بسمالله الرحمن الرحيم
السلام عليكم ورحمة الله وبركاته ....
احترت كثيييييييير وين انزل موضوع لدرجة اني زرت موااااااااااقع كثيييييييييره جدا لكن اخترت هذا المنتدى لاني وجدت فيه الصدق والمحبه والمساعده بينكم
واتمنى ان تقبلوني صديقه واخت بينكم
القصه التي سأذكرها تخص انســانه عزيزه وغاليه على قلبي وأنا حبيت اساعدها لعل اللي عندها خبره او رأي تفيدنا
صديقتي متملكه على شخص طيب وحنون ومايقرب لها ((يعني اهله شافوها بزواج وخطبوها له )) ووافقت وتم كل شي وشافوا بعض وبعد الملكه انتظرت يتصل عليها او يرسل مسج بس للاسف وجلست 3 شهور بعدها جا العيد وقالت فرصه اخذ رقمه من عند اخوي وارسله اهنيه بالعيد وفعلا ارسلت له مسج ورجع اتصل عليها وفهمها سبب عدم اتصاله ان عاداتهم ماتسمح للرجل ان يكلم خطيبته اويزورها وافتكر ان عندهم نفس العادات بعد كذا انحل سوء الفهم وصارو يكلمون بعض يوميا ومرررت على علاقتهم 4اشهر كانت مكالمات فقط ومره عزمته عندها في البيت وطلبته يجي بس تعذر انه منحرج من اهلها وانه اذا جاها لازم يجيب معاه هديه هي قالت لا مو لازم اهم شي نشوف بعض طبعا حاولت كذا مره بس رفــض بعدها صارت اغلب مكالماتهم عن الماااااده وانها لازم تتوظف بس هي قالت له انا ودي اكمل دراستي واخذ الماجستير هي حست من كلامه انه شوي يده ماااااااسكه ع الفلوس فطلبت منه مره بطاقة شحن فصدمها وقال لها ليه وين اخواااااانك .... هي من الصدمه ماردت وبعد شوي ارسلها بطاقه ب20 ريال هنا انصدمت اكثثثر ((للعلم هي اول مره تطلبه شي )) وبعدها شكت انه يكون بخيل بس ماقدرت تسوي شي غير الدعاء لله وقتها جاته بعثه لخارج المملكه دراسه لمدة سنتين وقلها انا راح اخذك يعني نتزوج ونسافر على طول هي فرحت وقالت له خلاص انا بقدم ع البعثة عشان اكمل دراستي بعد يومين اتصل عليها وقال انا ماقدر اخذك لانهم منعو اصطحاب الاهل لكن راح ادرس 6شهور وارجع اخذك قالت اكيييد قال اكيد طبعا هي تضايقت كثييير وقالت لعلها خيره وسافر خطيبها بدون مايودعها بس عذرته وماقالت شي ولما وصل كلمها وصار دايما يكلمها وبعد شهر اتصل وقال انا مااقدر ارجع لانهم مااعطوني اجازه هناانفجرت منه وقالت انا مو لعبه بيدك دايما تكذب علي وساكته ومتحمله وزعلت منه وقفلت وجلست فتره طويله ولااتصل ولاارسل عليها ((الظاهر تركها تروق من نفسها )) وبعدفتره رجعت واتصلت عليه ((الاخت هزها الشوق خخخخخخ )) وكلمو بعض واتصالحو وجلسوفتره متصالحين ومبسوطيين لحد ماجا ذاك اليوم اللي طلب منها خطيبها تسسد فاتورةجواله وهو مايقدر لانه خارج المملكه ((نسيت اقولكم انه في المكالمات كان يقولهاابوك ماشاء الله عنده وعنده )) هي ماكان عندها المبلغ الكافي واعتذرت قال خلاص شكرا مابي اكلف عليك ومن ذاك اليوم شكها زاد وقررت انها تصارحه وكلمته وقالت بصراحه انا عندي شكوك واتمنى تصارحني انا حاسه انك بخيل وانا مااقدر اعيش مع شخص بخيل وبدات تتكلم عن البخل وعن كرم اهلها هو زعل منها وقفل وجلس شهرين ماكلمو بعضوبعدها ارسل لها رساله وتصالحو ((خخخخخخخ ياكثر مايتزاعلون الله يصلحهم ))
ادري طولت عليكم وطفشتكم بس بعد ماشفتو شي تحملوني شوي ..
وصارو يكلمون بعض دايما وبعد ماانتهت ال6 شهور فاجئها باتصاله وقال لها انه رجع السعوديه وهو الان راجع بيتهم (( يعني اعطوه اجازه تقريبا شهر كانت بدايتها على نهاية رمضان )) وفرحت وبنفس الوقت زعلت فرحت لانه رجع لها وزعلت لانه كذب عليها مره ثانيه بس ماحبت تخرب فرحته وعدتها وجلس اسبوع وبعدها قال بجي ازورك وهي ماصدقت من الفرحه راحت قالت للبيت كله ورجع كلمها مره ثانيه ودار بينهم هالحوار ..
قال / بسألك سؤال
قالت / تفضل
قال / بصراحه ايش رايك اجي ولا لا احس الزياره صعبه شوي
قالت / لا بالعكس انا مشتاقه اشوفك
قال /خلاص ان شاء الله اجي
وانتهت المكالمه
اليوم الثاني قالت حبيبي متى بتجي ؟؟ قال والله مااظن اني بجي قالت ليش عسى ماشر قال اتصلوا علي وقالو لازم تجي لان الكورس راح يبدأ وبكره طيارتي وراح اسافر هي زعلت وتضايقت بس ماتكلمت بس قالت لاهلها ان ماراح يجي رجع اتصل اليوم الثاني وقال امزح معاك ماراح اسافر ولاشي هيا حست انه مجبور ع الجيه وقالتله خلاص اذا ماتبي تجي براحتك قال من جد والله حست انه فرح قالت ايه اتكلم جد
بعدها كرررررررررررهته وكرهت اسلوبه وتصرفاته وطنشت مكالماته ((مع انه مااتصل عليها الا مرتين ولا ارسل مسج ))
هي كلمت اخوها المتزوج بكل شي وكان على علم قال لها اخوها اتركي الموضوع علي
جا العيد واتصل خطيبها على اخوها وقال بجي اعايد عليكم وعلى خطيبتي قال تعال الله يحيك وفعلا جا المسكين وهو فرحاااان ومشتاااق لحبيبة قلبه وقابلها وسلم عليها وجلست هي واخوها معاه بدأ اخوها يتكلم ويقول اختي تشتكي منك ومن تصرفاتك وانا ماارضها على اختي واذا انت ماتبيها قول من الحين وبالنسبه للفلوس اذاتبي شي اطلب مني وفاتورة جوالك انا اسددها قال المسكين انا كنت امزح معاها قال والحين اختي تبي تكمل دراستها وبتروح معاك قال الان ماقدر لان مافيه وقت بس اذاجيت يصير خير... قالت ((واخيرا نطقت )) هو بيروح معاي ويبيني اصرف عليه قال اخوها انا اصرف عليه بس اهم شي يروح معاك ((نسيت اقولكم انه مره قالت بروح ادرس برا قال خلاص اروح معاك وتصرفين علي قالت تتكلم من جد قال ايه )) وطلع بس قبل مايخرج قالها بصوت خافت ...المفروض تحفظين السر .. وخرج وحط الهديه عند الباب ....وبعد كم يوم كلمها من المطار وكان صوته فيه نبرة قسوه انتقام وقال اذا تبين تعيشين معاي بشرطين :الاول سفر لاتحلمين فيه طوووووول حياتك والثاني تحفظين السر واذا ماتبين ترى وكلت ابوي كلموه وهو يرسل ورقتك وقفل الخط هي بكت وصاااحت ماتوقعت ان ردت الفعل تكون قويه
الحين هي محتااااره خايفة تكمل وينتقم منها بعدين ويطلع بخيل وخايفه تتركه وتندم لانه كان طيب وحنون ؟؟؟
ياليت اللي عندها خبره او راي حكيم تتفضل
