شوفو ايش سوت معااي من يات من السفر ... مخنوووقه وربي

والله انا عاذرتك على الروحة لبيت اهلك لأنك توك عروسه وما مداكي تتعودي على المسؤولية معليه البداية كذا بعدين تتعودي وتخف الروحات لبيت اهلك...
حاليا ماعليكي الا الصبر في بيت اهل زوجك بس فترة صدقيني وبعدين راح تنقلوا اذا ربنا اكرمك بطفل
والحمدلله ان زوجك حاس فيك وعارف امه ...اهم شيء ..وخليكي كذا دايما دافعي عن امه وكبريها في عينه راح انت تكبري صدقيني....
الله يسعدك ويوفقك..​
 
سكون النجوم قال:
اخت رازيا ... بيت ابوي يفرق عن بيت زوجي عشر دقايق بس

والاهم من ذيه اهيه ماالها خص ... اذا زوجي راضي ومرتاح اهيه شكو تتدخل

لو زوجي اهوه الي مارضى وتضايق بنقول ايه اهم ماعلى المره بيتها
أنقر للتوسيع...
عزيزتي انصحك نصيحة لوجه الله كوني مرنة وسهلة وصبورة في التعامل مع ام زوجك
 
باين عليك قلبك طيب وضميرك حي انا مع غريبة في بلادي ورزايا ماقصروا كفوا ووفوا

وانا اظيف عليهم كل مارحتي مشوار كلميها اسأليها تبي شي مشتهيه اجيب لك شي او كل فتره جيبي لها هديه مو شرط غاليه بس الكبار يحبون هالحركات والله تكسبينها
 
الله يعينك بس هذا ظريبة العيش مع اهل الزوج ياانك تواجهين بقوه عشان يتحاشونك والقوه اللتي اقصدها قوة الشخصيه وعدم الاذلال والانخضاع للاوامر بعيد عن الصراخ والهوشات او انك تخلي اذن من طين واذن منعجين والكلام اللي تسمعينه تدخلينه من اذن وطلعينه من الثانيه واحتسبي الاجر عند ربك واكسبي ام زوجك لصالحك بالكلمة الطيبه وانك من فتره لفتره تجيبي لها هديه وموفقه
 
اول شى حاولى تطلعى من البيت لانك راح تتعبى معها ورضاها صعب ولا تلوموها ترا بعض الحريم مافى شى يرضيهم ومو مجبورة تحرق نفسها عشان ترضى الناس صح ام زوجها لكن ام زوجها مو بزر حرمه وفاهمه لازم تراعى انها عروس وتوها مو لها عشر سنوات معهم
لو عاملتها مثل بنتها مو كذا وفهمتها ايش المفروض قعدت معها مو تركتها برمضان وحنا يالحريم الى كل وحدة فى بيت مستقل تعبنا برمضان وهى ترمى كل المسوليه على عروس كذا للحين حتى ماعرفت ايش فى البيت
خففى من روحتك لاهلك علشان زوجك حددى يوم فى الاسبوع تتجمعى انتى وخواتك ويوم تزورى اهلك زيارة خفيفه ولا تقطعى اهلك عشان رجال ما تضمنيه مع الوقت يحرمك منهم علميه ان زيااارة اهلك وووووواجب عضيم
الرجال ما ينضمنو ابدا عوديه على الى تبيه انتى
اكسبي ام زوجك بهدايا بقهوة العصر بس لا تضغطى على نفسك وتتحملى لان محد بيقدر صبرك بيشوفه شى غصب ولازم مو فضل منك عليه
اكسبى زوجك ودلعيه ولا تتركى المشاكل مع امه تنسيك زوجك ويهج من البيت يدور الراحه واذا ماارتاح معك بيدور غيرك وما راح يفكر فى السبب انها امه يفكر شلون يرتاح وبس وتعقدى انتى وامه هواش فى هواش
الى بقوله باختصار لا تكلفى نفسك فوق طاقتها بيجيك يوم وتشوفى الجحودو تنقهرى
مشاكلك مع امه لا تتكلمى معه فيها مو كل شى امك قالت وامك سوت قولى ما حنا قادرين نتفاهم وبس
الله يسخرة لك
 
اختي هي ربت ولدها عشان انتي تطلعينه ! من بيشوفها ؟ هي امه جنته وناره شنو تطلعين وتخلينها حق منو ! والغريب انج شايفه نفسج مب غلطانه كلشششش !!!!! اذا هي غلطانه مره انتي الف ، هو ولدها ومجبور في امه وانتي ملزومه تقعدين مع ريلج وصدقيني بيجي اليوم وبخليج ولدج بسبة مرته نفس ماسويتي مع عمتج وبيطنش لج وبيجي يزورج ساعه كل يوم ووايد عليج يتمنن نفس ريلج الحين يقولهابزورج للمغرب !!!!! امك ثم امك ثم امك ،، مثل ماهي ماسكة لج عالوحدة انتي ماسكة لها عالوحدة بعد وتروحين تتشكين حق ريلج وتحرشين بينه وبين امه ؟ اختي انا مب ضدج بس انبهج اللي يسوي كذا في امه جنته وناره !!! مامنه خير ! اهاوش امي عشان مرتي ؟ وكل يوم ! الله يهديكم
 
من رأيي أن يستأجر زوجك شقتين بنفس الدورأو فيلا منفصلة دورين

وتكون هي بشقة وأنت بأخرى

هي مطلقة من زوجها ويعيشان ببيت واحد!!!!!

إن كان هذا طبعها فلا يلام زوجها

هناك صنف من النساء نسأل الله العافية لا ترتاح حتى تقلب حياة الآخرين جحيما ولو كانوا أبناءها

ولاحظي كيف أنها قامت بضرب طفل صغير بوحشية لأجل أنه طلب كاتشاب!!!!!!!!

هو ابنها وملزم بها وأنت من حقك أن تعيشي حياة كريمة يسودها الحب والاحترام

أخشى أن تؤدي الضغوطات إلى إفساد العلاقة بينك وبين زوجك

وأم زوجك بحاجة لفتاة صبووووووووووووووووووووووووووورة تقابل تصرفاتها ببرود

والظاهر أنك قد تربيت مدللة في بيت أهلك

وخلاصة القول هو أن تتعاملي معها بما يرضي الله في حدود طاقتك وتحملك

بمعنى ألا تضعي نفسك في مواقف تفقدين فيها أعصابك وتخسرين فيها زوجك

أعانك الله ورزقك الحكمة في سائر أمرك
 
وش هالحياااه الله يعينك بصراااحه لازم لك نتي تصيري حركة وحبوبه مع ام زوجك العيب شويه فيك هي ماتدري وش قلتي لزوجك بالغرفه بس برا بيني النيه الحسنه لان زوجك بعدين بيكرهك اذا ماعرفتي تتصرفي
 
حلا اميرة الزوق .... اختي انه كلمه وحده ماقلت لأهلي ... وربي يشهد علي شكثركنت مشتاقه لها .. وكل مره اقول لريلي متى اتيي خالتي ... وفرمضان اقوله جان زين كانت اهنيه ... عشان اسهر وانه معاها ... وايام الخطوبه كنت اقوله انه اموووت على الافلام الهنديه ... بحط فلم وبقعد اجوفه معاها ... ولين اقعد معاها اسمعها واسولف معاها ... واول اسبوعين دخلت معاها المطبخ ... وكل مره تقول لولدها خل تتعلم الطبخ ولين بسوي شي تنتقد ... انه خبري الريال اهوه الي يحن عى مرته عشان تطبخ له مب ام الريل !!

وربي يشهد علي ... اني عمري مايبت طاريها بالغلط ... طول الثلاث اشهر وانه اكبت فقلبي حتى ريلي ماقول له ... ومن يجوفني يقولي اشفيج ... اقوله ولاشي ... شاسوي اذا ويهي يبين عليه

بس الله فوق ... وبياخذ حقي
 
وكل العضوات الي قالت طلعي وروحي شقه قريبه ...

قلت لريلي خل نطلع شقه يم البيت ... قلت له لو تبي العصريه اكون عندها وانت تبي تقعد معاها طول يومك كيفك ... وانه مستحييييل اقوله لا تروح لأمك

بس لين قال لها مارضت

فترة الخطوبه قالي خل نطلع بشقه .. انه قلت له لااا ... انه احب الناس واحب اقعد معاهم ... ولين جريب العرس والمشاكل الي سببتها بديت اخاف واختي قالت لي انتي غبيه ... قلت له خل نطلع قالي ماعندي فلوس وااعذار الدنيا والدين ... خذ قرض ب 5 الاف ... عشان يعدل حجرته ويبني حمام فيه .... قلت له معقوله 5 الاف كلها راحت على حجره وحمام ... طلع انه معدل البيت كله وشرا حجرت نوم يديده لأمه وصبغ حجرتها وصبغ حجرته وعدل حمامها وبنى حمامنا وكل شي كان يسويه عشان العرس ... كان يسويه دبل ... جنه بيعرس على 2 بنفس الوقت
وقصر من ناحية العرس ... كنت اقوله انتو شنو بتيبون قدوع وتوزيعات .. عشان احنه بنيب بعد .. فماحبيت شي مكرر وخساير ع الفاضي ... بس امه تقول احنه مانيب شي كل شي اهمه ايبونه

ولين رحنا بنحجز صالة العرس ... تعرفون المشاكل الي صارت في البحرين .. والصاله الي حجزناها كانت حق بحارنه وصوبهم بعد ... فقررنا نغيرها ... بس لين رحنا بنغيرها حق صاله ثانيه ... وداها قالت لاا الطريج ضلام ومحد بيي وبعد مااكان يقدر على تكاليف الصاله لأنه خسر كل شي على البيت وسكت ماتحجيت

وتمت تحن تبينا نروح صاله بس حدها وصخه ومومرتبه بس لأنه بنتها سوت عرسها اهناك ... وانه كنت مابيها بس دست على نفسي وقلت خلاص بسويها اهناك .. بس قلت له لازم نعدلها شوي ... قالي اوكي بس مايحتاي نقول لأمي !! وطلع التكاليف التعديل واايد فتنازلت عن جم شي ... وطبعاا انه ورفيجتي الي ندور من مكان لي الثاني عشان نجوف اقل تكاليف حق تعديلها

وبعدين سمعنا انه فيها فيران هالصاله ... اهنيه قلت له ماقدر فيراان بعد

رجعنا حجزنا القديم في الصاله الي صوبهم وكان باقي على العرس اسبوعين بس .. واهنيه قامت القيامه ... ليش تروح هناك وليش .. وعماتك مابيون ومحد بيك ومن هالكلام وانت مو ريال تسمع كلام مرتك

وبعدين لين باقي على العرس اسبوع البحارنه رجعو مره ثانيه سوو مشاكل ... اتصلت عليه وانه اصييييح ... العروس المفروض هالفتره يكون كل شي جاهز وقاعده بس تستريح وتعدل نفسيتها

وطلعنا نفس اليوم ورحنا ندور على صاله بعيده عن البحارنه وفي منطقه امان ... وماحصلنا غير صاله وحده ... صغيره حدهااا وممرها مب سيده وحدها شاقول بس ... تنفع حق حفلات عيد ميلاد بس .... قلت له اهم شي نعرس ونعيش مع بعض مو مهم الصاله ... ورحنا وحجزنا

واحنا في الصاله لاحظته مرتبك ... وعرفت من شنو ... قمت قلت له خل نتصل فامك ونقول لها ونقول لاختك بعد ونجوف رايهم ... على طول استانس وتشقق ... واتصلنا فاخته وقلت لها ترا حجزنها هالصاله وجذيه وجذيه

المهم

بعدها واحنا في السياره .. اتصلت عليه امه وزفته زف ... وتقول له مب ريال تمشي ورا حرمه وماتستحي على ويهك ... والصاله بعيده عن اهلك ... عاد انتو تعرفون البحرين ... ابعد منطقه يمكن ساعه بالسياره
واحنه اهلنا كلهم يم اهلم فنفس المنطقه ... فبيكون بعيد عن اهلي بعد ... بس محد من اهلي تحجى لأنه عارفين الظروف ويعرفون قاعدين ندور منطقه امان

واصلا الصاله تبعد نص ساعه بالسياره

ورحت لها لي البيت عشان اصلح بين ولدها وبينها ... مع انه ادري انها غلطت علي في التلفون لين حاجته بس طوفت ... وسمعتني كلام يقهر بس طبعاا انه تبسمت

وتميت ادعي بالخطوبه انه أنا اكون فاهمتها غلط

لكن الي اجوفه الحين اني كنت فاهمتها صح

.
.
.
.
.

والي يقولون احرض ريلي على امه .... عمري مايبتطاريها بعيبه ..سكت 3 اشهر واهيه تغلط علي وانه اسكت
... تدخل بكل صغيره وكبيره فحياتي ... اذا ولدها سوا لي شي تبي مثله وماتكلمت ... وكل جمعه مخصص لها تروح المكان الي تبيه ... وياما كنسلت طلعات مع زوجي كان واعدني فيها عشانها .. لأنها قالت تبي تروح المكان الفلاني
قبل ماتسافر طلعتها انه ... وديتها تتقضى اغراض السفر ... واذكر ريلي امك جوف شنو تحتاج ... جوف شنو تبي ... وابوك قال يبي جذيه
لو عصب على امه ... اخليه يطلع بنفس الوقت يراضيها ويعتذر منها ... مع انها تسبه برجولته ... بس اوقف بصفها عشان اقول امه

.
.
.

وانه زوجه مهما صار لي الحق على الاقل في المستقبل اني يكون لي بيت بروحي .. يضمني انه وزوجي واعيالي ... واستقبل الي ابيه فبيتي .... بيت اقدر اغير فيه الي ابي على كيفي ....

.
.
.

قبل لاتيي من السفر قعدت انه وريلي نتكلم ... ويقول خاطره يبني بيت عود ... وسكني في الطابق الي فوق وامه في الطابق الي تحت .. وابوه يبني له برا

رحبت بالفكره وقلت له خووش تفكير والله ... وقلت له خل نبتدي نيمع من الحين عشان نحقق حلمنا

بس اذا كانت بتظل هلون ماتوقع اقدر اواصل اعيش معاها ...

امي اكو اخوي العود عرس ... وطلع فبيت بروحه .. ولاتحجت ... ومن تزورها مرت اخوي ترحب وتهلي فيها ولاعمرها يابت طاريها بالغلط

وامه من تجوفني تنتقدني ... مع انه كل من يقعد معااي يرتاح لي ...

امي تقعد توصيني عليها وعلى ابوه وعلى ريلي بعد .... وانه قولها ان شاء الله وماقصر بشي

ياما كنا نبي نسوي شي نكنسل عشان ابوه يبي غرض وامه تبي شي ... وهالشي ماضايقني ... كان اهوه يضايق وانه اقوله هذذول اهلك وفكر بالمستقبل اعيالك يسون لك هلون

حتى وقت العلاقه الخاصه ... تونا ماصار لنه اسبوعين ... يكون خاطره بس مانقدر لأنه امه عادي اتيي طق الباب وتقول اطلع الحين ابيك ... ولو نبي نروح نرقد من وقت عشان شسمه ... تقول ماتستحي على ويهك تروح ترقد .. اقعد معانا وتزعل

لو يناديني .. تقوله شتبي فيها قعدي معاي

واليوم اخر شي سوته ... رحت سويت لنا كلنا شاي بالميرميه .. وقعدنا نسولف ونضحك ... ومن اسولف معاها تنادي ولدها يزعم تسأله .. طوفتها وقلت لاتحسسين
وبعدين قالت ماراويتوني الصور مال العرس ... رحت على طول يبته وقدت اراويها ... الا تقولي هذي بس صور الاهل ... ليش ماحطيتي صوره حق كل عمه من عماته ... وليش بس فيه صورتين لأبنتها وليش حاطين صور ناس غرب ...و تقصد بالغرب اهمه صور ربعي
الي اعرفه انه الالبوم للعروس والمعرس ... وكان لازم نختار 80 صوره بس من اصل يمكن 200 ... يعني نهد صور المعرس والعروس ... ونختار صور اهل المعرس ... مع اني عدلت بين اهلي واهله وركزت اكثر شي على صوري وصوره ... قلت هذي ذكرنا لنه بس ... وصورتين لأختي وصورتين لأخته ..اربع صور لأمه و3 صور لأمي وصوره لربعي ... وحطيت صور جماعيه لأهله

وتمت تقول الحين لين ايون يبون يجوفون صورهم ... شاسوي ... مافيه غير صوركم وصور ناس غرب


يعني حلفتكم بالله شنو اسوي معاهااا ​
 
أنا ماراح انفصل كثير بس الي لفتني فالمشكلة رياح

شكله انسان يحبك ماشاء الله فانتبهي تخسرينه من كثر المشاكل الرجال بيهرب من النكد

انتي فكفه وامه فكفه انتبهي ،،،ضبطي العلاقه ويا امه حاول عشان ريلج يرتاح

الله يوفقكم ويهدي ام ريلج
 
ونسيت اقول شي بعد ... توني الظهر كنت اقول لولدها ... لين تروح تصلي العصر لاتنسى .. اشتر لها باقة ورد ... خلها مفاجئه حلوه ... وتالي طلعها ودها خل تشتري شي حق الزرع ... قال صج فكره حلوه

وجوفو ايش سوت تالي على الصور

استغفر الله العظيم ... احس بضيق يخنقني
 
انفصل >>اتفصل

رياح>>>ريلج

ههههه بغربل بليسه هالايفون قلبني هنديه
 
برائه ... انه هالفتره قررت ماقول له الي يضايقني لين يسألني ... وقلت ايي اهنيه فهالمنتدى اقول واريح قلبي .. وخصوصا اني مابي اهلي يعرفون بشي

وقررت اعيش حياتي بهدوء ولو قطت الي تقطه ... بيي اهنيه وبفضفض وان شاء الله ... يحتسب فميزان حسناتي يارب
 
برائه ... ههههههههههههههههه وأنه اقول شنو هالكلمات بس عديتها هع .. اهم شي فهمنا المجمل
 
حبيبتي حبيت أضيف بعد ان لتامين تقولين امك أبوك لاتنسا جيب لهم اشتري

صحيح هالشي زين بس حسيتك بزياده مثلا لمن صحتي وقلتي روح راضيها اهو راح وهو مضايق عشان خاطرج وضغط علئ نفسه

بس بيجي يوم بيقول أنا أتصرف بكيفي محد له دخل

بوضوح اكثر لاتستغلين حبج فطلب اشيا فوق طاقته

**وفعلا مثل ماقالت رازيا يبالج تقرين كثير عن تم الزوج. والله يعينك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل