صديقتي مهمله _ولاتهتم لنظافتها الشخصيه!...

انا بكلمها افضل...

لان هالشي صراحه اذا ماتركته بيأثر على حياتها الزوجيه بعدين

اهي عندها نصايح لي بطريقة معاملتي للناس

تقول اني دفشه ههه...

بقول لها خل نصير هاليوم صريحات مه بعض والاصدقاء يكونون صريحين ومااحد يزعل من الطرف الثاني

وخل تصير جلسة مصارحه....

والله يكون بالعون لايكون تزعل!!!!


اشكر كل من عاونني في هالموضوع وساعدني
شكرا لكن اخواتي الغاليات...

ومجموعة نصير المرأه...
 
الله يعين
والله موقف محرج
مرت بنا كثير من هالحالات

اختي الحرة بالنسبة لتوقيعك ايش قصدك بفنجانك دنيا مرعبة ؟ قد يكون نوع من مما يسمى قراءة الحظ في الفنجان
وهو نوع من الشعوذة على ما اظن والله اعلم .مع حبي لك
 
في بعضهن يعانون من حاسة الشم
يعني ما تشم نفسها
ما تقزز من هالريحة

ترى في نصهم ما يشمون عدل
الله يهديهم
النظافة من الايمان ؟؟

بس اخواتي ما قصروا قالوا طرق حلوة
والله يعين
حاولي تجيبين مبخر ودخون وعود
تبخرين مكان العمل
غرفه العمل الي انتوا فيها
بلكي تعجبها تشتري مثلها تبخر عمرها
جربي تتعطرين قدامها
وخليها تتعطر من عطرج قولي لها وش رايج بالعطر هذا جديد توني شايرته
واحرجيها قولي لها شنو نوع العطر الي تستخدمينه
وايضا امسححي ايديك بكريم معطر
خليها تشمه واعطيه مثلا بعد الاكل تمسحين فيه ايديج
اي شيء يدل ع النظافة والاهتمام بالرائحة الحلوة
يمكن تقلدج وتسوي مثلج

وشكرا​
 
عندي فكرة إذا ما نفعت كل الافكار او كنت منحرجة تكلمينها
ممكن تتفقين انت و المديرة أنها تسوي أجتماع و تقول ان فيه موظفات ما يهتمون بنظافتهم الشخصية و انها الا تشم فيها ريحة راح تهزئها عند الجميع و من هالكلام وراح اعطيكم مهلة ثلاث أيام
 
مرحبا
انا عن نفسي اذا فيني عيوب احب ان صديقاتي ينوروني بهذا الموضوع
واحب اني ابين عيوب الناس لهم عشان اساعدهم >>>>>>>>>>>> بس خصرت اكثر مما استفدت
والحلو بالموضوع قبل فتره سمعت وحده من بنات المعهد تقول للبنات عني اني انسانه صدوقة واحب اخلي الشخص اللي قدامي باحلى صورة
مثال .......... لو وحده روجها طابع على اسنانها او بقايا الاكل على طرف الفم عادي انبه عشان الكل يشوفة ومايقول شي ؟
اما بالنسبة لريحة فالحل صعب اشوي
ارسليها ورقة بطباعة كمبيوتر وهدية طقم عطور وجل استحمام ومزيل عرق وغسول للفم + معجون وفرشاة وحطية تحت طاولتها عشان محد يلاحظ هالشي وبدون تغليف مميز بس كيس عادي عشان ماتنحرج وحطيه بنهاية الدوام عشان ماتشوفينها وهي منحرجة واصمتي تمام وكانك مو انتي اللي ارسلتي الهدية
واظن المصارحة وجه لوجه صعبة
بس لاتنسين تنبهينها ان المديره تهدد بفصلها عن العمل
 
حبيبتي الحرة ماشاء الله عليكي اعجبني فيك حبك لنصح الغير وبذل الخير الله يكثر من امثالك وياليت القى احد يبين لي عيوبي علشان اصلحها وارتقي بنفسي
الله يعينك ويكتب لك الاجر

راي اختنا احب الحياة حلوووووووو بس يخوووووووف هههههه ومادام ماعندها نية تفهم مالك الا حمل الراية وخوض الوغى صارت معركة مو نصيحة وربنا معاكي يالغالية
 
انا عجبني راي اللي تقول ان المديره تجمعنا وتقول عن النظافه الشخصيه بكذا انا برتاح!...


