شوروا علي الله يسعدكم دنيا وآخرة

ا

الخط الفاصل

~◦ღ( مميزة قسم الإستشارات الزوجية )ღ◦
إنضم
2010/05/29
المشاركات
1,921
كل عــــــــ وأنتم ـــــــــــــــــــــــبخــــيرــــــــــــــــــــــــــــــــــام


اللمة عند امي فطور العيد

و انا وزوجي ليلة العيد كنا متفقين يكلم الرجال في اللمة وينسق معاهم متى اللمة تكون عندنا ببيتي..

ولما أفطرنا عند أمي ورجعنا بيتنا سألته عزمت؟ قال لا ما كلمتهم!!! وصار يتلكك مو إنت تكلمين الحريم ومرة يقول ماحجزنا طباخ كيف أعزم..يعني كلها اعذار كلام فاضي

وللمعلومية مو خسران ريال في العزيمة أنا متكفلة بكل شي..بس حبيته يبيض وجهي ويعز ويكرم اهلي..خصوصا هو عمره ماعزم احد على فنجال قهوة وهذا الشي مرة قاهرني

المهم انا زعلت وبكيت وهو بعد زعل وقال والله لأبطل أحضر العشاء من أساسه

طبعا خرج من البيت للأصحاب وياعالم متى يرجع يمكن آخر الليل

قولوا وش أسوي عشان اخليه ي يبادر بالإعتذار مني ويعزم اهلي برضا نفس والله اهلي مو كثيرين ومافي أي مشاكل بينه وبينهم..

شخصيته جنوبي شرقي

انصحوني أخواتي مالي غيركم بعد الله

الله لا يحرمكم أجري
 
طيب اعزموهم ياقلبي بمناسبه غير العيد مو شرط عيد وكلميه بالهداوه افضل وانتي اقترحي قولي وش رايك اجمع اهلي واهلك يمكن يتحمس اذا حس الدعوه فيها اهله
 

الوردة الشرقية الله يسعد قلبك مدري وش اللي مافهمتيه قريت مرة ثاني حسيته واضح

اعذريني انا نفسيتي ملخبطة مررررة

الجوان الله يسعدك ويوفقك

والله اهله بمنطة ثانية ولا يقدرون يحضرون بأي صورة

وعزيمة مرة في السنة لأهلي والله ما أشوفها شي

والعيد فرصة حلوة


يا أخوات الله يوفقكن شوروا علي شسوي

أنا يمين بالله قافلة معي من هذا الرجال وناوية أخلص منه للأبد..

جبت الغثا لنفسي
 
وش دعوى

أختي الأمر بسيط


هو برااااااااحته خليه ليش تجبرينه على شيء مو من نفس

خليه متى ما روق واشتهى عزم

انتي تبين تعزمين اعزمي

وهو مالك شغل فيه

بصراحة بعذره ماااااااا الومة ابد رغبة شخصية مو عشان احب اهلك ولا اكرههم


لا بس هو ما يبغى كذا ..

لام تعطينه حريته


وانت الله يقويك ليش ماتعزمين أهلك بنفسك عــــــــــــادي جدا

كلنا نعزم أهلنا بأنفسنا



واعذريني لصراحتي


واختي كل عـــــــــــــــــــام وأنت بخير


وتقبل الله منا ومنك صالح الاعمال
 
كيف رغبة شخصية يا اختي؟؟

هذه واجبات اجتماعية؟ من معزة الحرمة اكرام أهلها

كيف اعزم رجاجيل خواتي أنا؟؟ كيف ألغي وجوده وهو موجود؟؟؟ فضيحة كلهم بيقولون وينه رجالها ما يعزم؟؟
 
اختي انا جنوبيه شرقيه ورح اقولك على حسب نمطي
انا لو زوجي قالي اعزمي ابي اتردد كثير ولا اجازف اعزم ربطه ومسؤوليه ومن ذا الكلام لكن لو هو حطني قدام المر الواقع ويقولي عزمت ابي اظايق لكن من داخلي استانس واسوي كل شي عطيب خاطر
انتي تعالي وقولي له اني حدده يوم الاثنين عندنا جمعه ابي تقولهم وتعزمهم وانا تناقشت مع اختي والاثنين مناسب
ابدا لا تخليه يختار الموعد لان الجنوبي غربي ما يعرف يحدد موعد متردد على الاخر لو ابي اختار باي يوم ابي اعزم اهلي عندي على البيت اتوقع موب عازمتهم ابدا لان ابي اقول اليوم ربطه خليها بكرا لا بكرا زحمه خلاص الاسبوع الي جاي ويوم يجي الاسبوع الثاني اقول لا خلاص موب ظروري
يعني متردده على الاخر لكن لو جيت قلت لزوجي ابي اعزم اهلي لكن متى ؟؟يبي يحدد لي يوم محدد وخلاص بعدها ارتاح من التفكير باي يوم ابي اعزم
 
كلام الاخت وهم حلو وحاولي تتطبقيه..واعتقد ان عزمتي خواتك ووالدتك يعني للنساء فقط وتونسوا وحدكم شئ لطيف وخفيف..
 
طيب كيف أطبق كلام الاخت وهم

انا مقدر اتفق مع أختي ع الموعد لأن شورها بيد زوجها

لازم هو ينسق وياهم

الأخ معطيني طناش ع الآخر كيف أخليه يصالحني لأنه قهرني مووووووت
 
طنشيه مثل ماهوه مطنش,ولاتسوي نفسك زعلانه بس لاتكلميه
خليه يشوفك مبسوطه ولا هامك زعله
وبيجيك وبيراضيك بنفسه.

واذا على العزميه اول ماتتراضون حددي يوم انت ع طول ,واديه التلفون يعزم بس.
في نوعيه من الرجال كذا ترى ,حتى ع ساندوتش مايقدر يعزم.
 
يمكن زوجك خجول ولا مواجتماعي او مايعرف يبادر ويعزم مايعرف للرسميات
مو شرط انه يبغى يقهرك او يبغى زعلك
يمكن الوقت مو مناسبه وعنده مشاريع ثانيه مخطط لها بالعيد
واذا الرجال مو من نفسه يبيض وجهه قدام الرجال لاتتعبين نفسك علشان
تغيرينه وتخططين وتنزعجين اذا ماسوا الي في خاطرك
لكن قولي له ان الي يسويه غلط خاصه انهم ماسوو له شئ ولا ضروه واذا مايبغى يعزمهم في بيته هو حر
انتي سويتي الي عليك وفيك الخير تكفلتي بكل المصاريف علشانه وعلشان صورته قدامهم

 
يجب تسجيل الدخول أو التسجيل كي تتمكن من الرد هنا.
عودة
أعلى أسفل