صرف زوجي عليّ

[miss almansoori]

بسم الله الرحمن الرحيم

هالموضوع مشغلني بشكل مش طبيعي وأكيد أنه مشغل لكل وحده بعدها ماجربت الحياه

أولا أنا متزوجه من سنه تقريبا وزوجي مخصص لي من راتبه 5000 ألاف
​

وهو راتبه مب شي لأنه مب مخلص دراسه وعلى آخر الشهر يكون مافي جيبه حتى 10

وللعلم أنا ماعندي ياهل ولا خدامه والـ5000 ألاف تكفيني

لاكن المشكله أني أستحي منه أطلب أكثر وأخسر 1000 لتلفون و1000 للبقاله وغيره تقريبا
و3000 أوفرهن للتسوق أو الرحلات أو أي شي ثاني

وهو مايقصر مرات كثيييييره يحاسب عني في المحلات

وحاليا تقريبا موفره 24000 ألف وعندي ألتزامات كثيره مثل زواج أختي وهديتها وفستاني وولادة زوجة خالي وصديقتي والهدايا وتغير بعض الديكور ف قسمي وطبعا مستحيه منه وأقول حرام أثقل عليه وأطلب زياده وفي نفس الوقت قلت أخاف يتعود أني أقدر أوفر من هالـ5000 ألاف وبس

مع أني قد فتحت معه موضوع الزياده مستقبليا وقال إذا صار عندنا بيبي راح يزيد لي المصروف وإذا ياب خدامه راح يغطي راتبها وإذا زاد راتبه أو ترقا راح يزيدلي

أشوووفه مب مقصر بس أخاف بعدين أتعب ويخيب أملي فيه وعلى قولت بعض الحريم

"عوديه يصرف عدل"

​

 

[ام معمر]

صدق انك طماااااااااااعه 5000 الاف ومش مكفيتك اقول احمدي ربك غيرك مالقها هذي من جدها ولا تمزح الحمدالله والشكر

 

[مدري مين انا]

اختي تقصدين خمس الاف ولا خمس ميه ؟؟؟؟؟
ماشاء الله تبارك الرحمن​

 

[تشكرات]

ايش نوع العمله ...ريال سعودي ؟؟

لو 5000 ريال سعودي ..والله العظيم انها نعمه لازم
تحمدي الله عليها >>خصوصآ في هذه الفتره الاخيره
من تضخم الاسعار وغلاء المعيشه ..
حبيبتي لا تكلفي على زوجك مالا يطيق .فالمبلغ اللي
خصصه لك يعتبر كبير جدآ وكثّر الله خيره ..
بل بالعكس أنا أشوف انك تتنازلي عن جزء منه لزوجك
لأنه هو ربّ الأسره وهو المسؤول عن المصروفات الكثيره
أنا مستغربه >>كيف تأخذي الهبره الكبيره وتبقي له 10 ريال
فقط ..
الله يهديك ..

 

[كاتياباسل]

زوجك مب مقصر معاك حرااااااااااام تحمليه فوق طاقته
بوسي أيدك وش وقفى ماشاء الله تبارك الله مافيه حد يصرف ع زوجته كذا
لاااااااااااوبعد يدرس ومايبقى معاه شي آخر الشهر
لاتتمادي بطلباتك أكثر يحسك أنسانه ماديه وتستغليه،،،،،لو ماتكلم بيحس

 

[miss almansoori]

5000 ألاف درهم إماراتي
وساكنين في أهله وأبوه ألي متحمل مسؤوليات البيت كلها
وأساسا ماعنده مسؤوليات لاكن أنا مقدره أنه رجال ويطلع مع شباب ولازم يعزم ويصرف
وزياده هو حاط 3000 على جنب للتوفير لأي ظرف طارىء لأنه مايحب السلفيات والديون ولا يبغي يحتد عليها
و1500 لفاتورة جواله
2000 للبترول في بطاقه خاصه
و6000 لصرفه لحاله

بعد هالتقسيم شووو ؟؟؟

وأنا قلت خايفه أنه يتعود على هالصرف وبس مع أنه يقول لي العكس

 

[رجة بس برزه]

بشكر تدووم النعم وياليتك سكتي

 

[تشكرات]

العمله السعوديه تعادل العمله الاماراتيه بالظبط
طيب حبيبتي مادام زوجك طيب ومو مقصر لا تخافي
منه لان الكريم هو كريم الطبع ..أنا أشوف انه طالما
هو مو مقصّر >>لا زم في المقابل انك ماتقصرين معه
يعني أعطيه من عندك كرد لجميله لك وكوني سخيه
حتى يحفظ لك هذا الجميل وبالتالي تملكيه :
والمثل يقول :
( أن أكرمت الكريم ملكته ....وان أكرمت اللئيم تمردا )
أنتبهي لا يقول في قرارة نفسه ( زوجتي لئيمه )..
أنتبهي حبيبتي خليه يحس بك وبسندك له حتى يتشجع
ويعطيكي ما هو أغلى وأثمن ..
موفقه حبيبتي ..

 

[أم غـــلآ]

صدق القناعة كنز لايفنى ..!

 

[ام مصعب]

احمدي ربك واشكريه ماشاء الله تبارك الله

 

[بداري5]

الله يديم عليكم النعمه ياختي احمدي ربك واشكريه
هو ماقصر معك ليش تقولين قولة الحريم عوديه يصرف عدل
دامه ماقصر انتي مقتنعه بالي يعطيك لاتسمعين كلام احد وتخربين بيتك
وانتي قلتي اني اوفر من المصروف مشاءالله عليك شكلك سنعه وتعرفين
توفرين

 

[تفــآصيلـ]

ـهههههههههههههههههـ
ـههههههههههههههههههـ

انا ودي أعرف انتو الحريم من وين يجيكم هالوسوااااس
قال شو.. أخاف يتعود علي أني أوفر من ال5000

يا اختي لا يكلف الله نفسا إلا وسعها
ريلج ما عنده فلوس.. خلاص اسكتي.. لا تقعدين تطلبين زياده
يعني خايفه يفكر انج موفره.. و مو خايفه يفكر انج مبذره !!

الله المستعااااان

 

[فرح الشمالي]

لازم تكون عندك قناعه
مشاءالله تكفيك و زياده بس شكلك ماتعرفين تقصدين بالمال
اشكرك الله على النعمه الي انتي فيها

 

[miss almansoori]

الحمدلله على كل شي

بس أنا قلت أني موفره لي مبلغ يعني متصرفه أوكيه
بس أقول إذا طلبت أكثر هالوقت راح يضر أو إذا سكت وأكتفيت بلي عندي
مع العلم قلت عندي كثير مناسبات ومحتاجه لمبلغ قوي وخصوصا في الأمارات كل شي غالي مب مثل السعوديه
وإذا سكت وأكتفيت أخاف يقول هي تعرف توفر وتسد نفسها بنفسها وماراح أعطيها بعدين أكثر لأن الـ5000 كثير والحريم ماعندهن مسؤوليات ولا صرفيّات

 

[الفرح القادم]

ماشاء الله تبارك الله اشكري ربك تصدقي منها للفقراء المساكين تفيدك في الدنيا الاخره خلي الهدايا الحاجات التانيه تقبلي مرري

 

[فوشي ووردي واصف]

مشاء الله تبارك الله
الله يزيدكم من فضله

 

[*ملكة الحب*]

احمدي ربك
غيرك مالقى 500
داري على شمعتك تقيد ولاتبربرين على أحد لايصكونك عين على هالرجل السنع السخي​

 

[*ملكة الحب*]

بعدين حبيبتي الوحده تحمد ربها مو تقول راتبه مو شي!!!!!!!!
لما حسبته لينه يستلم حوالي 18 ألف درهم
أسألك بالله هذا المبلغ مو شي!!!
والله أعرف ناس رواتبهم 5 آلاف بس وفاتحين بيوت وآجار ومصاريف حرمه وبزران​

 

[القوية]

‏فاذكروني أذكركم، واشكروا لي ولا تكفرون‏}‏ ‏(‏‏(‏البقرة‏:‏ 152‏)‏‏)‏
{‏لئن شكرتم لأزيدنكم‏}‏ ‏(‏‏(‏الإسراء‏:‏ 111‏)‏‏)‏
عن أنس رضي الله عنه قال‏:‏ قال رسول الله صلى الله عليه وسلم‏:‏ ‏"‏إن الله ليرضى عن العبد يأكل الأكلة فيحمده عليها، ويشرب الشربة، فيحمده عليها‏"‏ ‏(‏‏(‏رواه مسلم‏)‏‏)‏‏.‏

 

[احبك واكرهك]

اختي احمدي ربك واشكريه

اللي اعرفه ان اي اثنين متزوجين يفكرون للمستقبل والاستقرار اكثر من اي شي ثاني

ما اقول لك احرمي نفسك بس قللي المصاريف انتي معه اذا الحين مايبقى بجيبه الا 10 وما عندكم اطفال كيف بعدين انا من رايي انكم تقعدون مع بعض وترجعون تقسمون الراتب من جديد