صرت اكلم شاب والسبب زوجي...تعبت ياناااس..وخاااايفه يفضحني هالشاب

م

متزوجه ولكن!

New member
إنضم
2011/12/03
المشاركات
12
السلام عليكم ورحمة الله وبركاته

راح أحكيلكم قصتي باختصاار..وارجوكم أرجوكم أرجوكم ساااعدوني بآراء تفيدني وحلول اقدر اسويها……

أنا متزوجه من اربعه سنين ونص تقريبا…عشت هالاربع سنين في عذااااب مايعلم فيه الا ربي…تخيلوا أنوا كل يوم انضرب ضرب موطبيعي

ولاني طيبه مرررره كنت أسامحه كل ماجاء يعتذر…احيانا أزعل منه كثير …بس يجي ويسلم على يدي وراسي والله حتى ارجولي يسلم عليها…وانا ماقدر أتحمل واسامحه

اكثر فتره قعدنا متزاعلين فيها…يمكن اقل من يوم....

المهم...من يوم ماتزوجني وهو يشك فيني شك مو طبيعي..مع أني والله واااضحه معاه في كل شي..اذا نزلت السوق معاه..مايمدينا نوصل عند بوابة السوق الا وأعطاني ذاك الكف قدام الناس ورجعني البيت ...(يقول في شباب حلوين وانت جالسه تطالعي فيهم)

والله العظيم أني احببببه وماقدر أسيبه ولو يوم واحد...بس هو مرره ماعندهم ثقه في نفسه ابد..مع ان شكله مقبول ...ساعات اقول (يمكن عشان في فرق كبير بيني وبينه في الشكل والعمر)..وأعديها له...بس مو مره ولا مرتين يسوي هالحركه في السوق وقدام الناس


يشك فيني بشكل ماتتخيلوا كيف...جوالي معاه 24ساعه..ماآخذه الا لما ابي اتصل على احد..

تخيلوا انو اكثر من مره رسل لي شباب في السوق..لأني صرت اروح مع خالتي الكبيرة في السن شوي..وهو يبغى يشوف مدى اخلاصي له....وكل واحد فيهم يطاردني ويقول لي أحلى كلام..ويترجاني آخذ الرقم..بس أنا أطنشه..ومع انو كان يروح له الواحد فيهم ويقول والله زوجتك محترمه..مازال يبي يتاكد ابو الشباب

ومن كثر مايجوا الشباب ويتغزلوا فيني..صرت استمتع بهالحركه..ومابغاهم يوقفوا كلام عني(مصدقه نفسي)ههههههه


المهم...مريت بمرررحله صعععبه جداً في حياتي..كنت كل يوم ضرب ..ومو اي ضرب..يضرب ضرب جاااامد..لدرجه انو صار يتعبني قلبي من اي موقف..صرت اذا احد ناقشني بقوه على طوول أطيح ويتوقف عندي التنفس ومايرجع الا باوكسجين...كانت من اصصصصعب مراااحل حياتي...افتقدت كل شي منه..الحب والحنان والتفاهم والاحترام والجماع وكل شي

راح عند دكتور نفسي وقاله عندك مرض انفصام في الشخصيه..اعطاه حبوب نفسيه...وطاح منها وكانت بتسبب له جلطه في القلب..وقف عنها.(ورجعت حليمه لعادتها القديمه)

والله صرت افكر بالانتحار...لاسيما ان اهلي عايشين خارج السعوديه..تعبت تعب وربي مو طبيعي...بس أني تذكرت عقوبة الانتحار وانو صاحبها مخلد في النار..لاتلوموني والله لو شفتوني وانا أتعذب هالعذاب راح تبكوا على حالي


وفي يوم من الايام رحت السوق وكنت متخاصمه معاه..بس قلت بغير جو..كلمت خالتي ورحت معاها،،،،وشفت في السوق واحد..وفي لحظة ضعف ومع حضور الشيطان...سولت نفسي لي أني اتعرف على هالشاب...وقال لي الشيطان(زي ماهو يخونك ويكلم بنات انتي لازم تخونيه كمان...)

أخذت الرقم من الشاب...وبما انو ماااعندي جوال اساسا أخذت جوال خالتي بعد ماوصلنا الشقه...وقلتله أني أنا وحده ماقدر اكلم من جوالي واني ماراح أدق عليه الا من جوال خالتي كل ماسمحت الفرصه..

قال لي أناراك أجيبلك جوال...وافقت وفي يوم من الايام جاب الجوال لي بعد ماوصفته البيت...فتحت الباب له واخذت الجوال وقلتله خلاص روح..حاول انو يدخل بس أنا رفضت...وصرنا نتكلم بالجوال ذا...وبعد اسبوع من مكالماتي معاه..ندمت وجلست افكر ليش أنا سويت كذا....والله يابنات أني قمت اصلي الليل ..كانت الساعه2تقريبا ..قمت اصلي وبكين بكاء لم الكيه حياتي كلها..حتى مع ضرب زوجي لي..بكيت حتى حسيت انو ليغنى علي...خفت من عذاب ربي...وخفت من الموضوع يتطور لحد الزنا..والعياذ بالله


قررت في ذيك الساعه أني انسحب من الموضوع...وارسلت للشاب الرساله اللي اطلبه فيها انو كل واحد في طريق واني كابيه يدق مررره ثانيه...بس صااار يدق كثييييير....وقلت يمكن يبغى جواله ..مع انو جوال ابو كشاف..مهنهم...ارسل لي رساله يقول ردي علي بس اقول لك كلمه

رديت عليه وقال أنا مستحييييييل اترك وحده زيك وانا مااافي أحسبك ومن ذاالكلام...خفت أنا انو يسويلي فضيحه..خصوصا انو يعرف رقم جوالي لأني طقية عليه مره منه...يعني أبسطها حيدق في كل وقت الين ماتصادف انو زوجي يكون موجود...وعااااد زوجي يصدق كل كلمه عني...والله ليذبحني...وأهلي مادروا عني

احترت وش اسوي يانااااس....جيبولي اي حل ...كيف أتخلص من اللزقه ذا...وكيف أتأكد انو ماراح يفضحني..وانو مو مسجل علي شي...والله أني تبت ياناااااس..وألغى اخرج من الموضوع يدونون اي ضرر..أنا اعرف زوجي...واعرف مرضه النفسي اللي فيه...واذا كان هالشي اللي أنا سويته يزعل أعقل العاقلين...فما بالكم بزوجي المريض...والله لو تشوفوني وتشوفوا الحال اللي أنا فيه..من جد عذااااااب


ادري أني غلطاااااانه من راسي لارجولي ...بس الحمد لله ماصار شي اكبر..أنا خااااايفه..دلوني ع الحل...والله لادعييلها اللي تدلني ..ان الله يحقق كل اللي تتمنا ويسخرلها خلقه ويفتح لها ابواب رزقه وهدااايته


والسلام عليكم ورحمة الله وبركاته

 
الله يفرج كربتك يا رب
بس مالك غير الله تدعيه لان موضوعك صعب ابصراحة ما راح اقعد لومك لانك ما ناقصه الي فيك يكفيكي

صدقيني قولي بكل ثقة واحضري النيه ةالتوكل على الله ( حسبي الله لا اله الاهو عليه توكلت وهو رب العرش العظيم ) ان شاء الله ربك بيحلها
 
لاحول ولاقوة الابالله


انا زيك زوجي يخوننى ومتشدد معانا مرا بس والله مافكرت انى اكلم احد بس ادعي انو ربي يفرجها
لاحول ولاقوة الابالله ان شاء الله مايزعجك لانك دعيتي ربك وتبتي الله راح يكون معاك
وتتيسر ويبعد عن طريقك ي رب ي كريم تفرجها عليكي ويصلح لك زوجك وحالك
اتقربي من الله اكثر وان شاء الله ربي يشفي زوجك
 
أسأل الله أنه يثبتك في توبتك

بإمكانك الاتصال على شيخ ثقة وهو يتدخل في الأمر ما دام أنه لم يتوطور فأبشري بالخير

لكن أرجوكي لا ترمي الذنب على زوجك فالله تعالى يقول: (( ولا تزر وازرة وزر أخرى ))

يسر الله أمرك وفرج همك وأبعد هذا الذئب عنك
 
جوالك اللي دقيتي عليه منه اكسري الشريحه وقولي لزوجك احترقت أو ضاعت

وجددي توبتك من وقت لآخر عسى الله أن يتوب عليك وعلينا جميعآ
 
توكلي على الله وانوي التوبة "من توكل على الله فهو حسبة"
اطلبي من زوجك جوال جديد بحجة انو انحرقت الشريحة انتي احرقيها حطي لها رقم سري ودخلية اكثر من مرة خطأ
وبعدين قولي ما ادري اش فيها وترتاحين من هذا الشاب
بالنسبة للوصف انا ابغى اعرف انتي وصفتي له بيت خالتك ولا بيتك؟؟؟
 
هلا حبيبتي وربي حاسه بألمك بس مالك غير الدعاء بالثلث الخير ولاتنسى دعاء (اللهم اكفنيه بماء شأت)
​
 
اتركيييييييييييييييييييييييييييه
ولو حاول يوصل لجوالك وزوجك سألك قولي له انك دقيتي بالغلط على هالرقم ونشب لك...

واذا زوجك سيئ لهذي الدرجه خلي اهلك يتدخلون حتى لو برا البلد حلي قضيتك
انتي عايشه مع مريض نفسي خليهم يعالجون
الله يعينك ويفرج همك
 
اختي اعانك الله وتقبل توبتك......الهيئه هم خير من يتعامل مع الشاب المبتز

وبسريه تااامه....ستر الله عليك. ..وفرج همك...
 
اتصلي على الهيئة وقوليلهم القصة وأعطيهم رقمه وهم يتصرفوا.........وانتبهي ثاني مرة ليكون زوجك هو اللي يرسل شخص......​الله يصلحك
 
حبيبتي ..
اسأل الله العظيم رب العرش الكريم أن يجعل لك من كل هم فرجا ، ومن كل ضيق مخرجا ، ومن كل بلاء عافية ، ويرزقك من حيث لاتحتسبين ,.

وقفي عند هذا الحد .. وإنتبهي إنتبهي تضعفين أمام تهديدات الشاب وتذكري إنه الله فوقه وأقوى منه ، عندك سلاح الدعاء قومي في الثلث الأخير من الليل وأدعي الله وألحي عليه إنه يفرج عنك كربك ، ويصلح حال زوجك ، ويكفيكي شر هذا الشاب وشر نفسك وشر وساوس الشيطان الرجيم .
وأتصدقي كل فترة بإلي تقدرين علي ولو مبلغ بسيط جداً بنية دفع البلاء وتفريج الكرب .
والجوال أكسريه وأرميه ، وأدعي دائماً على الشاب ( اللهم أكفنيه بما شئت وكيف شئت ) وربي يصرفه عنك ويكفيكي شره .

اما بالنسبة لأساس المشكلةوهو زوجك إنتي ليه صابرة على أذاه وعلى ضربه لك خصوصاً إنك في غربة ، لازم تتصرفي صح وتشوفي لك حل لوضعه .. ممكن تكلمي أهله ويجبروه يروح يتعالج وإن مافاده علاج طبيب يشوف طبيب غيره سمعته زينة .
وإن ماأتدخلوا أهله أو ماسمع كلامهم فما لك حل إلا إنك تقنعيه إنك تروحي تزوري أهلك ولما تروحي لأهلك تخبريهم بوضعك ولاترجعي له لين يصلح وضعه ويتعالج ويصير يحترمك ولاّ بقاصره .. لاتزعلي من كلامي حبك له هذا إسمه حب أعمى ، عامي عيونك عن مساوئه وماراح تدرين يوم إلا وإنتي لاقدر الله طايحة مريضة أو معاقة أو انجرفتي للحرام .. وفي هذا الوقت ماراح ينفعك لاحبه ولايحزنون .
أحمدي ربك إنه مابينكم أطفال مثل ماأتوقع ، وحتى لو كان فيه أطفال فوضعك ماينسكت عليه .
سامحيني إن قسيت عليكي لكن والله إني أنقهرت على وضعك وخصوصاً إنه أهلك بعيدين منك وإنتي انجرفتي لطريق الخطأ . أصلح الله حالك وفرج همك .

 
مالك الا الحل هذا وصديقني راح يفيدك كثير وشوفى الفيديو على اليويتيوب
يقول الشيخ عبد الكريم المشيقح :

كنت القي محاضرة عن قدرة الله عز وجل**


وبعد المحاضرة إتصلت عليَّ إحدى الاخوات**

تقول يا شيخ : أنا مبتلاة بمرض !, قبل ثلاث سنوات تزوجت وقد سافر زوجي لخارج المملكه واتى بالمرض ( الإيدز ) .

وبعد الزواج بثلاثة اشهر تعبت ومرضت ولما ذهبت للمستشفى اخذوا تحاليل مني ومن زوجي وجدوا أنّي مصابة بالمرض الذي نقله إليّ بعد زواجي منه ! .

وتكمل قصتها !.
تقول والله يا شيخ : لنا ثلاث سنوات نذهب شرق وغرب والله أنفقنا مليون وخمسمائة ريال طلبآ للعلاج ولا علاج , وانت في محاظرتك تتكلم عن قدرة الله !!!

قال لها الشيخ أتكلم عن قدرة الله وإني صادق (( لا إله الا الله وحده لاشريك له له الملك وله الحمد وهو على كل شي قدير ))
وقال لها الشيخ : يقول ابن الجوزي رحمه الله (( اعطوا الله ما يحب , يعطيكم ما تحبون , إستجيبوا لله إذا دعاكم يستجيب لكم إذا دعوتموه )) هنا العلاج .

قال لها الشيخ : أريد منكما المحافظة على فقط أربعة أشياء تفعلانها .

قالت إيش اسوي ياشيخ ؟؟؟**

قال :

(1)
عليكِ في الإسبوع هذا اربع وعشرين ساعة تكوني على وضوء انتي وزوجك , كل ما احدثتما توضئآ حتى النوم تناما متوضأين !.**
(2)
كل ما فكرتما بالمرض اعطيا الله مايحب ((سبحان الله والحمد لله ولا إله الا الله والله اكبر )) ردِّدَاها خمسين أو ستين مرة على الأقل باليوم**
(3)
تصدقا لحديث: حصنوا أموالكم بالزكاة، وداووا مرضاكم بالصدقة، وأعدوا للبلاء الدعاء.
(4) اكثرا مدح الله عز وجل**
يقول الشيخ : ما هي الا اربعة ايام وتتصل على وتقول :ياشيخ احسُّ اني مرتاحة أدع لي**
قال لها الشيخ : أنتي مرتاحة مع الله ! أنتي إدعِ لنا**
يقول الشيخ : وبعد خمسة أو ستة أيام أرسلت لي رسالة تقول : ياشيخ إتصل عليّ توي جاية من المستشفى وتقول : إن الدكتورة المشرفة على علاجنا من بداية المرض اخذت التحاليل مني ومن زوجي وذهبت الى المختبر وبعد ربع ساعة جاءت ومعها نتيجة التحاليل , وقالت اجلسا : أريد أن أطمئنكما أن لا أثر للمرض بجسميكما !**

لاإله الا الله خمسة ايام , وبأربعة اشياء شفيا من اخطر مرض .

واليكم القصة الثانية التي يرويها الشيخ عبد الكريم المشيقح ؛

يقول : إتّصَلَتْ بي فتاة تقول : ياشيخ كنت على إتصال مع احد الشباب قبل الزواج واعطيته صوري**
والان اطلب منه الصور ولكن رفض ان يعيدها يقول لي : لن اضرك بها ولكن خليها عندي ذكريات !!!طلب منها الشيخ أن تعمل نفس الاشياء الاربعة الّلي بالقصة الاولى**
وبعد ثلاثة ايام اتصلت على الشيخ قالت : ياشيخ يقولي لو ماتطلعين معي افضحك بالصور !قال لها الشيخ :
لا تكلمينه وخلي اتصالكِ بالله وكمّلي ما قلت لك عليه , هذا الشيطان شافك قربتي توصلي قام يوسوس لكِ .**
ويقول الشيخ : والذي نفسي بيده ماهي الا اربعة ايام وتتصل عليّ الاخت من مكة المكرمة وتقول**
ياشيخ والله اني بالحرم ومعاي الصور واني ادعيلك ياشيخ .

أحبتي بعد هذا ماذا ننتظر ؟**

يقول الشيخ عبد الكريم المشيقح : تغلبوا على همومكم ومشاكلكم بذكر ربكم وابشروا والله بالفرج القريب**

أين اصحاب الحاجاتووة هه ؟
أين الذين يحلمون بالاطفال ليلآ ونهاراً ويصرفون على ذلك المبالغ الطائلة ؟

أين من يريد السعادة بالحياة ؟

أين من يريد التوفيق بالدراسة أو الوظيفة ؟

أين صاحب المرض الذي حرمه مرضه لذة النوم ؟

أين ... وأين .. وأين ؟

والله كلنا ذو حاجة وفاقة ومشاكل وهموم , ولكن لن تدوم دامنا مع الله " إعرف الله في الرخاء يعرفك في الشدّة "**
اللهم ارحمنا برحمتك يارب
 
احرقي الشريحة يعني دخلي الرقم السري 10 مرات متتالية
واستعيني بالهيئة تراهم يخلصوك منة من سكات بدون شوشرة
والمصيبة انك دالتة على البيت الله يهداك وهذي مصيبة اكبر
لازم تتدخل الهيئة
والله يستر علينا وعليك
 
ياااااااااااااااااااااااااااااااارب تفرجها عليها

والهيئه هي الحل


يارب ارحمها يااااااارب
 
الله يفرجها يارب لك ماقدرت اطلع بدون ما اكتبلك شئ وادعي اخر الليل وربي ما يخلي عبده وهالايام فضيله فيها يوم عاشورا والله يوفقك ويسخرلك زوجك ويتمم امورك على خير حبيبتي
 
تخلص من شريحتك احرقيها وتخلص من الجوال الي اعطاكيا وتوكل على الله وان شاء الله ماراح يضايق ولايحاول يتصل وكثر من الدعاء والاستغفار والله خيرمعين لاكن لاترجعين لهذا الطريق وتخسرين رضى ربك
 
صل باليل وأدعي
اللهم اكفيني شره بماشئت وكيف شئت انك على ماتشاء قديرقوليه من كل قلبك
وانسي امره
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل