شو بتسويين لو قالج ريلج أريد ولد ورا الثاني؟؟

[وردة أمل]

مرحبا خواتي ....

حبيت أطرح موضوع ... لو قالج أبو العيال ممنوع الموانع وأريد ولد ورا الثاني شو بتكون ردت فعلج؟؟؟:bye1:
أرجوا المشاركه من الجميع.

 

[روح قلبي]

ههههههه مريت بهالموقف ويبت له ثلاث ورا بعض وقلت له انت تتحمل الموضوع ...
واصغر عيالي عمره ثلاث سنين ..والحين اقوله يالله اريد بيبي يقولي لا خليج الحين شوي ترتاحين >>>هههههههههههه
فديتهم اكيد من شطانتهم بخاطره يقول خلاااااااااااااااص بس ماوده يخبرني ........

 

[كونتيسة]

اهلا بك اختي اقول له لا استطيع فالمرأة تحتاج لراحة بين الحمل والاخر ولا تستطيع ارهاق نفسها لمجرد انه يريد ولدا من سيقضى الليل بالسهر .. من ستر ضعه وتطعمه .. من تغير له الحفاظ .. من يبقى معه الوقت الاطول.. هل هو الاب .. لا والف لا بل انت وستضيع ايامك وشبابك اهتمي اختي بنفسك وصحتك اولا ثم الباقي..
تحياتي

 

[احلام ورديه]

بمووووووووووت

بصراحه دووم نفتح هالسالفه بس يحب يغيييييضني

لأنه هو بعد مايحب كثرة العيال

بس ارد عليه سير دورلك على وحده ارنبه تيبلك الي تبيه اما انا سووووووري

 

[وردة أمل]

هههي حلوة أرنبة.....
مشكورات حبيباتي عالمشاركة بس أحب أوضح لكونتيسة أن الموضوع مجرد موضوع ووارد والحمدللة مش معاية أنا عندي مسافات بين عيالي وأحس بالمسؤولية والحمدللة
بس بشكل عام الرياييل عندنا يحبون العيال وااااايد ومايحبوون أزعاجهم أبد!

 

[اميرة بس بدوية]

هالنوعيه من الرجاجيل احسهم واااااااااااااااايد مدلعييييييييين خاصه من اطرف اهاليهم
يبون كل شي على كيفهم

 

[طيري الأخضر]

انا بصراحة احب اليهال ،،، لكن رحم الله امرء عرف قدر نفسه

ما أقدر على السهر وخاصة اني ارجع من الدوام متأخره للبيت

يعني اخلي الياهل مع منو وعند منو ،،، سهل انج تيبين الياهل لكن التربية هي الصعبة

والشقى والسهر على الأم

انا الحمدلله بين عيالي فتره ليست بسيطة لكن راحتي الزم ما على

 

[طيرشلوة]

إذا شفتيه أنه مصر على الحمال مالج أنج تقوليله يجيبلج مربية تساعدج باليهال مثل ما أنا سويتها مع ريلى , والله يعينج عليهم .:no:

 

[ام الحلوين]

ههههههه مريت بهالموقف ويبت له ثلاث ورا بعض وقلت له انت تتحمل الموضوع ...
واصغر عيالي عمره ثلاث سنين ..والحين اقوله يالله اريد بيبي يقولي لا خليج الحين شوي ترتاحين >>>هههههههههههه
فديتهم اكيد من شطانتهم بخاطره يقول خلاااااااااااااااص بس ماوده يخبرني ........

حتى انا بعد الثنين الي عندي كافي لين يكبرون هبلو فية ما تاخذين راحتك ابدا

 

[قطرات ثلج]

انا اعرف وحده قريبه لي قال لها زوجها احملي
ورفضت
وراح اعرس ويردددددددد انها عيت تتحمل >>وهي عندها 5عيال الله يعينا على هالرياييل

 

[روح قلبي]

طبعا انا تساعدني المربيه ولا كيف بتحملهم ورى بعض ....فديييتهم بس والله يونسون ....

 

[شـغـف]

أنا أول ما عرست ريلي قالي أبا كل سنة بيبي

سألته يعني كم ناوي؟؟؟

قالي ما أدري..

عشرة زين؟؟؟؟؟؟؟؟؟؟؟؟ ولا 12؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع إنه مب وايد يحب الصغارية أو يتفيج لهم!!

