صدمني ...

[dlo0o3t_5alo0od]

لحقوووووني زوجي يباني احمل و عمر ولدي 10 شهوووور ...



للعلم انااا ما اخذ حبوب منع او شي ...



زوجي مب راضي فهمته و كلمته اني ولدي صغييير بس ما شي فايده ؟؟؟



شو اسوي ...؟؟؟

 

[صرح الأنوثه]

ياحلو اقنعيه وقولي والله اذا جا الثاني وهذا لسا صغير مو متنكد الا انت اكيييييييييييييييييييد بالتهي عنك ماراح تشوف ليل حلو بس صيااااااااااااااااااااااااااااح والله انت التعبان وبعيدين كان زوجك يحب المزح جيبي باسلوب المزح وانكان يحب العقل كلميه بعقل

 

[حياتي بوجودك]

والله نفسك بس قبل سنتين وبنتي كانت عمرها 4 اشهر وزوجي اله تصيرين حامل
حاولت معاه بدون فايده

بس رحت لعند الصيدليه واخذت حب مانع وصرت ابلع الحب بدون علمه مر ثلاث شهور
وهو اتعجب قال لي ليش مصرتي حامل
قلت له الله مو كاتب لي اصير حامل اشون غصب
بعدها بكم شهر
خلاص نسه الموضوع
وبعد سنتين يله صرت حامل

 

[ألين2011]

الله يعينك اختي بس إذا هذا اول ولدة احملي وجيبي له اخو وبعدين ارتاحي الله يكون بعونك

 

[لهب]

والله بتتبهدلين انا عندي ولدي عبدالله ماشاء الله عليه عمره كان 8 شهور وحملت عليه باخته والحين متبهدله بينهم وزوجي يقوللي ماشي وقت لي لان وقتي مقسم بينهم الاثنين ماشاء الله عليهم .. ويوم احصل وقت ابغيه لنفسي بصراحه .. الله يعينك بس حاولي تقنعينه

 

[الجده الصغيره]

من صالحك وصالح طفلك ان يكون له أخ...يكبرون معا...يتعلمون معا...توكلي على ربك وان شاااااااء الله ماتشوفين الاخير..

 

[عصفورة خطيبي]

يا حبيبتي ترا المشكلة مو مرة كبيرة اول شي بأسألك انت موظفة أو تدرسي؟؟؟؟
اذا كنت موظفة او تدرسي حاولي معاه بالسياسه و اذا لأ احملي و ربيهم الاثنين مع بعض بكرة يكبروا و يلتهوا مع بعض و انت ترتاحي
الله يكتبلك الي فيه الخير و لا تنسي الاستخارة

 

[محبة مكة]

اقنعيه
انه انتي يبغالك راحة
وانه جسمك ما يتحمل الحمل ورى بعض وانه ولدك لسة ما اخد حقه من التربية والدلال

 

[انا سومه]

الله يعينك
انا حملت بولدي وكان عمر بنتي تسع شهور
كبرو مع بعض بعد عنااااء تعبت وجاني اكتئاب بس ابكي

اهملت نفسي وزوجي لانهم كانو زي التوئم
الحين الحمدلله كبرو شوي وخف التعب

حاولي مع زوجك تكلمي معاه بعقل قولي انا ماعندي مشكله بس ترا غير تتعب انت وماراح افضالك وكمان الولد مااخذ حقه بالرضاعه وشوي شوي بيقتنع انشالله

 

[زوجة تـــوتـــو]

فهميه ان الحمل ورى بعض مو زين لك قولي راح اتعب وما اتحمل شي واذا مافي فايده اكلي حبوب من غير مايعرف

والله مب حاس بالتعب الا انتي

 

[dlo0o3t_5alo0od]

تسلموون على الردود ..


خلني اجااوب على اسالتكم ... هذا اول حمل لي .. و زوجي ما يحب اني اخذ حبوب لان ااثااارها وايد و انا ما فيني اخذ من ورااه مب زين يعني ربكم ما يرضاها اني اسوي شي من ورااه و هوو رافض هالشي ...


زوجي من النوع اللي يحب العياال و الصرااحه يساعدني .. يبدل و يلبس و ينوم ..