صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
pink star قال:
فعلا يا معلمة انت عانيت في حياتك قبل ناصر ومع ناصر وبعدناصر ربي يثيبك على ماابتلاك ويسخر لك عبادة ويحقق لك ماتتمنين.............كنت أظن ان حياتك مع ناصر جميلة جداً لم يعكر صفوها شيء لكني الان علمت انك ذقت معه المر والحلو ............وهذه هي الدنيا لم تصفو لاحد .........اللهم لا تجعل مصيبتنا في ديننا
أنقر للتوسيع...

ستار هلا فديتج منورة...

سبحان الله دوم اقول لكم كل شي يصير للانسان خيره .... حتى لو وحده غيري وكانت مثلي او احسن مني مع زوجها وصار لزوجها علاقه احتمال مو بس من ذنوبنا احتمال انها خيره عشان يحس بقيمة زوجته وبعد هالتجربه ويحافظ عليها وتكون له قرصه اذن واستفاد منها... قلت لكم كل شي يصير لنا خير بس احنا نجهل الخير...لانشغالنا بالهم والجانب السلبي من المشكله..


ربي يسعدج ياغاليه ​
 
الويكاند يعني اجازة نهاية السبوع حبيبتي
 
همس الفيافي قال:
اللهم ياودود ياذالعرش المجيد يافعال لما تريد وقادرعلى كل شي اللهم عجل بالفرج لأختي واقرعينها بعوده ناصر اليها وانزل السعاده عليهم ورزقهم الذريه الصالحه وابعد عنهم كل خاين وحقود وحاسد ومنافق وجعل كل ماأصابهم تكفيرمن الذنوب ورفع لدرجاتهم في الفردوس الاعلى يارب إنك على كل شي قادر سبحانك
أنقر للتوسيع...

هموسة..

دعواتكم ثلـــــــــــــــــج ع صدري....

ياربي يسعدكم سعادة الدارين.... ربي يجمعني فيكم يارب..
​
 
سبحان الله انتي صبوره الله يزيدك انا والله ماتحمل شيء على طول انفجر

الله يرزقني مارزقك من الصبر وحسبي الله على من عاداك والله ينصرك ويعجل بفرجك
 
شامخة بذاتي قال:
هنوده ربي يسعدك اشتقت ليومياتك

والله اني استفدت كثير من مواقفك

يارب يحفظك من كل سؤ ومكروه

ولايحرمك من غالي
أنقر للتوسيع...

مشرفتنا الغاليه... منورة .... ربي ينور حياتج برضااااه يارب ويسخر لج كل قريب وكل حبيب يارب.... ويحفظج من كل شر...
وربي ما ودي اقصر.... كل شي عندي بعطيكم اياه.... انتو تامرون ع روحي.... ايامي معاكم مستحيل انساها.... وما راح اترككم الا بموتي...... انتو صرتوا لي الاهل الي فقدتهم.... والصديق اللي سندني يوم الكل خلاني.. بس سبحان الله..دوم المحبه ف الله مالها اي شبيه وهذا حبكم لي وحبي لكم... ربي يجمعنا ف فردوسه جميعا ونجلس نتذكر ايامنا في بلقيس.. يااااارب​
 
ملكه قلبه.. انا جنوبيه وماكان عندي صبر..... لاني عند جداني اللي ربوني كنت دلوعتهم دلعوني دلع ما احلم فيه ف حياتي... بس التجارب القاسيه والفراااق المر يقسّي القلب .... الواحد لما يفارق اغلى بشر (فديت امي وابوي.. ) بس جداني كانوا اغلى وهم عافين هالشي.... لما يفارق الواحد هله اللي بروه ودلعوه ترى فراقهم تكون ضربة قوية بالراااااااس ويستوعب انه مستحيل يلقى حد يدلعه ويحبه ويخاف عليه مثلهم وربي مالقيت....... بدون مبالغه الا ناصر... وبعد ناصر ماوصل غلاهم........ سبحان الله الله خذاهم مني وعوّضني ب ناصر وهم مبشريني بزواجي من مخموووم القلب ناصر..... سبحان الله... كل شي له حكمه بس احنا نجهلها... فراقي انا وناصر لقيت فيه جوانب ايجابيه كثير اهمها الاقنعه اللي شفت وجيهها الحقيقيه اللي تحتها...​

الصبر يأتي من لزوم القرب من الله جل و علا.... من لزم قرب الله كان الله بقربه........ وربي يمده بصبر وحسن ظنه به غير عاااااادي

الحياه تعلم اللي محد علمـّه.... الجنوبي اذا استفاد من تجاربه القاسيه وتجارب غيره ترى يطول صبره ويوسع خاطره.... تجربتي الخاصه​
 
صباح الخير هنوده ربي يفرج همك وينصرك على من ظلمك ويرد كيده في نحره ويسعد قلبك دنيا واخره
​
 
الحمد لله ياالغااليه

ربك يمهل ولايهمل (( وماكان ربك نسيا )) سبحاانه ليس بظلاام للعبيد

بدأت السحب تنقشع يالغلا ومثل ماقلت لك : عندي يقييين صاادق بانفرااج همك وقرب النصر والفررح بإذن الله ..

فررحت لك من قلب وعسى اياامك كلها افرااح وفرررج اااااميين

دعوااتك لجوجو يااهند​
 
:c016:اللهم لك الحمد:c016:


بصراحه مادري شكتب
غير الله يحقق لك كل امانيك
ويجمعك بمن تحبين على خير وسعاده

 
سبحان الله

قالها الصطفى في الحديث القدسي عن رب العزة (و عزتي وجلالي لأنصرنك ولو بعد حين)
او كما قال
فابشري ياالغالية بنصر ربج مو نصر بشر
 
جمونتي...... فديت رووووحـــــــــج وعد ما انسااج من دعواتي....

دوم ف بالي... واجد توحشيني.... ​
 
بنات عندي احتياط...... بجيب البنوتات وبرجع لكم...... :)

احبكم من كل قلبي.... مهورتي حياتي انتي..... منورة..

مريوومه هلا وغلا مليوون فديت طلتج.....​
 
يالله فرحتيني مرررررره والله اني دمعت وانا اقرأ كلامك

دايم يا هند ماتغيبي عن بالي لاني اعيش نفس وضع الظلم

الي انتي عايشته لكن الشكوي لله

والنصر قريب والظالم بيلقى الي سواه وبيشوفه بعينه

سبحان الله الناس صار عندها الظلم والقذف والافتراء عادي

الله لا يبتلينا

وان شاء الله نفرح قريب برجوعك لناصر لاتنسي تفرحينا

لأني احسك قريبه جدا لقلبي
 
السلام عليكم هنودة وجميع القارئات الغاليات

كيفك حبيبتي وحشتيني ووحشتني يومياتك
أتمنا من الله عزوجل الفرج القريب وزوال الهم

انقطعت 3 أيام بسبب وفاة والد زوجي
واالله يا بنات كان المرحوم بمثابة أبوي الله يرحمة ويغمد روحه الجنة
كثييييييير اتأثرت بوفاته
صار له حادث من مدة سنتين وكثير عانى وقاسي الآلام والأوجاع
عسى يكون صبره كفارة لذنوبه

اطلب منكم يا غالياتي الدعاء له

لهم اجعل النور عن يمينه واجعل النور عن شماله واجعل النور من يمينه ومن شماله ومن فوقه ومن تحته
اللهم نور قبره بنورك وضيائك
اللهم وسع مدخله
اللهم اغسله بالماء والثلج البرد
اللهم نقه من ذنوبه كما ينقى الثوب الأبيض من الدنس
اللهم اجعل قبره روضه من رياض الجنه
اللهم ارزقه الجنة الفردوس مع النبين والشهداء والصدقين اللهم آمين اللهم آمين
 
الله يرحمه برحمته ويغفر له ذنوبه ويدخله الجنه وجميع الاموات يارب
 
تدرين يا هند
انا كذا
دوم اعتمادي على الله في كل شي
حتى اعدائي ابد ما اشيل لهم هم
وصرت ابد ما احزن لمشاكل الحياه
لاني تعودت في كل مشكله اركز ع الجانب الايجابي
مامن مشكله الا وبها نقطه صغيره ايجابيه
اركز علىها وافرح بها ويزيد احساسي باللمعان
والانتعاش

فعلا ربنا ما يكتب لنا الا الخير في كل امور حياتنا

حتى انفصالك عن ناصر لا تتحسرين عليه
ولا تخلين الشيطان يقلب عليك المواجع بذكرياته الحلوه
من يدري يمكن لو استمريتي معاه ما يكون نفسه الحبيب الي خابرتيه
ياما ناس تغيروا
والعلم عند ربي العباد
تذكري قصه الشايب

كل ما جاه خبر سئ قال خيره وكل ما جاه خبر مفرح بعد قال خيره
تعجبوا ربعه قالوا هل هو يقولها عن قناعه او يمكن للحين ما جاه الي يحزنه وساعتها ما يقول خيره

فكروا يجربونه هل هو يقولها عن قناعه ام لا

فكروا في حيله
اختاروا اعز ما يملكه البدوي وهو حلاله قالوا هالشي الوحيد الي يمكن يهده وينهار وساعتها بنشوف يقول خيره ولا لا
فخدو كل حلاله من الابل والغنم لمكان ثاني ورا الجبل بدون علمه
وراحو له وهو قاعد بخيمته قالوا له يا فلان
الحق حلالك من الابل والغنم غدا ( ضاع )
رد وقال : خيره
تفاجأوا ربعه
قالوا ما شاء الله عليه اجل كان صادق في نيته
وخلونا الليله نرتاح وان اصبح الصبح ردينا حلاله

ولما جا الليل والكل نايمه غزوهم قطاع طرق وسرقوا كل حلال القبيله
ولما اصبحوا الا الحلا غدا وعاد الشايب ما حزن ولا افتكر لان هو بظنه ان حلاله قد غدا قبلهم
فجاو ربعه وقالوا له يا فلان تراك الوحيد الي حلاله بامان وحكو له القصه كامله

وهذا الي انا اقصده ان كل امور حياتنا نحسن الظن بالله وبما انزله علينا
وما يكون الحزن الى في مصيبه تصيبنا في ديننا


والكل يعرف مدى اهميه الحلال عند البدوي ​
 
يااااااااي هنودة الحمدلله ربي يفرج باقي همومك وربي فرحت لك من قلب

الله ينصرك على منظلمك ويفرج كل همومك ويحقق امانيك بمايرضيه

ويارب تفرحينا قريب برجعتك لناصر يارب انك على كل شي قدير
 
الحالة
مغلق و غير مفتوح للمزيد من الردود.
عودة
أعلى أسفل