شوفوا ايش قررت

  • بادئ الموضوع بادئ الموضوع kitty20
  • تاريخ البدء تاريخ البدء
kitty20

kitty20

New member
إنضم
2010/11/29
المشاركات
14
انا امس كتبت موضوع عن خطيبي انو فيلو عين ودا الرابط
http://www.niswh.com/vb/showthread.php?t=293522

واليوم خلاص احس اني معد اقدر استحمل على نفسي اكتر من كدا تعبت من المشاكل اللي تسير وعلى اتفه الاسبااب وقولت لا اهلي خلاص ما ابغاه وطلبت الخلع ودا قراري ..

فهل قراري صح ؟؟

قولولي انا ما ابغا اتسرع بس في نفس الوقت احس انو افضل لاني كل يوم متضايقه وكل الناس ملاحظه اني مني مبسوطه ​
 
أختي.... كم صار لكم مالجين؟ إذا توكم... اصبري... يبيلكم وقت... وانتي ارقي نفسج... و يوم يكون عندح ارقيه بعد...
 
حبيبتي والله تعبت معاه والناس كلها شايفه كدا وانا بكرا بابا راح يتكلم معاه لاني احس اني مقدر اعيش معااه

وهوا لا انو مهتم ولا شي اقولوا روح عند شيخ يقولي طيب بس هوا ما يبغا يروح انا ما كرهتوا الا من اسلوبوا معايا وانا دايما احصن نفسي واقولوا حصن نفسك يقولي مو لازم ​
 
وانا ماليا الا شهرين واسبوع مملكه ​
 
حبيبتي استخيري اولا شئ قبل لا تسوين اي شئ تندمي علية
من وجهة نظري ماهو مبرر انك تنفصلي منة اصبري علية شوي قبل كل شئ الاستخااااااااااااااارة
اتمنى لك التوفيق
 
اختي انتي ارقيه يوم يكون عندج... و بصراحه... هذا مب عذر تتركينه... ما صار لكم شهرين و شويه مالجين و تقولين بتتركينه... باجر لو تزوجتوا و صارت لكم مشاكل و دااااايما اول سنة زواج فيها مشاكل... شو بتسوين؟

اقعدي معاه قعده جاده... و اعرفي منه السبب الحقيقي لتصرفاته... انا ما اشككج فيه... بس حاولي معاه**
 
انا من رايي تستخيري اول شي واذا كانت المشاكل من شي بشخصيته وانتي مستحيل تحملينه انفصلي بس عطيه اسبابه واعذريه ويمكن صدق فيه عين خليه يروح عند راقي وانتي كمان روحي الله يكتب الي فيه الخير لك
 
حبيبتي لمسات انثى انا استخرت امس الليل ومن يوم صحيت الصبح الين دحين وانا احس بضيقه ودا ايش معناه وبعدين لما كلمت اهلي كلهم يقولوا احسن حل اخترتيه ويقولولي انا صغيرة ولوا انفصلنا دحين احسن من بعد الزواج والبزوره

وبنوته بلادي
حبيبتي انا جلست معاه جلسه جادة وعرفت السبب منو انو يقولي كانو فيه عين بس لما اقولوا اتعالج يقولي مني فاضي طيب انا ايش اسوي معااه كل يوم مضاربه ومو طايقني تعبت ​
 
اختي انتي ارقيه يوم يكون عندج... و بصراحه... هذا مب عذر تتركينه... ما صار لكم شهرين و شويه مالجين و تقولين بتتركينه... باجر لو تزوجتوا و صارت لكم مشاكل و دااااايما اول سنة زواج فيها مشاكل... شو بتسوين؟

اقعدي معاه قعده جاده... و اعرفي منه السبب الحقيقي لتصرفاته... انا ما اشككج فيه... بس حاولي معاه**
 
حبي ميدو
على فكرة انا استخرت واتوقع انو دا جواب استخارتي وهوا يقول مو فاضي يروح يتعالج مدري متى راح يفضى ترا كل يوم اسمع منو كلام زي السكاكين في قلبي واسكت واقول يلا هوا يمكن فيه عين ​
 
الصبر مفتاح الفرج

الله يسهل لك طريقك هذه حياة أبدية فكري قبل لاتتسرعي

الله يفتح لك باب الصبر

دمتي بحفظ الرحمن

لاتنسي ذكر الله​
 
فكرت ياصدق العطاء والله الين احس ان شعر راسي طاح من التفكير وقررت انو حياتي افضل بدونوا بس بابا راح يشوفوا ويتفاهم معاه وبعدين راح استخير اخر مرة واعطيهم جوابي لاني احس اني شويه متردده بس اهلي يقولولي لا خلاص فكري بعقلك مو قلبك​
 
يعني انتو تشوفوا اني ما اتسرعت في قراري ؟؟؟​
 
استخيري... وشاوري أهلج... الله يكتب لج اللي فيه الخير يا أختي..
 
تحملي والله اعرف وحده صبرت سنه وهالحين ماشاء الله عندها ولد
ولاتنسي تستخيري
والله يكتب لك اللي فيه الخير ...
 
طيب اصبر الين متى ودحين احنا مملكين افضل من بعد الزواج وانا شاورت اهلي وصليت الخيرة واحس اني خلاص ابغا انفصل بس مع دا القرار احس بتردد بس بابا راح يقابلوا ويتفاهم معاه ويصير خير بعدها انشالله بس دا قراري مبدأيا ​
 
مدري احس استعجلتي امكن لو كنت مكانك حعطي نفسي فترة افكرفيها واقتنع واستخير اكثر من مرة
غير كذا حسيت من كلامك مترددة ونزلت موضوع كمان يعني انتي مش مقتنعة باللي تسويه فاعطي نفسك فرصة تفكري وتستخيري اكثر من مرة وربنا يكون بعونك ويرشدك لما فيه خير
 
هوا انا متردده شويه لاني احبو بس عقلي يقولي سيبيه لاكن قلبي لا يمكن دا سبب ترددي وادعولي ربي يخترلي الخير وانا اليوم راح اصلي الخيرة كمان وراح اشوف بكرا انشالله ايش قراري ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل