$$صـاحبـة الســـــــمو المــــــــــلكي زوجـــــــــــــــة أولـــــــى$$

[عزيزة.نفس]

عزيزة نفس انا من الرياض
وش تبين امري وتدللي
فندق الفور سيزون ما عليه كلام
فيه بعد فندق الفيصليه
الانتر كونتانينتال
الماريوت
وغيره.....

ما يامر عليكي عدو صافي الود
الله :in_love: اسمكي حلو يدل على صفاء الروح
الغالية
:icon30: تم اختيار واحد منهم :shiny: على مسؤوليتكي :shiny: أنا مجربة الفورسيزن والماريوت
مشكووووووووووورة الغلا

 

[طــوبــى]

أختي (أملي بربي)
معرفك جميل فتعلقي بمعناه الحقيقي
وأرى -والله أعلم- أن ترسلي لضرتك هدية مولودها ولاتذهبي أنت وإن اضطررت للتهنئة ففي الهاتف فقط وأما مبلغ الهدية فمن مال زوجك بلا منازع وكفــــــــــانا تضحيات00
أختي الحبيبة :أنصحك بهذا وأنا لا أعرف حقيقة وضعك ومهما شرحتي تبقى الحقيقة أنك أدرى بضروفك ووضعك00​

 

[صافية الود]

الله اكبر بتنور الرياض بتشريف د. عزيزة نفس
حياك الله بين اهلك واخوانك
ان شاء الله تستمتعين وتنبسطين واذا بغيتي شي لا يردك الا لسانك
قصدي كي بوردك
وياليت اقدر اشوفك
واختي ( املي بربي)
انا من راي اختي طوبى اشتري لها هديه من فلوس زوجك طبعا حتى لو عندك دخل وفريه لك
والا وش رايك تبيعين هديتها وتشترين بقيمتها هديه لها عشان( تفتكين منها)
وارسليها مع زوجك وهنيها بالتلفون وتحمد ربها الف مره
وخلي علاقتك بها سطحيه عشان راحتك انتي اولا
الله يوفقك ويوفقنا لعمل الخير

 

[املي بربي]

ياحبييييييييييييييلكم الي رديتواعلي طوبى وصافية الود ماتصورون وشلون فرحتي يوم شفت الردلاني اول مره اصلا اشارك ولان موضوع زواج زوجي متعبني كثيرمعنه صارله اكثر من سنه الله يصبرنا ويهدينا لمافيه الخير اتمنى نبقى متواصلين ولو ان النت عندي صعب الله المستعانوشكراااااامره اخرى

 

[املي بربي]

واريداخبركم ايضا انها سبق وزارتني في بيتي لان بنتي كانت مريضه واخاف اشوف شي يقهرني واناالي ناقصني اشياء في بيتي كثير الله يسامحه الله يسامحه الله يسامحه

 

[الامنيه]

اختي املي بربي انصحك انك ماتزوريها يعني خذي نصيحة الاخوات كفايه قههههههههههههههههههههررررررررررررر وفقك الله

 

[أبرار سالم]

بنات بلا هم ....... بلا غم ........ أضحكوا شوي ...مع هالنكــــــــــــــت​

الزواااااااج....!!!

الزواج يشبه إلى حد كبير الذهاب إلى المطعم مع الأصدقاء


ومن ثم تقوم بطلب الطبق الذي تختاره شخصياً


وبعد النظر في أطباق الأصدقاء


تتمنى لو أنك طلبت نفس الذي في أطباقهم!!!!


***


رجل يقول للطبيب: هل هناك طريقة لإطالة العمر؟؟؟؟


رد الطبيب:تزوج!


الرجل: هل سيساعدني ذلك؟؟؟؟


الطبيب: لا.. ولكن فكرة العمر الطويل لن تراودك مجدداً مطلقاً


***


الزوجة: حبيبي... اليوم هو عيد زواجنا.. ماذا سنفعل حيال ذلك؟؟؟


الزوج: فلنقف دقيقتين حداداً على هذه الذكرى


***


فكرة غريبة ومضحكة أيضاً عندما يتناقش الناس حول قضية


الزواج عن حب أم الزواج المرتب (التقليدي)


إنه بمثابة المناقشة حول الانتحار أم الموت قتلاً


فالمحصلة واحدة في النهاية!!!!


***


قبل الزواج: لا ينام الرجل مفكراً في كلام قد قالته المرأة


بعد الزواج: ينام فوراً وقبل أن تكمل المرأة كلامها معه


***


الزواج أسرع وسيلة لتحويل النقود


وحتى أسرع من البنك وشركات الصرافة!!!


***​

يصل للرجل تيلليجراف: ماتت زوجتك، هل ندفن أم نحرق الجثة؟


الرجل: لا مجال، احرقوا الجثة وادفنوا رمادها أيضاً!


***


رجل يسأل أمينة مكتبة: عندك كتاب (الرجل سيد المرأة)؟؟؟


أمينة المكتبة: لا ولكن ابحث في قسم كتب الخيال العلمي


***


لماذا لا يتزوج الكلب؟؟؟؟؟؟


لأنه طبيعي عايش عيشة الكلاب


***


حقيقة علمية: هناك امرأة جلبتك للحياة باكياً


وهناك أخرى ستبقيك كذلك باقي حياتك


***


س: لماذا لا يسمح القانون في الغرب بتعدد الزوجات؟


جـ: لأنه قانونياً أيضاً لا تصح المعاقبة عن نفس الجريمة مرتين​

​

 

[آنآت حآئرة]

هههههههههههههههههههههه الله يوسع صدرك بالعافيه

 

[صافية الود]

نصيحه املي بربي
خليك متابعه لهالملف وبتشوفين وشلون نفسيتك تتعدل
الاخوات هنا الوحده احسن من الثانيه
الله يبارك فيهم ويحفظهم

 

[أبرار سالم]

يلا هذه نكت ثانيه ... مهداة الى كل زوجه أولى ..........:msn-wink:

آآآآآآآآآه يا جوزي

أرملة تمشي في جنازة زوجها تصرخ و تبكي:

ما تسبنيش يا جوزي حبيبي.. مش ممكن أعيش من غيرك

مشي وراها واحد وقالها: لو أعرف عنوانك حنسيكي جوزك

قالته: اختشي يا راجل يا قليل الأدب

ثم استمرت في العويل:

آآآآآآآآآه يا جوزي

يالي سيبتني في شقه صغيره لوحدي في شارع الهرم عمارة 7 الدور الرابع شقة 9





زوجة البارحة واليوم والغد

 

[أبرار سالم]

فانوس

يحكى أن رجلاً وجد الفانوس السحري وبعد أن مسح عليه خرج له الجني وقال له: اطلب ما تريد يا سيدي؟

قال الرجل: أريد ثلاث أمنيات.

قال الجني:

- لا سيدي، أنا لا أستطيع إلا أن ألبي لك وحدة

فكر الرجل قليلاً ثم أخرج من جيبه خارطة الشرق الأوسط وأشار على بلدانها

وقال للجني:

- أريد أن يعم السلام هذه المنطقة وهذه البلدان وأن يحب العرب واليهود بعضهم وأن تنشر أمريكا السلام بدلاً من الحرب وأن يحب العالم أمريكا وأن يعم السلام العالم كله.


نظر الجني إلى الخريطة ملياً وقال:

- يا سيدي، إني منذ مئات السنين عندما دخلت الفانوس وهذه المنطقة مليئة بالحروب، ولا أعتقد أني أستطيع أن ألبي لك هذه الأمنية أنها صعبة جداً، شعوب تكره بعضها منذ الأزل، لا أستطيع يا سيدي، هل لك أمنية أخرى؟

فكر الرجل كثيراً ثم قال:

- إني أبحث عن امرأة تعجبني وها هي الفرصة قد سنحت لأجدها، أريد امرأة جميلة لكنها غير مغرورة، أريدها بسيطة ولا تحب المناظر والموضة، أريدها لا تتكلم إلا قليلاً وبما هو مفيد، أريدها بشوشة ولا تعرف النكد والجدال، أريدها أن تحب أمي كما تحب أمها، أريدها أنيقة ولكنها غير مسرفة، أريدها أن تكره الأغاني والمسلسلات، أريدها...

هنا قاطع الجني كلام الرجل بسرعة وقال له بصوت عالي:

- دعني أرى الخريطة مرة أخرى يا سيدي!!







بناااااااااات ....تونسون بالعافيه...

يلا عاد ضحكوا وفرفشوا لأزواجكم

قولوا آميــــن الله يخليهم لنااااااااااا

 

[انا وبـس !!]

السلام عليكم ورحمة الله وبركاته
مساء الخير والاحساس والطيبه
اشكر كل من رد علي واسفه اني اتاخرت بس النت عندي فيه مشكله وبنزل الان جزاء وللقصة بقيه
مرت الايام ونحن واولادنا وكل من يحيط بنا مسرور بالحمل
ونسيت اقولكم اني خلال الفتره الماضيه اجريت تحرياتي عنها(كونان) وجات الناتئج لصلحي فهي اقل مني بكثير من ناحية الشكل واللبس وفيها جميع الصفات التي يكرها زوجي من طول (وزوجي قصير)وضخامة جسم وسمار البشره(واحنا يالحريم اللي يهمنا الشكل بالرغم انه ماهو شرط اللي يكون حظها قليل بالجمال يكون حظها قليل بالحياه)
انا في البدايه ماقلت لزوجي على مواصفاتها بعدين قلت خليني اقوله يمكن يغير رايه ويهون عن الزواجه ولما قلت له قال والله اني كنت خائف من كذا قلت له ليش قال انتي جالسه كانك توصفين اخوانها ويارب سترك لو طلعت شبهم قلت انا ماعرف اخوانها ولاشفتها هذا الموصفات سمعتها من اكثر من وحده ويمكن يكونوا غلطنين قال مااعتقد انهم غلطنين قلت اطلب الشوفه من حقك قال ذحين وبعدين هذولا بدوا وماراح يوافقوا
المهم سارت بنا الحياة مابين شد ومد بس اللحظات الحلوه اكثر خاصة اني جلست مع نفسي وحسبتها ووجدت اني الى الان انا الكسبانه فهي اقل مني ورزقني الله بالحمل وعسى ان يكون القادم اجمل
كنت من كثر الزعل اخاف على اللي ببطني لايسير فيه شي وهذا سبب خلا زوجي يدورعلى رضائي باي طريقه
وهو قدم على قرض من البنك وراح واعطهم المهر طلبوا منه يملك رفض وهذا بناء على طلبي طلبوا منه يكون الزواج بنفس المدينه اللي ساكنين فيها برضاه رفض لانه كان عارف انهم بيطلبوا صاله ودق والذي منه وقال لهم الزواج يتم بالقريه عند الوالد وكانوا يوافقون على طول ماحسبوا يجيهم احد ومرت الايام وكنت احس احيان انه يسوي شي من وراي واساله يقول مافيه شي وفي يوم قال انا طالع لهم قلت بتملك قال لا وكنت حاسه انه رايح يملك المهم راح العصر وهناك مافيه ارسال اتصلت على اخته قلت لها قلبي اكلني حاسه انه بيملك قالت انا مدري اصلا انه رايح لهم وعلى الساعه 11 كلمني قلت خلاص ملكت قال ايه قلت له مبروك وقفلت الخط ورحت لسجادتي رميت نفسي بين يدي ارحم الراحمين بكيت ودعيت وتوسلت له ان يربط على قلبي ويجبر كسري ويرحم ضعفي وجلست على سجادتي لين ماجاء ودخل علي الغرفه وكنت ابكي واصلي وجلس لين ماخلصت صلاتي ورميت نفسي بحضنه وبكيت قلت خلاص يابو فلان صار فيه وحده تشاركني فيك لها نفس حقوقي قال انتي ماحد زيك ولاحد ياخذ مكانك
سالته شفتها قال لا قلت له ليه ملكت انت وعدتني ان الملكه مع الزواج قال قدمت على اجازه من العمل وقالوامافيه امكانيه قالت لهم بتزوج قالوا جيب عقد الزاوج وظطريت اني املك بس مشاء الله عليك كنتي تحسين في أي تغير لما كنتي تسالين اناحاسه ان فيه شي اقولك لاوانا كنت اجري تحليل الزواج ووالله اني كنت اتقطع عليك واقول لو ماتحبني ماحست بشي
ومن ثاني يوم اتصلت عليه قالت ليه رحت الباراح على طول قال معي رجال الاخت شكلها كانت تعبانه على نفسها وخذلها وهو لما راح لاحلق ولاصبغ يعني ماكان عنده نية شوفه
انا هنا اخذت موقف وقلت له لايمكن اسمح لك تكلمها ببيتي عندك الشارع اجلس فيه 24ساعه كلمها وعدني خير بس هي مصيبه تدق عليه بنص الليل دقه وحلفت له لو ماوقفها عند حدها لاترك له البيت وشكله كلمها بطلت تدق ومكالمته لها بسيطه حتى انها ماتتجواز 3دقائق ومره كنت معه بالسياره ودقت ورد وقال هلا ابو فلان خير اكلمك شوي طبعا انا سمعت الصوت وقلت ماشاء الله ابو فلان صار صوته ناعم ونقلب وجه قلت له هذا وعدك من اولها بدات تخلف قال مدري ايش عندها تقول كلمني ظروري ورجعنا البيت اتوقعت مايطلع معي علشان يكلمها بس طلع وجلس شوي وبعدين خرج كان عنده عمل وشوي اتصل علي قال تدرين ايش تبغاء قال تبارك على الحمل هو ماقال لها اني حامل بس شكلها هي كمان مسويه كونان الاخت جنت لما عرفت اني حامل خاب ظنها كانت متوقعه انها بتجي تعوضه عن النقص اللي في(وانا استغرب كيف وحده توافق تتزوج واحد عارفه انه اختارها لهدف وسد فراغ وليس لتكون الكل بالكل) وفي مره دقت عليه وطنش وبعدين قالت له فينك مادقيت علي قال مشغول مع عيالي قالت كل هذا مع عيالك قال لها لازام تعرفي انه ماهو معنى اني اتزوجت اني ماحب ام فلان بالعكس هي غاليه علي واحبها وهي وصبرت علي وكان ردها ماعرفها
وبعد اسبوع من الملكه اتصل عليه اخوها وكان بنفس مدينتنا قال تعال بكره شوف اهلك (من اسبوع بس صارت اهله سبحان مغير الاحوال) وجلست طول الليل وانا ادعي ان الله يصرف قلبه عنها وارسلت لااخواتي اطلب منهم الدعاء وفي الموعد المحدد جهزت له ملابسه وعطرته وقبلها صبغت له وودعته عند الباب وهمست في اذنه وانا احضنه(استودعك الله الذي لاتضيع ودائعه استودع الله قلبك وبصرك وسمعك وفرجك) وراح وغاب ساعه كانت بالنسبه لي سنه وبعدها كلمني وقلت بشر يابوفلان قال والله انك طيبه وان ربي يحبك وعرفت من رده انه اصيب بخيبه وجلست اضحك واقول هذا من حظي قال انا جاي البيت واحكيك اللي صار ولما دخل كان وجهه مقلوب واستلمته بنته واخته اسائله وانا ساكته واتفرج ومسكني من يدي ودخلني غرفة النوم وحظني واخذ يردد سامحيني اكثر من20مره والله يالغاليه ماتستاهل دموعك ولازعلك وياخسارة الدين اللي ركبته نفسي وياخسارة زعلك وياخسارة ايامنا الحلوه اللي خربتها بغبواتي انا هنا حسيت بنشوة الانتصار وان كل شي ماشي لمصلحتي
بداء يستعد للزواج واستاجر شقه صغيره وبسيطة وفرش فرش اغلبه مستعمل وقال لي ابغا اجيب لك غرفة نوم جديدة واودي هذي هناك قلت له اذا بتروح انت خلي لي الغرفه اللي تظم ذكريات ايامنا الحلوه قال انا قصدي ارضيك ورفضت وكان معظم الاثاث من اثاث بيتي اللي استغنيت عنه وطلبت منه اشوف الشقه وشفتها وكانت اقل من عاديه
وهنا انتهت فترة الملكه لتبداء الفتره الحاسمه وساكتب لكم ماحصل لحقا
استودعكم الله الذي لاتضيع ودائعه

​

 

[نديم الصمت]

اختي املي بربي انصحك انك ماتزورينها ولا تزورك وخلي علاقتك فيها سطحيه مره

انا رضيت بالي قسمه لي ربي وقلت اعتبرها زيها زي غيرها ماهو ضره كنت اتكلم معاها واحترمها ومااخلي بناتي يغلطن عليها وقدام الناس اتكلم معاها عادي واحمد ربي اني ماخليتها تدخل بيتي وهي من وراي تكره زوجي فيني والحمدالله اني مره قريبه من زوجي يقولي كل شي يصير معاه ومن بين كلامه قال ان انتي تتكلمين عليها قدام الناس مواول مره تحاول انها تكره فيني وبعدها قطعتها نهائيا

 

[جنـــــــان]

:icon26:

اشكرك اختي جننننننننننننننننننننننننننننان على اهتمامك وسؤاللك يعلم الله حبي لك ولجميع اخواتي الملكات بدون استثناء وعلى فكره انا مغيره المعرف حقي ياترى عرفتيني؟؟؟؟؟

اممممممممممممممممممممممممم




وهل يخفى القمر:icon26:





تفكرينا نسيناك:icon26:


معرف جميل

والاجمل نفسيتك الحلوة

ولتغييير الجميل اكيد بعد مع ابو الشباب هبلتيه :smoke1: :icon26:


يا


تحقيق

:icon26:

الهدف




ودعواتي

الله يحقق كل آمااااااااااااااااااانيك عاجلا غير آجل:msn-wink::icon30:

آمين


سعدت لتواجدك :icon26:

 

[جنـــــــان]

أملي بربي

الافضل ان تردين الواجب بهديه مثلها وبنفس القيمة على اساس ما يكون بينكم فضل

ومن فلوس زوجك الله لا يهينه اوكي

وترسلينها اليها مع التهنئه بالهاتف وغيره
اعتقد بكذا اديتي الواجب وزياده وكبريائك محفوظ ومافيه منه بينكم واهم شي راحتك ونفسيتك
واذا اي شي تشوفينه لصالحك ويريحك سويه طيب حبيبتي

اهم شي عندناااااااااا احنااااااااا يا صاحبااااااات السمو رآآآآآآآآحتك ونقسيتك في المقدمه والباااااقي ...............

اوكي الله يوفقك ويحفظك ويكن معك ويهديك للصواب ويريح بالك ويطمن قلبك آمين بعدين طمنيناااااااا عنك





ابراااااااااار بنت سالم


اااااااه من النكت اللي كتبتيهاااااااااا كله كووووووووم ووالمصريه اللي ماااات جوزهاااااااا ضحكتني سالفتهاااااااا

الله يديم السعااااااااااااااااااااااده والفرح والسرررررررور علينا ويكفيناااااااا شر الحااااسدين



عزيزة نفس


وش ناااااااااااااويه عليه يا خطيرررررررره ههههههههههه




فوشياااااااااااااااااااااااااا



اشوى انك دخلتي ما تيجين الا بالعين الحمرااااااااااااا ء بس لا تكونين على الصاامت كلها ضغطت كيبورد وبس كلمتين ورد غطااااااااااااااها لا تحرمينااااااااا
اوكي




أنا وبس

تعجبيني يا قويه انتي قدوه لصااحبات السمو الملكي ما شاء الله تبارك الرحمن ننتظر البقيه اوك شكلك بتصيرين استاااااذتنا ومبروك الحمل مقدما اعتقد اللحين قد جبتيه خلاص الله يحبب قلب زوجك اليك ويهدي سركم ولا يرا الا انتي في عينه وقلبه وحياااته كلها آمين

 

[حوريــــــــــه]

مرااااااااااحب
بصاحبات السمو
الاوليـــــــــــــــــــــــــــــــــــــــــات بحياة ازواجنا والوحيدات بقلوبهم
المتجـــــــــــــــــــــــــــــــــــــــــــــــــــــــــــــــــددات
المشرقـــــــــــــــــــــــــــــــــــــــــــــــــــــــــــــــــات
الصـــــــــــــــــــــــــــــــــــــــــــــــــــــــــــــــــابرات
الدلـــــــــــــــــــــــــــــــــــــــــــــــــــــــــــــــــوعات
الغنوجـــــــــــــــــــــــــــــــــــــــــــــــــــــــــــــــات
الـــــــــــــــــــــــــــــــــــــــــــــــــــــــــــــــــودودات
الطيــــــــــــــــــــــــــــــــــــــــــــــــــــــــــــــــوبات
الـــــــــــــــــــــــــــولـــــــــــــــــــــــــــودات
السنعــــــــــــــــــــــــــــــــــــــــــــــــــات
وكل مصطلح جميل في المعجم
هههههههههههه اليوم انا رااااااااااايقه :blush-anim-cl:

جنااااااااااان يالغلا مشكوره حبيبتي على السؤال
واختفائي بسبب ابو الشباب الله يحفظه لاصق عندي صرت اقوله انت لصقة جونسن خخخخخخخخ
اقووووووول ايش حكايتك مع اوكي اكيد ماخذه دورة انجليزي صح:sly:

ال سلام عليكم ورحمة الله حبيباتي واخواتي في منتدانا وفي ملفناهذاخاصه لكم كل الود :icon26::icon26: ارجواستشارتكم في موضوع :blush-anim-cl:وهوباختصاران :icon28:ضرررتي:icon28:ستضع مولودها الاول قريبا وعلاقتي بها اوكي لاخيرولاشر وهي كذ لك مع فارق المقارنه ف اناالاولى المقهوره والمغلوبه على امري بطبيعة الحال :surrender: ماعلينا مابي اقلب مواجع سوالي الان اذا جابت مولودها هل يلزم اروح لها وابارك واهني واهديها و علما انها اول ماتزوجت زوجي اهدتني هديه قيمة وهذي الهديه زي الجبل على راسي ابي اردها لهاولايكون لاحدفضل علي غير ربي بعدزوجي كذا مره يذكرني بفعلها وانها تكن لي كل الاحترام:harhar1: طبعا غصب عنها وبنفس الوفت ابي احفظ كبريائي ولااكون :tears: دلوني تكفون اهديهاوالا بس ابارك علماانه ليس لي دخل ثابت ردوالله لايحرمكم جنته[/quote
عزيزتي املي بربي كفاية عليكي رد الهدية بمثلها وارسال مسج :nosweat:
في النهاية خذي الرأي اللي يناسبك

حبيبتي ابرار النكت رووووووووووووعه بالذات الارملة
يالله ومنها نستفيد خخخخخخخخخخ<<<< ناوية على نية:sly:

عزيزة حبيبتي تروحين الرياض بالسلامة لا اوصيك بالليالي الرومنسية واللؤلؤيه والماسية :msn-wink:
اتمنى لك قضاء اجمل وامتع الاوقات مع ابو الشباب
عزيزتي انا وبس اولا الف مباااارك عليكي الحمل والله يتمم لك
ثانيا اهنيك على انتصاراتك وياااااااااارب دووووووووووم وهذا ليس بمستغرب من صاحبة سمو صابره مجاهده لأن النصر مقرون بالصبر
ننتظر باقي قصتك :icon-mos:
اللهم انصرنا واجعلنا من اهل الرضا والشكر

 

[جنـــــــان]

حوريه


الله يهنيــــــــــــــك مع ابو الشباااااب

ايه ما شاء الله تبارك الرحمن عنده حوريه اكيد بيلزق

بس انتي استغلي وجوده وتهني وفليهـــــــــــــــــــــــــا

وش وراك

وشفت الملف عريض بكلماااااااااتك ووسيع

الله يوسع قلوبكم

حتى انا ابو الشبااااااااب لازق لزقه

بس يااااااا زينهاااااااااا

من لزقه هههههههههه

بس والله ما القى وقت مزاجي كذا او حزة انه يطلع مشوار بسيط

إإإإإإإإلا وادخل على الملف بسرعه بسرعه...

اكتب وارد وهذااااااااااا

احسه واجب علي لانكم صاااااحبااات سمو

واستفيد منكم والمنتدى بشكل عام

وفي منكم صاحبات فضل علي بعد الله

يعني ماااااااا اقطعكم ان شااااء الله


حباااااااااااااايبات قلبي انتوووووووووووووووو


مع السلامه

 

[انا وبـس !!]

اشكر كل من ردت علي وبركت لي بالحمل والله يوفق الجميع لما فيه الخير والصلاح
ومشكوره ابرار على النكت والله وسعتي صدري انا وعيالي

 

[املي بربي]

خواتي الحبيبات الامنيه- صافية الود- جنان جزاك الجنان على هالدعوات- حوريه- عاجزه عن شكركم جمعناالله وياكم بهالدنياعلىالحب والمعزه وبالاخره بالنعيم المقيم ااااامينااماحبيبتنا انا وبس اهنيك بحملك اولاوالله يتمم لك بخير وبنصرك المبهر-ماشاءالله-وهذ ي ا ول نتايج الصبريااستاذتناالله يوفقناواياك الجاي احلى باذنه تعالى

 

[انا وبـس !!]

مساء الخير على صاحبات السمو اكمل لكم الحكايه

اقترب اليوم الموعود وكنت اترقب حضوره بخوف كنت اتسال ان كنت ساصمد ام ساتخونني قوتي التي حاولت ابنيها الشهور الماضية
في الليلة التي تسبق الزواج عشت معه وكاني عروس ولكن كنت اقول بنفسي هذه اخر ليله سيكون فيها هذا الجسد لي انا وحدي ومن الغد ستشاركني به اخرى
وارجع لارد على نفسي فليكن الجسد كله لها ولكن القلب والحب والمشاعر لي انا وبس
هو نام وانا جلست اجهز له اغراضه وقبل ماينام سالته ماتبغا تصبغ وتحلق قال الصباح قلت انت بتروح الفجر ووقتها مافيه حلقين قال احلق بالبيت واستغربت من تصرفه ولاعريس المفروض يهتم بالامور هذي
صحي الفجر صلى وحلق وصبغ واستحم وعند لبسه وانا اقدم له الملابس استغربت بانه لم يحلق المنطقه """"""""""""" وسكت ولم اعلق ولكني خرجت بنتيجه انه كمن يدفع لهذا الامر لااشعر ان هناك حماس وفرح في تصرفاته
اعطيته ملابسه وكنت موزعتها كيس فيه الملابس اللي حيلبسها الظهر وقت الغداء وكيس فيه الملابس حقت العشاء وكيس ملابسه اللي لما يدخل عليها واتاثر من اهتمامي وسلم على راسي وعند الباب استودعته بالدعاء وقلت له لما توصل لااخر نقطه فيها ارسال اتصل علي وبعد ماخرج حسيت بغصه وهرعت لله اساله وادعوه ان يحفظه وان يرده لي كما خرج من عندي وماهي الادقائق وارسل لي رساله يطلبني فيها السماح وانه مهما حصل لن يتغير وسابقى انا حبه الاول والاخير
واخر نقطه فيها ارسال تبعد 10 كيلو عن مكانهم وكان يتصل علي كل شوي يريد الاطمنان علي ويقول سلملي على النونو وانتبهي له وكان يومها خميس وكنت صائمه انا وعيالي وامي الله يحفظها لي اللي كان لوجودها اثر كبيروكذلك اختي وفطرنا المغرب وطلبت منهم الدعاء واحنا على السفره اتصل وسالني عن اولاده وطلب يكلمهم وكلم امي ووصاها علي والله ان قلبي وجعني وقلت خير عسى مابيصير فيه شي
وخرجنا عند اختي واجتمع عندها بقية اخواتي ومرت الساعات بسلام وعلى الساعه 11اتصل علي وقال انا في بيت اختي البس وقلت له حانت ساعة الصفر وبعد ساعات راح ترجع ومعك شريكه لي قال ارحمني يام فلان والله اني بعد ماكلمتكم المغرب اني بكيت لما تعبت وماقدرت اطلع لهم وجلست في المسجد لين ماهديت نفسي قلت له والله يالغالي ماحد جبرك على كذا ولا انت محتاج ولاناقصك شي علشان تعذبني وتعذب نفسك قال خلاص ماعاد الكلام يفيد
قلت اطلب منك طلب قال امري قلت بعد ماتجي البيت الليله تمرنا الصباح قال خلاص
وستودعته الله وكان يومها ولدي طالع مع زملاها واتصل عليه جواله مقفل وكنت مشغوله عليه وهنا حسيت مدى حاجتي لابوه ولو كان فيه كان اتصرف
على الساعه 1خرجنا من عند اختي وانا بالسياره الا وجوالي يدق اتوقعت ولدي فرحت لكن لقيته هو اللي متصل استغربت كلمته قلت له فينك قال بالطريق قلت له هي معك قال ايوه قلت له ان ولدك اتاخر وجواله مقفل ياليت تدق على احد من اصحابه قال الارسال قريب يقطع اذا حصلت ارسال اكلمك وماوصلت البيت الاوولدي موجود وحمدت الله
واتصل ابوه وقلت له خلاص جاء(انا هنا اتخيلت شكلها مداها تقول وش البلشه هذي من اولها تطنيش ومشاكل اعياله بس اللي تاخذ متزوج لازام تتحمل )
حبيت اذكره بوعده انه يمرنا اذا وصل بس قلت خليه اذا جات من نفسه خير وان ماجات برضه خير
وصليت الفجر ودخلت انام الا واسمع صوت باب الشقه ينفتح ودخل علينا وكانت دخلته وقتها تسوى الدنيا ومافيها وسلم علينا وكانه غايب عنا شهر وقال فطرتوا قلنا لا اداء ولدي السياره وقال روح جيب فطور ودخلنا غرفتنا واخذني بحظنه بعدت عنه قال ايش فيك قلت اشم ريحتها معك الحضن هذا كنت احس فيه بالامان بالراحه لكن ذحين مدري ايش بيصير قال ماصاير الا خير
واتصلت هي عليه ومارد وكرارت اتصالاتها وهو مايرد في الاخير قلت له ازعجتنا رد عليها وفكنا ورد ماسمعت غير3 كلمات"" الو ""شوي"" خير"" قلت ايش تبغا قال فاضيه تقول بتتاخر جلس ساعه فطر معنا وراح
انا حسيت براحه وقلت اللي هذي اولها ان شاء الله اخرها احسن جانا الظهر وانا وامي نتقواء وجلس وشرب القهواء معنا وبعد المغرب جاء هو واياه عند اهله وطلع عندي وكنت وحدي بالبيت امي وبنتي واختي راحو السوق وولدي نائم وجلس يسلم علي ويقول مشتاق لك الحمدالله ان البيت فاضي ورحنا غرفتنا وحصل ماحصل قلت له راح تفقدك قال بكيفها وتروش ونزل
وكان عند اهله اخواتي من زوجة ابوي اللي هي اخت زوجي وكان نفسي اعرف رايهم واتصلت وردت علي وحده من اخواته وسالتها قالت ياربي لك الحمد ياخسارة اخوي عندها
وشوي وطلعوا اخواتي وماضافوا جديد جميع الاراء تتفق بانها اقل مني وان شكلي اصغر منها
ورجع الغالي وجنا على الساعه 10 جايب عشاء وسالته عن يومه كيف كان قال عادي بس فقتدكم نفسي ارجع للمتنا وجلستنا قلت دامك وعيالي بصحه الحمدالله
وجاء اليوم الثاني الظهر وملابسه وسخه هي نفس الملابس اللي دخل عليها فيها قلت له ليش ملابسك وسخه قال ماحد اعطني ملابس قلت انت خذ قال ماتعودت ادور اتعودت كل شي يجيني واعطيته ملابس وغير وقال غسلي الملابس هذي قلت له حسبك يافتى انا طيبه صحيح بس ماني هبله ملابسك وديه تغسلها ولا المغسله على الذمه قال ابغا شاي ماشربت شاي على امس عند امي قلت حاضر على امرك احلى برادي شاي يكون بين ايدينك بدقيقه واخذ الملابس وراح صحيح الموقف حز بنفسي بس قلت لو اتنزلت بالاول راح يتعود
ارسلت له رساله اقوله امي واخواتي عندي جيب عشاء وجاب العشاء واختلينا بغرفتنا الا وترسل رساله كانها موقته جلسته عندي فتح الرساله ومسحها من دون مايقراها قلت ليش كذا قال انتي مانتي داريه قلت خير قال لما ارسلتي رساله تطلبي العشاء قالت ابغا اشوفها مارضيت قالت انا عارفها انك تحبها بس ابغا اشوف الرساله قلت لها الامر هذا ماله علاقه بالحب هذي خصوصيات وبعدين انا من البدايه قلت لك اني احبها
طلبت منه يوديها لاهلها ويمشيها قال لها بعد يوم الاحد لان ام فلان عندها موعد ولازام اوديها قالت يعني مافيه غيرك قال لا فيه بس انا ماتعودت ان غيري يوديها وكان الكلام هذا يوم السبت وموعدي يوم الاحد الصباح وجاني قبل الموعد بنص ساعه ولكني ذهلت حينما نظرت اليه ووجدت كم الثوب مصبوغ بلون احمر هنا ثرت وقلت له ايش هذا من اولها كذا وقال والله اني ماانتبهت له ولاشفته وجلست ابكي ومارضيت اروح الموعد واخذ يهدي في ويقول هذا اللي تبغاه عارفه اني بقضي معك 3ساعات قالت خليني اقلبها نكد(موعدي كان لتحليل السكر اللي يطلب اخذ عينه من الدم وشرب جلوكز بعدها وبعد ساعتين توخذ عينه ثانيه) فكرت بكلامه ووجدته صح واعطيته ثوب ورحنا المستشفى وبعدين رحنا البحر وجلسنا باالسياره نسولف وقال لي لما جات عند اهلي يوم الجمعه لبست بنطلون وسالتني عنك اذا تلبسي بناطيل قلت له ايوه وجلست اضحك قال ايش فيك قلت يعني على بالها البنطلون ذحين هو رمز الحضاره والشياكه قال هي اخذه انك حرمه كبيره ماتهتمي بنفسك قال هي ماصرحت بس لمحت قلت تصدق نفسي اشوفها قال انا كمان نفسي تشوفيها يمكن غيرتك تخف بس اجليها شوي بعد ماتولدي ذحين الحمل والزعل ماغير منك قلت له خير بس برجع لموضوع الثوب اللي فيه حركه مقصوده لانه لو روج وجاء عفوي كان طبع شي بسيط بس هذا بحجم نص الكف شكلها مالقيت مناديل مسحت مكياجها بثوبك قال انا مارح اعدي الموضوع بسلام وخلصناالتحليل ورجعنا البيت وبالطريق اشترى فطور وطلع فطر معي وكان ناسي الجوال بثوابه الاول وحصلها داقه 6مرات واخذ الثوب وقال يمكن اوديها اليوم لااهلها تبغي شي قلت له على الحاجات اللي ناقصه وراح ونمت وبعد صلاة العصر ماحسيت الا فيه يتلمسني ويسلم علي ويقول مشتاق لك قلت له انت مرحت توديها قال شوي بروح انت اتغديتي قلت لا قال ولا انا قومي حطي غداء نتغداء وكان عندي شغالة امي تطبخ واتغدينا سواء وشربنا الشاي ودخلنا غرفتنا واخذ مني مبتغاه وقلت له ماانت خائف تلقى شعرك مبلول قال ماعلي منها وخرج وودها لاهلها وعلى اخر الليل رجعوا وباتو واليوم الثاني راحو مكه وجده والطائف وكان دائم على اتصال في واذا خلصت بطارية جواله يكلمني من جوالها او يرسل رساله وهو بالطائف اتصل قال ايش الفاكهه اللي تقولي نفسك فيها قلت ايه فاكهه فال اللي وصيتي اخوك يجيبها وماجابها انا نسيت الموضوع وهو فاكر قلت له تين المهم استغليت غيابه وبدات اجهز له ليله رومانسيه وبمساعدة اخواتي ورجع يوم الخميس بالليل وجاء جاب لناالفاكهه وعصير توت وشرب الشاي وراح وهو يقول والله اني فرحان ان الاسبوع خلص من الفجر وانا عندكم
واستقبلته احسن استقبال وحسيت انه كما راح عاد نفس المشاعر نفس اللهفه نفس الشوق وكانه مسافر مع صديق ماهو مع عروس واحنا سواء دقت قلت يالله صباح خير دوبك فارقتها قال انا مظطر ارد عليها علشان جوالي مفصول ورد واسمعه يقول لهااتصرفي ماني جاي قلت ايش تبغا قال تقول فيه فار بالبيت قلت له عساها ياكلها وفعلا بعد كم يوم قال لي الفار عظها وهي نايمه ههههههههه
