شو رايكم بالعلاج بالكيروتين للشعر

[بسكويت القمح]

السلام عليكم ورحمة الله وبركاته

أنا قبل اسبوع تقريبا سويت كيروتين بشعري ويقولون انه علاج للشعر ..يزود الشعر بالمواد اللي تحتاجها ...

بس أبي أسأل منو مجرب هالعلاج من قبل و وين سوته ..في أي صالون ...أنا سويته في صالون لاغين اللي ورا سينما الماريا في بوظبي وهي لبنانية ..

وهو صدق علاج ولا بس يبون يسحبون بيزاتنا لأني أول مرة أسمع عن هالعلاج واختي سوته قبلي باسبوع وسرت أنا جربت وراها ...

 

[اناسيم]

ملكة جمال زوجي

ان شاء الله الي عندها معلومة تفيدك

مع اني افضل التعامل مع المراكز الطبية افضل من الصالونات

وبالتوفيق

 

[سر السعاده]

انا ماسمعت عنه بس كثير يمدحونه خبيراةالتجميل اللي يجون بالتلفزيون مو اختك جربته شوفي النتيجه عليها

 

[لمسة حنين]

انا جربتة وياليت ما جربتة شفتة علي شعر بنت خالي لامع والشعره ملمسها حلوة ومدحتة لي هرعت الي مركز سارة الذي في دبي وسوتة لي لانة بنت خالي هناك مسوتنة وطحت علي فلبينيات وكانت المشرفة تكلم الثانية تقول لها لا تحطي لها كثير كرتين وكانت هي تقيس لها حسبالها ما اافهم انجليزي فقلت لها خليها تحط شواء انتي بخيلة وبعد ما خلصت والله يا بنات قعدون علي شعري تقريبا 4 ساعات كرهني اليوم اللي سويتة فية فوق هذا كلة بعد ما خلصن شفت شعري شوا كثر طايح قلت لهن شوا انا ياية اعالج شعري او اعقة قالت لي هذا الشعر التعبان بصراحة شعري الحين وايد يطيح اما بنت خالي تمدح فية ما ادري الغلط وين من الفلبينيات او من شعري نفسة وهي اللي سوت شعرها مغربية