمي.. بدت بازعاج بالبيت وخفــــ ت موووووووت واصبر نفسي واقول متضايقين منها وماراح اتركها واخوي اللي بالمتوسط كان توه جاي من برا وكنت قاعده بالصاله تحت ( هالكلام الساعه 9 بالليل) خلصتها 8 ونص.. وقعد جنبي وقلت له تامر شي انا بروح انام... قال سلامتج... وطلعت غرفتي انام واول مانسدحت ع سريري اسمع صوت طق الباب .. مو باب غرفتي باب غرفه واحد من خواني... طق بشكل مزعج وانا ما التفت للباب مسويه نفسي لاهيه بالتلفزيون(حاطته ع بدايه) وشوي يزيد الطق..(قبل ماكنت اعان من هالشي بالبيت بس بجسمي.... )وطنشــت وزاد الطق .. وخفت مووت ونزلت تحت الصاله ب بيجامتي وروبي وانا انتفض ويسالني شفيج ...وقبل لا اجاوب سمع اخوي الطق ومات من الخوف.. وقال وشو هذا وكان يعرف اني قاري البقرة.. وقال لي هند اكيد انتي مضايقتهم من البقرة بس كمليها ماعليج منهم.... وطلع معاي اخوي المهم تعوذت من بليس وانسدحت ونمت وقعدت الساعه 2 تكرمون ابي الحمام واول ماقعد رجعت نفس الطقه وانتفض مكاني... وبعد طقه اقوى.... واقوى.. وسميت بالله ونزلت تحت وقعدت بالصاله مافيني نوم من الخوف... وباب الصاله مردود ( الحوش شوي كبير والباب الخارجي مسكر.. والهوى باارد وشوي يتحرك.. وبرا ق\ام باب الصاله فيه طاولة وشوي الا اسمع احد يجرها.. (مو هوى .. صوت حد يجرها من مكانها طلعت اي اشوف من مالقيت حد!! وانقز ع طول لغرفة ابوي ميته انتفض وقلت له اللي صار ولمني بصدره وقال تعوذي من بليس وماعليج من حد..وقعدت لين الحين مانمت... والفجر بعد الصلاه شغلت البقرة بالبيت فوق وتحت..وجيت الدوام وانا خايفه ومحتره منهم.... ومصرّه اكمل.... يارب يعينني يارب على الرقيه ياااارب والله تعبت من حالتي وعدم قدرتي عليها...

راجعه مراقبه امتحان وبارجع اكتب لكم اللي البارح شي عجيب.. انتظروني..​
 
معلمتي صباجك خير ورحمآآآت تتنزل عليك
كيفك ياعسل
الله يشفيك ويساعدك ويعينك يارب كل يوم وانتي بآحلآ حآآل
 
الله يعينك أختي أنتي في تحدي وصراع مع الشياطين وانتي الاقوى بالله
استمري واستعيني بالله وخلي أديما على لسانك قول لاحولا ولاقوة إلابالله
وحسبي الله ونعم الوكيل و لأإله لإأنت سبحانك إني كنت من الظالمين.​
 
فروحة سحاب... فديت طلتكم.... ربي يسعدكم يارب.... الحمدلله ماعطوني مراقبه ( حصتين ورى بعض مع البريك ) وانا مودي اليوم تعبان وابي اجلس اقرى البقرى لان جدولي اليوم فاضي لين 11 وابي اقرى احسن من البيت (شوي خايفه من اني اقرى بالبيت ) وان شاء الله ربي يقدرني واخلصها ..

اللي كنت ابي اقوله لكم امس .. كتبته وعقب سويت له حفظ واليوم نزلته لكم.. :
بصراحة اهم سبب خلانــــي اوقف الرقيـــــه الخــــــــــوف قسم بالله اكتب لكم وانا ميته من الخوف..

البارحه شفت برنامج الصراط المستقيم للشيخ الدكتور خالد الجبيــر الله يسعده وين مااارح هو ومشايخنا الافاضل يارب ويحفظهم من كل مكروه ويسدد خطاهم ويعلي كلمتهم بالحق ويسعدهم سعاده لايشقون بعدها ابدا ويطول اعمارهم يارب على الطاعه والعافيه ...
حلقة البارح روعهــ اتمنى تشوفون اعادتها يوم الجمعه الساعه 2 لاتفوتكم..

