صار لي شهرين ادعي في كل صلاة ان الله ياخذ روحي

[رهف قلبي]

هلا خواتي

احس بغصة في حلقي

لولا ان الله حرم قتل النفس لفعلته

ولكن لااريد ان ادخل النار

دام ان الدنيا ما فيها راحة

ادري تفكيري غلط بس ما ادري شسوي

ارحم عيالي اخاف يتيتمون وتجيهم زوجة ابو

بس احس اني في ضيقة

كل شي اسويه بعين زوجي موزين

تعقدت

احس ما اصلحلة

هو طيب وانا بسيطة بس ما ادري موراكبين على بعض

ماابي طلاق ولا ابي زواج ثاني ولا ابي اتركة

عشاان كذا ادعي اني اموت واخلص

بتقولون مجنونه

يمكن

اذا عندكم مساعدة ساعدوني ياخواتي

اكتب وانا تدمع عيني

ساعة مرتاحة وشهر لا

يالله تعيني

تعبت من البكاء

 

[حديقة]

الله يعينك حبيبتي على مشكلتك بس انا ارى انك المشكلة فيك بما ان زوجك طيب سايري معاه الحياة وحاولي تتفاهمي معاه بالتي هي احسن و لا زم تعرفي ان الحياة مليئة بالمشاكل

 

[ريحانة القلوب]

يااقلبي عليك
ليش ليش تتدعين على نفسك الدنيا ماتستاهل
حبيتي اكثري من الاستغفار راح تلاقين راحه جميله

 

[دفى]

عزيزتى...............

بارك الله فيك ...............ياعينى انت تعبانه نفسيتك مره.........

عادى تجى لكل الناس بس كل واحد وطريقته بالزعل.......

اقترح عليك تاخذين اجازه من بيتك....روحى عند اهلك....

كلمى زوجك انك تعبانه وحتغيبى كم يوم عند اهلك وروحى من دون الأولاد....

قولى لأولادك انا رايحه كم يوم عند خوالكم طبعآ اذا فيه احد يهتم فيهم فى غيابك...

روحى غيرى جو واكثري من الأستغفاروالصلاه والدعاء .....الله معك

 

[الحلوة فيهم]

وليش يهمك ان كان من النوع صعب الارضاء
عزيزتي سوي اللي يعجبك انتي لنفسك ولا تهتمين برأيه اذا كان من النوع المتذمر اللي مايعجهم العجب
ماراح ينفعك اذا جاكي اكتئاب

 

[رهف قلبي]

شكرا خواتي يمكن اخذ فترة راحة في بيت اهلي مثل ما قالت اختي دفا

الله يعينني على بلواي

 

[ياسمينه]

اختي اكتبي بقسم الإستشارات الزوجية وبقسم الأستاذه موزة خلفان ويمكن الأستاذه تشوف استشارتك
وترد عليك بس لاتسكتين على نفسك ارحمي نفسك

 

[كوجو كوجو]

الاستغفار وبكرة بتستغربي كيف كنتي تفكري

 

[رهف قلبي]

ان شالله بكتب استشارتي في قسم المشاكل والحلول بس مشكلتي ما ادري من وين ابدا

الله يعين

 

[ياسمينه]

توكلي على الله وإيدئي من اللي تبينه بس اهم شي ماتعيشين جو الإكتئاب هذا
والله مايسوى عليك تدعين على نفسك بالموت ارحمي نفسك ياحبيبتي ..

 

[قلب ذاكر]

اكثري من الاستغفار والصلاة على الرسول الكريم صلى الله عليه وسلم ثم لازم تثقين في نفسك وكوني شخصيتك مولازم تكونين تبع لاحد بعدين كل ما كنتى واثقه من نفسك يكون اللي حوليك يحترمونك ولازم تحاولين تكونين حلوه يعني تتزينين مثلا تصبغين شعرك او تقصينه بطريقه حلوه وجديده لان كل ما تكونيين حلوه تثقين في نفسك اكثر واشتري الوان غير اللي متعوده عليها يعني مثلا ما تلبسين احمر ما تحبينه البسيه اولا يصير عنج تغير في نفسج وزوجج يحس بالتغيير وحسني اسلوبج معاه يعني الرجال شنو يبي غير مره تعرف تطبخ وتعرف تتكلم معاه بحب واحترام مثلا ما كنتى تقولين له بعد عمري قولي له مثلا ناداج قولي امر يا بعد عمري جذيه ... وطبعا تعرف تلبس مثلا يوم بنطلون بدي طبعا يكون عندج الوان متعدده مثلا تنوره قصيره شوي يوم دراعه حلوه مع المكياج والبخور ومن هالسوالف ترى الرجال يموت ع التغيير خلي كل يوم يشوفج غير ومره نزلي شعرج مره ارفعيه والعبي مع عيالج اشتري العاب بسيطه مثل لعبه السلم والثعابيين العبي معهاهم لما يشوفج تلعبين مع عيالج يستانس او بلاي ستيشن او كره سله او قدم اي شي راح عيالج وزوجج يستانسون قولي خلك حارس مرمى وقولي عليه سووا فريقين جددي بحياتج انتى وعيالج طبعا الام هي الاساس في البت فلا تنطرين التغير من الزوج او العيال انتى غيري زين حبيبتي ؟
واول وتالي ادعي ربج وانا بدعي لج يارب يا سامع الدعاء اسعد قلب اختى وجميع اخواتي المسلمات يارب العالمين واجعلهم قرة عين ازواجهم واحفظهم من كل مكروه يارب اكون ساعدتج وطمنينا عليج واي شي تبين تتكلمين فيه انا حاضره

 

[رهف قلبي]

