شوفو المصيبه اللي صارت لي يوم ملكتي

  • بادئ الموضوع بادئ الموضوع رُسل!
  • تاريخ البدء تاريخ البدء
الحالة
مغلق و غير مفتوح للمزيد من الردود.
يا قلبي عليج بس صدقيني انه يستحي لان لو هوو ما يبغيج
ما بيقبل ان يظلمج بس هذا لان مستحي
بس مع الايام صدقيني بيتغير كل الرياييل جي انا ريلي تخيلي يوم دخل بالملجه سلم علي وتم
ساااكت بس عقب ما كلمنا بعض بالفون زادت علاقتنا والله والحمدلله احين وايد مرتاحين مع بعض
فديتج لا تفكرين عادي الموضوع

والف الف الف مبرووك وعقبال العرس يارب
 
عاااااااااااااااااااادي ياقلبي اكيييد مستحي ..

انا اخوي الله يوفقه ايام ملكته كان يستحي حتى يكلمها موبايل ..

ويوم تجرأ وكلمها صارت هي اللي تحكي وهو من الخجل ما قدر يركب كلمتين ع بعض ..

والحمد لله متزوج الحين وشايلها من ع الارض الله يسعدهم ..

ولا يهمك بس اهم شي اذا كان خجول صيري اكثر خجل منه يعني لا تقولين اجرأه ولا تخربين

ايام الملكه بانو ما يحبني ومدري ايه ..

الله يتمم لك ع خير ويسعدك وياه وتغيرين نظرتك فيه ..
 
اقتباس:
الكاتب : مودّه
...
ياهبلا ايشبك مره مستعجله
اول شي بسألك انتو تزوجتو عن حب ؟
ولا عادي امور رسميه ؟
اول شي وهو الاكيد : الادمي مستحي
وبعدين ايشبك كلكم متجمعين حولو وكلهم بنات
يعني بالعقل كيف بيضحك معاكي ومدري ايش ؟
شي طبيعي بيكون قاعد ع قلبو
وبعدينه اصبري شويا شويا راح يطلب رقمك
وراح تتكلمو وكل حاجه ان شالله
انتي اصبري لا تزعلي نفسك خلاص بلا هبل زايد
والله مره شي عادي و طبيعي

:icon30::icon30::icon30::icon30::icon30::icon30::i con30:





ودي اقول عساكم بحـــــــــالي من هالكلام بس قلبي مو راضي ع هالدعوهـ
اقولكم ما انزف عند الحريم ...؟ ماتفهمون...
هذي غلطة اللي يفتح قلبه لناس مايعرفهم
حسبي الله ونعم الوكيل
 
نفيلة قال:
و الله يحتاج لك تاخذي لفة في قسم الاستشارات علشان تعرفي ايش هي المشاكل الحقيقة
المشكلة مش في بعده المشكلة في الدعوة الجميله الي تلقاها منك اول يوم يعلن موافقته على ربط حياته بحياتك
بداية ما ادري ايش اقول عنها
اما الصديقات المرتزات و الله له حق الرجال يبعد الا يطير متفاجئ حسب عمره تزوج وحدة لقى اكثر من وحدة تبحلق فيه
اختي اتصلي في زوجك و قولي له امس كنت متوترة كثير و احس طلع كلام مني من دون ما اكون قاصدة او مستوعبة فاريدك لو ازعجتك باي كلمة امس تسامحني غصب عني
و قومي صلي لك ركعتين و تعوذي من الشيطان
و صديقاتك لا تعزميهم للعرس
و الزواج مش منظرة اختي الزواج حياة فلا تستهيني و نصيحة
لا تتكلمي قبل ما تفكري في الي بتقوليه لانك ممكن تحطي نفسك في موقف بايخ بسبب كلمة غير مدروسة
ربي يهديك
أنقر للتوسيع...


لا حول ولاقوة الا بالله
قلت لكم ما أنزف عند الحريم هذا بس عندي وماكان فيه غيرنـا
والدعوه يوم قلتها مو من قلبي من القهر بلاك مو مجربه..وماقللته عنده
 
قطـــــريه قال:
اختي الله يهديج انتي في يوم الملجة ومعصبة وتتحندين ومعصبة وتصارخين تنادين امج وتعصبين عالمصورة ؟؟ الله يهديج بكل بساطة كنتي تقدرين تطلبين من المصورة تقوله يقرب عشان الصور وكل شوي تطلب منه تسوون حركات وكذا انتهينا .. لن ماشاء الله عليج متخيلة اشياء رومانسية و و و و .. مب شرط اختي لا يكون تفكيرج سطحي كذا .. وبعدين منهم هذولا ربعج الي تفكرين فيهم ؟؟ وخير خلهم يشوفون .. وبعدين مو لازم يسلم عليج الريال ماهو قانون انه يسلم والريال قالولج انه ينحرج ويستحي تلومينه !!!! انا لو مكانه ما رضيت ادخل القاعة ..
أنقر للتوسيع...



ما أنزف معاي ياعالم ما أنزف
استغفر الله العظيم
 
انا يوم ملكتي زوجي دخل عليه وانا وهو بروحنا وربي
جالس بعيد عني يمكن شبر وتخيلي ولا تكلم ولا كلمه .. بس
لما اخوي دخل بعدها قاله وش فيك قاعد بعييد عن زوجتك مابتاكلك لوولز
قرب ومسك ايدي وانا ارتجف وشوي راح يغمى عليي وهو على طول فك ايدي
تقول ماسكته كهربه لوولز

يعني الرجال في هالوقت يكون جد مرتبك ومايعرف وش يسوي
ويخجل لو سوا شي انتي تضايقي .. حتى انا سالت زوجي بعد
كذا ليه ماقربت مني قال لان خفت انك تضايقي وماحبيت احرجك

وانتي لاتكوني عصبيه خلج ريلاكس كلميه وشوفي وش قصده
ومب من اولها تقولين كرهت العرس
 
قصدي متر مو شبر ^_^
<-- مشكله ماكو تعديل مشاركات بالمنتدى
 
ااستغفري ربك لا ماصيبه ولا شي المصيبه اكبر من كذاا
اقول احمدي ررربك
 
ما اشوف ان هناك مشكله
كثير بنات ينزفون بدون ازواجهم ومبسوطين
والموقف عادي اكيد مستحي تخيلي قاعه كلهم حريم وش تبينه يسوي
الله يهديك ويشرح صدرك
 
الله يستر عليك من عيون الناس حصني نفسك اختي ولا تحرصين ان زوجك ينزف يوم الزواج وماعليش انا احس انه مستحي وهذا شي طبيعي الله يوفقك ومبروك الملكه
 
حبيبتي بس عفوا انتو طبعكم غريب
ايش معنى يدخل عليكي قدام الناس وانتي عالكوشه
اللي اعرفه انه يدخل عليكي بالغرفه
وبعدين اذا بتنزفوا كيفكم
وصاحباتك انهم بس يراقبون الوضع لانهم قليلات ادب
ومشفوحات على الرجال اللهم ياكافي جالسين عندك بالكوشه
 
الحين مسويه كل هذا بس عشان ماسلم عليك وقعد بعيد بتكلم معك بصراحه ولاتزعلين انت انسانه غيوره تبين تقهرين الناس انه انهبل فيك ومو مصدق انه تزوجك وانقهرتي من سكوته مع ان سكوته طبيعي الموقف جديد عليه ثانيا زعلتي من صاحباتك مع انه بالامكان انك تقولين لهم نزلوا بس لما شفتيه ماتكلم ومااشبع غرورك عندهم قلبتي عليهم وبعدين من اولها تدعين عليه في الملكه وقدام اخته وتنكدين على امك صدقيني الحياه مش كذا ولابد انك تكبرين عقلك
 
اول شي مبروك الملجة حبوبه

وحصني نفسج وان شاء الله كل امورج راح تكون تمام

يمكن هو يستحي من هالناس اللي حواليكم وشوي شوي راح يتجرآ

وكلي كل امورج لرب الكون حبوبة
 
حبيبتي الامور ماتنأخذ كذا زوجك طبيعي جدا من ناحية انه مايخبرك انه عجبتيه بس مع الايام راح يقولك كلمات الحب والرومانسية لا تستعجلين عليه وبعدين كيف تبينه يكلمج وكل العيون عليه
وعندي نصيحة اشتغلي على نفسج قبل الزواج يعني بطلي هالعصبية وتعلمي كيف تكونين صبوره وتمسكين لسانج ولا راح تندمين بعد الزواج
والله يسعدج ويتمم زواجج
 
ياحبيبتي الاخ خجووووووووووووول ليش تبكي عادي مو كل الرجال جرئين احمدي ربك وادعي انه يسخره لك لاتندمي من البداية الله يوقفك
 
أنا أشوف موقفه عادي ويصير كثير من العرسان
الكثير ماعنده خبره كيف يتصرف في الكوشه ولا عمره شاف عرسان على الكوشه عشان يتعلم
قالو له أدخل دخل وجلس فقط
والله الموقف عااااادي وبالعكس مو حلو العريس لو يكون حركاته وكلامه كثير في الكوشه كأنه يبي يستعرض نفسه قدام الخلق
بس حرام عليك تدعي عليه عشان ها السبب
 
حبيبتي أنتي شكلك حساسه بزياده تخيلي معي زوجك أول مره يشوفك ويكلمك وش تبينه يقول

ياعمري وياحياتي ويبوسك وإلا يمسك يديك ؟؟؟!!! وفوق كذا الزحمه ووجود صديقاتك خلته

يختب ويرتبك وأنا صار معي بزواجي نفس الموقف دخل علي والغرفه كانت مليانه والرجال

إنهبل من هالعالم يقول ماتوقعت كل هالناس فيه وفعلآ ماله داعي أحد يدخل آصلآ بس تعرفين

الخبه والحوسه خاصه إذا صرتي الكبيره أو مالك خوات ..

بعدين ليش تقولين أحلى ليله فيه ليلة الزواج وشهر العسل والله يتمم عليك وتعيشين بعسل

طول عمرك ومبروووك الملكه وعقبال كل البنوتات :icon26:
​
 
مصيبة؟؟؟؟؟؟؟
والله اذا هذي مصيبة فأنتي بنعيم لا اله الا الله...
ياحبيبتي الحياة الزوجية يبغى لها صبر وتحمل وقلب قوي مايعرف الجزع مثل ماراح تفرحين بتحزنين والحياة بتمشي.........
فيه بيوت كثير فيها بلاوي وخيانات والزوجات متحملات لا يدعون على انفسهم ولا على ازواجهم ...
مشكلتك متوقعة انبهار زوجك فيك وردة فعله العكسية سببت لك صدمة...
حبيبتي فيه عندي ملاحظة مو معناته مااعجبك موقف او رد فعل انسان تقلبين الموضوع مثل ماشفت ردة فعلك من البنات الي داخلين ينصحونك شوي وبتكملين سلسلة الدعاوي عليهم وتتحلطمين انك فتحتي قلبك لناس ماتعرفينهم ...من المفروض انك تشكرين اي شخص قدم لك نصيحة حتى لو مااعجبتك..
على العموم الف مبروك وعساها آخر المصـائب الزوجية
 
اولا مبروك علا الملكه 000000ثانيا ليه مسالتيه وشفيه وش اللي حصل
:icon31::santa_1::essen:
بعدين وهو الاهم مفروض مادخل عند الحريم
الله يهدي سرك ويسخر زوجك لكا​
 
الحمدلله والشكر اسمحيلي اقولك انك ماعندك سالفة ؟؟؟ شي طبيعي انتي اول وحدة بحياته اكيد بيكون مستحي ومن الخوف والربكة ودخوله على الحريم ماشاف شي قدامه .. عاااااااااااااااااااااااااادي .. اش تبغينه يسوي الحمدلله والشكر يبوسك ويضمك قدام خلق الله ... يشيخه احمدي ربك على بالي عندك سالفة ...؟؟؟؟
 
الحالة
مغلق و غير مفتوح للمزيد من الردود.
عودة
أعلى أسفل