صديقتي صدمتني

خخخخخخخخخخخخخخخخخخخخخخخخخخخخخخخخخخخخخخ
 
أختي يعني الحين انتي تضايقتي من رد واحد ..

وماناظرتي كم وحده منتظرتك بلهفه وودهــا تساعدك ..

عموما على راحتك حبيتي تكملين احنا موجودين وبنساعد باللي نقدر عليه

ماحبيتي براحتك ..

"همسه"

ترا اللي بالها مو طويل ميب مجبوره تنتظر ولاترد ولاصاحبة الموضوع مجبوره ترضي أحد

الناس ظروف ومشاغل واللي يتوفر لك مايتوفر لغيرك ..


الله يهدي بالك أختي وييسر أمورك إنتي وأختك ومي .. إيش ماكانت الظروف

 
كملي حبيبتي متابعينك والله انا اتشديت مع كلامك وحابه اعرف قصتك وماعليك من احد على قول الاخت بقايا فتاه
 
أيش هذا الحماس وبعدين ياحبيبتي أقولك شي ولا تزعلين عطينا من الآخر الى بعدوا
 
كملي يالغالية ..كلنا آذان صاغية ..

بالعكس سردج جميل جدا واسلوب راقي .. اندمجنا وياج

في انتظارج .....
 
الحين البنت هجت من رد واحد و زعلت خخخخخخخخخخخخخخخخخ

بس المشرفات الحين بيجون و يحذفون الموضوع كلة بكبرة

فياريت يا بنات الي تبي تكتب قصة طويلة تعجل فيها و ماتلتفت لكلام البنات اهم شي تخلصها بسرعة و بنفس اليوم
 
اهلين حبايبي.....والله موزعلانه ولا شي واشكر كل واحده قلبها معاي وماشاء الله عليكم مومقصرين...نرجع نكمل وش صار ببيت مي ذيك الليله ,قعدنا نسولف وجا طاري الازواج وسوالف الرجال قعدت مي تقول ليش ياليلى الى الحين ماعرستي مافكرتي بهالموضوع...وسالفه تجر سالفه,حتى جى طاري سالفت حماها يعني اخو زوجها وقالت وش رايك ياليلى يجي يخطبك ؟من زمان يدورله على بنت الحلال وخلينا نحول علاقة الصداقه الى علاقة نسب..طبعا اختي ماجى ببالها شي بس قالت خليني افكر...وقعدت مي تمدح فيه كل الجلسه لحد ما اختي بدت تميل لكلامها وانا مثل ماقلت من الاول ان عليها اسلوب موطبيعي في الاقناع .كنت اسمعها وشدتني الصفات الحلوه اللي اوصفتها فيه...قالت انه يتصل عليها من وقت لوقت يسالها لقت له بنت الحلال ولا لا وقالت انه حبيب وطيوب ولا يمكن انه يؤذي حشره فما بالك بك انتي واولادك..وقالت انه امام مسجد وكامل مكمل وماعليه بس اللي ضيق صدري انه متزوج...المهم توالت الاحداث بسرعه واحس اختي انبهرت من مديح مي لعبدالله اللي هو اخو زوجها وجى اليوم اللي تقدم فيه عبدالله لاختي ووافق اخوي مبدئيا اللي من امي وهو صغير 26 طبعا لي اخوان كثير بس من ابوي والعلاقه موحلوه بينا وبينهم يعني فيه رسميات ومانشوف بعض الا بالمناسبات وابوي متوفي ....لما جى يوم الملكه سوينا حفله بسيطه ويعلم الله ان قلبي مقبوظ بس طلع الموضوع من ايدي اختي هي اللي اصرت انو يجي يخطبها حسيت لو باتكلم زياده راح تحاربني وتقول انتي غيرانه ووش تبين وعاجبتك حياتي كذا....خصوصا انه صار عندها ياس انو مافيه احد راح يخطبها من اقاربنا لمى اشتهرت به من القوه والعصبيه على قولتهم بالعاميه عوبا ​
 
وبسرعه تم الموضوع حتى من كثر ماختي مستعجله ماخلتنا نسال عنه ووثقت بمي لانها من زماان صديقتنا ....وحرصت مي اشد الحرص انه لازم ليلى وعبدالله يكلمووون بعض بالجوال بعد الملكه علشان في زعمها يتفاهموون ويرسمون حياتهم حتى لدرجة انها تكلم اختي بالساعات وهاذي اول مره تحصل ولانه حسوا عندي شوية اعتراض حاولوا يبعدوني عنهم والمشكله اختي انسحرت بكلامها وانا موضد زواجها بس ابيها تتريث حتى نسال عنه وعن حياته ....المهم شرطت اختي بيت لها في نفس منطقتنا لانه مو من هنا, من سكان المدينه في قريه من قراها وشرطت مهر وكمان اولادها يعيشوا معاها ...بعد الملكه بشهرين حسيت ان اختي واحده ثانيه مواختي ماعرفها ؟؟ صارت ناعمه واتيكيت وهذا الشي خلاني انبسط وبدت تسال عن العطورات والالعاب الزوجبه وغير...يالله يابنات اكمل بعد ماقوم من النوم احس ماشوف من التعب
 
معاج أختي
الله يعطيج العافية و أهم شي انج ما زعلتي
و نحن ننتظر عشان نفكر بالحل مع بعض
و البنات ما راح يقصرون
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل