شوي واطلع من الاربعين وابي مانع للحمل

[~ princess ~]

اهلين بنات


ولدت الحمدلله وجبت بنووته قمررر الله يخليها لنا :icon26: وشوي واطلع من الاربعين

واخاف احمل ثاني :sadwalk: صح ان اللي الله كاتبه بيصير

بس تعرفون اول مولود والحوسه اللي انا فيها . . ابي مانع للحمل يكون مضمون ان شاء الله

يعني اخاف من العزل الطبيعي والحساب وهالاشياء ابي حبوب او ابره او اي شي

ابي تجاربكم واذا حبوب متى تبدون تستعملونها

ياليت تفيدوني

 

[umalyaa]

أنا نفسج اول مولود وكنت خايفة احمل ..

بس سرت ركبت لولب ..

مع انه كثار قالولي اللولب يخوف وان الدورة تزيد وماعرف شو

بس الحمدلله .. من ركبته الحينه 7 شهوور مرت وما حسيت باي اعراض

غير اني احس قبل موعد الدورة بيومين بشوويةي تعب.. يعني اعرااض الم دورة

وتنزل الدورة كثيفة بدووون الم .. اول يومين بس وباجي الايام عاادية !

وما طوول لاكثر من الاياام اللي كانت تييني قبل يعني انا تييني 5 اياام

ومن ركبت اللولب نفس الشي !

بس انتي محتاية انج تراجعين الدكتورة كل شهرين او اربع شهوور

عشان تتاكدين انه اللولب في مكانه وسليم


^__^

وعيشي حيااتج عادي

راحة ولا تسين بشي

حتى زوجج ما بحس

 

[قصيميه ..]

فيه حبوب منع الحمل حلوة بس لازم تاخذين نوع يناسبك اللولب حلو بس ماينفع بعد الاربعين مباشره لان بعض الناس يسبب لهم استحاضه انا كلت حبوب 6شهور وبعدين ركبت لولب وزادت ايام الدوره من 6 الى 13يوم هذا غير الاستحاضه اللي تجي بين الدورتين

 

[~ princess ~]

اللولب يخوف احسه ما ينفعني

وبعضهم ماينفعهم ويزيد دورتهم عاد انا دورتي فضيحه ولو زادت بروح فيها

والحبوب متى ابدا استعملها؟؟؟

 

[نــ ووو ف]

تقدرين تستخدمين الحبوب بعد دورة الاربعين اذا جاتك بدري يعني قبل لا تخلصين الاربعين يوم .

واذا ماجتك الدوره وانتي قربتي تخلصين ال40 تقدرين تستخدمينها من يوم 35 وطالع

وطبعا انتي راح تاحذينها بوقت بتكون الدوره المفروض تنزل بس ماتدرين متى

لذلك توقعي اي لخبطه تصير يعني ممكن ينزل دم فجئه .. واذا نزل اتركي الحبوب وخليها تنزل على راحتها وراح تكون غزيره جدا لانها دورة الاربعين ومعروفه بهالشي

وارجعي استخدمي الحبوب في خامس يوم دوره

اما بالنسبه لاسم الحبوب ما اقدر اوصف لك لاكن اخفهم واحسنهم واظمنهم .. مايكروجنن

 

[~ princess ~]

تسلمين ياقلبي

ان شاء الله ابدا استخدمها من 35 وطالع

وبأذن الله اني ما احمل الا اذا كنت مستعده له

 

[هند بنت عتبة]

حبيبتي انا تميت على طريقة العزل الطبيعيي بس من غير عد يعني طول الشهر يكون عزل والحمدلله استمريت 3 سنوات من غير حمل

 

[~ princess ~]

تسلمين عمري

 

[~ princess ~]

بنات وش رايكم بالابره؟

سمعت عنها بعضهم نفعتهم وبعضهم لا

 

[om-madaly]

انزين حبوب منع الحمل ماتوب بس ماتوقف الرضاعه انا ابي حبوب منع حمل مضمونه وماتوقف الرضاعة

 

[ام لموره]

حبيبتي روحي للدكتورة نساء وولاده تأخذ عليك تحليل دم وتصرف لك الحبوب الي تناسبك وتعلمك متى تاكلينها اضمن لك .............

 

[ام ميشووو]

انا بعد ولدي الاول استخدمت حبوب لمدة 3 سنوات ومارضعت غير 3 شهور تقريبا

بس بولدي الثاني مااستخدمت مانع لمدة عشر شهور ماشءالله واعتمدت بعد الله على الرضاعه الطبييعيه بعدها خفت وصرت استخدم الحبوب مع ان الدوره ماجتني طول فترت رضاعتي غير بعد استخدام الحبوب

والعزل ماينفع انا الحين حملت وولدي صغير ياعمري سنه وسبع شهور والحمدالله على كل شي

وبالنسبه للي تقولك ميكروجنن هذه معروفه من الانواع القويه مو الخفيفه والافضل انك تستشيري دكتوره وماانصحك بالابره لان الدكتوره قالت لي انها تسبب هشاشة عظام على المدى البعيد وحنا ياربي لك الحمد مو ناقصين

والله يوفقك

 

[~ princess ~]

تسلمووون الله يجزاكم خير

 

[قلب فؤادي]

افضل لج روحي لدكتورة اهي تعطيج الشئ المناسب لانه فيه أنواع وااايد واهي تعرف لج

مع احترامي للكل اللي ردووااا اوكي ماقصروا بس روحي للدكتوره احسن تتابعج

شوفي اختي خذت حبوب المانع عقب 35 اوكي ماصار شئ طهرت وخلصت ومانزل شئ وهدتهم عشااان تنزل الدورة وفعلا نزلت ومافيها شئ بس بعدين ماوقفت الدورة وخذت شريط مانع ثاني ونفس المجرة كان ينزل عليها دم ولا تروح حق دكتورة شاطرة ولا تقولها لما شافتها مع السونار قالت مكدس الدم عندج ووقفت معاها الحبوب قالت لما ينظف رحمج وفعلا للحين على هالحاله فنصيحه اقولج رووووحي للدكتورة

موفقة

 

[مزيانه]

:icon26:شوفي عزيزتي اللولب زين بس ممكن جسمك رطب يعني ما يتقبله وتحملين مرة ثانية:icon26:

:fish:الحبوب أضمن شي اذا كنت ترضعين رضاعة طبيعية في حبوب مناسبة للرضاعة ومانعة للحمل واذا ما ترضعين رضاعة طبيعية في حبوب غير وبعد هي مانعة للحمل:fish:

:blush-anim-cl:بس لازم تستشيرين الطبيبة أحسن والله يوفقج يارب:blush-anim-cl:

على فكرة اذا الله كاتب لك تحملين بتحملين ولو كنتي تستخدمين المانع يعني قدر لا مفر منه:fish:تقبلي مروري​

 

[أم حمد]

أكيد اختي روحي لدكتورة أفضل بس والله عن تجربة واستشارات عدة من عدة طبيبات لا تاخذين الابرة لها عدة أضرار وأنا سوت لي نزيف وخلت سماكة الرحم تستوي خفيفة جدا وهذا كله بسبة طبيبة تجارية فعلا الله يسامحها وأنا كنت مستعجلة لأن زوجي بيرجع من السفر بس يافرحة ماتمت لأني كنت أنزف فترة طويلة.... الله يسهل لج بس حبوب الرضاعة جدا مفيدة والطبيبة هي اللي بتوصفلج إياها.

 

[املي المقتول]

حبيبتي في شي جديد اسمها اللصقه
هذي اللصقه تنحط في اماكن محدده بالجسم بس لازم يكون وزنك اقل او 80 كيلو اذا تبغي تعرفي عنها اكثر اسالي الدكتوره حقتك عنها بس انا استعملتها بداية زوجي ولما وقفتها حملت على طول