للاسف محد عطاني اهتمام ومع ذلك بكمل (عنيدة هههههههه ),,,
امزح خخخخخخخخخخخخ(ما ادري خفة الدم والثقل كيف نازله علي اليوم (حبيبتي سحاب انا الان مو محتاجة استشارة بس محتاجة تحليل لقضيتي )
اكمل........
خرجت من المجلس وانا مصرة على قرار الانفصال وما هي الا دقائق حتى يتصل بي وكانت امي لدي (وضعت الجوال عالسبيكر حتى تسمع دون ان يعلم هو )وبدا يقول ليش يابنوتة هذا جزاء اللي يحبك ومستعد يضحي علشانك وبدا بكلمات اغرام والحب ليلين قلبي
وقال بنوتة ما راح تلقين احد يحبك كثر ما حبيتك والله احبك صدقيني دموعي ما تنزل واليوم كله نازلة من طلعت من عندكم وانا بحال ما يسر حتى البيت ما رحت قولي شنو اللي شفتيه فيني وانا مستعد اسوي اللي تبين لو اتسلف هو زواج العمر واذا ما تمتعنا متى نتمتع وهكذا طول الوقت وهو يحاول ان اغير رايي قلت له امهلني اسبوع
بفكر واستخير واستشير ورد لك قال وش بتسوين قلت بسال اكثر عنك وهو عصب وقال انا ما سالت عنك قلت اسال انا مارديتك حبيبي وقال :::بنوتة لا تسالين عن امي واخواتي اسالي عني انا وبس
وتركته بضعة ايام وهو يتصل ويحاول الى ان وافقت بعد الاستخارة والتفكير (وقلت في نفسي :::بنوتة واحد يحبك احسن من واحد تحبينه ويذلك بحبك )وجلست احصي عيوبه ومميزاته (حنون كريم اقوده بسهولة ويحبني ويحاول ارضائي )(عيوبه عصبي واذا عصب يتبرى لسانه منه بفعل الوراثة والتربية لديه وكذلك من عيوبه سهل التاثر بالاخرين يعني عندي ما يحتاج طلباتي مجابة وكذلك عند اهله يحاول ارضاء الطرفين)
وطلبت من اخي ان يسال عنه امام المسجد وسال
بعدها انفصل جوالي وعندما علم اصر ان يسدد الفاتورة فارسلت له رقم الحساب علما بان جوالي كذلك هدية منه بعد ما سرق جوالي باحد الاسواق ومضت الايام والمناقشات وعندما شكرته وطلبت منه ان يعطيني رقم اخواته وامه لكي ابارك لهم بالشهر قال (موانتي تبين الانفصال والجوال وسددته وش تبين بعد)ارسلت له انا ما عندي مانع تبي الانفصال انا حاضرة (طبعا هو متردد لابعد الحدود ودائما يوعد ووعده عرقوب يعني يمنيني بشي وبعدين يقول الظروف ما تسمح معليش بنوتة )المهم دخل رمضان وهو مازال يحادثني وانا اعطيته وعد بانه لن يراني الى يوم الزواج وكان بعد العيد بايام
وطبعا كان يبين لي انه ابضاي ويقول انا رجال مو كلمة توديني وكلمة تجيبني <<<<<<هذي كثرو منها لانكم سترون في الغد ما سيحدث(والله اكتب وانا مقهووووووووووووووورة)
وبعدها بايام اتصلت اختي الكبرى وقالت لي وين امي ضروري
(واسمع مناوشات امي وابي واختي على التلفون )فعلمت ان الموضوع يخصني وابي غضب (لانه لا يريد ان نتمشكل معهم وهو ارتاح لهذا الرجل (للمعلوميه هذا الرجل لديه ذكاء ودهاء وقدرة على الكلامك المعسول حتى يرضي ابي ويكسبه )واحيانا يكسر خاطري وارحمه صراحة <<<<<<هل تعلمون سبب اتصال اختي
(تقول ونحن مسافرين اتصلت بها ام الزوج وقالت شكلي غلطانة بكلم ما ادري من ودقيت عليك يالله مكالمة حلوة ودي اقولك شي .ردت اختي تفضلي. قالت :: ما ودكم تبدلونا ببنتكم بنوتة نبي وحدة ثانية من بناتكم (قالت اختي :وش ذا الكلام هي بضاعة نبدلها
ليش وش شايفين (قصدها اني مريضة متبليتني ))
المهم ومضت الايام وقيل انه مدخن وصارحته وحلف انه يكره الزقارة (وهذي صارت مو صدق يعني مايدخن )
المهم هو انصدم لما عرف ان امه مكلمة اختي وقالت هالكلام (يعني من وراه صار هذا الشي ولا هو يبيني انا وبقوة ولم ينظر لغيري)
ومضت الايام وانا منهمكة في تكميل باقي الاغراض والزفة والكوشة واتدرب عليها واعتني بنفسي وكل يوم يمر يزيد قلبي خفقان وخوفي يزيد
لدرجة اني مرة والى الان اضحك عليها قبل الزواج باسبوع كان بالدوام(وانا ما نمت من التفكير والهم وقمت وصليت ودعيت وبكيت
وبعدين ارسلت له رسالة (عبود عزيزي وزوجي انا بصراحة استخرت وما ارتحت وش رايك بس يوم الزواج نتمه وارجع لاهلي نفس اليوم)
هو بطبعه (وهذي نصيحة لكل البنات مو اي احساس تقولينه لزوجك لانه بياخذه على مكمن الجد حتى لو كنتي في حالة غضب)
هو صدق وقالي حالته ذاك اليوم انه دخل دورة المياه اعزكم الله وقفل على نفسه وزملاءه محتاسين ويطقون الباب عليه وهدوه وقالو طبيعي اي شي تقوله لا تصدق هذا من الهم والخوف ممكن تسوي اعظم
ولحسن الحظ كانت شقتي بالدور الرابع والمصعد لم يركب بعد (حسيت اني بمصر مو بالسعودية )
فاقترحت ان ابدل فستان الزفاف ببيت اهلي ثم نذهب للشقة
فاشترط ان ابدل وهو عندي تدرون ليش ؟؟؟؟؟؟
(قال اخاف ترفضين تطلعين من بيت اهلك وتوهقيني )
ومضت الايام وانا على اعصابي نوم متقطع وتجهيز ووواهتمام الى اناتى اليوم الذي يسبق يوم زواجي (كنت متصبرة الى ذاك اليوم ويوم كلمني زوجي بدات ببكاء يقطع القلب (لا اعلم وقتها شعوري هم وخوف وتفكير وكل شي )وهو كان بيبكي معي وقال :بنوتة تمنيت انك قدامي الحين واضمك بنوتة ليت الضيقة هذي فيني ولا فيك
وجلست ابكي الى ان اغلقت السماعة وذهبت ال اختي وقالت جيبي فراشك عندي ونامي هنا
وانا ما صدقت الاقي احد وامي كانت معزومة برا وقتها وجلست اشاهق من كثر ما بكيتواختي تقول طلعي اللي بقلبك وذاك اليوم ان كاني نمت 3ساعات فهي كثيرة
واتى يوم الزوااااااااااااااااااااااج
انتظروا المفاجات والغراااااااااائب فيه
(عاد لا تطنشوني ردو علي وهذي قلوب تعبر عن حبي :icon26::icon26::icon26::icon26:
..