البارح الحلقة بدت والشيخ خالد الجبير صوته شوي تعبان من البرد صوته متغيــر ربي يعافيه ويشفيه من كل شر يارب... بدت الجلقة وقال لواحد جنبه هاك ياعبدالله اقرى هالرساله من جوالي اقراها للمشاهدين.. وقام يقراها ..انا بقولها لكم باللي انا فهمته مو بالتفصيل اللي هو قاله اوكي! : يقول راعي الرساله :كنت ابي اكتب والدي العزيز وخفت اكبرك.. وكنت ابي اكتب اخي العزيز وخفت اقلل من قيمتك.. ف الله هداني اعلى مايلي : شيخي الفاضل.. انا شاعر مشهور ولي سمعتي وانا كنت لما انزل الشارع او اي مكان عام وحد يكلمني باسلوب مايعجبني اضربه على طول واخلاقي زفته وكنت كل شهر اسافر برا المملكه للزنا والخمر كل شهر هذا جدولي وانا غنــي وكل شي ابيه عندي... بس ياشيخ كنت احب امي حب ما اظن احد ف الدنيا مثلي يحب امه نفس حبي لأمي ( انتبهوا لهالكلمه..) المهم ويذكر بالرساله شلون اخلاقه زفت ومايصلي وحياته معاصي وظلام وحالته بالبلا.. وقال بيوم من الايام جاني الم بالمعده الم قوي ورحت المستشفى وسوو لي تحاليل شامله وتصوير وفحوصات وقالوا لي سليـم.. وكلامهم زاد همي هم لو انهم قالوا فيك العله الفلانيه وعطوني لها علاج كان اهون علي.. يقول وقلت باتأكد ورحت مستشفى ثاني وسوو لي فحوصات شامله كامله ونفس الكلمه انقالت لي سليم مافيك شي.. يقول وتعبت نفسيا .. والوجع مازال مستمروالحال من سيء الى اسوأ وصرت ما آكل باليوم الا وجبه وحده بس وبشهرين نزل وزني 30 كيلو وبعد بهالحالــه بعد ماكنت اصلي وكانت امي تقول لي شفيك حبيبي شفيك يمه وكنت اصرخ عليها واسبها ابي اكرهها فيني وما ملت مني كانت دوم تسأل علي وانا بالصراخ والسب ارد عليها.. واستمر الوضع 11 شهر ما يدخل جوفي الا خبز حاف وماي وبس.. حتى الوجبه ماصار يقدر ياكلها من الالم بس اكله خبز حاف وماي ( من عقب ماكان ياكل اللي يشتهيه ويروح للي يبيه والفلوس في يده وكل عوامل الغرور والبطره في يده من شهره وفلوس وصحه ومكانه اجتماعيه) سبحان الله ... ( لاتستغربون ترى ربي يحب هالشاعر وبتعرفون بس خلكم معاي.. وياليت تشوفون اعادة الحلقة على قناة بدايه برنامج الصراط المستقيم انا دوم اشوفه احب محاضرات الشيخ خالد الجبير اسال ربي ان يحفظه من كل شر ياااربي هو ومشايخنا الافاضل وقرّائنا اللهم تولهم برحمتك واحفظهم من كل شر واسعدهم سعاده لايتلوها شقاء ما احييتهم وما ابقيتهم ...آميــن.. المهم واخر الرساله قال ياشيخ واخيرا لقيت علاجي واذا حاب تعرف وشو علاجي اتصل لي من جوالك الخاص مو من جوال البرنامج لان صوتي لو سمعوه بيعرفوني.. واللي يقرى الرساله خلص وعطا الشيخ خالد جواله.. والشيخ اتصل للشاعر.. ورد وسلم عليه وكان الشيخ يناديه ب عبدالله (لانه بالفعل عبد لله جل وعلا ) وقال له يا شيخ وش علاجــي تتوقع!!

وانتو يابنات وش تتوقعون علاج الرجال.. قولوا اجوبتكم.. وانا اتظرها ... وبقول لكم الباقي.. انتظركم​
 
ياااا قلبي عليكِ يا معلمة ,,, والله حاااسة فيكِ
عشت أجواء الخوف زي ما تقولي ,, حسبي الله ونعم الوكييييل ,, و أمس قريتها بعد مرحلة من العناء الحمد لله و نمت في الصفحة الرابعة وهاتي يا كواااابيس
أسأل الله العظيم أن يرررفع قدددرنااا
حبيبة قلبي ,, تطمني لولا الله ثم الخوف ماكان تعلمنا التعلق بالله والتوكل عليه و زكر الله ,,
قال أعز من قائل " ولنبلونكم بشيء من الخــــــــوف و الجوع "
الحمد لله الخوف ابتلااااااء من اللـه يرفع به قدر الخائف ويعلمه التقرب اليه ويعلمه التوكل عليه وذكره الحمد لله الحمد لله ,, تطمني يا روح روحي ,,, الله حسيييبك ووكيلك ,,,, تخيلي أنا أحيانا ما يكون عندي أحددد أنشششف في مكاني وأصيييح بلا اله الا الله اليييين أتطمن ,,,,


حسبك اللــــــــه ونعم الوكييييل يا نور عيني ,,
أختك سمية
 
سوما فديتج ربي يسعدج..

اي ومن قمت الساعه 2 عظامي كأن احد مكسرها تعورنــي موت.. ومفاصلي... والطق مب غرفتي ولا بالسويت برى صوب غرفة واحد من خواني مب موجود.... هالشي قلت اكيد انهم ماجو الغرفه لاني محصنه بالبقر هذا اللي جا ف بالي مو قادرين يدخلون لاني محصنه مع اني ماقريت البقرة بغرفتي لاني خايفه بس قريتها بغرفه ابوي.. وهم بس يزعجوني من بعيد بس الصوت واضح وحتى تحت بالصاله برا الصاله ورى الباب مو داخل بالصاله....

الله يفرجها مالي الا الصبــر والعزم... والتوكل على ربـي وحده..​
 
الحمد لله على سلامتك هنوووووود والله يشفيك ويعافيك
حسبنا الله ونعم الوكيل الله ينصرك على من ظلمك
 
هلا عزيزتي معلمة كنت مارة بالصدفة هنا علشان اشوف اذا لك ردود جديدة الف الحمد لله على سلامتك والف لا باس عليك لي رجعة لقرءاة ردودك امس واليوم والتعليق عليها
المهم اني انبسطت اني شوفتك
تدرين كان في قسم الاستشارات موضوع منزلته الاخت واثقة عن انهم بدهم يكرموا بنات القسم
المهم كتبت اسماء بنات وانا اكتب اقسم بالله اقول ياربي فيه وحده ناقصة اسمها على لساني وهي انت لكن الشيطان نساني اسمك والله انك تستاهلين كل خير
لي عوده باذن الله للرد على كلامك اللي كتبتيه عن الخوف
 
اعتقد قاله علاجي كان بسورة البقرة والرقية الشرعية والدعاء وهو ساجد
لي عودة باذن الله
 
الحالة
مغلق و غير مفتوح للمزيد من الردود.
عودة
أعلى أسفل