شوفو وش سوا ابو زوجي

ا

الحلوه الشطوره

New member
إنضم
2008/12/28
المشاركات
9
السلام عليكم كيفكم يااخوات ان شاء الله بخير
حبيت اطرح مشكلتي وتكفون ساعدوني
انا وزوجي قررنا نسافر لديره بشرق اسيا
وزوجي يستشير ابوه في كل شي وصار ابوه يدخل في حياتنا وسبب هذا الشي مشاكل بيني وبين زوجي
وراح زوجي يكلمه يقول حنا بنسافر لهالديره
قاله ابوه لا لاتسافر لها هذي الديره ممنوعه دور غيرها
ولما جا امس قالي بصراحه انا قلت لبوي وحذرني من هالديره
وقلتله طيب انا وياك متفقين من البدايه بنسافر لها ليش تدخل احد في حياتنا
خلنا نعيش زي الناس وحنا تزوجنا من 3 سنوات يعني حرام
المهم زوجي رفض رفض تام ان مانروح لهديره
وهو يخاف من ابوه بشكل مو طبيعي

وش اسوي تكفون مع ابو زوجي وتدخلاته هل اكلمه واقوله ولا وش اسوي
تكفون انا تعبانه مره ولجأت لكم لاني عارفه ماراح تخلوني
 
يا بنت الحلال هونيها تهون
طيب دورو غير الديرة هى يمكن خير لكم
الله يسهل على وعليك
 
يختي والله لو انا فمكانج ما بعرف شسوي...دخلت عشان ادعيلج ان الله يفرج همج عاجلا غير آجل آآآمييين
 
يا بنت الحلال وسعي صدرك

الموضوع ما يستاهل

وأبو زوجك صادق وش تبون بتايلند !!

غيروا وجهتكم لماليزيا ..

موفقين ..​
 
والله من جد هونيها وعديها يابنت الحلاال وكبري دماغك واصبري عشان زوجك
 
مثل ماقالت الأخت يمكن خيرة لكم ..

بس لازم تفهمين زوجك أن هذي أسرار ..

وأن الشئ هذا يضايقك ..

الصراحة ذكرتيني بأيام كانت صعبة قسم بالله كان يأخذ من راتب زوجي كل شهر..

ونجلس آخر الشهر مطفرين على الحديدة..
بس جعل عيالي يبرون بأبوهم مثل مابر في أبوه ..
​
 
لعله خير لك وزوجك ليش ماتفكرين من هالناحيه -----وابو زوجك من حقه اذا خاف من هالديره وخاصة اذا كانت مشهوره بالمنكر والسفور والامراض والبلايا ان يقول وجهة نظره ويمنعه اذا كان خايف عليكم منها

واعتقد ان هذه الديره فيها بلاوي مايعلم فيها الا الله ولاتفتحين عيون زوجك وتعينينه على السفر الى هالديره وبكره يتعلق قلبه فيها وتصير الطامه الكبرى000

لاحظي ابو زوجك قال دوروا غيرها يعني قصده وااااضح خايف على ولد من الفتن وانتي تبغين تعينينه على السفر لهذه البلاد هذا يعني ان ابوزوجك ماتدخل في المدن الثانيه وكلام ابو زوجك في محله ياما ازواج انفننوا في هذه الديره وادمنوا المخدرات وجو لااهلهم بتوابيت ميتين بسوء خاتمه
وابو زوجك اكيد مايبغى لكم الا الحلال والسلامه

احسني النيه ولاتخلين ابليس يلعب بك ويشوش عليك 000
 
يابنت الحلال لاتكبرين الموضوع غيرو وجهتكم احمدي ربك ماقال لتروحون واقعدوا فيها يمكن فيها خيره لكم انكم ماتروحون لهاالديره
 
الحلوه الشطوره قال:
هو مو على الديره انا متضايقه لانه يتدخل وش اسوي تكفون
أنقر للتوسيع...


نصيحه من قلبي كل مشاكل اهل الزوج يبغى لها صبر ومصابره واحتساب الاجر ضعي في باااااالك ان هذا ابوووووووووووه وزوجك متعود على ان ياخذ راي ابوه انتي تعتبرينه تدخل وزوجك ينظر اليه بانه من حق ابوه عليه ان يستشيره ويبغى رايه لانه واثق من راي ابوه ويرتاح له

اصبري ثم اصبري ثم اصبري والجئي لربك بالدعاء وكثرة الاستغفار واحتسبي الاجر والله المستعان
 
انا مع اختي يارب انصرني وفعلا غيرو الوجهه مافيها شئ مو اهم شئ بتسافرو الحمدلله غيرك من الحريم مابيسافر ابد ولا قالوا شئ واذا على التدخل فهذا شئ طبيعي وفترة وتعدي بس الموضوع لازم له صبر وسياسه وربي يوفقك
 
تحملي اذا تحبين زوجك ولا تضايقينه كل شوي ابوك ابوك .
بالأخير انت اللي كسبانه
عيالك راح يبرونك ويبرون ابوهم

هذا أكيد .
 
لا تكبرين السالفه يا عسل وهونيها الحياه ما بتعيشينها الا مره وحده

بس لازم ترى انه يحافظ على السرار البيت

وسالفة سفرتكم ما اتوقع سر بينكم

لكن اهم شي لا يطلع اسراركم الشخصيه هذي اللي من جد لك حق تزعلين عشانها

وجعل ربي يسخر لك زوووجك يا الحلوه
 
الموضوع ماهو مستاهل كل هالزعل
بسيطة غيرو الدولة وانتهى الموضوع
 
ياختى هداك الله ليه تعتبريه تدخل هذا في مقام ابوكي وطاعته واجبه يعني لو ابوكي قال لك لاتروحين هذا المكان بتروحي وطاعة الوالدين من طاعة الله عيني زوجك على الطاعة يفتح الله عليكي والكبار بالسن يدركو اشياء مايدركوها الابناء وعسى ان تكرهوا شيء وهو خير لكم وعسى ان في السفر لهذا المكان شر لكم اسمعي النصيحة وامتثلي ووفقك الله الى مايحب ويرضى
 
ماتعرفي يمكن يكون فيها خيره من تدخل ابو زوجك
وعسى ان تكرهو شيئاً وهو خيراً لكم​
 
الله يعينج اختي
بس يمكن خيره
تايلند وسخه شوفي غيرها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل