بادئ الموضوع تاريخ البدء
  • المشاهدات 1,701
  • الردود 24
الحالة
مغلق و غير مفتوح للمزيد من الردود.
إنضم
7 أبريل 2008
المشاركات
9
مستوى التفاعل
0
النقاط
0
ابي بيت لحالي مليت 9سنوات وانا عند اهلة مليييييت ومادري وش اسوي كل شي جربتة بكيت زعلت ترجيت بس مافية فايدة المشكلة ان اهلة مايرديوني وانا عندي ولدين وبنتين وزوجي ميسور من الناحية المالية حياتنا كلة مشاكل ونكد وهواش بسبب البيت وكل المحاولات جربتها انتحر ولا وش اسوي ودي اموت وافتك من الحياة افففف كل صديقاتي عندهم بيوت الا انا المشكلة اني مارتحت بيت اهلة علشان فية اطفال يتخانقون مع اطفالي شيروا علي ولا ادعوا لي :icon1366::icon1366::icon1366:
 
إنضم
15 أبريل 2008
المشاركات
70
مستوى التفاعل
0
النقاط
0
الإقامة
الدنيا
كثري من الاستغفار ومن قراءة سورة البقرة وانشالله يتحقق اللي تبين
بس خبريني هو في مشروع بناء بيت مستقل ولا بعدها الفكرة بعيده
طمنينا عليك وكثري من قول لا حول ولا قوة إلا بالله العلي العظيم
 
إنضم
28 ديسمبر 2007
المشاركات
397
مستوى التفاعل
0
النقاط
0
الإقامة
In my sweet world
والله على بالي عندج سالفه ،،، اسمحي لي على صراحتي ،،، تبين تموتين عشان بيت ،، وعشان اليهال يتهاوشون مع بعض ،،، خليهم يهال يتهاوشون عقب يرضون ،،، اتي الظاهر ماقريتي مشاكل البنات الي بالمنتدى عشان تحسين شنو يعني ( مشكله ) ... عالعموم اذا تبين بيت مو بهالاسلوب صراخ ومشاكل وصياح ،، في اسلوب ثاني حاولي تتحاورين معاه بشكل راقي وتقنعينه بوجهة نظرج وتذكرينه من وقت لوقت بهالموضوع بس مو تخلين هالسيره نكد في نكد بعدين زوجج يطفش منج وتصير المشكله مشكلتين بيت + زوج .. لاتزعلين مني بليز ... وبعدين شعليج من صديقاتج يعني كل وحده عنها بيت مرتاحه ؟ .... اهم شي علاقتج بزوجج تكون مرتاحه وسعيده وماعليج من اي شي ثاني .. الله يهديج بس
 
إنضم
21 مارس 2008
المشاركات
219
مستوى التفاعل
0
النقاط
0
عيوني قولي لوالدج او عمج او اي حد قريب وايد من زوجج حتى يكلمون زوجج وينصحونه
خصوصا عندكم اطفال والبيت ضروري للاستقرار وحتى تقدري تربي عيالج براحتج
بدون تدخل الاخرين
الله يكون فى عونج
 
إنضم
3 مايو 2008
المشاركات
7,275
مستوى التفاعل
2
النقاط
0
الإقامة
قلب حبيبي
حبيبتي لا تضيقين روحج انا صديقتي نفسج والحين كملت 10 سنوات فبيت اهله وكله مشاااكل وهواااش اتي حاولي معاه بهدوء وقولي له انه يلزم الامر بخروجج وفهمي انجمستعدة تعيشين بغرفة وصالة بس على القل مستقله فيها واذا رفض خل حد من اهلج عاقل يكلمه ويلزمه وبفهمه انه هذا من حقج والله يهديه لج ان شاء الله
 
إنضم
19 يونيو 2008
المشاركات
219
مستوى التفاعل
0
النقاط
0
الإقامة
UK
قبل كل شى

السلام عليكم ورحمة الله وبركاته

كيف حالك اختي ان شاء الله بخير

كما قالت اختي بلقيسيه نيو كلما ضاق بك الحال اكثري من الاستغفار وقراءة سورة البقرة

اختي هدديه بترك البيت اذهبي إلى اهلك واتركي اطفالك عنده

حتى يحس بالمسؤليه

ناقشي والدك او اخوتك الكبار بالموضوع حتى يناقشونه

خليكي صارمه وقويه بإتخاذ القرار ,,

لايهمك زوجك ولا اطفالك اهم شى نفسك

اذا كان الزوج مايراعي نفسية الزوجه لاتراعينه ابدا

الله يصلح حالك واحوالك ان شاء الله ،،




 
إنضم
14 يونيو 2008
المشاركات
128
مستوى التفاعل
0
النقاط
0
مرحبا اختي الموضوع ما يحتاج كل هالتعقيد هدي عمرج كل شي بالتفاهم يستوي حتى اهل زوجج خذيهم بالمسايس الدنيا ما تستاهل كل هذا
 
إنضم
28 ديسمبر 2007
المشاركات
397
مستوى التفاعل
0
النقاط
0
الإقامة
In my sweet world
قبل كل شى


السلام عليكم ورحمة الله وبركاته

كيف حالك اختي ان شاء الله بخير

كما قالت اختي بلقيسيه نيو كلما ضاق بك الحال اكثري من الاستغفار وقراءة سورة البقرة

اختي هدديه بترك البيت اذهبي إلى اهلك واتركي اطفالك عنده

حتى يحس بالمسؤليه

ناقشي والدك او اخوتك الكبار بالموضوع حتى يناقشونه

خليكي صارمه وقويه بإتخاذ القرار ,,

لايهمك زوجك ولا اطفالك اهم شى نفسك

اذا كان الزوج مايراعي نفسية الزوجه لاتراعينه ابدا

الله يصلح حالك واحوالك ان شاء الله ،،
تقولين لها عليج بالاستغفار وبسورة البقره ثم تقولين لها اتركي زوجج وعيالج واهم شي نفسج سبحان الله ،، حبيبتي مو بهالطريقه تنحل الامور ... اكيد البيت مهم للاستقرار والراحة النفسية بس مو بهالاسلوب اسمحي لي لكن ماانصح بهالشي ... هي ماشرحت مشكلتها بالتفصيل عشان تقولين لها تترك البيت والعيال ... حرام تخرب حياتها عشان بيت .. الله يهدي الجميع :exclamationpoint:
 
إنضم
15 أبريل 2008
المشاركات
70
مستوى التفاعل
0
النقاط
0
الإقامة
الدنيا
انا متزوجة من 9 سنوات بعد وعندي ولدين وبنتين وعايشة في بيت اهل زوجي بس والله مستانسة وعايشة حياتي ويوم يتجمعون اعيال اخوانة لازم صريخ وضرابة بس كل شي ينحل اذا كنت مبتسمة صدقيني قابلي كل امرك بالابتسامه وكثري من الاستغفار(انا في منتصف حياتي الزوجية تضايقت وطلبت منه بيت بروحنا بس لانه هو الكبير وريال البيت قدرت الظروف وتاقلمت مع الوضع) وحاليا عندنا مشروع بناء منزل مستقل قيد الانشاء
حبيت انقل لك تجربتي حتى لا تظني انك وحدك من تعيشين مع اهل زوجك
وبصراحة انا احب اهل زوجي وايد وافكر اذا طلعت بيت جديد اخذهم يعيشون معاي
 
إنضم
19 يونيو 2008
المشاركات
219
مستوى التفاعل
0
النقاط
0
الإقامة
UK
اختي ѕωєєт ℓσνє

يعني حرام الوحده تذبح عمرها وتتعب نفسيتها والرجال مو داري عنها

تدرين وش المشكله ان اهل الرجال مايبغونها

انتي ركزي على كلامها تقول اهله مايبغونها

وزوجها الله يهديه مطنش انا ما قلت خليها تتخذ قرار الطلاق منه

انا قلت تريح نفسها في بيت اهلها وتحسسه بالمسؤليه

خليها تكلم ابوها اخوانها يتفاهمون معه

الرجال طبعه اناني يفكر بنفسه مافكر فيها يوم انها احتاجت للفلوس لها ولعياله ماهمه هذا القهر

لو كل وحده فيكم تحب نفسها قالت اللي انا قلته

اعذروني على الاطاله


 

أم الأصيل

New member
إنضم
18 نوفمبر 2007
المشاركات
309
مستوى التفاعل
0
النقاط
0
الله يعينك خذيه بالسياسة ووحدة وحدة بيصير اللي تبينه واتركيك من الصغار لازم يتهاوشون..
 

&Athari&

New member
إنضم
29 أبريل 2008
المشاركات
1,364
مستوى التفاعل
0
النقاط
0
اسمك متفائلة بالخير
وتبين تموتين
وش خليتي للبقية !!!!!!!!!!!
 
إنضم
28 ديسمبر 2007
المشاركات
397
مستوى التفاعل
0
النقاط
0
الإقامة
In my sweet world


يعني حرام الوحده تذبح عمرها وتتعب نفسيتها والرجال مو داري عنها

تدرين وش المشكله ان اهل الرجال مايبغونها

انتي ركزي على كلامها تقول اهله مايبغونها

وزوجها الله يهديه مطنش انا ما قلت خليها تتخذ قرار الطلاق منه

انا قلت تريح نفسها في بيت اهلها وتحسسه بالمسؤليه

خليها تكلم ابوها اخوانها يتفاهمون معه

الرجال طبعه اناني يفكر بنفسه مافكر فيها يوم انها احتاجت للفلوس لها ولعياله ماهمه هذا القهر

لو كل وحده فيكم تحب نفسها قالت اللي انا قلته

اعذروني على الاطاله
اوكي يا حبيبتي انا معاج اهم شي الراحة النفسية ،،، بس هي ماحددت طبيعة علاقتها مع زوجها .... ومايصير نقول لها تطلع من بيت زوجها لا احنا مب استشاريات ،، يعني نشور عليها بالحل الوسط والحياد ... وانا ماشوف انها اكتبت شي بالتفصيل ،، كل الي كاتبته كلام وحده مقهوره ،، والمشكله ان اسمها المتفائلة بالخير ، ياريت اختي كاتبة الموضوع تشرحين لنا شوية تفاصيل عن علاقتج بزوجج عشان نقدر نعطيج حل امثل ،،، ولي ملاحظه على كلمتج ان الرجال طبعه اناني بالعكس الرجال مو كل الرجال انانيين ولا كل وحده قاعده عند اهل زوجها يعني ماتحب نفسها ،،، وانا اتفهم طلبه ان يكون لها بيت مستقل بالعكس شي حلو ومريح وانا قاعده في بيت مستقل ومرتاحه ،، بس مو بهذا الاسلوووووووب ... رجاء تقبلي رايي بصدر رحب ,,:shiny:
 
إنضم
19 يونيو 2008
المشاركات
219
مستوى التفاعل
0
النقاط
0
الإقامة
UK
اهلين اختي ѕωєєт ℓσνє

كلامك عين العقل واصابع ايدك مو سوى

الرجال كلهم مو سوى بس الاغلبيه اقول انهم انانيين :santa_1:

وعلى العموم انبسطت على ردوك لي

تقبلي مني ارق التحايا :bye1:
 
إنضم
21 يونيو 2008
المشاركات
539
مستوى التفاعل
0
النقاط
0
لاحول ولا قوة الا بالله

صلي على النبي ,,


يا اختي لا تشوفين المظاهر وتخسرين زوجج


والله فلوس الدنيا كلها ما تسوى وانتي مب سعيدة


انا اقول لج

ارجعي لربج و هاي ريلج لازم تقدرين ظروفة وربج بيفرجها
 

ام سدير

New member
إنضم
13 يونيو 2008
المشاركات
5
مستوى التفاعل
0
النقاط
0
اختي اول شي انصحك انك ماتقارنين حياتك بحياة احد يعني لاتقولين كل صديقاتي عندهم وانا ماعندي وكذا

لان كل شي له حكمة وذي الامور بتيسير من الله ... وهذا نصيبك ولو ربي مو كاتب لك خروج من البيت هذا

ما بتطلعين والعكس

طالما انتي حاولتي فما عليك الى اللجوء بالدعاء ان الله يكتب لك اللي فيه الخير لانك ماتدري وش الخيرة فيه

راح اقولك باختصار قصة سريعة خذي منها الحكمه وانا ما افاول عليك بس اوريك ان ان الله عز وجل له بكل شي

حكمة سبحاانه ... وعسى ان تحبوا شيئاً وهو شرٌ لكم ..

لي صديقة نفس معاناتك اكثر من عشر سنوات محاولات ومشاكل بالاخير استسلم زوجها عشان يفتك من مشاكلها

وجاب لها بيت بعد كم شهر البيت انحرق ومات اثنين من اطفالها وتمنت انها ما طلعت من بيتها وان الله جزااها

لانها كانت تسوي اشياء تغضب زوجها عشان يقتنع يطلعها من عند اهله ..

ذي انسانة اعرفها مو قصة خيالية

الله يكفيك الشر ويصبرك وتذكري ان الاستخارة هي افضل الدعاء

وفقك الله لمى هو خير
 

غيام

New member
إنضم
11 يونيو 2008
المشاركات
11
مستوى التفاعل
0
النقاط
0
مافي حياه هنيئه ميه بالميه الله ياخذ شي ويعطي شي اقنعي باللي انتي فيه وارضي واقلمي نفسك على وضعك وحياتك ووكلي امرك لله والله مايخيب رجاك
 

ربي ارحمنا

New member
إنضم
30 أبريل 2008
المشاركات
770
مستوى التفاعل
0
النقاط
0
لا حبيبتي لاتروحين لبيت اهلك ولاتزعلين ولاشي لان هذا ماراح يجيب نتيجه.........
وحاولي معاه بالكلام الزين مو بالهواش والصراخ ..........
والله يوفقك
 
إنضم
30 مايو 2008
المشاركات
123
مستوى التفاعل
0
النقاط
0
حبيتي انا كنت ساكنه بيت اهل زوجي وكنت اليوم ايح ابغي اطلع وقعدت وياهم اربع سنوات ويوم اصريت اني اطلع صدقين اني ندمت استوات وايد مشاكل بيني وبين زوجي 3 سنوات الحينه اعاني واخرها الانفصال
وعسى ان تكرهو شي وهو خير لكم وعسى ان تحبو شي وهو شر لكم
وكلنا نبغي البيت والبيت يكون ساعات نقمه وفتح للمشاكل
 

OMAMMAR

New member
إنضم
24 مايو 2008
المشاركات
36
مستوى التفاعل
0
النقاط
0
الإقامة
الإمارات
حبيبتي أنا عندي فكرة يمكن يكون قيها فايدة : اقترحي على زوجك في الإجازة أن تقعدون أسبوع في فندق أو شقة مفروشة في منطقة الرحلة وإذا ممكن تخلين عيالج عند أمك يكون أحسن. قوليلله إنك مشتهية تعيدين شهر العسل وياه ولو في البلد. وإذا وافق خليه يحس بالفرق لما تكونون بروحكم واستعدي قبل الرحلة بشراء الملابس المغرية اللي بتلبسينها في الشقة مثل تنوره جينز فوق الركبة مع بلوزات حفر ( بدون كم ) عشان يحس أن محروم من أنوثتك بسبب سكنك في بيت أهله. وحاولي قد ماتقدرين أن تكونين في آخر أناقة كل يوم في هالأسبوع حتى لو كانو عيالج معاج . يمكن بعدها يفكر بدون ماتطلبين منه أن يكون لكم بيت مستقل عشان يخلي اسبوع العسل يصير عمر عسل! وموفقة
 
الحالة
مغلق و غير مفتوح للمزيد من الردود.

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى