صديقتي وام زوجها ؟؟

[بنان اخت وجدان]

السلام عليكم ورحمة الله وبركاته

اليوم اتصلت علي صديقتي مقهوره

بسبب زوجها اللي اغلب امورهم توصل لامه
واليوم اتصلت ام زوجها عليها وكانت تنصحها عن حقوق الزوج والاهتمام به
ومن هالكلام استمرت المكالمه قرابة الساعه >>>نصائح

للمعلوميه صديقتي من النوع اللي اهم شخص بحياتي زوجي وبيتي واولادي ما شاء الله عليها

لكنها بنهاية الاسبوع الماضي حصلت مشكله عائليه بسيطه بسبب انها تبغى السوق وهو رافض بس
راح اتصل على امه يشتكي منها ومن كثرة طلباتها !!!>>>ام اطفال طبيعي تزيد الطلبات

اللي قاهر صديقتي ان ام زوجها امنتها ما تقول لزوجها اي شي وما تقول له عن اتصالها
وهي مقهوره تقول انا الحرمه مارحت احكي لاهلي عشان ما اخرب صورته عندهم

وش رايكم بنات كيف تتصرف
ابي حلول ذكيه
تقول ابي اوصل لزوجي اني ما انقل مشاكلنا البسيطه لاحد فما بالك به هو
بدون ما يعرف ان امه اتصلت على زوجها

انتظركم حبيباتي

 

[بهيره الموسى]

شخصية زوجها قوووووه ضعيفه
المفروض تعلمه ان مااحد له شغل بحياتهم

 

[بنان اخت وجدان]

والله مو ذاك الضعف
لكن ودي باسلوب حلو توصل له فيها انه ما يطلع مشاكلهم برى البيت خصوصا" اهله
والله لتفادي المشاكل وراحت البال مو لشي ثاني

 

[حبيبي دودي]

خل تحمد ربها ان الكلام يوصله لامه مب لأصدقائه والا كان الحين حرشوه عليها وتزوج عليها

على الاقل ام زوجها اتصلت تنصحها انا مااقول ان الي سواه صح بس شي اهون من شي

ان شاء الله البنات يفيدوك بخطط لاني ماعندي خلفيه فيها
الله يوفقك ويوفقها ويهدي سرهم يارب

 

[بنان اخت وجدان]

مشكورين عالردود

وعلى قولتك شي اهون من شي

ربي يسعدكم حبيباتي

 

[سماء حائل]

والله ماهي مشكله المشكله لو امه محرضته عليه وقايله تزوج غيره
فدييييييييت الامهات اللي هاذا سلوبهم ​

 

[بقاياهموم]

أذا كانت أم زوجها طيوبه وحبوبه تطوفها هالمره علشانها..

بس أذا كررها تفهمه بأسلوب حلو أنها مو راضيه على اللي يسويه..
وتقول له مشاكلنا بينا وماأبي أحد يتدخل فيها
وأذا كل مشكله تصير بينا تروح وتشتكي لأمك أنا بعد عندي أهل وأقدر أقول لهم عن كل مشاكلنا بس أنا محترمتك ومحترمه الخصوصيه اللي بينا..


الله يسخر زوجها لها ويسعدها وجميع نساء المسلمين..