عفوا حبيباتي انا حاليا مريضه_وعندي املاح بالكليه ...

تعبانه والله مابقدر اوتواضل معاكم زي اول!....

ادعوا لي
 
المشكله احبائي انها ما بتاخذ الكلام على نفسها

الرائحه السيئه بالفم ليست من التقرحات:

ممكن يكون عندها في اسنانها (خراج)هوه مايسبب الرائحه السيئه

او معدتها فيها تعب مما يصعد رائحة العصاره للفم

بالنسبه لرائحة الجسد يمكن اختى تستحم ولكن رائحة عرقها نفاذه

فعليها مضاعفة كميه الماء التى تشربها وتبتعد عن الغازيات:essen:

.......................

بالنسبه لكيف تخبرينها هى عمرها ما بتحس ان الكلام ليها ابدا

لانها حاطه نفسها خارج دائره المقارنه والكلام

والحل صعب ولكن لابد منه:busted_red:.........

المواجهه بتزعل شوى بس ما بتبين لكم...كرامتها بتعورها شوى:icon28:

وبعدين عادى.....

ممكن تبعثين لها مسج من رقم مش رقمك سنترال مثلا يسالها الاستحمام

تخيلى هذه لو متزوجه بتطلق.........:crazy:


حفظكم الله.......

اوراق ملونة:cupidarrow:
 
التعديل الأخير:
اوراق ملونة;367244 قال:
تخيلى هذه لو متزوجه بتطلق.........:crazy:
أنقر للتوسيع...

مزبوط اختي كلامك صحيح..
كان لي صديقة لها نفس المشكلة براحة العرق... و تطلقت لهذا السبب.... بل كانت لدرجة انها بعد ان تستحم بثواني و مازال شعرها مبلول تعرق و برائحة كريهة كانها عمرها ما تسبحت...

اتوقع ان علاج هذه المشكلة برائحة العرق القوية هي بجلسات الليزر تحت الابط..... هكذا قرات مرة
 
عزيزتي الحرة الله يشفيك ويعافيك يارب ويشفي أمة محمد جميعاً إن شاء الله

بالنسبة لي صادفتني حالة من حالات النساء اللي ريحتها من العرق ماشاء الله عليها تنفر من بعيد
وجميع الزميلات اشارن علي ان اصارحها وهن متخوفات من موجهتها وقذفن بي في وجه المدفع
وبالفعل كنت مترددة في المواجهة بس قلت يالله اتكل على الله وأخبرها والاجر عند رب العباد
بس طبعاً كلمتها باسلوب طيب وإني أنا مثل أختها الكبيرة وأريد مصلحتها والمقدمات الجميله الرائعة إللي تعرفوها
وكانت الصدمة فاتحتها وأخبرتها وجلست المسكينة تبكي عندي وبكت بالفعل كثير حتى حضنتها وهديت من روعها
وهي تحترمني من البداية ومازعلت من كلامي بل بالعكس شكرتني ومدحتني كثير بس تأسفت على زميلاتها في نفس المكتب كيف لم يصارحنها!! أنا اخبرتها انهن مترددات وخجلانات بس هن يحبنها ومتخوفات ان يجرحن مشاعرها هكذا اخبرتها عنهن وبالفعل تغيرت ، اتمنى انك تكوني مثلي قوية وجه بس والله هذي اول مرة اسويها في حياتي واواجه شخص أنا جباااااااااااااااانة ماعليكم مني
 
أنك تعطينها هدية أدوات الإستحمام هذا مش كفايه... يمكن أنها ما تعرف تستخدمهم بالطريقة الصحيحه. الصراحة الإنترنت ما قصر... في كثير من المنتديات تلاقين أقسام للعناية الجسمية. و يمكن أنها تشيل شعر الإبط مثلا بطريقة غلط تسبب لها جروح وحساسية تتضاعف مع استخدام مزيل العرق قبل لا يبرى الجرح. الوحده لازم تختار الوقت الصح اللي تشيل فيه شعر الإبط وبعدها تنتظر يوم ما تحط أي شيء من مزيلات العرق ومثيلاتها واليوم الثاني تقدر تحط مزيل عرق للبشرة الحساسة... وطول هذي الفترة تستحم مرة مرتين قدر الإمكان إن حست أنه ريحتها تظهر بسرعة. والمفروض أنه الوحده اللي تحس أنه جسمها يطلع ريحة خايسه أنه تثقف نفسها وما تتغاضى عن هالموضوع... ممكن تسأل ما فيها شيء (أحسن من أنها تظل ساكته وتعطي للناس مجال أنهم يتضايقون منها وينفرون منها ويتكلمون عنها بالسوء).
 
انا لومكانك اكتب لها ورقه بخط غير خطي واكتب لها كل شي عن النظافه وعن الاهتمام بنفسها وان الرساله كتبتها وحده ثانيه غيرك عشان ما يصير احراج بينك وبينها
 
ياربي....والله مشكله انا للحين ماقدرت اواجهها!
 
اقتراح وردة وحيدة هو الحل المناسب في نظري، وبعد فترة بتشكرك على تجاوز هذه المشكلة.
 
يا حبيبتي والله كسرتي خاطري ... ...ما ألومك والله ...الموضوع صعب شوي ..ومحرج .

مالك إلا تخليها تغار منك ... كل يوم ادخلي المكتب ... وقولي أنك متسبحة بجل شور بريحة جديدة ...

وأنك طلعتي من الحمام ..وزوجك انهبل على الريحة ..

يمكن تغار وتقلدك ...وربك يعين .
 
مممممم اخاف من العين

انا حاليا ماخذه اجازه من الدوامَ...

لازم اكلم صديقتي عن هالشي...بس بحاول افتح الموضوع بطريقه ماتجرحها

بكلمها بالجوال احسن لاني مااقدر اواجهها...

اشكركم جميعا حبيباتي والله ماقصرتوا
 
لاتهتم ابدا في ابنائها...ولا زوجها

بسم الله الرحمن الرحيم...


انا استغرب فعلا من هالناس_مايقدرون ان الاطفال نعمه؟

يهديها الله الى ناس_ويمتحن ناس في انه مايرزقهم بالاطفال!!!!


انا مستغربه فعلا من هالانسانه!!!

تخيلوا عندها 2....

وماتهتم فيهم ابداً....طول الوقت تاركتهم عند امها_وتنشغل بدوامها ودراستها

هاملتهم_والله لو تشوفونهم_يكسرون الخاطر لاتسرح شعرهم زين_

و2 يدرسون بالمدرسه_ورغم ضعف حالتهم الماديه الام ترمي اطفالها عند مدرسات خصوصيات حتى تتفرغ لنفسها...


بيتنهم اعزكم الله كانه المزبله!...

الملابس دايم مرميه بالارض_(يمكن لان ماعندهم دولاب)؟....عندهم واحد قديم...

وباقي الملابس كلها بالارض!

انا احيانا افكر_اقول يمكن مساكين علشان حالتهم الماديه ماقدروا يشترون دولاب!!!


بس والله العظيم يااخواتي هالحرمه ملابسها كثير_ودايم تشتري لها عطورات_وملابس فاخره ومكياج ووووو....

وزوجها مايقصر بحقها ابد!!!!....


تدرون ايش المصيبه الكبرى؟؟؟؟


ان اكتشفوها تكلم اولاد كمان بالجوال!!!!!!!!

ليه كذا؟......ووش الحل!!!!!!!!!!!:sadwalk:
 
ممكن عندها مشكلة التعرق الزايد وهذه مشكله كبيرة
وتعتمد على نوعية الاكل كمان
اقترحي عليها اذا كان عملكم خاص في مجال النساء اذا جات للعمل ممكن تلبس اللبس الخفيف والألوان الباردة ممكن تخفف من حرارة جسمها
وتخفف منالأحتفاظ بالرطوبة او العرق
احس الالوان القاتمة تحتفظ بالرطوبه وتجيب حرارة للجسم

تكلمي طيب عن الاسترخاء والزيوت العطريه المركزة الي تقطر في الماء الدافي وتسترخي فيها قد ايش
تريح النفس وتضيف من الانوثه وتبقى ريحتها بالجسم كمان ماتروح

والله يعينك يارب معهااا
 
هذه مالها الا النصيحة المردعه والقويه لها


وعليكم بالصبر والدعااء


وعلميها ان لو انكشفت من قبل زوجها او اهلها هذا ماراح يغفر لها
وحتى بتكون منبوذه من المجتمع


انصحيهاااااااا لانها غافله غفله كبيرة
هذا رأيي الخاص

وشكرا
 
ممكن زي ماقالوا بعض الاخوات هو مرض يعني لازم تشوف دكتور
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل