صارلي موقف محرج

  • بادئ الموضوع بادئ الموضوع jowana
  • تاريخ البدء تاريخ البدء
jowana

jowana

New member
إنضم
2008/08/06
المشاركات
189
مرحبا يا بلقيسيات

بدش في الموضوع على طول ...
انا من النوع الحساس جدا جدا جدا ...
بس ما ابين هالشي أكتم في قلبي ...
المهم كان عندنا عزيمة أمس وصارلي موقف محرج
بس الحمدلله مب جدام الناس صارلي مع أم زوجي ونحن في المطبخ
ما اعرف هل انا غبيه او هيه ما عندها اسلوب توصل فيه المعلومة
يعني مثلا ... اذا اتكلمنا في موضوع واندمجنا فيه دايما ام زوجي تطلع برا الموضوع
لكن نحن انتم في الموضوع نفسه بعدين نتكتشف انها تقصد شي ثاني لانها طلعت برا الموضوع فاحس بالاحراج ما اعرف اذا فاهميني اولا ... مع العلم مب بس انا مع معظم الناس
بس انا ما احب اتعرض لهالمواقف اتحسس وما انسى مثل الحين مش قادرة انسى ومش قادرة انام
حتى ما اريد اذكر الموقف وما احب اقعد وياها او اتكلم معاها بسبب هالشئ ...دايما اتجنبها
كيف انسى ...كلهم اتعودوا عليها بس انا مش قادرة
دايما افهم شئ وهي اتكون تقصد شئ ثاني او اذا تطلب طلب واسويه يطلع شئ ثاني ..
اتكلمت مع زوجي بس قالي اني مش غبيه ايقول انه امه تكون اصلا مش عارفه شو تريد وما توصل المعلومة صح ايقول بعد انه دايما ما يفهم عليها هي شو تريد بالضبط ..
انا ما اريد ارمس عنها بشئ غلط بس والله نفسيتي تعبت وويهي مش قادر يستوي لوح :8:
اريد اكون قويه وما تهزني مثل هالمواقف ... كيف ...؟؟؟؟؟
حد ينصحني بليز ...ما اريد اكون حساسة وايد
يمكن ايكون موضوعي تافه بالنسة لبعضكم بس محتاجة لنصيحة

دمتم بود
 
حبيبتي ما يبيله شي
هذي حرمة عودة (( كبيرة بالعمر ))
وماظن المشكلة فيج
إنت حاولي بقدر الإمكان تركزين وياها يوم ترمس وحطي بالج وياها
ومافيها شي إذا سألتيها عن نقطة فاتتج
وأهم شي ماله داعي تتلومين وتتحسسين
ترى الموضوع جدا عاااادي .. بس لا تشيلين هم
 
والله مافهمت عليك عطينا مثال عشان نفهم عليك ..
و احس لو ماتردين على كلامها تكتفين بقولة اية او لا عشان ماتنحرجين
 
يمكن هذي بداية مواقفك معاها عشاان كذا بتحسي انه شي محرج ..لكن بعدين بيسير الموضوع عااادي جدا لكن انتي حاااااولى لاتفكري بالموضوع كثير انسية علطول ولاكااان شي صار
 
تراه الحساسيه الزائده مب زينه

وهذا شي عادي بالنسبه لحرمه كبيره فلا تأخذي الأمور بحساسيه وخليج حرمه قويه وواثقه من نفسك​
 
هلا حبيبتي الحساسيه موجوده عند كل انسان بس تختلف من شخص لاخر
وانتي الله يهديج من النوع الي يكتم وشكلج دايما تفكرين
فاكيد بيصير حالج جذيه
خلج عاديه ولاتكبرين المواضيع وتعطينها اكبر من حجمها
خلاص الي راح راح لاتفكرين فيه
يعني الموقف صار وانتهى وانتي بعدج تفكرين فيه ؟؟؟ ليش حبيبتي خلاص ريحي بالج
ومثل ماقالج زوجج انتي مش غبيه وامه كبيره
والكبار دايما جذيه في حد يفهم لهم وحدلا
وهي يمكن تطلع من الموضوع لانها تذكرت شي او يمكن تكون ملت من الموضوع يعني لها اسبابها فانتي سايريها اذا طلعت من الموضوع اطلعي من الموضوع
اذا تمت على الموضوع تمي على الموضوع
انتي شوفي كيف طريقه الكل معاها وحاولي تسوين نفسهم معاها
واكيد كل شخصيه تختلف عن الثانيه ومب شرط تكونين فاهمه لكل الناس صح؟ وكلنا يصير النا جذي حبيبتي ساعات الي يتكلم يقصد شي ونحن نفهم شي ثاني لانه طريقه التكفير مختلفه

حاولي ما تكتمين بقبلج شي خلي عندج دفتر وطلعي الي بخاطرج فيه
او اذا حد قريب منج اشكيله دايما وريحي نفسج
وحاولي تخففين شوي من الحساسيه الي عندج يعني مسكي نفسج فهالمواقف مره مرتين الف وبتتعودين لاتاخذين الامور دايما بحساسيه خذيها عادي واضحكي
ليش الحساسيه اذا ماوراها غير التعب والضيق؟؟؟
اي شي يضايقج خلج اقوى منه
دايما تحدي نفسج حاولي تتغلبين على عيوبج الي هي الحساسيه
ولاتكبرين المواضيع ولا تفكرين بالي راح خلاص الي راح شي وانتهي
ليش اتعبين نفسج على شي راح؟؟
حطي فبالج دايما جذيه
وخلج دايما واثقه من عمرج
يعني كل شي يعتمد عليج انتي
موفقه حبيبتي
 
طيب انا نفسي تعطينا مثل عن الي يصير معك
والله دمها خفيف حماتك هههههههههه
 
يمكن لساتك في البدايه مافهمتيها لكن اصبري ولا تاخديها بحساسيه
 
reeem.alflaa
مشكورة حبيبتي بحاول اكون قويه وما اتحسس بس من جد
انا احترمها واقدرها حتى اكثر من بناتها ..بناتها ايسكتنها ومرات ايقوللها انتي ما تفهمين
انا ما احب ارمسها بهالاسلوب ,, وكان الله في العون

جوري التركي
حبيبتي انا ما ارد عليها اسكت واطنش بس تعبت من كثر الاحراج
بس مش عارفة اعطيج مثال يعني مثلا بقولج على موقف صارلي من فترة
اتفق وياها انا بنروح عرس واكون جاهزة وكاشخه واستناها واكتشف انها خلتني وراحت عني
مش قمة الاحراج ؟؟؟
وبعدين اتقولي نسيتج سمحيلي .. خخخخخخخخخخخخخخخ

لمى الحب حبيبتي انا صارلي زوجة ولدهم اكثر من خمس سنين ..
بحاول انسى يا ربي ساعدني ..

القرآن نوري ادري الحساسية الزايدة مب زينه لكن يوم دايما تتعرضين لهالمواقف شو تسوين
؟؟ خلاص تعبت ما احب اسولف وياها واذا حاولت افهمها او افهم منها ما شئ فايده حتى عيالها نفس الشئ يعاني من هالموضوع بس اتعودو ... انا مش قادرة ..

سوفت بينك ... الكل ما يعالمها باحترام يعني بناتها ايسكتنها او يوصفنها بعدم الفهم
وانا ماريد اكون نفسهم .. بس بحاول اخلي ويهي يستوي لوح لانه هم كلهم جذيه ..

بسبوسة جده ... انتي اللي دمج خفيف ... ام زوجي من النوع اللي ما اقدر اقول الكلمه
بس مرات يوم اخبر زوجي يتم يضحك ايقولي عادي طوفي المفروض ما تزعلين المفروض تضحكين ..

مرسي يا بلقيسيات على نصايحكم ومروركم ...
بحاول اخذ بنصايحكم واتخلي عن حساسيتي الزايده ... وكان الله في العون
 
طيب عاادي جدا ياقلبي صيري اذا دخلت بموضوع اساليها قبل هل مقصدها كذا او لا​
 
طيب انتي تحسي هي تتعمد تسوي هالوقف ولا بحسن نيه
يعني لمه راحت وخلتك حسيتي متعنيه ولا من جد نسيت
 
الجوان والله يا حبيبتي ابعت كل الطرق والوسائل لكنها انسانه غريبة
فالافضل اني اتجنبها واكتفي بالابتسامه العبيطه وبس
 
ورودي ماريد اضلمها بس هي جذيه يعني احس تنسى بسرعه ومتلخبطة وتلقينها اتحوس في مكان معين بس بدون هدف ,,,,
يعني مثلا دوم تشتكي انها تعبت من العيال والبيت وطلباتهم ومدارسهم ومن كثر الاهتمام فيهم
بس اللي اشوفه انه هي ما اتعرف عن العيال شئ ولا اذا درسوا او كلوا او حتى اتسبحو ... اصغر واحد في عيالها اتكون الساعه عشر من الليل لا حل واجباته ولا اتعشى ولا اسبح ولا حتى دخل ينام والصبح يروح المردسه متأخر وهي دايما اتقول تعبت منهم
واسلوب الاحراج احس تتبعه مع الكل انا زوجي ايقولي انه امه جذيه من زمان
فما ادري اعذرها واسكت عنها
مرات اقول هذي تتعمد اتسوي جذيه
والله ما اعرف بس انا قررت اني اطنش واحاول ما اسولف وياها ....
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل