صديقتي..زوجها يحبها وهي ماتحبه ..مسويتله ديلييييت

ا

ام هيونه

New member
إنضم
2008/04/27
المشاركات
40
مادري شقولها وشنو انصحها فيه....هو يمووووت فيها ...حسب كلامها ...بس تقول انها ما تحبه لضعف شخصيته....وانه بيتوتي ومايحب السفر...وكل صديقاتها سافرو مع ازواجهم الا هي...كلمتني لانها تحس بالذنب انه يحاول يتقرب منها وهي على قولتها مطنشه....وتتمنى ترجع لعنوستها.....ووناستها!!:exclamationpoint:

تبي تعرض قصتها وتشوف ردودكم عليها......ها شرايكم فيها:questionmark:
 
الغاليه مب شرط الوناسه بالسفر والروحات والييات لازم تعرف وتفهم هذا الشي وتحاول عاه شوي شوي بتوصل للي هي تباه يعني شوية سياسه منها
 
نسوان بلكشي ما يرضن يعني كلش زين من الرجال يحبها ويريدها
وهلنوع يسمونه بطر طالما يحبها زوجها كلشي يهون
والعنوسه تهد الحيل تقبلي مروري
 
اذا اعطته ما يريد.....



اخذت منه ما تريد.....




واصبح لها كما تتمنى!!!
 
تحمد ربها انو بيحبها وانه بيتوتى وقاعد معها ولاعندو روحة ولاجية صحيح فى نسوان مابيعجبهم العجب ولا الصيام برجب وماراح تنبسط الا ازا صار يعمللها خناقة الصبح وخناقة المسا
 
اختي قوليلها احمدي ربك ان زوجك يحبك ويموت فيك ويقعد معك احسن من الي يطلع ويطنشها او يسافر ويخليها بروحها واذاهي بتشوف صديقاتها يروحون ويسافرون بتموت هم وتنكد على زوجها وبيطفش منها ولا عاد يقعد معها بتتمنى انه يرجع مثل اول
 
طبع البنات

اذا الرجل اظهر حبه لهم ما يحبونه

واذا طنشهم يموتون عليه

قولي لها تخيلي انه راح من حياج ايش راح تسوي؟
 
قوليلها اتقي الله في زوجك يا امراءة
 
قوليها خليها على ماهي عليه

لانه بعد فترة بيسوي لها رمووووف

هذا بعد اذا ماسوالها cut وعطا غيرها paste
 
قوليلها خافي الله هذا زوجك جنتك ونارك وله عليكي واجبات لازم تسوينها
خليها تشكر ربنا على هالنعمة الي عندها تراها النعمة زواله والواحد مايدري شو يصيرله في هالدنيا
 
غريييييييييييب

فيه حريم ما اعرف كيف والله

هذي الصفات اللي مو عاجبتها كثيييير حريييم يتمنونها ,, لا حول ولا قوة إلا بالله

فعلاً فيه حريم ماينفع معهم الا القسوة والتطنيش ,, وقتها يركضون ورا الرجال وبس يبون رضاه

لو انا مكانها وزوجي يموت فيني وفيه هالصفات احطه على راسي

الله يهديها ,, خبريها عن المشاكل اللي تقرينهم هني يمكن تعتبر وتحس بالنعمة اللي عندها
 
سبحان الله يحبها وما تحبة لا حول ولا قوة الا بالله - هذه لو صار لها اللي صار لي ايش تسوي - انا زوجي ما يعاشرني ما اقول شهر لا ما يعاشرني بالشهور الطويلة ( 4 أو 5 شهور ) من بداية الزواج مع اني حلوة و رشيقة واحبة و البس له واتدلع امامة لكنه لا يراني و مايشوفني ( دايما احس اني قبيحة لما يقعد معاي ) لا ني مهما اسوي واتعدل ما يشوفني -
قولي لها تحمد ربها و تبوس ايدها وجهه و ظهر على هذا الزوج - ياريتها خذت زوجي علشان تنقهر و تحس بالالم والهم اللي انا عايشة فية
 
اساليها تبادل هههههههههه
 
الله يهديها
قولي لها تخيلي أن انتي اللي تحبين زوجك وهو مطنشك يعني تحط نفسها مكانه وتشوف والله يهديه ويحببها في زوجها
 
اما صحيح نحن النسوان ما بيعجبنا اشى يعنى لازم تطفشو من البيت ويطلع يلموه بنات الحرام وهم اكتر من الهم على القلب وما وراهم شى غير الحرام الحين هو بيجرى وراها وبكرة هى تجرى وراه تدور عليه مع مين لاهى احمدى الله قوليلها ؟؟؟؟؟؟؟؟؟؟؟؟؟؟؟
 
والله البنات مو عارفات كيف يعيشن عنسن صاحن تزوجن قالن مو مثل اللي عند ربيعاتي شو هالكلام من وين يايات ذوول كل شي يبنه مستحيل تحمد الله على الي عندها وتحببه في اللي تحبه ولاتنسى ان اللي يرضى له كل الرضا واللي يسخط له كل السخط وانشاء الله انها تفوق لنفسها البنيه قاعد تلعب بنار هاي اقدار الوحده لابد تقتنع بقدرها واللي مو عايبنها تغيره للاحسن مو للاسواء بس احسها انانيه والاناني مايشبع دووم يبى يبى يبى الين ينتكس عليه كل شي ولا يفوق لنفسه الا وقد طافه القطار وعاد هي حره تقدر تهدم بيتها بيدها وتقدر تبنيه بعد بيدها...
 
تحمد ربها على هالنعمه ...
وش تبغى في الرجال كثير طلعه وكثير سفر ...
اكيد صحباتها مره يسافرون مع رجالهم و3 الرجال يسافرون بدونهم
ياحلو لما يقسم الرجال الخبزه مع زوجته نصين ,,,
ياحلو الزوج وهو يحب زوجته ويقضي وقته معظمه معها ..
وش الاحساس اللي ينتاب الزوجه لما اتحس زوجها يبي يجلس معها ويسولف معها ويقدر مشاعرها
ويا كره السفر لما يكون الزوج فيه يمن عالزوجه بالسفره ويقولها طلعتك خلاص!!! خليني بكيفي
خليها تركز على نقاط في زوجها حلوه وكفايه الحب **
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل