صديقتي مهمله _ولاتهتم لنظافتها الشخصيه!...

[الحُرّه]

بسم الله الرحمن الرحيم...​

اخواتي اريد منكن حلاً...​

لي صديقة اعمل معها...وهي انسانه طيبة الاخلاق...وحكيمه!...وجميلة المنظر​

لكنها لاتهتم لنظافتها الشخصيه...​

لديها مشكله في فمها عباره عن تقرحات او لاادري ماهي...وتخرج من فمها رائحه مقززه!​

ولا تستحم كثيراً...ولا تهتم لشعرها _(خاصتا ان شعرها مصبوغ ولاتعمل له سشوار)!​

انا لمحت اليها كثيراً...​

وحاولت بان اعلمها ان الاستحمام يجب ان تستخدمي (الليفه_والصابون)...​

وان تستحم كل يوم...​

طبعا كان اسلوبي عباره عن تلميح وخالي من الكلام اللذي يجرح مشاعرها
لاني كنت احكي لها قصص بنات​

واقول ان هم لايتسحمون كثيرا ...​

ولكن لم يتغير شيئاً...​

ولم تفهم ...او تحاول بان لاتفهم!!!​

انا لاادري لماذا لا تهتم بنظافتها الشخصيه؟....​

وخاصتا ان مديرتي بالعمل جلست معي وقالت لي ان صديقتك فيها شيء محرج واحب ان افاتحك فيه​

انها لا تستحم كثيرا واذا استمرت على هذا الحال فاني مضطره ان افصلها عن العمل؟؟؟​

مالحل اسعفوني_لااريد ان اجرحها _!​

ولكني لمحت لها اكثر من 10 مرات وفيه فايده!!!!​

ارجوكم_محتاجتكم لاني حتى انا اتضايق من هالنقطه السيئه بها!


ارجوكم اريد حلاً​

 

[ياسمينه]

الله يعينك يااختي .. بس اقول ليه ماتواجهينها .. مدام هي مو فاهمه او ما تحاول تفهم

 

[الحُرّه]

اخاف تنجرح مني وخاصتاً انها تعتبرني صديقتها الصدوقه

اخاف تعتبر اني اتمصخر عليها او انتقدها!...

او اني مااحبها يوم قلت لها كذا!

تخيلي لو لحد يجي لك ويقول ريحتك مو حلوه_صراحه شي يقهر!

 

[يمانيه]

ياه يا اختي الحره
والله اني اعاني مما قلتِ بالظبط مع احد الموظفات معي وهي تعتبر صديقتي ايظا
حاولت المح لها لكن دون فائده

وخاصه انه بلغني كلام من الموظفات الأخريات وطلبوا مني اخبارها بحكم علاقتنا
ولكن
محرجه منها للغايه
فكرت اكتب لها ورقه واطبعها بحيث ما تعرف خطي
لكني ترددت
اخاف تنجرح وتستاء من هكذا تصرف

ولا اعرف ما الحل والتصرف السليم في هكذا مواقف ؟؟؟؟

 

[وردة وحيدة]

اهديها طقم عطور ومنتجات استحمام وقوليلها انج خذتي لنفسج واحد بعد

وكل يوم الصبح اتفقوا على نوع الصابون اللي بتتسبحون فيه وجي هي مضطرة تتسبح كل يوم لانكم بتتناقشون في الموضوع

انتي تكونين ضربتي عصفورين بحجر ... خليتيها تتسح كل يوم وازلتي الحاجز من الكلام في هاي المواضيع
واذا بعد ريحتها مب حلوة قوليلها غريب .. ليش الصابون او الشاور جل ريحته غريبة عليج؟ وابدأي علميها وكله باسلوب تبادل الخبرات لانكم تسوون نفس الشي مع بعض كل يوم وتقارنون النتايج

 

[المتمكنه]

وانا بعد مثلكم اعاني من نفس المشكله

واخاف ان صارحتها تنهاااار

والكل يتكلم عن ريحتها لدرجه الغرفه اللي تكون فيها صعب نقعد فيها

ولليوم موعارفه اواجهها لانه صعب حييييييييييييل

ياريت احد عنده فكره بدون مانجرحها 000 وسالفه نكتب ورقه احس تجرحها اكثر

 

[المتمكنه]

ماينفع

 

[المتمكنه]

ماينفع اختي مره اهديتها مزيل للعرق مفعوله قووووووووووي لدرجه لو 5 ايام ماتسبح ماتطلع الريحه

بس شكلها ماجربته

 

[دودي حبيبي]

حلوه فكرت العطور والصابون الي ذكرتها الاخت ورده وحيده بس اقول لوتكتبين لها رساله من الكمبيوتر عشان ماتعرف خطك وتصارحينها وتكتبيلها انك فاعلت خير وبعدها انتبهي تلمحيلها بالموضوع عشان ماتعرف انج انتي وتنجرح مشاعرها بس كذي افضل من انك تواجهينها او حتى تطنشين الموضوع لانها صديقتك

 

[متميزة]

جيبيها على انك تشتكين لها من ان المزيل الي عندك مو زين وسبب احمرار او ريحته مو قوية

واسئليها ايش مزيلها وكيف تستحم وكيف تهتم بنفسها وقولي لها سمعت فلانه انها تسوي كذا وكذا

وش رايك يافلانه بالموضوع

او حكيها ان في وحده ططردوها من العمل بسبب ريحتها


او حاولي تكوني قوية وجه وقولي لها يافلانة بصراحة انا احبك وانتي زي اختي وفي موضوع حابة اقولك عليه

وصدقيني انا مااتنمى احد يجي يقول عنك شي من معزتك والقصة هيا ان المزيل الي تستخدميه مو تمام ويبغالك

تهتمي اكثر بنظافتك لان المديرة كلمتني وقالت انها بتفصلك لو ماتغيرتي

 

[المميزه]

أنا من رأي ، على الرغم من ان الموضوع محرج ألا أن هذا دور الأصدقاء.....فأذا كانت مشكلة زميلتك واضحه لدرجة ممكن تخسر عملها ...فعليك التصرف خصوصاً وان المديره اعطتك التنبيه الشفهي....
أختي كلميها بالتلفون ...,قوليلها أنه في موضوع محرج لك وماكان ودك تقوليله لولا حبك وحرصك على عليها كنفسك ، واستخدمي اسلوب الشطيره للنقد....بمعنى:مدح وثناء- نقد_مدح وثناء
ابدئي بالقول أنك تحبيها...وهي رائعه وفيها من الصفات الإيجابيه كذا وكذا..... بس قولي فيه شيء ممكن يخسرك عملك ...واكري ملاحظاتك...ومن ثم انتهي بالمدح والثناء عليها وتذكيرها بالصفاتها الحلوه
والمثل يقول" يابختي باللي يبكيني ويبكي معاي ولا اللي يضحكني ويضحك الناس علي"
فهذا دور الأصدقاء....مرآة الأنسان

 

[أميره]

يا هلا ...

الي الان في ناس ما تعرف كيف تكون نظيفه ؟؟!!

لا حول ولا قوة الا بالله ..

بصراحه المواجهه صعبه ... الله يعينك اختي .. اعتقد عن طريق الهاتف يكون الامر اسهل حتى لا تضطري انك تنظري الي وجهها وهي محرجه .

وربي يوقفك ..

أميره ..

 

[aldana]

مافيها شي ......صارحيها باللي في خاطرك بكل وضوح ...
تكلمي معها وقوليلها خاطري أشوفك مسشورة شعرك وريحتك تهف بالعطور ... أنتي حلوة وجميلة ومو ناقصك شي
ليش ما تكشخين حال البنات ؟

وفهميها أن شكلها الخارجي مهم ..كونها موظفة ... واهمالها بشكلها ممكن يؤثر على وظيفتها وتمسك المديرة فيها ...

 

[بركون]

انا بعد اييد فكرة طقم العطور الي قالت عنه ورده وحيدة واذا ما جاب فايدة ما في الا انج تصارحينها

 

[الموج الثائر]

لا اعرف ما اقول ولكن لما لا توجهى لها الكلام بشكل معلومات يعني قولى مثلا ان جسم الانسان يطرح اكثر من مليون خلايا ميتة في اليوم ولذلك الاستحمام هام جدا
مثلا قولى لها استعملى شاور جل كذا لانه خطير وطريقة استعماله كذا وكذا او انتى مثلا اهديها بودى شاور جل او برفان

ممكن ايضا تقولى انك مريتى من جنب واحدة وكانت ريحتها ابدا مو حلوة ماهذا الا يعرفون انهم يجب ان يستحموا كل يوم

بخصوص ما في فمها قولى لها انه يبدو خطيرا ويجب ان تذهبي لطبيب

ممكن ايضا ان تتكلمى عن عاداتك انتى في النظافة الشخصية يمكن تتعلم وتتغير وتهتم

والله يعينك

 

[**Sweety**]

يااختي مدام هي صديقتي فهي تمون مو معقوله بتجلسين تلمحين لها الى متى الى ان تنفصل من وظيفتها

يمكن هي ماتفهم في التلميح تفهم التصريح ...

 

[زهرة البوادي2006]

اهديها طقم عطور ومنتجات استحمام وقوليلها انج خذتي لنفسج واحد بعد

وكل يوم الصبح اتفقوا على نوع الصابون اللي بتتسبحون فيه وجي هي مضطرة تتسبح كل يوم لانكم بتتناقشون في الموضوع

انتي تكونين ضربتي عصفورين بحجر ... خليتيها تتسح كل يوم وازلتي الحاجز من الكلام في هاي المواضيع
واذا بعد ريحتها مب حلوة قوليلها غريب .. ليش الصابون او الشاور جل ريحته غريبة عليج؟ وابدأي علميها وكله باسلوب تبادل الخبرات لانكم تسوون نفس الشي مع بعض كل يوم وتقارنون النتايج

كلام الاخت عين العقل

 

[الحُرّه]

اختي المتميزه...

انا مت وانا المح لها _لدرجه اني مره كذبت عليها وقلت لها ان اختي ماتستخدم الليفه بالصابون وان هذا غلط ولازم الواحد يتليف

ومره سالتها انتي تستخدمين الليفه ولا الحجر

تقول الاثنين>معقوله؟

وبعدين انا مو كل يوم جنبها

هالشي اكيد هالشي بيأثر في علاقتها الزوجيه بعدين

 

[غدير الحب]

عزيزتي
اطلعي معاه بمكان لوحدكم وقولي لها بالمختصر
انه ناس كلموني اني اوصل لج هالكلام وهوانج مب نظيفة وريحتج فايحة

طبعا بطريقتج وبكل هدوء وثقةعسب لوشافتج منحرجة بتقعد تعصب وتزعل
بس لوشافتج واثقةوقويةمن كلامج راح تستجيب بهدوووء

وقولي انه في الدوام الكل يرمس واذا سالت منوووه قوليلها مب مهم الاهم شوفي نفسج
ومحدبيرمس الا اذا في شئ وعقبها قدمي لها مجموعة الصابون المعطر فكرة الاخت وبكذا

بتكوني ارتحتي

لانه مافي مجاملات بمثل هالموضوع

بس غريبةانج تكلمينهاوصديقتها ؟؟؟؟ مااتوقع حدممكن يصادقهاااا
واستغلي هالنقطة الصديق يكون عون مب مجامل
وكل مااستعجلتي يكون افضل وانتي ماراح تخسرينها بالعكس يمكن تزعل بس عقب بتحس
وهذا الاهم
والله يوفقج

 

[احب الحياة]

اختي الحرة ...
ايش رايك تقولين لها عن وحدة تعرفينها انها ما كانت تهتم بنفسها من حيث الشكل والريحة ومب راعيت عطورات وهالاشياء وان زوجها تزوج عليها ......وبعد الزواج اسمعي كلامه عن زوجته الثانيه ...كانها فواحة او مبخرة تمشي على الارض وعاد انتي زيدي بالسالفة على كيفك ...وان هالرجال ما ينفع معاهم الا كذا وحتى الناس ..وشوفي فلانة كيف ريحتها وكيف تتعطر ..ومن ضمن الكلام اساليها انت كيف طريقتك بعد الشاور ودققي عليها بالاسئله كانك تتعلمين منها وقولي لها كم طريقة (انك اخذتهم من النت) والله يوفقكم اجمعين ..صراحة موقف محرج للطرفين.