صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
في حفظ الرحمن ياقلبي واستودعتك الله ​
 
صباح الورد والفل ع الكل
كيفكم بنات وكيف اصبحتو
اخبارك هنوده كيفك اليوم وكيف المعنويات
الله يعطيكم الصحه والعافيه يارب
 
صبحكم الله بالخيييير يالربع ......
هنوده هاتي علوومج....
اما عن علوووومي أنا ف مشتهيه انااااااااااااام يوم كاامل او 12 ساعه متواصله ....... بنتي الله يحفظها تسهرني والله البارحه قعدت ابكي صعب علي حالي لا ام ولا اخت ولا أحد ينفسني اصلا ناسيه أني بالنفاس ..،الحمدلله ع كل حال ..
هنوده جعلك ترجين لناصر وبعد سنه تجين تتحلطمين مثلي وتقولين ابي انااااام ولدي مسهرني طول الليل .... ( إلهي امييييين)
 
امين يارب
الله يسمع منك شهوده
والله يعينك ويساعدك يارب
يا كرهي للنفاس
 
مرحبا.....

بنات شلونكم.... وربي وحشتوني....

انا بخير.... بس شغل عندنا بارتي الخميس حق الصغاااار كي جي و واول وثاني... ومشتطين .. شوي..
فديتهم ياخذون العقل...... بس الصبح شوي يصيحون وعقب تهدى اعصابهم.. وااااي فديتهم خاطري اعضهم لما اشوفهم... ربي يرزق كل محرووووومة بالذرية اللي تتمنااااااهاااا ياااارب ويرزقني ..... آمين...

شهودة حياتي ع الدعوه.... ونستني :)

>>> تكتب البااارت... بس بارت يوم كنت مع ناصر..... شي طرى ف بالي وبكتبه لكم..

معلمة..​
 
هنووووووده وناااااااسه اول مره انتبه انك فتحتي موضوع

والله لك وحشه ان شاء الله ناويه اخذ عمره هاليومين وما راح انساك من دعواتي من قلب احبك في الله

اسمعي ياقلبي بالنسبه للظالم تبغي حل يخليه يحبك ويدور رضاااااااك

اول شي الدعااااااااااء ان الله ينزع الكره والحقد من قلبه وان الله يهديه ويشرح صدره

ثاني شي الصدقه بنية ان الله ينزع كرهه لك

هذي الحلول انا اخذتها من وحده مجربتها

الله يكفينا شرهم تصدقين صاروا الناس معاد يخافون الله الظلم والقذف والنكد ع المسلمين عادي عندهم هذا اذا ما كان يعجبهم انهم خلوهم في هم ونكد

