صفحات لـم تـقـرأ بـعـد...>>معلمة متألـمـة...

[خفاااايا الروح]

قل فقط:
(الحمدلله)
صباحآ مسآء
يخف انينك وتضمحل اوجآعك
لك آلحمديآربي
بقدر؛مآنسعدومآنتألم *_^

 

[رواق الخريف]

هنودة الغالية:
شعرت بشعورك عسى الله يهونها عليك ويفرج لك كل الهموم والغموم ويزل الكروب اللهم آمين ..
فرحت بدعائك لبنتي تفائلت خيراً ولاتنسي أولادي من دعائك ربي يسعد قلبك ويديم عليك محبة الله وخلقه ..
نصائحك مهمة وياااليت كل وحدة تنتبه لنفسها من البشر ..

 

[chooclt]

متابعه بصمت من زماااااااااااااااااااااااااااااااااااااااااان
بس حبيت اقول لك الله يفرج همك

و انتظر جديدك.......

تقبلي مروري يا هنوده

 

[أمةالله الضعيفة]

حبيبتي هنوده
الله يكملك بعقلك ويجازيك بكل خير
ويفرج همك ويردك لناصر عاجل غير اجل
متابعة لك
رغم اني ما بكتب كتير
بس توي والدة من تلات اسابيع
وتعرفي التعب خاصة ان معي طفل عمره سنتين
الله يرزق كل من يتمنى الذرية الطيبة
ويرزقك مع زوجك ويردك له ردا جميلا
ويجعل كيدهم في نحورهم

قلبي معاكي

 

[ذهب مع الريح]

عورتي قلبي ):

والحل يعني

ليش ماترجعين لناصر؟

اسفه ع سؤالي شكله غبي
بس صدق والله ماني فاهمه المشكله وين

بصراحه ما ودنا بس نستفيد من تجربتك وانتي محلك سر
مجرد متعاطفين معاك ومستفيدين من تجربتك وانتي قاعده تعانين
انا ما استحمل كذا
ودي اشوفك مستقره ومتهنيه في بيتك ووسط عيالك
اما بس كذا للان ما في نتيجه لوضعك
بصراحه قلبي يعورني عليك
يقولون ما يحك جلدك الا ظفرك
اتمنى المثل قلته صح :25:
لا تنتظرين من الاخرين يقررون مصيرك
مصيرك بيدك
توكلي عى ربك وخذي بالاسباب
يعني لي متى وانتي بهالحال
اذا ودك انا بطريقتياساعدك حتى لو ادز له محمد العريفي يكلمه

انتي بس اشري علي وانا اختس :14:
​

 

[اشتاق لك@]

ذهب مع الريح الله يسعدك قلتي الكلام اللي يدور بذهني
فعلا ياهند حنا موبس نبي نستفيد نبيك ترجعين لناصر لمتي 4سنين كثيييير على اثنين
يحبون بعض العمر يمشي وربي ان وضعك مضايقني كثييير
ودايم افكر فيك لازم واحد منكم يتحرك اذا هو ماتحرك انت تحركي انت سوي شي
ولاتنسين هالشخص كان بيوم من الايام زوجك واقرب الناس لك ولازال حبيبك
ارجو اني مااكون ضايقتك بكلامي اعتبريني اختك الكبيره وتهمني مصلحتك
لك ودي وامتناني

 

[معلمة متألمة]

صباحكم نور فقده الضرير...
وصحة فقدها الكسير..
وغنى فقده الفقير..
ويسر فقده العسير..​

اللهم اسعد من يقرأ حروفي سعاده لايتلوها شقاء.... وأنر دربه بنور من نورك لاينطفئ ما احييته.. وأشمله برحمتك ما أبقيته..​

الهي انهم احبوني فيكم واحببتهم انا فيك....اللهي ترى وتسمع دعواتهم التي لا ادري عن اكثرها... الهي ف بحبهم لي فيك وبحبي لهم فيك وبحب سيدنا محمد صلى الله عليهم وسلم.. أسعدهم ما احييتهم وأنعمهم بصحة وعافيه ما ابقيتهم واحفظهم وأهليهم وأحبائهم من كل شر ومن كل كرب ومن كل حزن ومن كل عارض شر..​

إلهي لاتجعل فيهم ولا منهم ولا معهم ولا من اهليهم واحبائهم مكروب .. ولا محزون ولا مديون ولا مأسور ولا مقهور ولا مظلوم ولا محروم ولا سقيم ولا عقيم
اللهم زوج إمائهم بأزواج من لدنك صالحين أغنياء اتقياء انقياء وار زقهم ذرية صالحة سليمة باره تغيهم عن ذراري غيرهم.... وأسعد كل متزوجه مع زوجها واحفظها وزوجها وذريتها من شر كل من له شر من الانس او الجن.. واربط على قلب كل ارمله ومطلقه حزينه و زوجة معدد اللهم اربط على قلوبهم برباط صبر لاينفذ وبربا حسن ظن بك لا ينقطع ما أحييتهم يارب العالمين
وأرزق اختي عفوك ربي و أمنيتي ضمة طفل وأختي منتظة الفرج بالحمل السليم عاجلا غير آجل..اللهم عوّض صبرهم واحتسابهم على ماقدّرت لهم بفرح لا يتلوه حزن وسعادة لايعقبها شقاااء وابتسامه لا يتلوها دموع..
إلهي انت القائل ادعوني استجب لكم... فهذا دعائي وعليك الإجابه... فأنت تعلم ولا اعلم وتقدر و لا اقدر وأنت علام الغيوب...
آميـــــــــن​

احبائي... لم أجد أفضل من الدعاء أبدأ به صباحي معكم.... راجية من الله ان يتقبل دعواتي لكم عاجلا غير آجل.... ​

ذهب مع الريح : السالفه ماهي بسيطه وماهي كلام واقوله بلساني..... كلامج وربي انه هز قلبي.. وحسستيني وانا اقراه ان مابيني و بين ناصر الا اتصال واحد ويجي ياخذني واجتمع فيه عقب فراق دام 4 سنين...
والواقع.... اللي انا فيه وحتى لو غيري فيه ترى عاداتنا تفرض علينا اشياء... يعني مو ع كيفي اتصل له واقول له تعال خذني..وهلي!!!! وهله....!!! ماراح اقول والناس . لانهم مايعنوني بأي شي..... لا من بعيد ولا من قريب.. بس هلي ما اقدر اتصرف واهمشهم.... وهله ما ادري وش بخواطرهم قبل والحين عرفت و اعرف كلامهم عني و عن ناصر..... بس المفروض هم يتحركون مو انا..... ولا هلي....؟؟ قلت لكم مسألة ماهي بسيطه لأن رقابنا تحت سكين عادات وتقاليد ما انزل الله بها من سلطان... ​

ربج يفرجها ياغاليه.... واسمع تلاطيش اخبار وما هزت فيني ساكن .... لأن الجروح اللي فيني وخوفي من موت الفرحه ف قلبي لو فرحت يمنعوني من تصديق اي شي ماشفته بعيني قاعد يصير......​

راجعه لكم مع البارت يا غوالي​

 

[معلمة متألمة]

;l;يارب فرج على هنود واجمعها بناصر عاجلا غيررررر اجل يارب العالمين

اكسير حياتي....
منورة .... لج وحشة... ربي يسعدج..​

 

[معلمة متألمة]

سلامتك ياغاليه
الله يفرج همك عاجلا غير اجلا

الله يسلم عمرج و غاليج يارب​

 

[معلمة متألمة]

الله يفرج عليك ياربي ومايبتلى الاالمؤمن
والله يرزقك قوة الصبروالثبات ع الحق..

الله يسمع منج يارب الله يصبرني بصبر لاينفذ يا رب انا وكل مبتلى
لولا الصبر والايمان بالله لاستحالت الحياه وذهبنا للموت بأرجلنا... ف الحمدلله على نعمة الاسلام..​

 

[سمية علي الشرفي]

الله يسعد قلبك يا هنودة
احنا كلنا معاكِ .. و راح تصير فرحتك مو بس فرحة ولا فرحتين بل الف فرررحة ... لن الفرح يتضاعف مع كثرة المحبين ...
الله ييسر أمرك ... و يعوضك عن كل دمعة ابتسامااات ياااااحق يا مبين .. يا حي يا قيوم ....


أختك المحبة لكِ ... سووومة ...
​

 

[معلمة متألمة]

هنودة الغالية:
شعرت بشعورك عسى الله يهونها عليك ويفرج لك كل الهموم والغموم ويزل الكروب اللهم آمين ..
فرحت بدعائك لبنتي تفائلت خيراً ولاتنسي أولادي من دعائك ربي يسعد قلبك ويديم عليك محبة الله وخلقه ..
نصائحك مهمة وياااليت كل وحدة تنتبه لنفسها من البشر ..

رواقي.. أسعدك مولاك بما تريد نفسك يارب
وربي ما اقدر اوفيكم حقكم من دعواتكم لي.... و وجودكم بروحه من دون ماتدعون وربي يكفيني وزود..... احساس رائع لايضاهيه شعور عندما يكون هناك أشخاص يحبونك لأجلك فقط... يحزنون لحزنك ويفرحون ل فرحك.. لا حرمني الله منكم ...​

 

[ملكـــــة]

السلام عليكم ورحمة الله وبركاته​

صبااااااآآآآحو عالحلوين​

​

 

[معلمة متألمة]

متابعه بصمت من زماااااااااااااااااااااااااااااااااااااااااان
بس حبيت اقول لك الله يفرج همك

و انتظر جديدك.......

تقبلي مروري يا هنوده

جوكليت... حياج ربي ياغاليه المحل محلج.... تامرين ياغاليه

ويفرج همج وهم كل مهموم يارب.... تسلمين ع المرور والرد الراقي..​

 

[قمر22]

مرحبا هند ..كيف الحال تنشالله فاضيه
ومش مشغوله..

 

[امنيتي ضمة طفل]

هلابك ام هنوووووده حياك ربي
نورتي المنتدى وهنوووو معاك يارب تفرج لها ونفرح معاك بفرح هند تكفين ياخالتي اذا تقدري تكلمي ناصر بدون يدري احد وتخبريه بحال هند واكيد هو ماهو بعيد عن حالها يارب يجمعهم على خير وحسبي الله على من كان السبب في فراقهم

 

[معلمة متألمة]

حبيبتي هنوده
الله يكملك بعقلك ويجازيك بكل خير
ويفرج همك ويردك لناصر عاجل غير اجل
متابعة لك
رغم اني ما بكتب كتير
بس توي والدة من تلات اسابيع
وتعرفي التعب خاصة ان معي طفل عمره سنتين
الله يرزق كل من يتمنى الذرية الطيبة
ويرزقك مع زوجك ويردك له ردا جميلا
ويجعل كيدهم في نحورهم

قلبي معاكي

أمة الله ربي يرضى عليج يا رب....

منورتني ياغاليه.... الف مبروك والف الحمدلله ع السلامه وربي يخليج ل عيالج وزوجج و غاليج ويبارك لج فيهم....
اسعدني مرووورج
​

 

[ذهب مع الريح]

عزيزتي

قرات ردك ع كلامي
يعني شنو عادات وتقاليد ؟
طيب وين حق الزوج وين حقك ؟

4 سنوات وانتي كذا !!!!

يعني شنو
وش ناطره انتي ؟
ما سالتي نفسك
اذا ما زلتي ع ذمته فليش انتي بعيده عن حقوقه عليك
وان كنتي خلاص منفصله ليش ما تشوفين نصيبك
مع زوج ثاني

الانسان اذا ما يسعى لنفسه محد بيسعى له
تصرفي هذه حياتك
انا ما اقول اعصي والديك او او او
ليش الصمت وناطره الفرج يجيك كذا ع بساط الريح
ليش الاستسلام والرضا بالقنوع
المسلم القوي عند الله خير من المسلم الضعيف
اتمنى جملتي صحيحه

مصيرك بيدك انهيه بما يرضي الله مو بما يرضي هلك
ان كنتي ما زلتي شرعا ع ذمته مب حرام
تتواصلين معاه في تقرير مصيركم
ترا ما في شي اسمه كرامتي وما ادري شنوا
ما بين الزوجين كرامات
بين الزوجين موده ورحمه
انا بصراحه مو فاهمه شي
كل الي فاهمته انك مستسلمه
استسلام كلي وحاطه مصيرك بيد ناس
ما تهمهم الا مصالحهم وبصراحه هذا ظلم في حق نفسك
يعني قاعده كذا زي الارض البور ع قولة اخواننا المصريين
انا لو صديقتك وقريبه منك والله ما خليتك كذا
وش دعوه
قهر بصراحه

​

 

[ذهب مع الريح]

بس هلي ما اقدر اتصرف واهمشهم.... وهله ما ادري وش بخواطرهم قبل والحين عرفت و اعرف كلامهم عني و عن ناصر..... بس المفروض هم يتحركون مو انا..... ولا هلي....؟؟ قلت لكم مسألة ماهي بسيطه لأن رقابنا تحت سكين عادات وتقاليد ما انزل الله بها من سلطان...

حبيبتي
هذه حياتك انتي مو حياتهم عشان يتحركون
من قال ان في احد يتحرك لغيره
الناس لاهيه بحياتهم
اذا انتي ما تتحركين لنفسك انسي احد يتحرك لك
وبعدين ليش هم يتحركون !!! انتي لازم تتحركين
زي الزوجه الي تشوف وحده لافيه ع زوجها بتاخذه منها تسعى بكل ما فيهاا من قوه عشان تحمي بيتها وتحافظ ع زوجها
حبيبتي اذا انتي ما زلتي ع ذمته ما لك عذر عند الله
دقي عليه وقولي له اذا انت باقي علي وتبيني زوجتك تعال وخذني
وانتي وش دراك يمكن تارسين راسه بمعلومات غلط انك انتي الي ما تبينه والرجل خايف يواجهك عشان ما يعطيك فرصه تهدمين الامل الي متمسك فيه ويصير الي يسمعه حقيقه مو كذب
ترا حنا الحريم اقوى من الرجال في حسم الامور وحل المشاكل

ولا سمح الله ان طلع هو ما يبغيك خلاص الي عليك سويتيه وارتاح ضميرك ساعتها قولي انا راضيه بقسمة الله وشوفي حياتك من واحد ثاني يهنيك ويسعدك وعسى ان تكرهوا شيئا وهو خير لكم
​

 

[معلمة متألمة]

مامي.... وحشتيني...حياتي..... افضى لعيونج...​

ذهب..... غناتي....
وش كاسر ظهري الا اني منفصله رسمي... تظنين لو على ذمته باقعد لهم!!!!!!
ومسألة ان احد يملى راسه .... ما اصدق ابد..... ناصر اعرفه اكثر من امه و ابوه... وهو يعرفني اكثر من اي احد.... تهقين ما حاولوا يملون راسي علي.!! كل ماتكلموا ..... سكتهم وقال لهم لحد يجيب اسمها على لسانه.. اقربها قبل تقريبا شهرين النشبه تقول له بزوجك اختي ومانبي مهر ما نبي الا راسك... قال لها معصي ما ابي الا زوجتي..حصلت لي خير ونعمة من ربي واذا اهلها ما رضوا والله ما اعرف غيرها.....!! اصلا مو معطيهم مجال يفتحون معاه موضوع انهم يشوفون له وحده..... غيري.... وامه وابوه اللي سمعته عنهم قبل سبوعين انهم يبون يلمون هلي بس عندهم ظرف هالفتره وبس يفضون بيكلمون هلي... وان شاء الله ربي يفرجها عاجلا غير ..هذا الكلام سمعته واذا تذكرون اليوم قلت لكم اني اسمع تلاطيش كلام بس ما ابي افرح او اصدق اي شي ماشفته بعيني او سمعته بإذني...... فهمتوا علي!!!
وبخصوص اني اشوف حياتي مع حد ثاني.... اول ما انفصلنا وتعبت و ولكت امري لله تقدموا لي يا متزوج او عزوبي ظروفه كلش ماتناسبني..وفيه 2 كنت ظروفهم اوكي و واحد منهم شاريني بكل شي بس سبحان الله الموضوع بروحه تسكر مع اني استخرت ربي وربي سكر الموضوع..... يعني يا اما ما يناسبوني او لو كانوا اوكي يتسكر الموضوع من نفسه او من صوب الرجال...... ربي مايتممه.... ​

يالله ان شاء الله الفرج قريب.....
انا حلمت حلم اول ما انفصلت معاه وفسره لي شيخ انه بنرجع لبعض عقب طلاقنا بس مايعرف متى..وبعد ماتعلقت بالحلم لأني ما ادري ربي وش كاتب لي.....
ذهب فديت رووووحج وربي حماسج وشعورج تجاهي كبير ف عيني.. يارب يرضى عليج ويكفيج اي هم.... تدرين صج والله لو انتي تصيرين لي بااااال من سنة جدي الخبر بين ضلوع ناصر...... فديتج ياغاليه انتي وكل اللي وقفوا معاي.... احس فيكم وفي حرقتكم علي حسبي الله ونعم الوكيل.. هذي اللي تثق ب النااااااس محد ينفعج الا اهل القرآآآآن وخاصته وكل اللي وثقت فيهم مب من اهل القرآآن ابد استاهل ...غلطتي ومحد تحملها غيري... واتمنى تستفيدون منها..​

وعلى فكره ... ترى انتوا تشوفونني صبووورة وعاقله عسك نظرتي ل نفسي تماما... اشوف نفسي مهزووووزة وضعيفه و ما اقدر اخذ حقي (مع هلي..) مو مع اهل ناصر....
وبعد زواجي من واحد ب شخصية ناصر واجد ساعدني بتعديل اشياء واجد غلط بشخصيتي حلو يكون التكافؤ بالشخصيه بالقوة والضعف لأن لو الزوج والزوجه شخصيتهم ضعيفه بتضيع حقوقهم وحقوق عيالهم...
ربي يسعدكم يارب..​