صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
صباح الورد لـ هنوده ولـ عجابه ولـ أحلى بلقيسيات

237da83420.jpg
 
صباحك كله خيرياوجه الخير وتوقيعك الجديد له اثر عجيب الله يجزاءك الجنه
 
بنات بارت الحج تقريبا خلص وصل بالسلامه.... وكان مستانس مني ...لأن امه قالت له اشياء كثير عني.... وقالت له ياناصر مافقدتك كثير لان زوجتك اشوفها عندي كل يوم.... وباس راسها وقال لها يمه لو بغت تروح كان ما راح امنعها بكيفها لان يمه هي بعد تشتاق لاهلها واهلها بعد يشتاقون لها يعني ع بلاطه لاتتعودون عليها.... (هو قال لي هالكلام)...
....​

واجد بنات ف بالهم ان ناصر ملاك ... مايعرفون ان غير العذاب اللي تعذبته معاه الين ربي فرجها علي وصرنا زوجين من احسن مايكون الازواج.... تغيــر علي فتره قبل التغيير ع طول.... حط ع جواله رقم سرّي وهالشي ماتعوّدته اصلا ..... قلت لكم كان مخلي جواله عندي والعكس صحيح جوالي عنده وماكان عندي اي خلاف وبعد مع هذاا كله عمري مافتشت في جواله يابنات وربي عمري.... ما احب افتش ف جواله مع انه هو يقول لي افتحيه اي وقت عادي يبيني اثق فيه وانا زوجته وحبيبته واقرب بشر له.. وانا عمري ماسويتها... المهم بالفتره الي تغير هو فيها صار يحط صورته بالمسن !!!! صرت اشوفها وما قلت هل شي وانا براكين صدري تحرقني.... ( بس ما ابي اعوده اني ادري عن هالاشياء وازعل ويراضيني ويرجع يعيدها .... وبعدين!!!!!) ما فيه اي فايده ... عشان هالسبب اقول لكم الله لايقول اللي تصيد زوجها يكلم او له علاقه لا تقول له تبلع الهم وتسكت وتلجأ ل ربي لأن قولها له ما راح يغيّر اي شي بس بيزيد الطين بله وأزفت بعد لأنه بيتعوّد انها تزعل ويراضيها وكل مره بيتعوّد ع هالوضع .. طيب وبعدين ؟؟؟..
المهم يكلم بنات ع المسن..... ( ويوم بدى يهمل صلاته اصلا صار السحر لانه لو كان محافظ عليها ما كان تأثر بالسحر ابد... الا بشي ربي كاتبه عليه... ) عشان هالسبب ف قسم الاستشارات لما اشوف وحده تشتكي من زوجها اسالها شلون صلاته ...؟ لأن يابنات قسم بالله العلي العظيم ان اللي صلاته مب قويه ترى يستسهل اشياء واجد مب بس الرجال ترى حتى المره.... ليه الرسول اللهم صلي وسلم عليه يقول ف اظفر بذات الدين تربت يداك.... الصلاه عمود كل شي عمود حياتنا كلهااااا.. المهم بدى يستسهل ناصر بصلاته ويوم بدى يهملها ويأخرها ويصليها بالبيت استسهل امور واجد منها انه يحط صورته بالمسن ..شفتها بعيني بس مابينت له..... ربي اللييصبرني واذا طلع مكان انفجر بكا ع سجادتي..... وابكي الين الله يفرجها.... ويرجع يلقاني تعبانه شفيج ياهند.... اقول ولا شي حبيبي بس مشتاقه لناس ما اقدر اشوفهم وبالفعل اصلا دوم اشتاق لهم واكثر شي لما اتضايق.... (جداني الله يغفر لهم يارب).. وسكت تعرفون من اللي خربه وضافه وهو كان معطيني ايميله والباسوورد ماله.... تدرون من ضافه ومن خلاه يغير الباسوورد ويعاكس بنات ويهملني وصار يتعمد يجرحني ..​

الخاينه بنت عمتي حسبي الله ونعم الوكيل... وانا مثل الحيوان بينهم ما ادري بشي واشتكي لها عن كل صغيره وكبيره يوم بدا يتغير اثاريها هي بلاي.....
تدرون متى عرفت!!!!! بعد الطلاق..... يوم عرفتها ع حقيقتها قالت لي يكون بعلمج انا كنت اخونج واكلم ناصر واستانست معاه (كذاااابــــه تبي تنرفزني... ناصر عمره ما طلع مع احد.... مايحب ابد ومب هذا طبعه خياناته بس نت وتلفون...بس تعرفون بنات الحرام شلون ملاعين... وهي متزوجه.... وزوجها ما حفظ روحه عشان الله يحفظ زوجته سبحان الله اللي يواه ب بنات الناس سووه الرجال بزوجته ...اكتشفت ان لها علاقات مع اكثر من واحد الله المستعان....) ... المهم صار يقعد باساعات ناصر معاها ومع غيرها.... اللي مهوّنها علي شوي انه مب وحده اكثر من وحده... (لاتستغربون كلامي يا بنات .. لانها لو كانت وحده ف هذا يخوّف احتمال تكون علاقه جديّه... فهمتوا علي!!!!
يابنات ليه دوم اقول لكم الصبر واللجوء ل ربي... بهالشي نصنع السعاده... لاني ذقت المر الين صنعتها بروحي...

ع فكره ناصر ما كان يعرف انها بنت عمتي.... طبعا خايفه تفضح روحها... وشلون عرفت انها صداقه في انها كانت معاه ع المسن لانها قالت لي صورته اللي كان حاطها والبيرسونال مسج ماله..
والمشكله جهازه بغرفة النوم وانا انام وهو ع النت.. وكنت اشوف بعيني بس مايبينّ علي... كان لما يشوفني ينزل الصفحات تعرفون انتو عاد اللي عنده شي مايبيج تشوفينه.... (وهالشي حسبته له ...لأنه بهالتصرف يحبني ويداري خاطري وبنات الحرام لاعبين بمخه وهو رجال واغلبهم ع هالمنوال الا من رحم ربي..) دوم يا بنات حطوا الايجابيات لأزواجكم لاتتركون بليس وسفراءه بالارض يفرقون بينكم ويخربون بيتوكم لأن بالنهايه مايبقى الا حبكم ...لأن اغلب الرجال حتى لو انه يخون زوجته لو صارت الصادقه طبعا مايختار غيرها ووده بأي شي الا فراقها..... .... الا اللي زوجها بايعهها... ف هذي ربي بيعوضها باللي يحطها بيعينه.... وهو مايستاهلها.... بس دام الزوج متمسك بزوجته تحت اي ظرف ف انتي خفي عليه شوي ولاتخلين اي مجال ل بليس طيعيني وكل ماضقتي بس توضي وصلي ركعتين واطلبي ربي وربي بيفرجها صدقيني كلام مجربّ... ناصر الين اليوم متمسك فيني على اني الين اليوم ما ادري نصيبي وين... بس هذي بركات يقيني بالله وبركات وثمار استغفاري وصلاتي كل ماضاقت فيني.... ثمار طاعة الله يابنات تشوفون اثرها متواصل ما ينقطع......
ناصر تمسكــّه فيني والناس كلها عارفه هالشي ويشوفون بعيونهم غلاي ف قلبه ليه!!تهقون!!! هذي بركات لزومي قرب الله جل جلاله.... يابنات نصايحي لكم مجربـــّه .... اتمنى تحتفظون فيها وربي يسخر لكم ازواجكم وذراريكم ويرزق كل محرومة بالذريه عاجلا غير اجل ويزوج كل عزابيه باللي يستاهلها ويحطها بيعونه يارب ويربط ع قلب كل زوجة معدد وكل مطلقه حزينه وكل أرمله....
آمين...​

خواتي خذاني الوقت معاكم اشوفكم ع خير تومورو
دعواتي للجميع بالسعاده التي لايتلوها شقاء....​

معلمه​
 
لاإله إلا الله رب العرش العظييم

ماأصعب الجررح وأدمااه إن كاان من المقربييين

هند حبيبتي الله سبحاانه وتعاالى يمهل ولايهمل

وهذا انتِ وقفت بنفسك على نصر ربك لك ولازاالت الانتصااارات تتوالى

وكلي يقيين انك بإذن الله ستزفيين لنا بشاارة عودتك لزوجك قريبا

اللهم أفرح قلووووبنا بمايسرنا (( خبر رجووع اختنا لزوجها ))

اللهم انت ولي ذلك والقاادر عليه

جوجو مستااااءة وحزييينه ​
 
ان شاء الله ترجعوا لبعض ويكون الي راح ماضي واخذتي منه عظا وعبره
لا تثقي بأحد
 
الله يسعدك ياهنود ذكرتينا بلحج
......................................وكلامك مريب يعني
كيف الوحده تحافظ على زوجها وعنده نت
وبنات الشوارع يلاقيهم بكل مكان
كيف تتصرف الراشده مع الخيانات
والله انتشرت انتشار فضيع
حتى من غير المسحورين
مالحل ؟
الله يجمعك بناصر
فعلا القرب من الله
له لذه لايعرفها الا من ذاقها
واسال الله العظيم ان يعجل لك بلفرج
امااااا من كان سبب لهدم البيوت
الدنياء دواره
انت شوفي
وانت ساكته
الله
بياخذ حقك دنياء واخره
 
الله يقدر لك الخير حيث كان يا هنوده ويرضيك به
والله يرزقك باللي يستاهلك
صراحة الجزء هذا صدمني
يعني هو عمل علاقات قبل السحر
حتى لو كانت نت وتلفون بس
لكن ماله أي عذر فيها
خاصة انك ما قصرتي معه
وصاينة نفسك وحافظاها وحافظاه في غيبته وحضوره
فهذا الوضع ماهو أمان بالمرة
حتى لو بنات الحرام يتعرضولهم
الراجل المفروض يصون نفسه ودينه
ويراعي زوجته
انت كنت مراعياه في كل شئ
لبس ودلع وحركات
ليه كده طيب
يعني خلاص بنعيش في رعب
لو الراجل تعامل مع اي واحدة خلاص بيعلق معها
طيب واللي زوجها في عمل فيه اختلاط
وطول يومه مع الحريم
وممكن يقضي معهم وقت اكثر من اللي مع زوجته
خلاص بيصير دنجوان
وصدقت الدين والصلاة هو أهم رادع للانسان عن الحرام

صراحة انا من الأول أدعيلك بالخير أيا يكن
لكن بعض أوقات أتأثر بكلامك عن أيامكم سوا
وأدعي الله يجمعك به
لكن من اليوم المفروض ندعيلك ان الله يرزقك التقي النقي اللي يستاهلك
ويصونك ويتقي الله فيكي
سواء ناصر أو غيره
والله يصلح أحوالنا وأحوال المسلمين
 
ماأشقانا في هذه الدنيا عن إبتعدنا عن الله
وفقك الله اختي هند وجعل ماجاك تكفير للذنوب
 
ربي يسعدك ياهنودة دنيا واخره
ويجعل ماتكتبيه بميزان حسناتك
ممكن يالغوالي احد يعطيني رابط قصة هنودة من أول
حابه استفيد منها
ربي يوفقها ويسعدها مع زوجها الي تعطيني الرابط
 
معلييش توني ادري انها حذفتهاا

تكفووون الي ناسخه القصة عندها ترسلها لي ع الخااص
وربي راح ادعي لها من الصبح وانا ادور عليها
 
فعلا يا معلمة انت عانيت في حياتك قبل ناصر ومع ناصر وبعدناصر ربي يثيبك على ماابتلاك ويسخر لك عبادة ويحقق لك ماتتمنين.............كنت أظن ان حياتك مع ناصر جميلة جداً لم يعكر صفوها شيء لكني الان علمت انك ذقت معه المر والحلو ............وهذه هي الدنيا لم تصفو لاحد .........اللهم لا تجعل مصيبتنا في ديننا
 
اللهم ياودود ياذالعرش المجيد يافعال لما تريد وقادرعلى كل شي اللهم عجل بالفرج لأختي واقرعينها بعوده ناصر اليها وانزل السعاده عليهم ورزقهم الذريه الصالحه وابعد عنهم كل خاين وحقود وحاسد ومنافق وجعل كل ماأصابهم تكفيرمن الذنوب ورفع لدرجاتهم في الفردوس الاعلى يارب إنك على كل شي قادر سبحانك
 
كان الامام الشافعي ماشياً فاذا برجل يسبقه يناجي ربه ويقول: يارب هل انت راض عني؟ فقال الشافعي: يا رجل وهل انت راض عن الله حتى يرضى عنك؟ قال الرجل: كيف أرضى عن ربي وأنا أتمنى رضاه؟ قال:
إذا كان سرورك بالنقمة كسرورك بالنعمة فقد رضيت عن الله.

عندما يغلق الله من دونك بابا تطلبه .. فلا تجزع و لاتعترض .. فلربما الخيرة في غلقه .. لكن ثق أن بابا آخر سيفتح لك ينسيك هم الأول .. وقتها ستدرك معنى قوله تعالى .."يدبر الأمر"
صباحكم هموم منفرجه وابواب من السماء مفتوحه ...يارب
 
صباح الخير بنات
صباح الخيرات حبيتي هنوده
كيفك اليوم وكيف المعنويات
الله يعطيكم الصحه والعافيه يارب
 
هنوده ربي يسعدك اشتقت ليومياتك

والله اني استفدت كثير من مواقفك

يارب يحفظك من كل سؤ ومكروه

ولايحرمك من غالي
 
صبحج الله بكل خير
يا ويه الخير
اشلونج هنودة
طمنينا عنج

الله ييسر دربج امين
 
الحالة
مغلق و غير مفتوح للمزيد من الردود.
عودة
أعلى أسفل