بنات أنا راح أتكلم من واقع تجربه يعني ماراح يكون كلامي دروس حافظتها أو سامعتها هني وهناك
أنا وزوجي تغيرنا 180 درجه من عقب ما أكتشفت زواجه
كنت بتطلق وننهي العشره على خير ولكن هو أصر الا أعيش معاه
فلا أنا صرت مثل ما كنت ولا هو شفته مثل ما هو كل شي تغيرررررر
كان هو اللي يآمر وينهي كلمته مسموعه يجرني مثل العميا وراه
ما لي حق أسأل عن شي بس أدور رضاه
ويا ليته يرضى يزيد غرور على غرور حتى تفرعن
وخلى على راسي شريجه ساحره..!
الحين أنا اللي أنهى وآمر .. وكلمتي مسموعه وهو أنتهى بالنسبه لي وياليته يريحني ويرتاح ويطلقني
ولكن هو اللي أختار أنا ما لي ذنب في كل هاللي يصيرررررررر
بجى ولاراح ولا مات ماعاد يهمني
اللي بقوله لكم أن هالدنيا متروسه ذيابه يا أنا نكون ذيابه
علشان ننغذ أنفسنا ولا ترى بتضيعنا الطيبه وراهااااا
ليش تسكرين علج الباب وتبجين كافي حزن وملام.. أصلا لو يحس ماراح وأتزوج عليج
كافي نخدع أنفسنا وأنقولها تراه للحين يحبني ولازم أرضيه
كافي خداع كافي
أرسمي مثل ما رسم... أضحكي وخلي الكل يسمع ضحكتج وأولهم زوجج خليه يموت قهر وندم
لا جا أحضنيه ولفي عليه بطيبج خليه ينسى ربعه وناسه
ولا راح أنسيه وأحذفي حبه من ورى الباااااااب
سوي مثل ما سوى...يضحك عليج وعليهااااااااا
أي حب وأي خرابيط
الحمد لله صحيح أني مريت بأزمه ولكن طلعت منها بخيييير
اللي أكتشفته بهالدنيا أن دموعنا غاليه وروحنا غاليه
لا تبجين على أحد ولا تسلمين روحج لأي بشر كاااان
كلامك حق يا ابرار والله انا بعد جربت ومرت علي هذي المرحلة كنت احس ان نفسي معلقة فية هلحين وتوة من شهر بس تزوج والله احس اني ضيعت دموعي وضيعت نفسيتي ونفسية اولادي في واحد
مهما كان يكفيني انة تزوج علي ولو كان شايلني من على الارض احس اني ما استاهل منة هذي الطعنة وخاصة انة معيشني انا وعيالي بلمنة كل قرش وراة الف منة زود عن اول
صدقيني أخيتي زوجي اليوم يبجي يبي رضاااي
لكن النفس إذا عافت....عافت
أنا الحين يالله أصلح اللي أنهدم بينا..وأصالح نفسي
من جد هذي اعجبتني بع يا ابرار يالله اني اعالج نفسي وعيالي من الجروح اللي كان سببها
لا صارت الدنيا غابه حرام نكون فيها أليفين
النفس أمانه
