شوفو ايش سوت معااي من يات من السفر ... مخنوووقه وربي

[سكون النجوم]

السلام عليكم

كل مره اقرا فمشاكلكم من ايام الخطوبه وانه اقول ان شاء الله ماطيح فمشكله مثل المشاكل الي اهنيه

وكنت احلم انه حياتي ويا زوجي بتكون ورديه خاليه من المشاكل والحمدالله هالحلم تحقق لكن حماتي ام زوجي ... سببت لي مشاكل لاتعد ولاتحصى .. تدخل في كل شي

تخيلوو ماصار لي اسبوعين من عرست ... قعدت تقط علي حجي وانه ساكته ومانطق بحرف
بس عشان ريلي قام يكوي ثوبه وانه قاعده ماقمت ... واهوه ماقالي قومي اكوي لي وثاني شي توه الساعه 12 مذكر يكوي ثوبه ؟! فقلت فقلبي خله يكوي احسن عشان مره ثانيه يودي اثيابه الدوبي ومايتكيسل .. وتقولي اهلج ماعلموج ومادري ايش وسببت هوشه ماصارت ولاستوت ويا زوجي

وبعدين اذا بنطلع .. وين بتروحون ومع منو .. وليش .. وتزعل حدهااا عشان طلعناا وهذا واحنا فبداية زواجنا وتتصل فزوجي وتسمعه كلام يغث

المهم

اول امس يات من السفر ... تخيلو توني عروس ماصار لي اسبوعين سافرت وخلت علي مسؤولية البيت وحتى مسؤولية ابو زوجي ... وانه كنت جد خايفه ويمكن جفتو موضووعي اول رمضان .. لأني وحده ماعرف شي بالمبطح ولاعمري سويت شي .. وفي رمضان اشتغلت شغل .. وكرفت وطبخت وكانت امي تساعدني ... مره اتيب لي طبخه ومره اروح اتفطر عندها ولازم قبل لاروح اتأكد ابو زوجي عنده اكل لو لا .. وكنت تعبانه حيل .. بسبب الضغط ينزل علي واتم فيني دوخه مب طبيعيه ... وفوق هذي مشاكل الدوره الشهريه والعوار الي يذبحني
ونظفت البيت تقريبا كل يوم والمطبخ غسلته .. يدي الي كانت ناعمه حيل صارت خشنه وجافه

والله اني ماتكلمت ولانطقت بحرف


المهم اول مادخلت البيت سألتني طبختي شي فرمضان ... قلت لها لااا لأنه ماحبيت سؤالها الصراحه .. واهيه شيخصها طبخت لو لا
وقلت لها امي الله يخليها لي اتيب لي الاكل ... الا تقولي جم مره رحتو تفطرتو فبيت ابوج ؟
ريلي نقز وقال لها يمكن اربع مرات ...عاد انه قلت لها الصج ... قلت لها تقريبا كل يومين او يوم وترك وعلى حسب الظروف والايام الي ماروح لها اتيب لي طباخ .. الا قامت تضحك

وبعدين ع العصر الا تمت تقول ليش مانظفتو وليش الزرع هلون ... والبيت وصخ جنه زباله وتمت تهاوش ريلي وطبعا الكلام موجه لي

مع انه البيت نظيف بس مادري شنو تبي توصل !! اليوم الي قبله كانت الدوره توها يايتني وترقدت بالمستشفى وطقوني ابرتين وسيلان وحالتي حاله ولين رجعت البيت قمت انظفه واغسل المواعين وارتب فيه عشانها

قمت انه تضايقت حدي وقلت لزوجي واحنه بالحجره ابي اروح بيت اهلي اقعد معاهم شوي قالي اوكي وطلعنا رحنا كوفي شوب ...قعدنا لي عقب المغرب وتالي وداني بيت ابوي وراح البيت ولين ياني في الليل الا يقولي متهاوش ويا اهله بعد ... تمت تقوله ليش طلعت مرتك .. وليش ماتقعد تستقبل الضيوف الي بيون ...وكل يوم تروح بيت اهلها واهوه عصب وتهاوش معاهم مع اني طول الدرب وانه كنت اوصيه لاتتهاوش معاهم وخل علاقتك حلوه معاهم

وبعدين اليوم الي عقبه ... كان فيه انذار انه لكهربه بتنطفي من الساعه 7 لي الساعه 12 .. عاد انه قلت لريلي بروح بيت ابوي ماتحمل الحر انه ... وقلت له مليون مره .. قلت لاهلك انه الكهربه بتنطفي ... قالي ايه قلت لهم ... قلت فقلبي خلاص عيل بيدبرون روحهم
بعد مو معقوله اروح بيت ابوي واخذ عمتي وعمي معاي واهمه مطلقين ومحد يقعد مع الثاني

المهم ... قمت الصبح الا ريلي يقولي محتاج السياره بدفع التامين ... ماقدر اخليج تاخذينها ... قلت له خلاص باخذها انه وبوصلك شغلك وبروح ادفع التأمين .. وقالي اوكي ... ولين احنه طالعين لا تقول له وين رايح قالها الشغل الا تقوله واهيه تأشر علي وهذي وين بتروح .. قال لها بتروح تدفع التأمين ...

طلعت الساعه 8 وصلته شغله ودفعت التأمين ورحت المستشفى عشان نتايج فحوصات ونقلت فايلي من مستشفى لي الثاني ومتخلصت الا الساعه 11 ...تالي رحت بيت ابوي ورقدت لي الساعه 1 ونص واول ماقعدت الاا اجوفه مطرش لي مسج ... يقولي جان زين مارحتي بيت ابوج ... امي اتصلت وشكلها زعلانه تقول خليتوني بروحي وطلعتو !!@
وكل يوم تروحين بيت ابوج ومن هالكلام حدددددددددددددددي عصبت واتصلت اتهاوش معاه بس وعليه رد علي وتاسف عورني قلبي عليه
وتالي طلعت عشان ايبه من الشغل واحنا بالطريج يقولي اول ماتوصلين البيت سوي قهوه وشاهي .. انه تنرفزت لانه قلت اكيد امه قايله له ... وقلت له من عندك هالكلام قال ايه تفاجئت اخر الليل انه اهيه الي قالت

المهم بنفس اليوم في الليل .. كنت زعلانه من زوجي على شي ثاني تماما ... واهوه زعل بعد وصار وقت صلاة لاعشى وطلع يصلي ولين رجع دخل الغرفه كنت ابي اراضيه ... الا ولد اخته الصغير كل دقيقه يبطل الباب بالقوه مره وحده ... المهم قمنا قفلنا الباب عشان اعرف اراضيه عدل ... المهم الا يات امه وتطق الباب بالقوه وتنادي بصوت عالي باسم زوجي .. طلع زوجي لها
الا تهاوشه ليش قافلين الباب وليش ماتقعدون معانا وليش تطرد ولد اختك هذي عدوك ومادري ايش .. المهم طلعت وقعدت معاهم برا وسألها شنو تبين عشى قالت له اي شي سم هاري عادي واهيه تصارخ

بعد ماطلب وخلص ... ويا العشى ... وراح زوجي يودي الاكل لأبوه ... قلت لها خاطري فعصير عنب بدال البيبسي ... بطلب لي عصير عنب ... تبين شي ... الا تقولي بعد عصير ... اهوه بروحه يشتكي انه ماعنده بيزات وانه معاشه خلص ... والله انسدت نفسي ... ولاطلبت لي عصير وحتى اكل كنت ماباكل بس قلت بعدي عن المشاكل

بعدين تمينا نسولف معاها لي الساعه 11 ودخلت الحجره اتسبح ... لين طلعت من الحمام حصلت ريلي قاعد في الحجره ... رحت قلت له عمري ابي اطلع بشقه بروحي ... الا قام يقولي ليش وامي شسوت الحين ... قمت قلت له سالفة العصير ... عاد اهوه عصب وطلع لها بنفس الوقت ... قلت له يافلان موب حلوه الحين في الليل خلها لي باجر .. بس مارضى

وتهاوش معاها واهيه انكرت كل شي ... وتمت تقول له اذا بتطلع بشقه انه بطلع بشقه وتدفع لي مصروف 200 دينار ومادري شنو ... وتمت تصيح وتقولي انتي خربتيه وانتي من تحت لي تحت .. وقطت علي كلام مثل السم وانه ساكته

وتقول ربيتك وكبرتك والحين تنكرت لي وتبعت زوجك وقالت له انت مو ريال وانه وحده موسنعه ولاسوي شي ... قهرتني بكلامها وااايد

وريلي يقولها اصلا مصيرنا نطلع .. مردنا بنيب اعيال ومابتكفينا حجره وحمام بس ... الا تقول له وانه تنساني وتخليني اهنيه بروحي ... قال لها ريلي عقب الشغل مباشره راح اييج واتغدى معاج وبعد المغرب اروح لمرتي واهيه تصيح ومدري شنو

امس بغيت اموووت من القهرررررمنها ومن كلامها ..قمت دخلت غرفتي عشان ماانجلط وانه اسمع .... وقام اوه دخل وراي مباشره ... قمت قلت له رووح طيب خاطرها ماينفع تخليها واهيه زعلانه جذيه ... راح لها سمعته كلام رجع واهوه مقهوور يقولي كل منج

وبعدين خفت انه الي اسويه غلط ؟؟ مع انه هالشي من حقي واهيه الي تغلط علي وانه اسكت .. مو غلط اطلب اروح اعيش بعيد عن المشاكل

قمت رحت قلت له ... روح بوسها على راسها واستسمح منها وقول لها خلاص ما بنطلع بشقه .. في البدايه مارضى ... بس مع حنتي وكنت قاعده اصيح لأنه قلبي كان يعورني بقووه ... طلعنا انه واهوه وقعدنا معاها ... وسمعتنا كلاااام وربي انقهرت ... تقول اني اتكلم عنها من وراها وانه عمري مايبت طاريها بالشر جدام ريلي ... وريلي قال لها هالكلام واهيه مصره .. كلام واايد لدرجة الحين ماتذكره ... تمينا قاعدين لي الساعه 2 الصبح .. ورحت دلت غرفتي ابي انام .... وريلي يسألني فيج شي ... اقوله لااا بس ابي ارقد ... واهوه حاس فيني اني مخنوقه حيل ... وكانت الدموع تطلع بروحها ....

واليوم الصبح لاكلمتها ولا كلمه ولاحتى تريقت ... نطرت لي حجزة الغدا وقلت له ايب لي كنتاكي لأني ماحب العيش .... واهيه كلت عيش ويا بنتها واهوه

الا ولد بنتها يبي شبس ... قمت خذت شوية شبس وعطيته وتم يقول يبي كتشاب ... قامت وطقته طق وعصبت عليه عدل ... والله وقف الاكل فبلعومي ماقدرت ابلعه

وقمت رحت يبت له كتشاب ورحت حجرتي

وهذي كل الي صااار من اليوم الي يات فيه الي هاليوم


بنات قولو لي انه غبيه اني كنسلت انه نطلع بشقه برا ؟؟؟
تصرفي صح لو غلط ؟؟؟

انه سويت لها شي غلط ؟؟؟؟

يمكن ماقدر احاسب نفسي بس انتو يمكن توجهوني صح

احس روحي مخنوقه في بيتها ... ماودي اطبه ابي اقعد فبيت ابوي طووول وقتي ​

 

[لجين عمر]

بصراحه انتي عداكي العيب ماسويتي شي غلط بس لاتتنازلي عن البيت وارجعي كلمي زوجك وان شاء الله تطلعين بيت بروحك بس حتى لو طلعتي لازم ما تخلينها وماتزورينها حاولي بين فتره وفتره تطلين عليها انتي وريلج عشان ما تكوني قاطعه رحم والله يوفقك يارب دعواااتك ليا اني اولد بلسلامه

 

[سكون النجوم]

ايه عليج

المشكله امس وعدته اني اتحمل واصبر .. ان شاء الله لو حملت ويبت اول ياهل لي ... برد اكرر طلبي اني اطلع بشقه بروحي

بس اخاف قلبي يعورني ويأنبني ظميري مثل امس

الله يسهل عليج وتقومين بالسلامه يارب

مشكوره على الرد

 

[نحمدة ونشكره]

بالعكس هاي من البدايه هيك بتعمل بعد شهرين لو سنتين شو بتعمل حبيبتي هيه مراح تسكت والمشاكل راح تزيد انتي لا تتنازلين عن سالفه البيت بروحك لانه ان تنازلتي مرة انتهى موضوعك ويتعلمون عليكي تتنازلين وشو يعني اذا صاحت وناحت خليها هيه ماعندها اخلاق وتدور مشاكل ومبين انها ماتريدك من اول وماتحبك ابعدي عنها واطلعي في بيت بروجك لانه زوجك اذا طفش من هالحاله بقوم بعد مايدحل البيت وانتي الي تضيعين فيها

 

[سكون النجوم]

نحمده ونشكره ... ياعمري يعورني قلبي عليها ... اذا افكر انه امي تكون فمكانها اتمنى مرت اخوي تسوي هلون ... مع انه امي مستيل تسوي مثلها نهائياا بالعكس امي قالت لاخوي روح عيش بروحك عشان راحتك وراحت مرتك ... وتدلع ازواج بناتها وزوجت ولدها ... وتحبهم مووت

انه حدي مقهووره

واختي تقولي انتي غبييييييه وهبله وانقهرت مني وتقولي لاتشتكين لي مره ثانيه

 

[رازيا]

ام زوجك محتاجة وحدة شاطرة وعندها خبرة وسياسة وكيد علشان تفهم عليها وتعرف تتعامل معها مزبوط
انصحك زيدي من القراءة عن كيفية التعامل مع ام الزوج وحاولي اكسبيها لصفك
وانصحك بهذه النصائح
الأمر الأول: إما أن تكسبي ودها وتكسبي بإذن الله عز وجل محبتها، وإما على أقل التقدير أن تكفي ضرها عنك أو على أقل منه أن تخففي من ذلك، فاعرفي هذا فإنه يصلح شأنك إصلاحاً عظيماً، وهذا الأمر مأخوذٌ من هدي كتاب الله، قال تعالى: {وَيَدْرَؤُونَ بِالْحَسَنَةِ السَّيِّئَةَ أُولَئِكَ لَهُمْ عُقْبَى الدَّارِ} وقال تعالى: {ادْفَعْ بِالَّتِي هِيَ أَحْسَنُ السَّيِّئَةَ نَحْنُ أَعْلَمُ بِمَا يَصِفُونَ} وقال تعالى: {ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} ومن ذلك كسب قلبها بنوع من الهدايا فحرضي زوجك على أن يعطي والدته شيئاً من المال، وأن يعطيها كذلك بعض الهدايا ولتكن باسمك أنت تحملينها إليها، فبهذا تنالين الخير الكثير بإذن الله؛ لأن أصل المشكلة إنما نتجت من هذا ومن شعورها بأنها لا تُعامل كما ينبغي أن تعامل الأم من جهة العطايا ومن جهة البر ومن الناحية المادية ونحو ذلك.
وبالنسبة للاهانات التي تعرضتي لها من ام زوجك فهذه يا أختي احتسبيها عند ربك جل وعلا، وابدئي معها هذا الأسلوب، وجربي معها ذلك بهدوء ولطف واصبري حتى تجدي الثمرة بإذن الله عز وجل، وأنت الرابحة في جميع الأحوال؛ لأن الدرجات التي يمكن أن تحصليها في هذا، فأعلاها رضا الله ثم بعد ذلك كسب مودتها وقلبها، أو على أقل تقدير دفع ضرها عنك بالإحسان، أو على أقل منه عدم تفاقم الشقاق بينكم، وهذا يجمع قلب زوجك وانصحك اخيرا بالصبر والدعاء الدعاء الدعاء

 

[رازيا]

رجعت قرات مشكلتك ما راح تصدقين انه كل اللي تعملوه فيكي حماتك كله من الغيرة مثل ما وصيتك
اكسبيها لصفك بالكلمة الطيبة والهدية واعملي لها طبخة حلوة واجلسي كلي معاها صدقيني انها مسكينة والله اني شفقت عليها مو بيدها كله من الغيرة راح انزل لك قصة من ايميلي

من ايميلي

السلام عليكم ورحمة الله وبركاته

حبيباتي الغاليات....بنقلكم قصه واقعيه.......ان شاء الله كل واحده عندها مشكله مع حماتها....تقتنع من القصه....وتحاول تصبر...وكل واحده عايشه لوحدها....تحمد ربنا......
اخليكم مع القصه....

ام زوجى تنام معى بغرفتى.. لكل من تشتكي من ام زوجها
انني اكتب هذا الموضوع لاقنع كل زوجه متضايقه من ام زوجها

اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام
اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم
المهم كانت ام زوجي حرمه متسلطه سليطه لسان يكرهها الجميع من اخوات زوجها وجيرانها واقاربها
لان لسانها متبري منها عندما تزوجت تعلقت بزوجي كاي زوجه تحب زوجها000ولكن الحب يحتاج
الى تضحيات واولها المواجه مع ام زوجي00 وكان الكل يحذرني منها00ولكنني قررت ان اكسب
المعركه لصالحي في البدايه اود ان اوضح ماهو اكثر شئ اعانني على المواجهه
( بعد اعانه الله سبحانه وتعالى )
(((( كنت دائما اضع ببالي لو انها كانت امي فماالذي سوف افعله بهذا الموقف )))))
الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى
كانت تحرص ان تدخل غرفتي بدون اذن وتاخذ بعض اغراضي وتستخدمه امامي لكي تغيضني وتجبرني
على الكلام (ولكن اتخيلها امي)واصمت كنت احرص ان لا اقفل الغرفه اذا كنت نائمه وزوجي غير
موجود لانها تحب ان تفتح الباب بين فتره والثانيه(ولكن اتخيلها امي تود الاطمئنان علي)واصمت
كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط
كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا
وبعدين البس داخل الحمام(ولكن اتخيلها امي استحي اقولها اطلعي برى) المفروض هي تستحي

كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط
بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00
والبيت فيه خمس مكيفات مااختارت الا غرفتي(ولكن اتخيلها امي)واصمت
كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي
ويشهد الله اني كنت اساعدها بعمليه التفتيش (لاني اتخيلها امي)واصمت
كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها
غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا
الصبر الطويل اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل
مالح ومره باهت مره الرز لين ومره تبغاه نثري0مره تقول البهارات تسبب لي حرقان ومره الاكل
ماصخ مافيه بهارات وطبعا في كل مره اطبخ له طبخه من جديد حسب المواصفات المطلوبه(وطبعا
اتخيلها امي)ومشتهيه تاكل هالطبخه
لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله
لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها
الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه
لمعه الجسم وطبعا لما جاني عيال ياسلام بدات تلقى اثاره اكثر 00عيالكم سوو وعيالكم فعلو
00بذكر لكم موقف واحد 00
مره ولدي كب بيبسي على الموكيت حق غرفتها قالت انا حلفت ان البيبسي ماينمسح ولازم يتغير
الموكيت كله(طبعا تبغى تنرفزني وتشوف رده فعلي) المهم ولدها عيا قال هذا جبروت مهو طلب معقول 00ورحت وغيرت موكيت الغرفه على حسابي الخاص

المهم يااخوات ان هالمعارك دامت تقريبا خمس سنوات ( داحس والغبراء )
وبعدها اعلنت ام زوجي استسلمها
وصارت تفضلني على زوجات اولادها السته وصارت كل ماشافت شي جديد عند زوجات عيالها
او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ رايي
وصارت تدعي لكل عجوز تشوفها ان الله يرزقها بحرمه ولد مثلي
طبعا كل الناس مستغربين بما فيهم زوجي واخوانه شلون قدرت اكسب ام زوجي
واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي
(طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي
هي تبغاه)كان مايدري الا بالمشكله الي يشوفها بعينه
والله اني اكتب قصتي مع ام زوجي لكي تستفيد منها كل عروس توها باول المشوار
وماهي عارفه كيف تتصرف مع ام زوجها

من ايميلي

 

[سكون النجوم]

اخت رازياا

ترا ولدها يعطيها 150 دينار شهريااا واحنه عايشين معاها بنفس البيت ... وماتكلمت ولاقلت شي ومعاشه يادوب بس 400 دينار والحمدالله الحين بعد الزياده تيسرت امورنا

يوديها يشتري لها وانه ماتكلم ... كل جمعه يطلعها ويوديها مطعم او المكان الي تبيه بس بعد مايرضيها هالشي

.
.

الحين انه حابسه روحي في حجرتي ماودي اطلع احس روحي مخنوقه ... واهوه يقولي طلعي قعدي معانا ... ويقولي ماكلمتي امي اليوم ..فيه شي فقلبج .... يقهرررررررررررررني

يعني شنو انه ... على الاقل يخليني براحتي ... مابي اشوف ويها من عقب كلامها امس والحين يبني اتصرف عادي ...

والله ابي اروح لأمي واحضنها

 

[رازيا]

اخت رازياا

ترا ولدها يعطيها 150 دينار شهريااا واحنه عايشين معاها بنفس البيت ... وماتكلمت ولاقلت شي ومعاشه يادوب بس 400 دينار والحمدالله الحين بعد الزياده تيسرت امورنا

يوديها يشتري لها وانه ماتكلم ... كل جمعه يطلعها ويوديها مطعم او المكان الي تبيه بس بعد مايرضيها هالشي

.
.

الحين انه حابسه روحي في حجرتي ماودي اطلع احس روحي مخنوقه ... واهوه يقولي طلعي قعدي معانا ... ويقولي ماكلمتي امي اليوم ..فيه شي فقلبج .... يقهرررررررررررررني

يعني شنو انه ... على الاقل يخليني براحتي ... مابي اشوف ويها من عقب كلامها امس والحين يبني اتصرف عادي ...

والله ابي اروح لأمي واحضنها

الله يهديك ويصلح حالك ما بدي تغلطي غلطاتي مع ام زوجي الله يرحمها اول زواجي بسبب جهلي وقلة خبرتي في الحياة
انصحك نصيحة اذا حابة يكون زوجك خاتم في يدك حبي امه وعامليها معاملة حسنة وانت الكسبانة في الحالتين مثل ما قلت لك سابقا رضاء الله واتقاء شرها ورضى زوجك
انت بس اسمعي مني ولا تكرري غلطاتي
كان زوجي يحكي لي اذا بدك تكسبيني حبي امي وعامليها مثل امك ولا تزعليها نهائيا ولكن بسبب جهلي وقلة خبرتي كنت دائما ازعلها مني الله يهديني وبسبب فترة الحمل والولادة
انصحك نصيحة اطلعي الحين روحي خذي شاور وحطي ميك اب وعطر واطلعي اعملي قهوة وشاي وروحي اجلسي معها مو علشانها علشان الله وعلشان زوجك حتى لو كانت سيئة معك انا عارفة والله حاسة فيك انك مجلوطة ومقهورة من تصرفاتها والله عارفة معليش حبيبتي احنا اللي بنعلم الناس الذوق وحسن المعاشرة تحمليها واعتبريها امك روحي ابتسمي في وجها واعملي لها شاي وقهوة واجلسي سلمي عليها وقلبي في قنوات التلفزيون وافتحي اي موضوع معها وتناقشي معها

 

[غريبة في بلادي]

بصراحة ومن غير زعل

اللي انتي تسوينه معاه فيه شئ من الغلط

احنا بمجتمعنا اللي انتي تسوينه لو باسويه مع ام زوجي معناته انا وحدة ما اعرف الادب ولا احشم الكبير

وروحتي لبيت اهلي تكون بالاسبوع مره وحدة بس

عندنا ام الزوج لها الاحترام لما تكون ام زوجي بالبيت ما اطلع اي عزيمة من غير ما تكون معي ولا اصحى الصبح من غير ما اجهز لها القهوة والشاهي والفطور واجلس معاه واسولف عليها

وحتى بالعزائم اذا كانت هي ما ودها تروح انا اعتذر ولا ازعل ولا شئ

ومو عشانها ام زوج لا عشانها بعد حرمة كبيرة والشرع وصانا انه نحترم الكبير ونقدره

واللي تسوينه بانك تبلغين زوجك عشان عصير وعشان ردودها خطأ واكبر خطأ

هذي أمه اللي تعبت عليه ومستحيل يجي بهالدنيا احد يحبه ويخاف عليه ويضحي بعمره مثلها

فنصيحة لاتحطين راسك براس امه وتعاملي معاها بالحسنى

وموبلازم تسالينه من قالك سو كذا

والفلوس اللي يعطيها اياها الله يكثر خيره هذي امه اللي يعطيها ماراح ينقص من عمره شئ هي اعطته عمرها وصحتها وشبابها ومن غير مقابل

واللي فهمته من كلامك انها ماعندها الا هالولد فلاتحرمينه منها عشان لا الدنيا بكرة تدور فيك وتصيرين مكانها

صادقيها وخليك اكثر من بنتها باحترامك لها وعطفك عليها

ووين المشكلة اذا انتي تطبخين وتنظفين
عادي احتسبي الاجر وقومي بهالشياب وربي يوفقك بدعواتهم

لاتحرضين زوجك على امه ولما تستوي مشكلة بينهم تروحين تعتذرين اقصري الشر ولا عمرك تجيبين له سيرة امه الا بالزين ودائما ادعي لها

وربي يوفقك وييسر امرك

 

[رازيا]

وبعدين انتبهت انه كل شوي وانت ناطه على بيت ابوكي
عزيزتي انت امراة متزوجة الحين يعني مسؤولة ما يصير
كل شوي وكل ما تضايقتي روحتي بيت ابوكي الله يرضى عليك
اعقلي واثقلي
اعملي نظام وجدول لحياتك بيت ابوكي مرة بالاسبوع وممكن يوميا
تتكلمي مع املك بالتلفون مو مشكلة
ولما تروحي عندهم زوريهم ساعتين وارجعي على طول بيتك
الزوجة العاقلة اهم شي عندها بيتها وزوجها

 

[حلااميرة الزوق]

حبيبتى انتبهى لتصرفاتك واحزرى من الشكوى لزوجك واعرفى ان اى رجل فى العالم لايغير امة باى امراةلوارتى حياة مستغرة وحب ابدى عامليها وتحمليها تعلمى من الخبيرات وتعلمى من الكبار الواعين لاتشكى لاهلك اياك لاتخربى على نفسك وتخربى بيتك صدقينى هناك من كانت مدللة فى بيت اهلة خدم وحشم وفى بيت زوجها باتت مثل سندريلا والحين بالصبر صارن كملكات احترام وحب حبيبتى المعاملة الطيبة تلين الحجارة قولى لها ياوالدة قولى لها لبى امى صدقينى

 

[سكون النجوم]

اخت رازيا ... بيت ابوي يفرق عن بيت زوجي عشر دقايق بس

والاهم من ذيه اهيه ماالها خص ... اذا زوجي راضي ومرتاح اهيه شكو تتدخل

لو زوجي اهوه الي مارضى وتضايق بنقول ايه اهم ماعلى المره بيتها

 

[رندا كووول]

مع رازيا ..اكسبي ام زوجك ف صفك واعتبريها امك وسولفي واضحكي معاها ..واحساسها بالوحده هو اللي يخليها تدخل بينكم..
ولا تعانديها اي شيئ تطلبه قولي ابشري ياخالتي وانا كم خاله عندي والله راح تستحي من طيبتك وتكسبي حبها وحب زوجك وانتي وشطارتك..
واحتسبي الاجر ف معاملتك معاها والله يوفقك .

 

[الجرح نازف]

اطلعى من البيت فى بيت قريب وخلى ولدها يزورها كل يوم وانتى مرة فى الاسبوع
مو مجبورة تتحملى احد على حساب نفسك هى ليه ما تتحملك على حساب نفسها شوفى راحتك وين وسويها والبيت المستقل شى اساسى للى متزوجين واستغرب من الى تسكن فى بيت اهل زوجها
وامه ماراح يعقها ولدها بالعكس بيزورها كل يوم

 

[سكون النجوم]

اختي غربيه في بلادي

انه كلش مايبت طاريها بالسؤ وكل ماذكرها امدحها

والاهم ... احنه في البحرين ... الزوجه تطلع تروح تخلص امورها وموشرط ام زوج اتيي معاها

 

[تفاحة الحلوة]

السلام عليكم ورحمة الله وبركاته

اول شي الله يخليكم لبعض انتي وريلج وثاني شي انا مع الاخت رازيا كلامها كفى ووفى

انا اعرف انه الحماه تغث وايد واشوف اختي وربيعتي دوم يشكوون بس انا اشوف انه اللي سويتيه صح وما غلطتي بشي بس عندي راي صغير يمكن يحسسها بالذنب صوبكم وهو انج دوم خلج مبتسمه في وييها كلش لا تكشرين حتى لو قطت عليج كلام يعور الراس جنج ما سمعتيها واذا قالت لج شي يضايقج سكتي وطنشي وابتسمي وصدقيني بروحها بتمل مع الايام وبتحس بقيمتج بس لانج توج عروس لازم شوي هالتصرفات بس عقب صدقيني بتنشغل عنكم وان شاء الله تطلعين بروحج وترتاحين بعد الله يهديها ان شاء الله

 

[مجنونه زعلاته]

اللي انتي تسوينه مع ام زوجك عيب وحرام وكبيره في حق اهلك لانهم ربوك <<<


وتوك متزوجه وكل اشوي ناطه عند اهلك ماخليتي شي لبعدين !!!
وعشان الحر كمان بتروحين عند اهلك (( انانيه ))

الوحده لاتزوجت تنسى اهلها بمعنى انه خلاص مالك الا زوجك واهله وين ماراحوا تروحين وين ماقعدوا تقعدين تمشين على مودهم وكمان عايشه معاهم مجبوره انك تمشين على نظامهم (( اهلك خلاص زيارات محدوده جدا )) الحين تهتمين في زوجك وتشوفين حياتك وتتقربين من ام زوجك وتكسبينها في صفك بكره ماتدرين عن الايام .... حتى لو زوجك معاك الحين بس عشانكم عرسان والا استني شهرين ثلاثه وشوفي كيف ماحتمشينه على كيفك (( كل ماسوت امه شي رحتي زعلتي ولا بعد شكيتي وبعد رحتي بيت اهلك )) لا انتي يبغالك تثقيف مكثثف اخطآآآآآآآآآءك كثيره لاتزعلين ........ بس انتي سألتي وانا جاوبتك ...




وبما انكم مع بعض المفروض لمن تصحين سوي فطور وف العصر سوي قهوه والا سوي الغدا وال فاجئيهم بطبخك (( ماتعرفين تطبخين الين متى مابتعرفين ليش اتزوجتي الزواج لعبه والا مسؤؤؤؤليه ... خلاص هذي مسؤوليه واتحمليها انتي الان عايشه مع اهل زوجك والمسؤليه انك تسوين غدا والا عشا كل يوم وتسوين قهوه وشاهي كل يوم وتدارين عمتك انتي منتي بضيفه انتي زوجة ولدهم وتجلسين معاهم واذا بغيتي تطلعين على الاقل سلمي عليهم وقولي بنطلع اشوي وراجعين ومافيها شي اذا مره بالاسبوع اخذتم امه وتمشيتم ترا حرام اللي قاعده اتسوينه /// تبغين الحق امه ماغلطت في شي وانتي الغلطانه وذنب زوجك في رقبتك لانه كل اشوي تقوليله روح اطلع كلمها روح روح وكل اشوي تشكيله وتبينيله انك متضايقه وحركات مالها داعي يعني انا زعلانه حرام علييك ماحتلاقين التوفيق وانتي تشوفين زوجك وامه يتصايحون يمين الله لو حسيت في مره انه زوجي عاصي لامه والا ابوه اني مااكلمه بالمره الين يعتذر وترضى عليه ....))





وبعدين اذا عندهم عزيمه بالبيت خطأ تروحين لبيت اهلك وعيب اصلا المفروض اول ماتعرفين تقومين تشوفين البيت او تسوين حلا او جهزي القهوه والشاهي او بخري البيت وقلي لأم زوجك تبغين شي اسوي شي آمري اساعدك بشي انظف المجلس والا نظيف زي كذا مو تروحين بيت اهلك والا تقعدين ( حطي في بالك انا ابغى الاجر و التوفيق ورضا امه علي والله لتفتحلك ابواب التوفيق حتى هي تصير تدعيلك وتحبك وتهاديك وتبغى تريحك لو بغيتي تسوين شي تقلك لا ارتاحي ...




وحركة انك قلتي لزوجك عشان العصير وكلامها وتصرفاتها معاك فأنتي أكبر غلط مو تصرفاتك غلط لا انتي الغلط
من جدك ! ماعندك عقل لهدرجه! مااختلطي بناس ماتشوفين امك اخواتك صديقاتك ...........


وماشاءالله رحتي تسالين زوجك من قالك اسوي قهوه وشاهي !!!!!!!!!!!

لا انتي مستحيله ... احس يبغالك علقه عشان تفوقين ............

​

الله يهديك ويصلحك . لاتزعلين بس انتي زوجه لازم تنتبهين لتصرفاتك لانها تعكس تربيتك وصورة اهلك .​

 

[اغادير-]

فيه بعض امهات الازواج يجيبون الغصه في الحياة الزوجيه.الله يهدي الجميع.

 

[جواني 2]

حبيبتي روحي بيت لوحدك بس كل مره زوريها
معاك قهوتك وحلاك ولاتبخلين عليها بالهدايا
والرسول عليه الصلاه والسلام قال
تهادوا تحابوا