طبعا أنا فجي طاح وعيوني طلعت برا وشعري وقف ====> طبعا في أشيا المخرج زادها

قلت له

أنت متزوج قطوة؟؟ تحمل لها كل أربع شهور؟؟؟؟

هم يتصورون إن الحمل ما يغير الحرمة

بس الحمل يغير وااااايد أشيا

جسمج

شعرج (يطييييييييييييييييييييييييح)

عظامج (تتأثر وايد إذا حملتي ورا بعض وما ريحتي)

دمج (فقر الدم ونقص المعادن والفيتامينات إذا ما ريحتي)

بشرتج

تشققات الحمل

المنطقة الحميمة تتأثر أكيد (لازم تسوون خياطة يا بنات)

وفوق هذا كله

تنشغليييييييييييييييييييييييييييييييين بهم حتى يوم يكبرون ترا المدراس هلاك!!

بس الحين الحمدلله بعد اثنين (بنت وولد بينهم سنة ونص) حس بالمسؤولية وإن تربيتهم مب سهلة (وعلى فكرة هو ما يهمه المصرف يقول الله اللي يعطي الرزق)

وحس إن وزني زاد.. وإني انشغلت وااايد عنه

ويتني مشكلة نقص الكالسيوم.. وما كنت أرقد من الألم!!


قالي خلاص البيبي الياي على كيفج متى ما تبينه.. وطبعا أنا الحين مااااااااااا أفكر..

يوم ولدي بيدخل المدرسة يصير خيييييييييييييييييييييير


ونصيحتي لكل وحدة

اعملي بالسنة

حولين الرضاع وبعدها فكري بالحمل لا تحملين قبل..

الله يوفقكن يا رب

 

[هدهد]

باقوله كثره العيال توسع المهبل... تبغى مهبل واسع؟

 

[الحياه حلوه ..]

إذا كل سنتين ماعندي مانع ..



والعذر جاهز ..

(( حرام تبيني احرم طفلي من الرضاعه الطبيعيه اللي هي حق له .. ومدتها سنتين ))

أما اكثر لا حتى مب حلو يكون بين العيال فرق عمر وااايد ..



واحلى تحيه لوردة أمل على فتح هالقضيه الحسّاسه ..

 

[النورس الأبيض]

لن افعلها ابداً ولن اسمح له بفرض رايه في هذا الموضوع ............لامجال للمساومه على جسدي وصحتي

 

[سهر الليالي]

انا عن نفسي عادي لاني احب اليهال

 

[حرابه]

عزيزتى قوليله ليتك تانس طلق من الطلقات اللي احسها في الولاده .......


لا تعليق

 

[r2x1]

الصرااااااااااحة هالموضوع ينفتح طبعا العذر جاهز

طبعا قبل النوم ينفتح هالموضوع والرد جاهز ألا وهو
آآآآآآآآآآآآآآآآآآآسفه يوم بتكمل بنتك سنتين عقب ...
منو اللي بيرضعها
كفاية اني انش في الليل كذا مرة ... عشانها
ومرات تتم تصيح وتصيح وتصيح
وخاصة فليل ...
اقوله هااااااااااااااااااااا تبا عيال بعد :>:>:>

انا مب معترضة بس لازم تكمل سنتين على الاقل وافطمها واطمن وعقب ...

يا يليت الريايل يحسون بمعاناة الام وهي تربي عيالها....

الله يعينا بس عليهم
ويخلي عيالنا ويبارك فيهم ... تراهم نعمه الرحمن ...
أم علاية

 

[ريــم الدلوعة]

ان مثلك وجبتله ثلاثه
اكبراهم اربع سنوت واصغرهم سنه وثلاثه شهور
وهوالحين الي يحرص اني محمل لين تكبر اصغره
وتحياتي لك

 

[رقة وأنوثة]

أعوذ بالله من شر هالرياييل.... الواحد يتخذ حجة أنه يبغي أولاد (بالذات أولاد مش بنات) كثير والزوجه المسكينه هات حمل ورا حمل إلين ما تنهد عشان تجيب أولاد، وإذا ما حصل وقدرت تحمل ولو بولد واحد تلاقينه على طول قرر يدور له على وحده ثانية بحجة أنه يريد أولاد... وتلاقينه بعد هذا خلاص نسى زوجته الأولى وعياله وما عاد يلتفت له نهائيا ولا يقوم بحقوقهم.