شيروا علي: أولد طبيعي أو قيصري وليه؟؟

[وردة بيضاء5]

بسم الله الرحمن الرحيم
السلام عليكم ورحمة الله وبركاته
كيف حالكم ...

أنا ولادتي الأولى كانت قيصري لذلك في حملي هذا (الثاني) سألتني الدكتوره قالت اللي ولادتها الأولى قيصري نخيرها اذا تبي تولد طبيعي أو نولدها عمليه ؟؟؟

فأرجو من صاحبات الخبره والحكمه أن يشيروا علي
وليه أفضل إيش يميز هذي عن هذي ليه قلتي انها أفضل
أنا استخرت لكن يقال ماخاب من استشار وما ندم من استخار....

 

[الدانــهــ 11]

اذا كل شي طبيعي وماتحتاجين عمليه اكيد الولاده الطبيعيه افضل

 

[وردة بيضاء5]

اشكرك على ردك
بس ليش أفضل

 

[لموسي4]

موشرط ان ولادتك الاولى قيصري يخوفك في الثاني اذا وضعك طبيعي والامور تمام مافيه مثل الولاده الطبيعيه

 

[وردة بيضاء5]

موشرط ان ولادتك الاولى قيصري يخوفك في الثاني اذا وضعك طبيعي والامور تمام مافيه مثل الولاده الطبيعيه

جزاك الله خير على ردك
لكن ليه مافيه أفضل منها
إذا على التعب بعد الولاده حتى الطبيعي فيه تعب والراحه في كلا الحالتين تعتمد على انك ترتاحين وتاكلين كويس...
بعدين الطبيعي فيه خياطه من تحت وأنا ما أبيهم يحوسوني لأني من النوع اللي أثر الخياطه بعد العمليه يكون فيه ندبه وأخاف بعد الخياطه من تحت تطلع لي ندبه وما ينجبر مثل أول....

 

[الجواااان]

احذري تسوين عمليه اذا امورك تمام لان العمليه احيانا تسبب التصاقات وتمنع الحمل ومافيه زي الطبيعي اسال الله ان يرزقني الذريه الصالحه وكل محرومه

 

[غريبه الليالي]

حبيبتي مستشفى حكومي او خاص؟
لان اللي اعرف الحكومي مايخيرون

 

[وردة بيضاء5]

احذري تسوين عمليه اذا امورك تمام لان العمليه احيانا تسبب التصاقات وتمنع الحمل ومافيه زي الطبيعي اسال الله ان يرزقني الذريه الصالحه وكل محرومه

طيب ياقلبي وحده اعرفها ولاداتها كلها طبيعي ووقفت عند أربعه وكل ما حملت تسقط

يعني انا اقول اللي مكتوب بيصير....

أنا اخاف تصير فيني ندبه من تحت او أتشوه من تحت...

 

[وردة بيضاء5]

حبيبتي مستشفى حكومي او خاص؟
لان اللي اعرف الحكومي مايخيرون

مستشفى حكومي...

في موعدي السابق كنت مع دكتوره مصريه استشاريه وما فتحت الموضوع
اما في موعدي هذا مع اخصائيه سودانيه هي اللي خيرتني وقلت لها ابتوكل على الله وان تيسرت لي طبيعي او ولدوني قيصري
بس بعد مارجعت للبيت ندمت اني ما قلت لها قيصري فناويه في الموعد الجاي اطلب منهم....

 

[مييسو]

لاياقلبي نصيحة نصيحة توكلي على الله واولدي طبيعي .. الي تولد قيصريتن ورى بعض كل ولاداتها تكون قيصرية ..

 

[ام الطعيمين]

حبيبتي مادام ربي راح يسهله عليك اولدي طبيعي اتمنى اولد طبيعي انا ولدة قيصريه الاولى وبصراحه صرت مثل الجنازه اوبالاصح طفل امه توضيه وتناظره وانتم بالكرامه اما عن الطبيعي يكفي انك اذاولدتي تقومي وتمشي وتسوي اغراضك بنفسك بدون ماتحتاجين لي احد دعواتك اني اولد طبيعي

 

[عطر مطير]

عشان ندبه من تحت تخلينهم يفتحوون بطنك 7 طبقات
ياختي القيصريه من العمليات الكبرى فالطب
مو حاجه سهله
انا جربت عمليه وحده وادعي ربي اني ماعاد اولد قيصري
صحيح نرتاح من الطلق والالم لاكن اضرااااااااااااااااااار القيصري لبعيد......!!
وكل عمليه بتكون اصعب وماتضمنين الاخطاء الطبيه
توووكلي على ربك ربي يسهل عليك............!!

 

[شجـ$ـن]

طببببببببببببيعي والله يسهل عليك

 

[حصاد الالم]

ياحبيبتي الطبيعي مافي زيه

يكفي ان ربي قدره علينا

انا جربت الطبيعي والقيصري وربي اني اللحين حامل بموت من الخوف من القيصري

صحيح الطبيعي تطلع روحك وترجع بس كلها حدك عشرة ايام وانتي طبيعيه تماما

واما حكاية الخياط سهله كلها كم غرزه وتهتمين في نفسك بعدين ومايجي شي والندبه تصير اذا ماكنتي مهتمه زين

القيصري عذااااااااااااب وربي

سبحان الله من فوائد الطبيعي انه من السهل عودة بطنك الى وضعها الطبيعي يعني شوية تمارين في الارعين

الا انتي راجعه بنت اقصد بطنك تكون مشدوده ولا في ترهل ولاهم يحزنون

لان القيصري يجيب الترهل ولا يرجع مثل ماكان

ياشيخه اذا امورك كلها تامام توكلي على الله واولدي طبيعي وبعدين راح تشوفين الفرق

 

[@ ام ابراهيم @]

يا اختي اقرأي عن العملية القيصرية

وما تسببه من التصاقات في اجزاء معينة من الجسم

وهذه تحتاج الى عمليات لفكها


وشوفي الفيديو لها ( القيصرية ) مباشر لا لف ولادوران

والله والله ان تغيرين رأيك الآن الآن

وأنا جربت العملية مرتين وخلااااااااااااااص ما عاد

اقدر اولد طبيعي على قول الاطباء خوف من انفجار الرحم

لانه بسبب العمليتين السابقتين يصير رقيق ولا يتحمل

الطلق والضغط الشديد ،، مما قد يؤدي الى الوفاة لا قدر الله

حفظنا الله واياكِ وكل مسلمة

يا اخيتي مافيه مثل الطبيعي



​

 

[أغلى هديه]

حبيبتي انا جربت القيصريه والحمد لله مرت بدون اي مشاكل صحيح الالم بعد العمليه قاتل بس كله اسبوع ويخف الالم كثير والجرح ناشف سهل العنايه به وتمارين بعد الولادة بعد 6 اشهر بس المشي مافي شي والمشي احسن رياضة لكل الحالات والله ماطلعت بطني ولا شي واهم شي من تحت سليم

الولادة الثانية اصريت انها تكون طبيعيه والله تعبي كله كان بعد الولادة صحيح كنت عادي اقدر اتكلم واضحك واجلس بس بعد اسبوعين والخياطة لسه ما التئمت لا وصار عندي التهابات في الخياطة الى بعد الاربعين وانا ما اقدر امشي كنت ابكي واقول ياليتني ولدت قيصريه وانفكت غرزة والله كنت في الم جسدي ونفسي كبير كنت كل يوم ابكي من الالم مادري افكر يالامي ولا افكر بعلاقتي مع زوجي لان دكتورتي كانت مو مرة فكانت الخياطة شكلها سيء طبعا بعد ما ولدت اكتشفت ان الكل يشتكي من ها الدكتورة ورافعين عليها قضايا

المرة الي بعدها زوجي رفض اني اولد قيصريه بدون سبب كان خايف من الاخطاء الطبيه الي يسمع عنها بس رحت لدكتورة شاطرة وقلتلها تخيطني تجميليه والله وجزاها االه الف خير خياطتها زي الفل وضيقتني وحتى زوجي لاحظ الفرق بس للاسف هالمرة طلعتلي البواسير من الدفع وكانت مرة كبيرة قد الليمونة وملتهبة واستمرت الى شهر بعد الولادة والله مرة تعبت منها وكنت ابكي من شدة الالم والله القيصرية احسن الله اعلم انا الحين حامل
و مو متاكدة ان نفس الدكتورة هالمرة موجودة فخلاص ما ابغا احد يلعب في خياطتها من تحت فقررت اني هالمرة اولد قيصريه انشالله بدون سبب طبي وحتى زوجي اقتنع ودايما استخير وكل ما اقابل وحدة ولدت طبيعي ازيد اصرارا على القيصرية الله يكتبلي ويكتب لك الخير

 

[EUPHORIA]

بالرااااحه اختاري طبيعي ..

انصحج ..

وايد ارحم من الالم بعد العمليه ..

ع الاقل الالم مال خياط خفيف بسس ماتقدرين تقعدين عدل اول اسبوعين ..

اما الم العمليه واااي ..

الطبيعي افضل بمليون مره ولج حريه الاختيار ..

=)
​

 

[الشوق وبس]

مثل ما قالوا الأخوات..ما شيء أحسن من الطبيعي..

التعب في الولادة كبير صح..بس بعد الولادة..كلها كم يوم وتقومين متعافية..عكس القيصرية..

 

[إم عبدالله]

القيصررررررررريه افضل والموت الموت با الطبيعي وقف فوق رااااسي عنزرووت وهو ما فتح الا7 سنتي وشلون لو بيطلع رااااااااس يمااااااااااااه وطلبت منهم قيصريه والحمدلله تمت بخير اول اسبوعين يعور الجرح وبعدين تتعافين

 

[هيدروجين]

اهلين عزيزتي
معليش سامحيني توني الحين شايفه رسالتك
انا اللي اعرفه ان الوحده اذا ولدت مرتين بعمليه قيصريه
مايخيرونها تبغين عمليه اولا
فاذا كنت ولدتي مره وحده بعمليه فمعناه انه الدكتوره اللي بتولدك تعطيك فرصه
في اثناء الطلق
اما اللي والده مرتين بعمليه اصلا مالها خيار وغلط يخيرونها بالطبيعي او القيصري
يعني اذا انتي الله هون عليك بولاده طبيعيه سلمي امرج الى الله سبحانه
واكيد ماحطه الا بينزله
ومن ناحية ان لي عشر سنوات ماحملت
انا كشفت من مدة شهرين عند دكتوره
وقالت احتمال يكون عندي الصاقات بالرحم وهذا سبب منع الحمل
وانا اشوف كذا وحده والدين بعمليه وما حملوا
فالافضل اذا الله سهلها ان تولدين طبيعي احسن بواجد
وسامحيني عالاطاله
والله يهون عليك ويقومك بالسلامه
باي