شورو علي الله يخليكم

[الريــــــــم]

السلام عليكم

كيفكم بنات


بدخل بالسالفه على طول

عندي مشكله صغيره بس قويه

انا من طبعي انسانه مره صادقه ومااحب الكذب الحمدلله
ومااكره احد ولا أأذي احد
وربي يشهد علي
نيتي صافيه دايما

لكن لما يتعرضلي احد ابد ما اروح وابهذله او اتهاوش معه لااا

بس اكتم قهري فيني وادعي واتحيسب

وانا متضايقه من هالشي

طبعا مو من اول مره ادعي اول اسكت بس لما يتمادى بالغلط ادعي عليه

اندم لما ادعي على احد
بالذات زوجي
لما يقسى علي اروح اسويله كل اللي يبي بس اكتم وادعي عليه بقهر
وهو ظالمني

والله يابنات اشوف دعوتي فيه ثاني يوم على طول

ولما اشوفه يتألم يضيق صدري واندم احس اني مره شريره

بنات
آخر مره قهرني لما قومني بالغصب اطبخله وانا كنت حيل تعبانه
ودعيت عليه قلت جعلك ماتحدره ولا تتهنا فيه

والله يابنات انه رجع دم وماتهنا باللي اكله كله

احيان احس انه يستاهل
واحيان اندم كثير

وش اسوي

مو بس زوجي
مره واحد نعرفه تبلاني بسالفه انا مالي خص فيها وظلمني
وكنا في رمضان
والله دعيت عليه من قلب ولما جا رمضان السنه اللي عقبها
حلمت فيه حلم يخوف ولما دقيت على اخته اسألها عنه
قالت احترق بيته وكل حلاله راح

حسيت ربي خذ حقي


ادري بتقولون قلبي قاسي
بس والله لما يظلمني احد ادري ان ماعندي من يدافع عني اكتفي اني اقول حسبي الله ونعم الوكيل
والله ياخذ حقي منك


انا صح

والا غلط

؟​

 

[رازيا]

لا تدعين على احد
قولي حسبي الله ونعم الوكيل فقط

 

[رندا كووول]

الريم كأنك تتكلمي عني ..لما احد يخطئ علي ادعي عليه ف داخلي واكتم وما اتناقش معاه وربي ياخذ حقي منه..
لكن سمعت الدكتور خالد الجبير يقول لاتدعي على من ظلمك بل ادعي له بالعفو والهدايه والمغفره ..لان هناك ملك يقول ولك بالمثل....وعندها سترتاح نفسيتك.
وفعلا جربتها وارتاحت نفسيتي ..ويذهب حقدك على من ظلمك....والله يغفر لنا جميعا

 

[مهستره فله]

لاتدعين على احد قولى حسبى الله وكافى ونعم الوكييل انا مظلوووووومة يارب انصرنى على من ظلمنى اة بس

 

[قمر بعيونه]

ما انتي غلطانة بس افضل شيء تقولين حسبي الله ونعم الوكيل

 

[عطريه]

كأنك تتكلمي عني بس اقول حسبي الله ونعم الوكيل الا يأخذالله حقي ممن ظلمني

 

[ايمومي]

غلط غلط غلط
اذا صار لك كذا استغففففففففففففري واذكري الله وادعي بالهدايه والتسخير
فيما معناه حديث الرسول إذا دعيت لاحد اوعلى احد يقال لك لك مثلها

 

[الريــــــــم]

غلط غلط غلط
اذا صار لك كذا استغففففففففففففري واذكري الله وادعي بالهدايه والتسخير
فيما معناه حديث الرسول إذا دعيت لاحد اوعلى احد يقال لك لك مثلها

مااعتقد معنى الحديث ان المظلوم مايدعي على اللي ظلمه

اصلا كيف بتمسكين نفسك ماتدعين عليه وهو ظلمك بشي كبير
يعني اللي اقصده فيه اشياء عادي لو تنظلمين فيها تصبرين
لكن فيه امور قويه ماتقدرين تسكتين

قلتلك هذاك الآدمي تبلاني بمشكله كبيره وانا مالي علاقه فيها
عشان دعيت عليه من قلب

ودعوة المظلوم مابينها وبين الله حجاب


مشكورين ياللي رديتو علي
الله يعافيكم

 

[دمعتي خانتني]

عزيزتي الريم دعوة المظلوم تقبل لو من كافر
لآن الله مايرضى بالظلم على عبادهـ
لذلك نصيحه عندما تواجهين الظلم قولي:
حسبي الله ونعم الوكيل
ودعوة المظلم مستجابه صح لذلك
إدعي بأن الله يظهر الحق ويبينه عاجلً غير آجل
وسمعت الشيخ يقول: عندما تنظلمين إدعي لك ولزوجك وإبنائك
بالهدايه فالدُ نيــــــــــــــــــا زإله
وطلبي الجنه لعلها تكون لك دار القرار
:
ودمتي بخير..​