شوفوا كيف احتفلت بعيدميلاد زوجي

[ام امايل]

السلام عليكم ورحمة الله وبركاته ...
قبل ثلاثة ايام كان عيد ميلاد زوجي، وانا وزوجي كنا على خلاااااف وطبيعية عمل زوجي ان اسبوعين يكون عندي واسبوعين بالدوام خارج المنطقة الي نسكن فيها بحوالي 800 كيلومتر ..وهذا الشئ ساعدني في الترتيبات ...
وكنت زعلانه منه وطالعة من البيت .. بس بعد نصيحة الأخوات والأخوان بالمنتدى رجعت وفكرت بطريقة اني ارجع الجو الي كنا عايشين فيه قبل المشكلة ...
فكرت بطريقة اني استقبل فيها زوجي وبنفس الوقت احتفل بعيد ميلاده ..
وراح اكتب تجربتي وردة فعل زوجي لعل بعض الأخوات يستفيدوا مني..
في البداية فكرت شو اشتريله وبعدين جتني كذا فكرة وما قصرت رحت اشتريتله :
- محفظة
- عطر مع شاور جل
- نعال
- تيشرت مع بنطلون حشى شو بقى للأعياد الجاية

وشريت صندوق كبير ورحت محل الزهور الطبيعية وخليتهم يغلفوا الهدايا بطريقة حلوة
وخليتهم يحطون على الصندوق بوكيه ورد بنفس ألوان ورق التغليف ...
وطلبت منهم يسون 6 باقات بأحجام مختلفة اوزعهم في الغرفة ..
وبعدها رحت سويتله كيك على شكل اول حرف من اسمه ...
وغيرت في غرفة النوم ترتيب الأثاث كنوع من التجديد وحطيت شراشف جديدة ..
ووزعت الورود بطريقة متناسقة في الغرفة وخذت ورد أحمر ونثرته على السرير والشرشف لونه أبيض ..
هذا من ناحية الترتيب .. أما انا رحت غيرت قصة شعري وترتبت كأني عروس ..
ولبست الألوان الي يحبها ..
وزوجي يوصل الصباح ساعة 7 من المطار ...
يعني كان لازم اقوم من الوقت وارتب كل شئ قبل وصوله ..
وهو كل شوي يتصل عشان يقولي خلي الباب مفتوح وانا مطنشه لاني مرتبشه بالترتيب ..
ويطرش لي مسجات ويقول ( يعني بعدج زعلانه ما خلصنا ،، متى تعقلين ؟؟)
ورديت عليه ومسوية نفسي مالي نفس اكلمه .. وهو متضايق وقالي في وحده عاقله تستقبل زوجها هالاستقبال ...
المهم وصل زوجي العزيز ... ودش الغرفة ووقف كأنه مصدوم ..... تخيلو شكله ؟؟؟؟؟؟
وقف لدقيقتين وقعد يطالعني من فوق لين تحت وقالي .... ( أحبك ) .. عاد انا شو صار فيني ..
ما يحتاج أقول ... وكنت مخططة اني اقص معاه الكيكة بالأول بس زوجي الحبيب ما تمالك نفسه ..
ووايد استانس على تغير شكلي وتغير الغرفة قالي احس بالتجديد ...
وانصح كل متزوجة ان بين فترة واخرى تجدد في شكلها بما يناسبها وطبعا بذوق زوجها لان بالنهاية هي تتزين له ... ومو شرط ان يكون في مناسبة ....
والحمد لله ان ربي هداني ورديت لزوجي ،، واشكر اخواتي وأخواني على ارشادي للطريق الصحيح
جزاكم الله ألف خير

منقول

 

[العجيبه]

تسلممممممممممين على النقل ..

 

[شمعة حياة]

الله يسعدج مع زوجك دوووووووووم باذن الله ..

اما الترتيب حلوووووووووو ..

 

[ام صقر222]

الله يوفقج ان شاء الله

 

[&~ الأصيله ~&]

مشكوره
بس الاحتفال بعيد الميلاد مايجوز

 

[الصموت]

اختي عيد الميلاد حرام ولا ماتدرين

 

[همس الليل 2007]

عيد الميلاد حرام ياحلللللللللللللللللللوه

 

[هزمني زماني]

الله يوفقكم ويسعدكم يارب

 

[**الماسه**]

التجديد حلو لكن مايكون بمناسبات مبتدعه مثل عيد الميلاد والحب والخ من هالظلات حسبي الله على الغرب اللي لعبو بعقول المسلمين لعب........................

 

[اولادي كل حياتي]

الله يسعدكم يارب

 

[ياربي انصرني]

انتبهوووووووو ياخوات من نقل مواضيع البدع وعيد الميلاد من البدع التي حرمها كباااااااار العلماء
الثقات ونحن الان في زمن الفتن اصبح الصادق كاذب والكاذب صادق

واحذر من ان تلبسو على الناس في دينهم واسئلوا الله ان يرينا الحلال ويرزقنا اتباعه ويرينا الحرام ويرزقنا
اجتنابه ولا يتشابه علينا فنظل ونظل

اللهم سخر الازواج بعظهم البعض فيما يحبه ويرضاه

 

[قلب بو فهد]

الله يسعد كل مسلم يارب

وربي لا يفرق احبه ان شاء الله

 

[غلا روحي99]

 

[جوهرة حياته]

ماشاء الله تتهنوا يا رب

 

[ام الولد الحلو]

حلو الشعور يوم ينصدم الزوج جان استانس

مشكورة تجربة رائعة

 

[سمراوية حلوة]

الله يسعدكم ان شاء الله

 

[سيدة ( أعمال )]

صح طريقتها حلوة بس الإحتفال بعيد الميلاد تشبه بالكفار وحرام .. وبالعكس كأنكم تحتفلون بمضي سنة من أعماركم هالسنة اللي تحتفلون فيها تقربكم من الموت أكثر .......

 

[zuzu189]

فكرة حلوة

 

[سويت نقو]

ماشاء الله تبارك الله
احس اني طرت من الفرحه وشلون اهو
الله يسعدكم

 

[للجنان عاشقة]

بالتوفيق ان شاءالله