شوفو الغلطة وعطوني الحل ؟؟؟؟

[جروووح الوقت]

السلام عليكم
كيفكم يابنات
المهم زوجي شمالي ونوعيه شوي صعبة وبنفس الوقت حريص جدا عا الريال
جلست انا وامه نتكلم شوي في ها الموضوع واني انا دائما اصرف على نفسي واولادي وانا الي اشتري لي فساتيني وكل كل شيئ المهم هو اليوم صايم ونايم بعد الدوام وشكله سمعني وانا افضفض لأمه لانه يصر ف الفلوس في غير مواضعها المهم ان ابو الشباب شكله سمعني لأني حسيته زعلان ومبرطم :busted_red:
وانا مسويه نفسي ماني حاسة بشئ لاني ما ابغى ازن عليه وش فيك :questionmark: عشان مايفتح معي اي كلمه لان كلامه جاااااااااااارح بقوة تكفون شيروني لو فتح معي الموضوع اقول لان اتعذر لك عند امك ان مادياتك صعبه والراتب مافيه بركة والا اواجهه بكل شيئ
الله يستر ماهو من ضعف بس من غثة الكلام والايام اللي بتجي وطفشها :schmoll:

 

[أخت في الله]

بسم الله الرحمن الرحيم
من ناحية أنها غلطة فهي غلطة ياحبيبة أن يسمعكِ خصوصا لو ما كنتي على انتباه في كلامك والحمد لله أنها كانت أمه الكريمة ولم تكن أمك الكريمة حتى لا يزداد الوضع سوءا

أنا لم افهم كلامك عندما قلتي أنك تشترين لنفسك وعيالك ... هل تقصدين أنك تشترين من مالك الخاص؟ أو أنه ماله لكنكي أنتي من تدهبين إلى السوق دون أن يعينك؟ لا بد أن توضح الأمور حتى نجد علاجا لسبب المشكلة أولا.

وجميل أنه رجل يعرف ربه تقبل الله صيامه ومن يخاف الله في عباداته سيخافه في زوجته ما إن يعلم واجباته وحقوقه بإذنه تعالى...

أما فيما يخص انفجار الموضوع ........ فاستعجلي ياغاليتي بوسيط وهو مسج على جواله وقولي أحلى الكلام الذي يأثر فيه واستسمحيه ..... أو اكتبي له بطاقة جميلة يراها وهو وحده ......... لتهيئة الجو حتى إدا ما فتح الموضوع ينتبه على لسانه وتخف حدة عصبيته ........ مالكِ سوى وسيط يحضر ذلك
مسج
رسالة
قبلة

وما إلى ذلك من رسول الحب والمودة

أسأل الله أن يهدىء باله ويخمد غضبه إني أعيذه بالله من الغضب أسأل الله أن يهديه ويحسن أحواله ويهديه لرشده وفلاحه أسأله رب العزة وقد اقبل علينا شهره الفضيل أن يحسن أحوالكما ويقر عيونكما ببعضكما ويبارك في عشرتكما ويزيد في مودتكما ويسعدكما بالدنيا والآخرة.

 

[جروووح الوقت]

اخت في الله ............. الله يوفقك دنيا واخرة ما اجمل كلامك اما من ناحية الشراءفهو من مالي الخاص

 

[الحُرّه]

الله يساعدك...

بس مفروض ماتكلمين امه غلط...

اكيد بيزعل

الشي الي بينك وبين زوجك مفروض يبقى بينك وبين زوجك

تخيلي اهو يروح عند امك ويتكلم عن عيوبك وتسمعينه ترضين؟

غير ان انتي تقولين ان انتي تشترين من فل

 

[الحُرّه]

غير انك تقولين ان انتي تشترين من فلوسك

يعني اهنتي زوجك ومنيتي عليه عند امه


انتي غلطانه

 

[um_noora]

يالغالية الحياة الزوجية خاصة بين اثنين

يعني ما له داعي تتكلمين عنه قدام امه

الاعتذاااااااااااااااااااااااااار لا بد منه

 

[القلب الحنين]

وش فيكم عا الحرمة انتي غلطانه انتي غلطانه لو مو غلطانه وتبغى المشورة ما كتبت موضوعها وبعدين شوفوا العنوان هي معترفه بغلطتها هي تبي منكم المساعدة اذا فتح زوجها معها الموضوع وش تقول

 

[sara2000]

ماشاء الله عليك تفضفض لامه والله لوذبحني مابين لاحد دام احب تكون اسرارنا خاصه وندور على حلول بدون مااحد يحس بشي والله من تزوجت اربع سنوات داخله في الخامسه لا اهلي ولا اهله يحسوا بشي لدرجه الكل ماخذ فكره انه ملاك اهو طيب وحبوب بس الا مايصير شي بينا فنصيحتي لك تحملي كلامه ولا تعيدها مره ثانيه

 

[بقعة ضوء]

ماتدرين يمكن ماسمعك

يمكن الصيام تعبه أو متكدر خاطره عشان شي ,,اللي على راسه بطحة

 

[قطرية وبس]

لا زين سويتي قلتي حق امة علشان اتعرف ان انتي تصرفين على اعيالهم واذا قالج شي قولي هالصج وخله يجرحج اشوي بس بعدين عادي استسمحية وانتي ماسويتي شي غلط ويمكن ايحس

 

[تقوي الهجر]

والله اذا تكلم قوليله انا ماشتكيت عند احد غريب هذي امك في حريم تمشي وتسولف عند هذا وذاك

 

[أخت في الله]

اخت في الله ............. الله يوفقك دنيا واخرة ما اجمل كلامك اما من ناحية الشراءفهو من مالي الخاص

لا إله إلا الله
حفظك الله ياأختي .. لا تحزني غاليتي فإن فتح الله قريب بإذنه تعالى
إن كانت حالته المادية ضعيفة فاصبري ياغاليتي واحتسبي دلك عند الله
فأما إن كانت حالته المادية حسنة وهو لا ينفق عليكِ فهنا تستوجب له تذكرة كريمة بإذن الله وعبر آياته الكريمة إن شاء الله مع رفق ولينة بالكلام
إني أسأله رب العرش العظيم أن يهديه لفلاحه ورشده فتقر عينك به ويقر عينه بك أسعدكما الله بالدنيا والآخرة وأكرمكِ الله بشهره الفضيل ببشراه العاجلة برحمته الرحمن الرحيم.

 

[شرشف]

حبيبتي اذا سمعك وفتح الموظوع ما لك غير الاعتراف ولاعتذار وانتهي بيتظايق اشوي بس مع اهتمامك وتدليعن راح اتنسيه

 

[دمعة النسيان]

الله يكون بعونك

بس انا مع تقوى الهجر صح ما فيها شي لو تكلمتي مع امه

 

[حرب الأحساس]

ماغلطتي اذا كلامك صحيح وماكذبتي خلاص خليه يفهمها زي مايبغا
يمكن يحس على نفسه
ولازم الأزواج يتصارحون بعيوبهم وهو أولى تكلمينه مو أمه
وربي معك

 

[تبقى حبيبي]

حبيبتي .. الشكوى لغير الله مذله ... وسواء امه او غيرها ما تجبره على شئ هو من نفسه ما قام فيه .. وكل ريال تحطينه لعيالك او نفسك ادعي ربك انه يكون صدقه عن نفسك وعن عيالك .. الحياة فانية ومهما جمعنا من مال راح يجي يوم ونتركه اشتري واشتري لهم ومتعيهم .. وزوجك اصبري عليه وادعي ربك يفرجها ..