صباح الخير

[نغم707]

يسعد لي صباحكم ياالغالين...

ابي منكم طلب صغيرون ابيكم تساعدوني انا خطيبي جاي عندي خلال

اليومين الجايه يبارك لي بالنجاح وجايب لي هديه بمناسبة يوم الحب
لأني راح اسافر ومافي فرصه الا هاليومين
وبصراحه محتاره مو عارفه
ايش اصلح هو كم مره زارني بس كل زياراته فجأه وبسرعه

وحابه هالزياره تكون مميـــــــــــــــــزه في كل شي......

يعني ابيكم تساعدوني في اختيار نوعية لبسي وايش اقدم اذا دخلت عنده
وايش اصلح للقهوه وابي اصلح له حركات حلوه لأنه دايم يطلبني
اكون شوي جريئه معاه............

يعني ابي هالزياره يكون طابعها رومانسي.....

وان شاء الله استفيد من نصايحكم....

ودعواتي لكم في ظهر الغيب...

 

[نغم707]

ماكان العشم فيكم معقوله 26 مشاهده ولارد واحد ع الأقل؟؟؟؟!!!!!!!!!!!!!!!!!!!

وربي محتاجه مشورتكم...

 

[الملكه اليزابيث]

شوفي حبيبتي انسي كلمة رومانسيه ايام فترة الملكه الرجل الشرقي بطبعه يحب المرأه الخجوله ما يحب الجريئه عكس الرجل الغربي انا اقولك كيف تكونين جريئه مثلا بسوالف اندماجك مع سالفته خليك شوي خفيفة دم لا مانع من البوسات الخداديه بس مو انتي اللي تطلبين ولا تروحين تبوسينه بدون ما يطلبك المهم

جاء وقت التحضيرات حطي عصير تزيني اطرافه بالسكر وقدمي معه قاتوه اذا تبغين تسوين في البيت افضل انا ايام الملكه كنت اسوي بالبيت واقوله اني سويته عشانك كان ينبسط مني طيب القهوه بعدها سوي مثلا سينبون والتمر اكيد وعش البلبل اموت فيه الشاهي سوي بيتزا وفطاير عاد افتحي موقع للطبخ وشوفي صلصات البيتزا وحشوه رزه للفطاير واختاري شكل للفطاير مميز يعني غيري من الاشكال المعتاده وشوفي لا تكثرين فطاير لانك بتنوعين في الحشوات يعني انا بصراخ اسوي بالسبانخ واللحم والجبن والدجاج وبالخضار وازينها في صحن بترتيب

نجي عند اللبس البسي اكشخ شي عندك واهم من ان يكون اكشخ شي يطلع مفاتنك يخليك مفتحه وشكلك جذاب سوي مكياج خفيف بس بيني نقاط الجمال اللي بوجهك

سلامتك يا عزيزتي وممكن انصحك نصيحه خلي جياته ما تكون بسبب مثلا يوم الحب احنا مسلمين لازم تقتنعين بعقيدتنا لانها توجهنا توجيه صحيح

وإنشاءالله اكون افتدك يا حبيبة زوجها

 

[مناكير وردي]

البسي لون ازرق فاتح وحطي ميك اب وردي وسوي ايسكريم ع القهوه وبيتزا ع الشاي وكفايه بالمره احلى شي البساطة والرقي
الله معك

 

[dl3designer]

احلى شي البساطه والخجل في وقت واحد حاولي تقدميله فروت بالايسكريم او نسكافيه ولا كابتشينو مع سويت ولبيسي لبس بسيط ولا تتمكيجن وايد خليج بسيطه جدا ودلوعه وخجوله لانها هيه المواقف اللي تنذكر تكون في الخاطرر والله يوفقكم انشالله ويسعدكم

 

[نغم707]

ربي يعطيكم العافيه حبيباتي......

وعلى فكره انا من النوع اللي مايعترف بيوم الحب وهالاشياء

وحتى انصدمت اول ماقال لي انه مجهز كل شي لهاليوم

وماحبيت اكسر بخاطره بس ان شاء الله راح ابين له

هالشي بعدين......

الله لا يحرمني منكم..

 

[متزوجه ولكن]

هههههههههههههه الله يعينك ذكرتيني بآيام الملكه ياحلوها

اذا بغى يجي زوجي اسوي ضجه بالبيت وش البس وش احط وش نقدم

زي ماقالت الي قبلي الرومانسيه القويه مو وقتها الحين بعد الزواج
وترى الخجل مرررره يجمل البنت خلك خجوله وعلى طبيعتك

انتي شوفي وش يحب زوجك اذا يحب الحلويات شكلي له كم نوع مع القهوه
اذا يحب الموالح شكلي له اكثر مع الشاهي

 

[قصه الم]

الله يوفقك ياقلبي
البساطه البساطه يعيني على البساطه نفطر جبنه زيتون ونتعشاء بطاط