صديقتي واخت دنيا...!!

ف

فديت البسمة

New member
إنضم
2008/10/07
المشاركات
183
السلام عليكم ياغاليات...
أبغى مشورتكم في مشكلة تعرضت لها صديقي المقربة مني جدا، أهل زوجها مو من النوع اللي يحبون زوجات اولادهم يكونون متواصلين معهم أبدا الا في المناسبات والمناسبات الكبيرة بعد وهي تقبلت هالموضوع بصدر رحب ، المهم انهم الان بيسافرون وطلبو من زوجها يسافر معهم او بالاصح حجزو له وانتهو من الموضوع ، المسكينة (صديقتي) حامل وبالشهور الاخيرة ومرررررة تعبانة وخصوصا ان اهلها مسافرين ويبي لهم وقت عشان يرجعون، ولما عبرت عن رفضها لزوجها (الشمالي) ، قال لها انا مليون مرة قلت لك ان اهلي اهم منك ومن عيالي، ولما طلبت منه تسافر مع اختها عند اهلها مارضى يقول مايصير تسافرين لحالك!!!!!!!!!
وش رايكم يابلقيسيات؟؟وش الحل معه؟؟ وكيف اقدر اخفف على صديقتي؟؟​
 
ايش هذا الزوج لايبي يرحمها ولا يبي يخلي رحمة الله تنزل
مالها الى تفهمه بأي طريقه انها ممكن تولد بأي لحظه لو تتفق مع الدكتوره الي تراجع عندها ان حالتها خطيره وينطق يجلس معاها
ايش يعني يسافر ويتركها لحالها وهي بهالحال
اكره هذا النوع من الاهل الله حسيبهم الي بنات الناس عندهم ولا شي الله حسيبهم
 
تستخير ولان ربي هو اعلم بمشكلتها ويمكن يصير شي يمنع هالسفر بسبب الله ثم استخارتها
وتخفين عنها باانك تسمعين لها وتحاولين تساعدينها الله يخليكم لبعض
 
يعطيك العافية دياموند ... بس والله انا حتى احترت وماادري كيف اساعدها الله يسخره لها يــــــارب ويفرج همنا وهمها
 
طيب إذا فقست وهو مسافر وش تسوي ؟؟
إذا لها أخت لسه ماتزوجت تطلب منها تجي تجلس معها بالبيت خلال فترة سفر اللي ما يتسمى
وتدعي الله أنه مايهنيهم بالسفر ولا يرتاح لهم بال أحسن عشان يعرفون أن الله حق ​
 
مشكورة مدمنة صبر...
ويعطيك العافية اختي مهرة بس اخواتها متزوجات كلهم وان شاءالله ولادتها مو قريبة بعد شهر تقريبا بس الله يستر من ضيقة الصدر ماتولد....
مشكورين..
 
حبيبتى حتى لو ولادتها بعيده

الشهر الاخير مايتظمن

وشوكت يبقى زوجها مسافر

وهى راح تبقى لوحدها يعنى؟؟

وخليها تفهمه لو صارت ليه اى شىء لو للطفل بتكون انت السبب
 
اختي اسماء مشكورة وشكله هذا الحل...

اختي مطرية كلامك صحيح واتوقع بيجلس اسبوع او اكثر شوي واكيد بتجلس في بيتها..
 
توكل امرها على الله .. شبيسوي زوجها لو كان عندها ؟؟ صدقيني ولا شي ..
 
سبحان الله ما يبيها تسافر لحالها وتهون عليه تضل لحالها بدون انيس ولا ونيس نفس الحال
 
اذا أصر على السفر تكلم واحد من أهلها أبوها ولا أخوها يتدخل لايمكن تبقى لوحدها

​
 
والله انه اناني قال اهله اهم من زوجته وعياله اوكي براحته بس حرام حامل وبيتركها ع الاقل يوديها عند اهلها لاسمح تتعب ولاتحتاج شي ...خليها تحاول تقنعه تروح عند اهلها والله ييسرلها
 
تتصل بأبوها يحكي معه بصرامة.. يعني إنسانة حامل وبشهورها الأخيرة الإنسان لايعلم ماالذي قد يحدث.. أختي حامل وكان حملها طبيعي جدا فجأة ارتفع معها الضغط بشكل كبير وانفصلت المشيمة عن الجنين وحصل معها نزيف وبدأت تدخل في اختلاجات خطيرة لولا رحمة الله بها تلّطف بحالها وكانت وحيدة في البيت استطاعت أن تزحف وتتصل بزوجها... اذا السفرة قصيرة ممكن ..ولكن في حالة واحدة أن لايتركها إلا ومعها من يقعد معها في هذه الفترة.. لاتسكت له عن هذا .. هذه مسؤولية وعليه أن يتحملها وإلا لما تزوج وقرر تكوين عائلة إن كان سيتخلى عن مسؤوليته.. ربي يكون معها ويختار لها الخير.
 
كلهم كذا
انا زوجي الآن مسافر مع اهله وتاركني لحالي وفوق هذا زعلان ليه اعترضت على سفره والله اني كل يوم اموت الف مره منه ومن تصرفاته وسلواي بالدعاء
 
صارت لي نفس سالفتها وربي صارت لي
سافر دون علمي مع أهله وأنا بالشهر الأخير قال أنا رايح المزرعه وراجع طبعآ جلست عند أهلي وشوي جاء أخوي الكبير يافلانه ليش ماسافرتي معه؟؟ هاااه هو سافر؟؟ماقال لي؟؟ المهم شوي وتتصل أخته بعد كم ساعه يافلانه ليش ماجيتي عندنا ؟؟ كل العيله مجتمعين,,والله وناسه(قصدها تحرني أصلا هم مايحبوني)
والله وعقدت الأيمان الغليظه إني لآخذ حقي منه(كنت حامل ببكريتي) وبعدها بيوم إتصل علي حبيبتي أنا جيت إنزلي عندي أنا واقف بالسياره ,,وقلت بنفسي جاااك الموت ياتارك الصلاة,,وأمي وراي يابنت إستهدي بالله ,,قلت كيف يتركني وولادتي بالأيام هذي والله لأخليه يتوب,,ويابنت يابنت توارى صوت أمي,,ركبت السياره وجلست بجنبه وماتكلمت كنت ناويه له على تهزيئه بالبيت محترررمه,,المهم طلعت للدرج وفجأة وفجأة حسيت إني أبغا اروح للحمام ,,فانفجر معي موية الجنين وصارت سيووول جاارفه وأنا أبكيييي ياربي وش ذااا؟؟وهو إختبط يروح يمين يسار مايدري وش يسوي ,, أحاول توقف المويا ماوقفت وعلطوووول المستشفى,,,والرجاال من حينها تاااب يتركني سواء انا أو زوجته الثانيه اللي ماتتسماش,,خليها بالفترة هذه تمثل عليه إن معها طلق وتروح للمستشفى وتدخل غرفة الكشف بشرط مايدخل معها وتخرط عليه بكم كلمه إنها مصبحه ممسيه,,(يعني قربت ولادتها وبكذاا يجلس عندهاا أو يخليها تروح لأهلهااا,,)
 
والله انا موعارفه شنو اقول بس الي بقوله الله يهون عليها

بس حبيت اشارك بالموضوعولو بشي بسيط لانو من جد قهر

وانشالله البلقيسات يفيدونك
 
صارت عادة الأزواج يسافرون مع الأهل ويتركون الزوجة الله المستعان

انعدمت الرجولة​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل