اخر الازمات
New member
- إنضم
- 2010/10/19
- المشاركات
- 7
- السلام عليكم
- انا من زمااان وانا صديقة المنتدى بس بدون ما اشرك حبيت فيكم التعااااااونالالفه سبحان الله من غير ماتعرفوا بعض والنصائح من جد من بنات واعيات
- المهم حخش في الموضوع انا ساكنه في منطقه بعيده عن اهلي وعن اهل زوجي وعندى هنا وحده قريبتي وكمان تقرب لزوجي المهم انا وهي زي الاخوااااااااااااااااات وهي كمان اهلها مو عندها نجي ونروح مع بعض يجوا عندنا نروح عندهم تقريبا كل اسبوع بس عليها حركات تنرفز زي كانها تتعمد ان زوجى يشوفها وهي على فكره بيضاء بس ماااااااااااااااااافيهاااااااااااا جمال واحيانا تدى زوجي حاجة بيدها ليده وتطول على ماتبعد يدها وتكثر كلام ومزح واحس زوجي انه ينبصط بالكلام معها سوا كان في السياره او بالتليفون وعلى فكره زوجها مايوديها اي مكان الا في السنه حسنه وكل خرجاتها معى وادا تبغى اي حاجه تقولى قولي لزوجك وزوجى المصون طبعا مايقصر وماااااااااااااااايرفض اي طلب والله كانه سواق عندهم تخيلوا انه قبل يومين اتصلت علي الساعه وحده بالليل قالت لي ابغى بكره الصباح زوجك قبل لايروح الدوام يجيب الفرامه حقتكم لان الفرامه حقتنا انكسرت (احنا عندنا فرامه زايده)تخيلوا تبغى زوجى الصباح قبل لايروح الدوام يجيب لهم الفرامه وبيتهم مو على طريقه والاشاره اللي عندهم دائما زحمه في الاوقات العاديه فما بالكم في الصباح وقت الدواما والمدارس وحارتهم دائما زحمه وضيقه المهم انا قلت صراحه الصباح وقت الدوام مايقدر وبيتكم مو على طريقه وكمان حيودي بنتي المدرسه تجيب شهادتها فما يمديه قالت هو طيب ويسمع الكلا م بس انتى شرانيه !! تخيلوا بس قلت لها اقول لك الصراحه الفرامه مو شى بهديك الضروره خلاص دبري نفسك بكره قالت انتي بس قولي له قلت لها طيب انا حقوله تقدر تقول لزوجها يمر على الفرامه وهو رايح بيتهم بس ماااااااااااتحب تقول لزوجها اييييييييييي حاجه 0 المهم زوجي ما وداها ال يوم بنتها اتصلت وقالت تقولك امى جيبي الفرامه معاكي والا تدبحك !!!!!طيب اليوم وديناها السوق تبغى اغراض واستنيناها وتاخرت على بال ماتنزل (وعاى فكره احنا كل مره لما نمر عليها عشر دقائق على بال ماتنزل وكمان انا اتصل عليها قبل مانخرج تتجهز وقريب بيتهم اسوي لها رنه وبرضها تتاخر ولما اقول لزوجى دق بوري يقول لا دحين حتخرج المهم ولفلفنا السوق من محل الى محل مافيشى عجبها لفينا كللللللللللللل السوق بعدين قالت بنروح سوق تاني ورحنا سوق تاني ولفيناه كللللللللللللله بس عجبها غرض قلت لها خلاص ااشتريه قالت لا بس انتي ركزي على المحل يمكن اخليكي مره تانيه تروحي تشتريه وبعدين زوجي قال هاه مالقيتوا اللي تبغوه قلت ايوا كان وقتها الساعه عشره ونص قال زوجى تبغونى اوديكم السوق الفلاني وهدا السوق مرره بعيد وهو من جاء من ادوام مانام يدوب تغدى وصلينا المغرب وخرجنا عاد انا سكتت مررره مقهوره بس هي قالت لا خلاص السوق بعيد وزوجي في البيت وعاى فكر ه تقريبا طول الطريق وهي ما بطلت كلام والله كلام ماله داعي تقوله قدام زوجي والله يا بنات هدا نقطه من بحر ادا حتكلم من هنا الين بكره ما اخلص وفي اشياء صااااااااااااارت تتصل على زوجى بجواله من وراي علشان مواضيع كثير منها تبغى زوجها يشترى سياره تقسيط باسم زوجى ونعرف ان زوجهامااااااااااااااايسدد ادا كان تليفونات زوجها باسم زوجي فوااااااااااااااااااتير مايسدد وزمان زوجها وقع في مشكله مع شغله زوجي كفله فيها هي حكاية فلوس ماسددها حقت الشركه والله جرجر زوجي في المحااااااكم وتكلم زوجى من وراي تبكي له وتترجاه طيب ليش ما تقولي انا اقوله 0000000معليش يابنات طولت عليكم بس حبيت افضفض لان ماعندى احد وزوجى مايرضى اقول اي كلمه عليهم الا احيانا يخليني افضفض له بس ادا زودتها احسه يتضايق00سامحوني على الاطاله00
الاخر 