يااااااارب يرينا قوته في كل من يستقويي علينا**
 
مرحباً هنوووودة. منتظرينك على احر من الجمر ربي يفرج عنك
 
مساء الخير على الجميع..
كيفكم يارب انكم طيبن.
كيف حالك ياهند ..اشتقت لك
 
طبعا تعرفون قصتي معاه اول زواجنا..
يوم صار الوضع طبيعي وربي ألف بين قلوبنا انا وهو.. وتأكدت كل واحد من حب الثاني حسيت ان ناصر صار جاف شوي ..(طبعا لانه شمالي ..) واما ماكنت حاطه هالشي ب بالي.... ولاني جنوبيه ف تطنيشه او عدم اهتمامه يضايقني وينرفزني... وهذا احد اكبر اغلاطي اللي سويتها معاه...ممممم المهم كنت دوم ارسل له واحرقه مسجات وهو ما يرد وانا مقهورة ليه مطنش اكيد مايحبني اكيد حد ماخذه وبليس شغال علي طبعا مايقصر ف هالسوالف... وتجيني افكار خايسه ..المهم وش اسوي... ش تسوين ياهند.... مع بروده .. ( ماكنت اعرف ان هذا طبع الشمالي....) .. وكان هالشي يضايقني.. قلت لكم..
ش سويت.... ..؟؟
قبل لا افهمه كنت دوم اعاتبه ليه ماتطرش؟؟؟ ليه ماترد ع مسجاتي ...؟احيانا اتهاوش معاه ع هالسبب والموضوع اصلا مايستاهل انتي اتهاوش معاه.. لان محد ماخذه مني ولا ماعاد يحبني.. باختصار هذا طبعه لانه شمالي وانا ذاك الوقت ماكنت اعرف ان هذا طبعهم ( قطيعة تقطع العدوووو).. وعقب ماتعوذت من الشيطاااان صليت ركعتين ودعيت ربي يرده مثل ماكان ويسخره لي.. وقلت بخاطري ليه ما اسكت واطنش احسن ولا اترفز وانرفزه معاي هو اوكي معاي بس هالشي اللي مضايقني معاه انه يطنش مسجاتي ( شفتوا الموضوع ش قد سخيف !! لانها بالفعل سخيف جدا وتافه مقارنة بالافكار الشيطاينه والاعصبيه اللي كنت اعصبها بهالسبب وهو مايستاهل)
زعقب ما هدّيت وقلت دامه يحبني وانا احبه ومايقصر معاااااي بسكت لانه مطنش بالمسجات بس باشيااء واجد مايطنش ولا يقصر..( وهذي خصله.. ممتازة اذا الزوجه حطتها باساسيات تعاملها مع زوجها.. مثلا اذا هو معصب وحااااااار ع الطالع والنازل..تشوف جوانب ثانيه هو اوكي فيها الين باسلوبها تغير عصبيه وهي اصللا بتتغير مع الوقت والعيال والكبر شوي) اتمنى فهمتوا علي لاني يابنات يشهد ربي اني ارتب لكم افكاري قد ما اقدر واحطها لكم مع خالص حبي وتقديري وامنياتي للجميع بحياة سعيده لايتخللها حزن....
وسكت عن سالفة المسجات وصرت ارسل لبنت خالتي وصديقاتي وزميلاتتي بالدوام وهلي واذا رن المسج عندي افتحه واشق الابتسامه وهو بجنبي (ابي احرك غيرته لانه مطنشني وهو خبر خير) طلع الاخ مب خبر خير... بس قلت لكم لانه شمالي هذا طبعه... وعقب ابتسامتي رديت المسج ب مسج عادي ( ترى انا ما ابالغ ابدا بمسجاتي مع حتى اقرب قريبه لي.... يعني ما اقول لها حبيبتي حياتي ومن هاالسوالف اللي الاولى ان قريبتي تسمعها من زوجها مو مني انا) وناصر عدل قعدته ولف علي... قال خير شعندج شاقه الحلج.... قلت اي مستانسه لاني ناس واجد يذكروني واي حد يذكرك وانا عنده بيجيك واذا مو عنده بيطرش مسج .. وعيني ع الجوال بلفيت مادري عنه وانا فيني ضحكة لانه مب عاجبه اني انشغلت بالجوال عنه....
انتبهوا اللي زوجها شكاك او عصبي تتنبه من هالحركات لان ناصر عصبي وفيه شك ومر عليه وقت يشك شك مب طبيعي (ما الومه لانه كان ع علاقة قبلي) يعني مو وحده زوجها شمالي وتبي تأدبه تسوي هالشي واذا جلا يبي يشوف المسج تمسحه!!!!! والله انها بتتحسف لان الرجال مهما كان واثق بزوجته بليس مستحيل يخليه بحاله خصوصا لو مسحت مسج..

عمري مامسحت مسج ولا افكر اسوي هالحركه ابد.. وعمري ماخبيت عنه مسج وانا اصلا ما اسولف مع هلي مثلا باشياء خاصه عنهم او عني بالمسجات عشان لو ناصر عندي وشاف الجوا ما انحرج ولا اتسبب ب مشلكه انا ف غنى عنها.... قلت لكم لازم ننتبه على كل شي نسويه وكل شي نقوله.. لان الحرمه محسوب عليها كل حركه تسويها وكل حرف تقوله...

المهم وسكت ما قال لي شي ( وانا اقول هين يا نــًّـصّور دواك عندي... وارسل رساله ثانيه ع صديقتي شلونج ......!! ( وتعمدت اسالها عشان ترد بمسج).... ورن التلفون رنة المسج ردت علي هلا هند وحشتيني فديتج شلووونج ..مممممم وجاوبت ع السؤال.... ولف ناصر قال لي بعصبيه يحاول يخفيها شعندها المسجات شغاله اليوووم... قلت ولا شي ناس يذكروني وعيب ما ارد عليهم.... اصلا لو اقدر اروح لهم بدل المسج.... وسكت وانا ابتسم وعيني ع الجوال....كنا قاعدين بغرفة الجلوس.... الضحى السبت لان الجمعه يكون مع خوانه بالمجلس... المهم وقعدت شوي عقب استأذنته وقلت له بروح انبطح بغرفتي قال اخذي راحتج.... ( وانا اقول ارسل له والا لا.... مستعجله عارفه انها جابت نتيجه معاه بس قلت يابنت اركدي خليها ع نار هاديه واللي يجي بسرعه يروح بسرعه.... وانبطحت وغفت عيني شوي وعقب صحت ع التلفوون مسج وافتحه الا صوت : كل عام واني بخيــــــــر وعقبال 100 سنة وانا دوروني .... متشققه من الوناسه... وعلى طول اتصلت ع وحده تحبني واحبها من قلبي ولين اليوم معااااااي فديتها وشوي الا ناصر ع راسي..... بس يسوي نفسه يدوّر شي ( ع مين يا بابا خخخخخخخخ احسن ذوق اللي ذوقتني اياه هههههههه وناااسه) وقتل لها لا محد سبقج... اصلا باقي ع ميلادي يومين..... واول ماقلتها لف علي ناصر وعطاني نظرة والله اني خفت منها ..... معصــــــّب من قللللب وانا اهدي نفسي اقول ليه اخاف عسى ما شر ش سويت عشان يعصب!!! المهم وقلت لها بخليج مشغوله وقالت لي عادي بس حبيت ابارك لج.... وسكرت وقال من هذي قلت فلانه من ربعي.... قال ماشاء الله متذكره ميلادج....؟ قلت اي وليش ماتذكره معاي 6 سنين عادي كل سنه اصلا.... قال اي وسكت وطلع معصب.... ونفسيته ذاك اليوم مشووووطه.... والعصر راح العزبة وانا تميت مع امه وخواته والنشبه واااااااااع.... وبعد العشااء رن تلفوني دز مسج..... وانا ميته من الوناسه وقلت لا تردين اركدي خل يتأدب... وانا ابي ارد عليه بس ماسكه عمري...

بنات تاااايم آآآآآآوت تومورو اكمل لكم .... سوري بس والله غصب :)

احبكم من قلبي....​
 
اتمنى زوجاااات الشمالي يستفيدو لانها تجربه واقعيه ومو شرط يطيحوا بنفس الاخطاء وبعدين يعدلوا يحاولوا من البدايه


والله يجزاك الف خير
 
ذكرتيني بسالفة المسجات أنا نفس الشي ادز واذبح نفسي بكلام الحب والرومانسيه وريلي خبر خييييير اخر شي يفكر فيه اهو المسجات وكلام الحب والغزل ومن هالقبيل لكن بس الاسبوع الماضي طفح فيني الكيل كان أجيب العيد واعصب وأدز له ذاك المسج اللي يغث ويلوع الكبد ويخلي لونه يصير اصفر احمر اخضر <<<<إشارة مرور
ومن الاسبوع الماضي والرجال منقلب حاله لا عاد اليوم الصباح داز لي مسج (حبيبتي حياتي انتي احبك مووت )
عاد أنا مسويه روحي ثقيله وطنشت ولا كأني شفت المسج >>>>> رجال ماتجيبهم الا العين الحمرا
 
معاك حق الرجال اخر همهم الرسائل
ربي يعينا عليهم

بس والله لو اسوي حركتك وربي مابغير فيه شيء
عنده كل شيء عادي
 
فيه نبته عند العطار اسمها شذاب تطرد الجن من البيت بخري غرفتك والبت منها وحاولى بعد بعد بطليقك يسويها
 
الله يعين احيانن يقولك ارسلي لفلان وعلان

ياليته يريحنى ويفكن من شره

في رعاية الله وحفظه

ولاتطولين علينا ننتظرك على أحرمن الجمر

والله يسعدك دنيا وأخرههههههههه
 
أسأل الله من ثبت محبتك في قلوب البلقيسيات يثبت محبتك في قلب ناصر وتزيد تزيد حتى تطرد كل شر وشرير ..
هنودة قد تتعجبين من هذا الموقف !!
كنا نسير أنا وبنتي ونتذكر صديقة لنا ندعو لها وفجأة وقفت بنتي
وقالت :يارب يارب ترجع هند لناصر وربي يسخرهما لبعضهما ..
وتحمست في الدعاء ..الله يتقبل ..(هي عرفت سالفتك مني )
أدعي لها في أخر سنة في الجامعة ربي يوفقها ويسعدها ويسخر لها جميع خلقه آمين .ومن قال آمين آمين ..
هنودة سلامنا للوالدة الغالية ولصديقتك الغالية ..
 
الحالة
مغلق و غير مفتوح للمزيد من الردود.
عودة
أعلى أسفل