شوفوا زوجي ايش قالي........

الحالة
مغلق و غير مفتوح للمزيد من الردود.
م

ملاك زوجي

New member
إنضم
2008/05/19
المشاركات
119
السلام عليكم ورحمة الله وبركاته
خواتي ملكات واميرات مملكة بلقيس...ابغاكم تفكرون معاي وتشورون علي ايش اسوي والا ايش ارد على زوجي لو كرر قلامه اللى قاله والله خايفه
زوجي اللي قلتلكم انه دعا ان الله لايحرمه مني واني اسوى عنده حريم الدنيا تفا جأت فيه يقولي (ايش رايك لو اتزوج الثاني):icon1366:
انا انصدمت وقلت يمكن يمزح قلت خليني اشوف اخرتها معاه قلتله (عاد تبيها مسيار والا علني) قال لا (علني ابغى اتزوج وحده بنت ناس شاميه بس متجنسه سعوديه) انا هنا سكت شوي قالي ويش فيك زعلت عاد انا من غبائي سويت فيها عندي عزت نفس وقلتله اصلا ماهمني عادي كل مين ينام علي الجنب اللي يريحه قال بس اخاف من بناتك اذا كبروا ينكدون علينا كمان هنا كنت غبيه :sadwalk:قلتله (انا وبناتي مانفرض نفسنا على احد اللي يبغانا يجينا والله لو تغيب سنه ماندور عليك ) آآآآآآآآآآآآآآىه يالقهر جلس يضحك وقفل الموضوع وماناقشني وانا ذحين ميته من القهر وما ابغى اترك للشك مجال يدخل عقلي اخاف ماأعد اثق فيه :icon1366:
 
الله يعينك .. وتتصرفين بشكل صحيح ..
والله ماادري وش اقولك .. مااعرف
 
ملاك زوجي قال:
السلام عليكم ورحمة الله وبركاته
خواتي ملكات واميرات مملكة بلقيس...ابغاكم تفكرون معاي وتشورون علي ايش اسوي والا ايش ارد على زوجي لو كرر قلامه اللى قاله والله خايفه
زوجي اللي قلتلكم انه دعا ان الله لايحرمه مني واني اسوى عنده حريم الدنيا تفا جأت فيه يقولي (ايش رايك لو اتزوج الثاني):icon1366:
انا انصدمت وقلت يمكن يمزح قلت خليني اشوف اخرتها معاه قلتله (عاد تبيها مسيار والا علني) قال لا (علني ابغى اتزوج وحده بنت ناس شاميه بس متجنسه سعوديه) انا هنا سكت شوي قالي ويش فيك زعلت عاد انا من غبائي سويت فيها عندي عزت نفس وقلتله اصلا ماهمني عادي كل مين ينام علي الجنب اللي يريحه قال بس اخاف من بناتك اذا كبروا ينكدون علينا كمان هنا كنت غبيه :sadwalk:قلتله (انا وبناتي مانفرض نفسنا على احد اللي يبغانا يجينا والله لو تغيب سنه ماندور عليك ) آآآآآآآآآآآآآآىه يالقهر جلس يضحك وقفل الموضوع وماناقشني وانا ذحين ميته من القهر وما ابغى اترك للشك مجال يدخل عقلي اخاف ماأعد اثق فيه :icon1366:
أنقر للتوسيع...
الاخت ملاك الروح
بكلامك هذا اعطيتيه اشاره خضراء عشان يفكر ويقرر الرجال ماينعطون وجه ...حلو شجاعتك بس المفروض ماتردين عليه وتدلعين عليه وتتحسسينه انك متفضله عليه بوجودك معاه لحد ما يعتذر منك واذا فيه فجوات تقصير تسدينهاولا تتركين لاحد مجال يدخل مملكتك
 
والله انا ماعرفتيني مدلعه زوجي وماني مقصره معاه بشي بشهادة الكل اهلي واهله وقرايبنا واصحابه كمان وكان دايما يقولي الكل يحسدني عليك
وهذا اللي بيجنني اعوليييييييييييي
 
ما اعرف شنو ارد عليش لاني مو عارفه اهو يمزح ولا من صدقه يعني يمكن يقيس النبض لانه شكله محدد وخالص يقول شاميه متجنسه سعودي ؟؟؟
يمكن يعرف وحده ما ابي اشككك بس اهو حدد

ما ادري خيوووو

الله يساعدك عليه
 
الله يعينك بس فاتحية في الموضوع وهو رايك وشوفي ايش زبدته \
الله يطمنك
 
يبين من كلام زوجج انه محدد الي بياخذها عليج.. ديري بالج الريال عزم وقرر وحدد... حاولي تتقربيله اكثر هاليومين وخلي عنج حركات الزعل ، بالعكس تقربي اكثر وتوددي اكثر وناقشيه في الموضوع هذا من يديد... حاولي تردين ايام الرومانسيه والسهر والطلعات معاه من غير العيال طبعا .. والله يحفظ رياييلنا كلهم
 
يا عمري يمزح لا تنكدين شكله يبي يرفع ضغطك بس يبي يشوف ردة فعلك احسن شي كلامك له خليك واثقه من نفسك لو قاله مرة اخرى قولي اصلا ما راح تلا قي مثلي انت الخسران الله يوفقك
 
الله يعينك بتدخلين في دائرة الشك أنا مثلك من تزوجت وهو يقولي بأخذ ثانية إلى أن تزوج
الله يسخره لك .... ويرده عن اللي يفكر فيه .... عليك بالدعاء ....
 
شوفي قولي له تراني امزح معك مثل ما انت كنت تمزح معي لان اذا تزوجت انا طالق بلمليون كذا بس روعيه اذا قالك مع السلامه او لعب عليك وقالك انتي الاصل قولي انا بعد من حقي اشوف نفسي نجرب واحد غيرك وش بخسر قوي قلبك شوي وللله يصبرك
 
غاليتي
الثقة بالنفس مطلوبة لكن انج تشعرينه انج وبناته مب محتاجينه هذا غلط
وبالعكس حسسيه انه بمجرد تفكيره بالموضوع راح يسبب انهيار لبيته و
ضياااااع بناته
 
حاولي تراقبينه من غير مايحس احس من كلامه لج انه يعرف وحده وناوي علي شيء ليش حدد بذات شاميه اخذي بالج منه وقعدي معاه جلسة صراحه قوليله فلان انت قلت لي جذي جذي وصج انت حاط ببالك تبي تزوج ؟ واذا قالج مثلا اي قوليله وين بتلاقي مثلي عمرك مابتحصل وحده بطيبتي ولا الي اسويه معااك عمره محد يسويه لك لأني احبك ومستحيل اي وحده بهدنيا بتعطيك الحب الي اعطيك اياه وخوفيه منج قوليله ااذا تبي تزوج راح تخسرني انا مارظي تكون وحده غيري تشاركك معاي ابيك لي بروحي فأنت اختار شنو الأفضل لك انا وبناتك او وحده غير تفضلها علينا وتضيع العشره الي بينا وشوفي شنو رده لج ؟ وانتي حاولي تتقربين معاه بلجنس اكثر من قبل لأن هذا شيء يزيد حبه لج وتفنني بلحركات ولبس الحلوخليه دوم يوله علي حركاتج بسرير هذا اكبر شيء تقدرين تسيطرين فيه علي قلبه الأن اهو والكلام الحلو اولطبخ من ايدج له تقدرين تسيطرين فيه عليه سيطره كامله اذا خليتيه يدمن عليج بلجنس وشوفي قسم الثقافه الجنسيه واايد بيفيدج والله يوفقج حبيبتي.
 
اهو منصجه وله غشمره ديري بالج ياربي والله مواحنا اللي يبيلنا دورات الا رياييلنا الله يهديهم والله مادري شنو يبون بس يبون يبجونه ويذبحونه
 
لازم تجلسين معاه ضروري واسأليه انا مقصرة معاك قولي بس مكان النقص وانا اسده واشعريه بحبك له لايصير فيك مثل ماصار في قلت له نفس الكلام وبعد ماتزوج اخذ كلامي حجة علي​
 
الله يساعدك انت خليكي صاحية بس ما تنكدي يمكن بمزح ويمكن لا انت ما تفتحي الموضوع لغاية ما هو يحكي على الجهتين كوني واعية..
 
لتوفي قال:
شوفي قولي له تراني امزح معك مثل ما انت كنت تمزح معي لان اذا تزوجت انا طالق بلمليون كذا بس روعيه اذا قالك مع السلامه او لعب عليك وقالك انتي الاصل قولي انا بعد من حقي اشوف نفسي نجرب واحد غيرك وش بخسر قوي قلبك شوي وللله يصبرك
أنقر للتوسيع...



بالفعل خليه يشوف انو انتي مو راضيه وقولي له كمان البنات انت تاخذهم تربيهم لاني ابشوف حياتي كتهديد ليس الا
 
غلط غلط غلط غلط غلط
غلط غلط غلط
غلط

كأنج تقوليله انا مش في حاجتك روووووووووووووووح تزوج
بدااااااااااااااال لا تقوليله النجوم اقربلك
وتقولين انا ماصبر عنك
وحياتي من دونك مابيها
هذي مصيبتنا نحن الحريم نقول عزة نفس ويوم يتزوج
نمووووووووووووووووووت
وتروح عزة النفس
 
الله يكون في عونك انتي غلطانه قوليله اذاكانك تبي تشوف حياتك حتي انا ابي اشوف حياتي بعد وخلها تربي عيالك
 
عزيزتي ....

لا تعطينه مجال يحس انك مو محتاجه له , كوني له كل شي حتى لما قلتي انك مو مقصره بعد دوري على الجديد واقري
في هالمنتدى العملاق وغيري حياتك كلها . بس قوليله اذا ناوي من صدق ما راح اقعد معااااك بطلقني!!! لاني احبك
وايد وما استحمل شريكه معاي فيك وانت وضميرك !!!!

اختي .. انا زوجي جاته ايام كل ما تكلمت عن صديقتي اللي مو متزوجه يقولي ( خليني اتزوجها واحصل فيها أجر )
اول مرة وثاني مرة ما اهتميت , وبعدها زعلت عليه وصرت حتى ما اقول اسمها على لساني واتضايق لفتح الموضوع :icon28:
وانا اعرف انه يمزح . ومن بعدها سكت وما قام يتكلم فيه ابد لأني قلت له باتطلقك !!!! خاف !!!:icon30:
 
الحالة
مغلق و غير مفتوح للمزيد من الردود.
عودة
أعلى أسفل