ونامنا وصحينا اتغدينا مع امي واعيالنا وباليلل عزمنا على عشاء قلت له بنروح انا وانت بس وعيالنا مره ثانيه ورحنا مطعم سالته عن سفرته قال ممله بس سبحان الله هي عكسك قلت له كيف قال لما رحناملاهي طلعت اللعاب الخطيره اللي تخافي منها واحسها دفشه بتصرفاتها انتي ماتحبي تنامي على شرشف الفنادق الشقق لازام تاخذي شراشفك هي عادي
اثناء غايبنا جهزوا اخواتي غرفة النوم بحركات رومانسيه ورود وتل وعصير وجاتوه والذي منه وجهزت له هديه
اتفجاء وقال هذا جزاي اني جرحتك قلت له يالغالي اللي صار صار وماراح نقدر نغير الوضع بس نقدر نجمله خليك زي ماانت لاتتغير علي واحنا بخير وانبسطنا
وقال انا بحاول اودي هذي عند اهلها علشان نروح نتمشى الطائف قلت له انا مافي شده على مشوار الطائف كفايه جده اشتري لاولادي للعيد واجهز حق نفاسي وودها ماقال لها اننا بنروح ولما عرفت ثارت ثائراته وقلت له الاسبوع اللي قضيته معي من حقي ومالهم حق تعوضهم قال ايوه بس لهم حق يجهزوا للعيد وام فلان طول عمرها ماتشتري الا من جده (والله يابنات اني خفت منها حسيت انها ماهي سهله وخبيثه )
وبعد كذا مشيت فينا الحياه وعانيت من كيدها كثير كان زوجي دايم يجيني واثر الروج بملابسه كانت ترسل له رسائل وسخه انا يازوجته 21 سنه استحي اقول الكلام اللي فيها ومره قال لي تقول فيه عند نكتار لانجري للحس انا صعقت وحده لها اسبوعين متزوجه وتقول الكلام هذا اجل بعد سنه ايش بتسوي
طبعا زوجي عارف الاشياء هذي وماهي جديده عليه وانا كنت ايد كل حركات الدلع الا كريمات النكهات احس انها مقرفه ومضره وقلت له ياخوفي يالغالي تاخذك بالحركات هذي قال ارتاحي الشبعان مايسيل لعابه ماسوت جديد كل شي شبعان منه عندك قلت احذر كريمات النكهات تراء فيك سكر بكره يغمى عليك عندها ايش اقول للدكتور لحس كريم هههههههه اعقل واركد يابو فلان قال انا قلت لها بلاش الخرابيط هذي
كانت راسائلها كلها دلع ومصاخه وكنت ازعل وانكد على نفسي وعليه لكن عرفت ان رسائلها لي ماهي له وطلبت يحط رمز قفل على جواله ويريحني ويريح نفسه واستمرت بحركاتها مره تكتب على طبلون السياره اسم الدلع اللي تدلع زوجي فيه واحيان كثيره تحط بالدرج الجانبي للسياره اوراق مشترياتها بطاقات شحن جوالها كان نفسي اقولها اذا جوالك شحن انا جوالي عام فاتوره مفتوحه وبصراحه حركاتها هذي تعبت زوجي اكثر كل ماسد باب فتحت الثاني
مشيت فينا الحياه وجاء وقت الولاده واتنموت بالمستشفى 3ايام قبل الولاده وكان برمضان وكان معي اغلب الوقت وجبت بنت قمر فرحنا فيها وهي الان عمرها 6شهور ماليه علي البيت اول كان زوجي اذا ماعنده عمل يقضي معي فترة الضحى يانام يانروح نتمشى يانتسوق وكنت شايله هم قالوقت لو اتزوج كيف ابقضيه لحالي ففي فترة زواج زوجي قبل ماولد كانت عندي امي الله يحفظها وبعد ماولدت سافرت وارسل الله لي برحمته هالبنوته اللي لاضاقت في ولا زعلت وانا رحت لها اشمها واضمها وانسى معها همي
واختنا ارسلت لي رساله تتحمد على السلامه وتبارك ومن مصاختها ختمت الرساله بسم الدلع اللي مدلعه نفسها فيه(وان دل هذا على شي يدل على نقاصة عقلها ) وانا مارديت عليها ولاحتى بشكراوانقضى شهر رمضان وهي راحت تعيد عند اهلها فكتنا على قول زوجي المهم ان زوجي بقي كما هو ولله الحمد والشكر
وحملت ومن يوم ماحملت بداء شغل الدلع يزيد وزي مانتم عارفين اني كنت طالبه منه مايكلمها قدامي واستمر الوضع حتى بعد الزواج وثاني يوم حللت فيه اتصلت الصباح واحنا على الفطور ومابغا يرد قلت كلمها يمكن تعبانه ورد عليها واسمعه يقول انشغلت وسكت شوي وفي الاخير قال ايوه وقفل قلت خير قال فاضيه لو ادري مارديت عليها تقول ليه مادقيت تطمن علي ولما ماعطيتها وجه قالت ليه ماترد يعني اقفل قلت لها ايوه وعلى الظهر دقت ومارد والعصر دقت وقالت له انا تعبانه قال ابغا اروح اشوف ايش فيه قلت ايش فيها غير الدلع اذا كل ماوجعها شي بدق خلك عندها لما تولد وبعدين تعال واذا كانت حركاتها هذي كيد في الله ينتقم منها بالي ببطنها وراح لها وقال مافيها شي اليوم الثاني اتصلت عليه ابغا اغراض قال انا بالمستشفى قلت خير قال هذي معها نزيف وسقطت بعد كم يوم وقلت سبحان الله اللي يمهل ولايهمل وهي حامل ذحين للمره الثانيه وغاثاه الوحم طلع الدلع من عيونها​

والحال باقي كما هو هي تتخبط تحاول تثير المشاكل بيني وبين زوجي لكن انا قطعت عليها هالامل واهتميت بزوجي وحاصرته بحبي واهتمامي
وهو مسكين تعبان يحوس مايدري ايش يسوي علشان يتجنب المشاكل وهذا خطا من يعدد دون سبب فهو يعتقد انه راح يعيش ملك الكل يطلب رضاه مدري انه بيعيش في دوامه يدور فيه على رضاء غيره
وهو حريص على رضائي والله انه عمره ماذكر اسمها قدامي ودايم يقول هذي
وبكذا انتهت حكايتي التي مازلت مستمره ولكن الوضع اهداء وانا حابه اذكر اشياء استفدتها لعلها تفيد غيري​

1- في البدايه ذكرت ظروف زوجي الماديه الصعبه وصبري وتضحيتي وكثير يقول هو ماجبرك تتنازلي عن حقك تنزلك كان برضاك طيب هو ماجبرني بس كيف بتكون الحياه لو انا طالبته بما لايستطيعه اكيد نكد لكن هذامايمنع اني اوصي كل زوجه وحيده ماتفرط بحقها زياده يعني اطلبي بحدود المعقول واظغطي عليه شهر وريحيه شهور ونصيحة للاخوات العاملات اياك ثم اياك اعطاه من راتبك اذا كانت ظروفه صعبه شيلي مصروفك فقط اما تساعديه يشتري ارض يبني بيت يشتري سياره لا لا لا ماهو علشان تمنعيه من الزواج لا هو اذا بغا يتزوج مارح يرده شي بس صدمتك وحسرتك بتكون قويه انتي ابني لك بيت علشان لاغدر فيك تلقي مكان تحفظي فيه كرامتك
2- العشره بين الزوجين لازام يكون فيها صبر واحسان وتقدير له ولاهله لان هذا بيكون لك رصيد يخليه يستحي منك ويحرص على رضاك
3- لازام الزوجه تهتم بنفسها وبامور الدلع والرومانسيه وماتترك شي الا وتسويه علشان غيرك مايغريه بالامور هذي
4- اذا عانيتي من مشكله الجائي الى الله وحده واتركي الناس فلابد ان تجدي من بينهم حاسد وشامت وان اظهر لك العكس اطلبي من المحيطين بك من يحب لك الخير الدعاء فوالله اني استغربت من القوه اللي نزلت علي ليلة زواج زوجي ولكني ثاني يوم اكتشفت السر وهو اني كنت مشاركه باحد المنتديات وطلبت من اخواتي الدعاء لي واثلج صدري الدعاء اللي لقيته منهم واسال الله ان يجزاهم كل خير
5- لجوئك الىالله لابد ان يكون فيه تضرع وتذلل وان تساليه برحمته ان ييسر الهدى لك وهنا اود ان اذكر قصه قراتها من زمن ولكن مازلت عالقه بذكراتي وهي انه على زمن النبي موسى صلى الله عليه وسلم كليم الله اتات اليه امراة تقول له ادعي الله ان يرزقني الحمل وحينما كلم موسى ربه قال له لقد خلقتها عقيم واخبرها موسى بما قال الله وعادت له بعد سنه وكررت الطلب وسال موسى عليه السلام الله ان يرزقها الحمل واجابه الله اني خلقتها عقيم واخبرها موسى برد الله اوتعتقدن ماذا فعلت ياسئت والرد ياتيها من الله على لسان نبيه بل ذهبت واتات موسى بعد عام وهي تحمل طفل بيدها سالها نبي الله من هذا قالت هذا ابني قال لها كيف قالت حملته وولدته وهنا سال موسى ربه كيف يالله انجبت وقد قلت انك خلقتها عقيم قال ياموسى كانت تدعوني وتقول ياراحم الراحمين فستحيت ان اردها اترين الله يستحي ان يردك وانتي تدعينه برحمته ولكن اهم شي لاتستعجلي الاجابه وظني بالله الظن الحسن فالله يقول انا عند ظن عبدي بي
6- اذا تزوج زوجك وانتهى الامر وكان عادل معك واكرمك واعزك هنا احمدي الله واصبري وعيشي حياتك دون نكد وهم ولتعلمي ان زواجه ليس نهاية العالم بل قد يكون لك فيه خير كثير
7- اذا صدر من الزوجه الثانيه حركات كيد وخبث لاتبدليها اياها بل افهمي زوجك انك تستطيعي الرد بما هو ادهى وامر ولكن احترمك له هو مايمنعك ودعيه هو من يحل الموضوع واعلمي ان حركاتها هذي ماهي الا دليل على عدم ثقتها بنفسها وانها تعلم بانك الاغلى عند زوجك
8- اذا زوجك لسه ماتزوج وطلب موافقتك اياك واعطاها اياه حتى لو ظغط عليك لانه صدقيني بالاخير راح يسوي اللي يبغا بس يبغا موافقتك سيف يسلطه على رقبتك وكل ماطالبتيه بشي او اعترضتي على شي بيقولك كل شي تم برضاك واذا عرض عليك رضاواه وهي مبلغ من المال لاتطلبي شي لانك بكذا كانك تبيعي جرح قلبك وكرامتك ويعني بيدفع كم وايش يساوي المبلغ اللي بيعطيكي اياه قدام الالم اللي سببه لكي وانتي ايش راح تسوي بالفلوس تجددي عفش بيتك تشتري ذهب ملابس طيب كل هذا تقدري تسويه بدهاء الانثى وشوي شوي يعني لاتتنزلي عن حقك ولاتخليه يغثك كل ماطلبتي شي بالفلوس اللي اعطاك
9- لاتتحدثي عن امر زواجه بجلساتك مع الناس واذا احد سالك ردي برد مختصر لانك لو تكلمتي بيقولوا مقهوره ومحتره ومن الكلام اللي انتي بغنى عنه
10- هذي النقطه اوجهه لكل وحده تقدم لها واحد متزوج فكري ثم فكري ماقولك بزوجته الاولى لا بنفسك كيف بتكون حياتك مع رجل لديه بيت وابناء ومسئوليه حتى لو كان يومك بيكون تحت الطلب أي شي ببيته الاول بيتركك ويروح وبعدين لاتصدقي الرجل اللي يقول انه ماتزوج الا ان زوجته الاولى فيها عيب ابحثي بنفسك فكثير من الزوجات الثانيات وافقت على اساس ان الاولى ماتنفع تكون زوجه وتجي وتتفجاء انه مافيه احسن منها ويمكن افضل منها شكل وسنع وهنا تنصدم وتبداء المشاكل
11- انا استغرب من كل صاحبة سمو تتسال الاخرى ستكون موجوده بحفل او اجتماع يخص اهل زوجي هل احضر ام لا طبعا ايوه انا ماقولك روحي زوريها في بيتها ولا استقبليه في بيتك لا بس لاتمنعك عن حضور المناسبات وروحي وانتي واثقه من نفسك هي ايش تعرف عن هذا البيت وعن اهله قد معرفتك روحي وشيلي وحطي مع اهل زوجك وكانك صاحبة البيت وهي اتجاهليها ولاكانها موجوده والمره الجايه احكي لكم قصة لقاي بها
12- اسفه على الاطاله واتمنى اكون قدمت ولو افاده بسيطه لكل من يقراء في هذا القصر الشامخ
13-اتمنى تدعوا لي ان الله مايغير زوجي علي ويستمر الحال كما هو
استودعكم الله الذي لاتضيع ودائعه

​

وهذي القهوه علشان تعدلوا روسكم عارفه انكم صدعتوا من القراءة