جزاك الله خير ياقلب ذاااكر

والله بردت قلبي بدعائك

الله يعينا لى طاعته

 

[هدوءالليل]

حبيبتي لاتدعي على نفسك مره ثانيه وكلها ازمه وتعدي صديقيني ياحبيبتي
بس فتره من الزمن
وأكثري من الاستغفار وصلي الوتر ياحبيبتي وأشكي لربك حبيبك وصدقيني راح تنحل مشكلتك بس انتي تقرب من ربك وربي تشوووفي العجب ,,,, وتأملي بنعم ربي عليك يالغاليه وربي تحس روحك مقصره شوفي نعمه السمع والبصر والاحساس والذريه الكثير محروم منها كافي حزن يالله ربي عطاك الكثير
تقرب منه وقومي وابدعي في حياتك يالله قومي كافي حياه حزن وتشكي يالله حبيبتي
ولاتنسي صلاه الليل طيب وادعي وابكي ترى البكاء رائع بالووتر ربي يسعدك ياحبيبتي ويفرج همك اميييييين

 

[جوجوالحبوبه]

شوفي يااختي انا انصحك من تجربه مافيه في هذا الدنيا احد مرتاح بس ربي سبحانه عطنا الدواء وقال سبحانه ادعوني استجب لكم وبدال ماتدعين انا الله ياخذ روحك قول يارب اصلح زوجي ويالف بين قلوبناتحري اوقات الاجابهواكثري الاستغفار وبتشوفين انشاء الله النتيجه

 

[كاميرا(الإحساس)]

الله يفرج همك وكربتك ويعينك اللهم اميييين
بس لاتياسين من رحكة الله

 

[رهف قلبي]

جزاكم الله كل خير

الحمدلله تحسنت حالتي النفسية

وجزاكم الله كل خير

 

[l0l0]

الله يكون بعونك

شوفي ابدءئ اهتمي بنفسك البسي الي يعجبك
والا الي تحسي الون من الملابس الي يعجبك زوجك البسيه والله تنبسطين وهو ينبسط
سوي كل يوم حلى واذا نامو عيالك حلو انتي وزوجك قومي من الصباح ونظفي البيت وبخرييييه واله تنشرح صدوركم وسوي فطور خفيف والغداء نوعي وبالعصر قولي له طلعنا ياعمري اذا انت فاضي ومانبي نشغلك اذا انت مشغول
اذا شفتيه مشغول سوي له عصير او قهوه تروقه والله ينبسط منك بس قبل لاينبسط انتي تنبسطين تدري ن ليش
لانك سويتي شي يرضيك قبل لا يرضيه

الله يوفقك ويسعدك ويعينك ويفرج همك والله يسخر لك زوجك ياااااااااااااااارب

ادعي في الصلاه في السجووووود اللهم سخر لي زوجي واجلعني حبيبته وقرة عينه<<عائشه رضي الله عنها كانت تدعي بالدعاء هذا
والله ييسر لك

 

[شيز كيك.]

اسأل الله العظيم رب العرش الكريم ان يفرج همك

عندي نصيحه لك خلي افكارك ايجابيه وشوفي كيف حياتك تتغير الحين كل شي تشوفينه بسلبيه بالعكس شوفيه بيجابيه

وش ذنب عيالك ترى يتأثرون الحين وبالمستقبل

الله يفرج عليك

 

[رهف قلبي]

جزاك الله كل خيير

 

[ذكريات صعبه]

اكثري من الاستغفار والصلاة على الرسول الكريم صلى الله عليه وسلم ثم لازم تثقين في نفسك وكوني شخصيتك مولازم تكونين تبع لاحد بعدين كل ما كنتى واثقه من نفسك يكون اللي حوليك يحترمونك ولازم تحاولين تكونين حلوه يعني تتزينين مثلا تصبغين شعرك او تقصينه بطريقه حلوه وجديده لان كل ما تكونيين حلوه تثقين في نفسك اكثر واشتري الوان غير اللي متعوده عليها يعني مثلا ما تلبسين احمر ما تحبينه البسيه اولا يصير عنج تغير في نفسج وزوجج يحس بالتغيير وحسني اسلوبج معاه يعني الرجال شنو يبي غير مره تعرف تطبخ وتعرف تتكلم معاه بحب واحترام مثلا ما كنتى تقولين له بعد عمري قولي له مثلا ناداج قولي امر يا بعد عمري جذيه ... وطبعا تعرف تلبس مثلا يوم بنطلون بدي طبعا يكون عندج الوان متعدده مثلا تنوره قصيره شوي يوم دراعه حلوه مع المكياج والبخور ومن هالسوالف ترى الرجال يموت ع التغيير خلي كل يوم يشوفج غير ومره نزلي شعرج مره ارفعيه والعبي مع عيالج اشتري العاب بسيطه مثل لعبه السلم والثعابيين العبي معهاهم لما يشوفج تلعبين مع عيالج يستانس او بلاي ستيشن او كره سله او قدم اي شي راح عيالج وزوجج يستانسون قولي خلك حارس مرمى وقولي عليه سووا فريقين جددي بحياتج انتى وعيالج طبعا الام هي الاساس في البت فلا تنطرين التغير من الزوج او العيال انتى غيري زين حبيبتي ؟
واول وتالي ادعي ربج وانا بدعي لج يارب يا سامع الدعاء اسعد قلب اختى وجميع اخواتي المسلمات يارب العالمين واجعلهم قرة عين ازواجهم واحفظهم من كل مكروه يارب اكون ساعدتج وطمنينا عليج واي شي تبين تتكلمين فيه انا حاضره

و الله كلامك درر يا قلب ذاكر
جزاك الله كل الجزاء