شوروا علي حياتي ع المحك!!!

اختي غربيه شماليه إن الجنوبي لايحب الإلحاح في الطلب وعندما تطلبينه شيء فكأنك تستشيرينه فإن لم يستجب إستعملي معه أسلوب التذكير ولكن بغنج .فزوجك على ما يبدوا أنه كريم ولكنك لم تفلحي في الوصول الى الطريقه المناسبه للحصول على ما تريدين منه .وهو يحب في المرأة غموضها وعندما تطلبينه شيء لا تنظري الى عينيه مباشرة" وحاولي تشغلي نفسك بأي شيء ..إن كنت متابعه ردي
 
حتى الكيد ما اعرفله
ع البركه مدري ربي وين حاطني
بس يوم اشوف الخوات
احس نفسي غبيه
 
هذا يسعدني كثيرا" انك متابعه ....ولكن قولي لي ماآخر التطورات بينكما حتى اساعدك في حلها قبل ان نذهب للخطوة التاليه
 
التطورات مافيه تطورات
اليوم جا لعند باب الشارع وطلب عياله من اخوي الكبير
اخذهم ورجعهم قبل شوي
والكبير خلاه عنده يقول نايم
واول مره حد من عيالي ينام بعيد عني كان يقدر يجيبه بس مب مشتهي
بس هاذا اللي صار
 
الله يسخر لك زوجك يااختي ..
ياحبيبتي كل شي يهون ويمكن التنازل عنه الا الكرامة .. لا ترضي ابدا انه يمد يده عليك ..
 
هل في زيارتك لأهلك عادة" يفعل ذلك يعني يأتي ويأخذ الأولاد ثم يعيدهم ..إن كان ذلك معتادا" فلا تقلقي فإنه يحاول ان يبين لك ان الأمور كما هي لم يتغير شيء .وإن كان هذا التصرف جديد منه فلا تصعدي الموقف فإن إتصل فردي عليه ولكن بثقل وإن لم يتصل فأتصلي أنتي واسألي عن إبنك فقط عن اكله ..عن نومه ..وكلمي إبنك وتطمني عليه
 
يااختي استهدي بالله وتعوذي من الشيطان
اذا كان اول مرة يضربك عاتبيه بقوة بس لاتعلمين اهلك واذا قدرت يراضيك بهدية خير وبركة
اياك ثم اياك تصرفين من مكافئتك ابددددددددددددا مهما ماطل خلي فلوسك لك هو ملزوم يصرف وواضح انه ماديته زينه
خليه يخصص لك مصروف خاص فيك واطلعي للسوق مع اي احد غيره كذا ترتاحين ولا احد يقهرك لا هو ولا خواته حتى لو طلع خواته للسوق مرة مرتين ويطفش صدقيني
اذا طلعتي معهم خليك هادية لا تضحكينهم عليك ومازحي زوجك ودلعيه قدامهم حتى لو ما اخذت الا غرض واحد بعدين زي ما قلت لك اطلعي لوحدك وخذي اللي تبين
ترى هو ما يقصد يقهرك بس يبي يتخلص منكم كلكم انت وخواته في وقت واحد الرجال اكره شي عندهم السوق
الله يكتب لك الصالح .............
 
تصرفه غريب
لانه دايم اذا نزلني عند اهلي ما ياخذ عياله ابداً
لانها زيارة كم يوم ونرجع ((وش هالشوق عياله عنده في البيت تو بغاهم؟؟؟؟؟؟؟))))))))
مدري صراحه شسوي
اما المكالمات ماعاد دق
 
الله يهديه عديها ولا تستفزيه روحي السوق بالحالك مع اهلك او اختك يمكن جو السوق يوتره
 
مشكورات خواتي ع ردودكم
ذوق واخلاق الله لا يحطك بالموقف اللي انحطيت فيه
هزئني قدام خواته اكثر من مره
وهو اللي اذا صار بينا زعل مايرضى نروح لاهله الا وانا راضيه عشان مايبين شي علينا
اللحين يهزئني قدامهم ولا مره ولا مرتين
واخرتها يضربني
انا هاذا اللي قهرني
 
حبيبتي بقولك شي ولا تزعلين
انت اخطئت بالسوق لما تركتيهم ورحت بلحالك هذا قلل قيمته قدام خواته واعتبره اهانه له لذلك رد عليك بالتهزيئ قدام خواته كرد اعتبار يعني فعله رد فعل لا اكثر ولا تروحين بعيد بالوسواس
عديها ها المرة ولا تكسرين هيبته مرة ثانية واتوقع انه نادم ويبي يبين انه مهتم فيكم يوم اخذ الاولاد يعني يبي يقول انا مشتاق لكم عاد انت تجاوبي معه ولا تضيعين الفرصة بعدين تندمين
الله يصلح حالكم .........
 
أخذه لأبنائه يعني تمسكه فيك بقوة ولكن عدم ردك على إتصالاته هو الذي قلب الموازين عنده وجعله يخشى ردة فعلك أوأنك تتخلين عنه وكما قلت لك الجنوبي لا يبادر ابدا".فأرجوا أن تتخذيها قاعدة مهما حصل بينكما أن لاتصدي ولا تهجري لا في اجلسه ولافي الكلام .عفوا" أختي إن كنت تريدين أن تخلدي للنوم فنوم العوافي ونكمل غدا"
 
ذوق واخلاق
انا معك
في السوق ططلعت الغلطانه وهن الملائكه
بس الضرب لييييييييييييش
هاذا اللي مجنني
حارمني اخذ اللي ابيه ويضرب بعد
بعدين اذا في باله يظبط الوضع ليه ما يسال او يدق
طيب يرسل رساله
ما فيه امل
و على كذا راح اطول عند اهلي
 
لاحول ولاقوة الا بالله

اذا راحوا السوق لاتروحين معهن
اصبري ..اصبري.. اصبري

لاتخربي بيتك

مصير خواته يتزوجون ويطسون عنك...
لاتسوين شئ تندمين علية باقي حياتك

احس زوجك ...يسمع لاهله ومايصدق فيهم شئ ويصدق كلامهم فيك..!!

والله مادري وش الخلاص لك ..

بس عليك بالدعاااااااااااااااااااااااااااااااء

وربي يفرج لك همك ...​
 
مشكورات خواتي ع اهتمامكم
والله يعيني
وتنتهي هالازمه ع خييييييير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل