شهر عسل ما قد حصل..

[أغلى أم]

يارب سترك

 

[حضرمية والنعم]

واي ياقلبي الله يصبرك

ويثبتك مع ناس ماعندهم ذرة الانسانية

ربنا يهون عليك

ومنتظرين التكملة

 

[بنت دبي]

كان الله في عونك على هذه البلوة !!!

لكن بصراحة أصلك طيب احترمتي والده ولم تردي عليه بالمثل وإن شاء الله لن يضيع أجرك المهم أن تحتسبيه عند الله

 

[*بشرى*]

ياعمرى لاغلاطانه ولاشى مااقول الا الله يعينك على اهل زوجك احس ان زوجك حبيب بس يتاثر من اهله والله يكتب الى فبه صالح وخيره

 

[Um ghaayah]

الله يكون في عونك يا أختي... والله في هالدنيا ناس عجيبة...

 

[أم ليان1]

وينك يا اختي .استنا النهاية لا تتأخرين

 

[شموخ الكويت]

ايامي الصعبة

عسااااااااااها تكون خيررررررررررر

هونيهاااااااااااا كلنا نعاني ومحد مرتااااااااااااااااح

 

[وردة الحنون]

الله يكون بعونك
ننتظرررررررررررررك

 

[تاهت خطوتي!]

قال غلطانه قال!!

وسعي صدرك بس< متحمسة بقوة


...............كملي....

 

[ام ريان*]

الله يعينك حبيبتى
والحمد لله على سلامتك المهم انك طلعتى بالسلامة هذه اكبر نعمه تخليكى تعيشى بسعاده وتحمدين الله الف مرة

خليكى زى ماانتى كوني واثقة من نفسك ولاتهتمين لاهل زوجك دوام الحال من المحال ان شاء الله تفرج

بانتظار التتمة

 

[prnsesحلا]

كل خمس دقايق ادخل اشوف كملتي ولالا ترى راح انهبل قصتك مره خطيره مع اني متشوقه اعرف وش صار وبنفس الوقت ماودي تنتهي القصه لان اسلوبك في السرد ماينشبع منه اتمنى انك بعد ما تخلصين كتابة قصتك تنزلين لك مواضيع ثانيه لانك صراحه موهوبه اسلوبك روووووووووعه ماشا الله تبارك الله

 

[مصرقعة]

هلا أيامي صعبة استبشرت خير يوم شفت اسمك ..ان شاء الله اليوم يقدرك ربي و تكتبين القصة كاملة ..بانتظارك حبيبتي.

 

[انا غير00؟]

تشبهيني

واااااو بصراحة قصتك تشبة قصتي بس مو في زوجي:no: في اهل زوجي يتدخلون في كل شي وامة مسوية حارس عند مدخل البيت متى نطلع ووين نروح ذابحتني وما احبها مع اني احاول بس ماقدرت ما تنطاق وزوجي بدا يتاثر فيهم وما اقول الا اللة يصبرنا عليهم بس :icon28:

 

[وحيدة في الزحام]

والله عجبنى موقفك مع ابوه . وعجبنى ردك..

. الله يكون فى عونك مع هؤلاء الناس ..

. زين ان ذهنك حاضر وتردين بجراه وادب فى نفس الوقت ... الله يكون فى عونك ...انا لو مكانك والله كنت سويتها مشكله وصارخت

وما كنت اسكت الا لما يبوسون رجولى الاثنين امام الناس خخخخخخخخخخخ.. منتظرينك

​

 

[أيامي الصعبة]

الللللللللللللله يسعدكم يارب...
لكل إللي حبوا زوجي وقالوا عنه حبيب وطيب وعلى نياته .. لا تستعجلوا قريب راح أكشف عن الوجه الآخر...
بكل صراحة يابنات ..ماكنت ناويه أعديها .. حسيت إن هالمره الموضوع زاد عن حده وما ينسكت عليه أبدا... بكل صرامة كنت أكلمهم في السيارة قلت أنا ما أرضى على نفسي يتشكك في شرفي وأخلاقي وزوجي ساكت ما فتح فمه بكلمه وحده.. وإذا هو مو كفو يحميني ويخاف على سمعتي أنا بنت رجال.. أهلي ما يرضوا عليه ولا أنا أرضى عليهم ودوني لبيت أبويه وعلموه باللي تشوفوه عليه ... إما إنه رباني ... وإما إنه أخذلي حقي...
قال إيوه والله لو يدري عن تصرفاتك ليذبحك ( يبغى يزعزع ثقتي بنفسي ويخليني أتراجع عن موقفي ... بس أعجبكم ) قلت ماعندي مشكلة إذا لقى أبويه علي شي أستاهل الذبح..
(وهنا يبدأ التحول ... بس أبغاكم تلاحظوا الشبه بين إسلوب الولد وأبوه)
قال يابنتي إحنا ما نبغى المشاكل ولا نبغى نزعل أبوك وهو مريض .. ( يلعب بمشاعري)
بس أنا كنت مصرة ولا تراجعت...
أنا مريض وعندي السكر وخفت عليك جاني الولد إلا يقول ياأبويه أنادي عليها في غرفة الإنتظار وماترد نفكر صار لك شي ونادينا الممرضة وقالت ماهي موجوده أفكر أحد خطفك (ياشيييييييييييييخ أول كلام غير ده )
وخفت والله إني باقي أحس رجولني ما تشيلني وأنا وأنا وأنا وشويه ونزل دمعتين ... ( أنا مره حنونه بس والله ما أثرت فيه لأني أعرف إنه جالس يضحك عليه.. )
المهم حصل خير وكلها سوء تفاهم وهنا حفرنا وهنا دفنا .. قلت صار خير بس معليش أبويه لازم يكون عنده خبر رجع للدموع الكذابة يابنتي طلبتك زي ما جينا نرجع قدري شيبتي وأنا ما إنفعلت إلا من السكر..
أحرجني ما قدرت أستحيت من كبر سنه ويكلمني بذي الطريقة.. وقلت خلاص ما صار إلا الخير .. وهذي هي الثغرة إللي قدر يحطمني منها..
طبعا خلاص أعطيته كلمه ومستحيل أرجع فيها... رحنا بيت أهلي وما جبت سيرة لأي أحد.. إلا أمي .. جلسنا نسولف وحكيتلها من باب الفضفضة وطبعا سري في بير..( وياليتها ما حافظت على السر.. )
وثاني يوم سافرت معاهم ولا كأنه صار شي ..
مرت الأيام بشكل عادي وأنا في صراع الإصلاح وبناء شخصية زوجي مره يزعلني ومره يراضيني... إلين جات إجازة الصيف راحوا أهله لبيت الصيف (اللي في نفس منطقة أهلي)
وكانت إجازته تبدأ بعدها بكم أسبوع .. بصراحة كانت أيام حلوه كان الجو رائع وكل يوم طلعه وفله... وبدأت أحس إنه فهم المفروض يكون في صف مين..
ذيك الأيام أحس أبوي إنقطع عني ما يتصل وإذا دقيت عليه مايرد وإذا صدته يكلمني بجفاف.. سألت أمي إش فيه أبويه قالت ما أعرف ما قال لي شي بس عادي مو منك يمكن متضايق من شي ...
المهم جات إجازتنا ورحنا لأهلي .. أول شي لاحظته إن أبوي زعلان مني أنا .. بس ماكنت عارفه السبب ولاتجرأت أسأله على طول..
وثاني شي لاحظته إن على وجه أبو زوجي إبتسامة شماته ونصر غريبة!!!!!!!!!
في ليلة طلبني أبويه لإجتماع فردي ومغلق... حسيت بالخطر..
ولما جلس معاي كانت على وجهه كل تعابير الغضب إللي في الدنيا وبدأ يستجوبني..
إش اللي قاعده تسويه من ورانا الناس كلها صاروا يتكلموا فينا .. وإحنا عشان كذا زوجناك.. وإحنا على كذا ربيناك.. وهذا جزاتنا عندك.. سودتي وجيهنا ..
كان يتكلم بإنفعال وإسترسال وأصدر الحكم علي مسبقا.. والله تمنيت إني مت ولا سمعت هذا الكلام... ظلم... قهر..
طبعا خطة أبو زوجي كانت ... خلاني أسكت وأكتم عالموضوع عشان يرجع يصيغه وينشره بطريقته القذرة ..(( إننا رحنا المستشفى وغابوا عني دقيقتين بعدها قلبوا المستشفى ما لقيوني وأكثر من ساعتين وأنا مختفيه وبعدين جيت من برى.. قلت إني رحت الحمام .. وما صدقوني وجلست أبكي وأترجاهم إنهم مايوصلوا الموضوع لأبويه.. وإحنا سترنا عليها عشان أبوها لايصير فيه شي ))
طبعا الموضوع وصل لأبويه عن طريق ناس غيرهم .. والكل صدقهم لأني أنا ساكته وماجبت سيره وهم إللي تكلموا..
جلست أحلف لأبويه.. وقال كل تصرفاتك تغيرت حتى لبسك للعبايه إنتي من متى تلبسي عبايه مخصرة ومطرزة ومن متى تروحي للناس بلبس ماربيناك عليه.. قلت أنا جيت لأمي وحكيتلها الحكايه وقلت خلاص إنتهينا سأل أمي وقالتله .. طبعا حط اللوم علينا وقال لايمكن أصدقك.. لو إنك صادقة كان تكلمتي .. إنفعلت وقلت كله منك إنت اللي ربيتنا على الإنكسار وإننا نتنازل عن حقوقنا.. طبعا قامت القيامه في البيت وكان فيه شخص واحد ممكن يبرئني بس المشكلة إني ما أثق فيه نهائيا ... (زوجي الحبيب )
كلمته ومن القهر غلطت على أبوه ودعيت عليه وووووو........... إلخ
قام يدافع عن أبوه قلت ماكان أحد معانا إلا إنت وإذا ما تتكلم قدام الكل وتبين لهم الحقيقه واللي صار بالضبط والللللللللللله ما عاد تحلم تشوفني .. (يخاف من التهديد ) لأن إذا ما توقف معاي في هذا الموقف ماتستاهل إني أكون زوجتك.. ولا تستاهل تكون رجال أصلا .. قال إش أقول أجمع الناس وأقول ابوي كذاب.. إنهرت وصرت أبكي حرام عليك أنا زوجتك.... أنا شرفك... كيف ترضى يطلع عني كلام زي هذا ومن مين من أبوك إللي المفروض يكون ستر وغطى علينا حتى لو غلطنا..
المهم تأثر بالمرة لأن حالتي كانت تبكي الحجر...
واليوم الثاني جاه إستدعاء من أبوي جاء وهو ينتفض ومن يوم شفته قلت عز الله ما وراك خير.. قال أبويه إش شفت في بنتي.. قال الله يحميها ما شفت إلا خير..
إش اللي صار بالمستشفى أعطاه السالفة وقلت الحمدلله الباقي يهون..
المهم قال خلاص روح ولا تجي إلين أتصل فيك...
بعد ما راح قال أبويه شوفي أنا طول عمري ماأحد وطى راسي ولا أحد تجرأ يقول عني أو عن أهلي كلمه وحده.. وإذا يوم تزوجتي تفكري إنك صرتي حره وما وراك أحد تراك غلطانه..
هذا الرجال بكره بطلب منه ورقة طلاقك.. وإنتي ما تحلمي تشوفي نورالشمس..
طيب ليش إش ذنبي أنا إنت اللي زوجتني على ناس من هذا النوع أنا لو أدري كذا بيصير لي ما كان تزوجت.. قال بس إنتهى الكلام إنتي الزواج مايصلحلك...
((جرح الكرامة يستحيل شفاؤه )) هذا أبوي وكذا يسوي وكذا موقفه... أجل كيف الباقيين.. رفضت وقلت هذي حياتي وما أسمحله يدمرها بهالطريقة.. بعد كل هذي المعاناه ... إذا بترك زوجي بتركه والكل يقول ماقصرت تحملته كثير ولو تركته في هالوقت الكل بيقول تحمد ربها إنه تزوجها...
قررت أعتمد على نفسي لأني بصراحة ( معليش يادانه) حسيت أبوي خذلني..
كلمت زوجي وقلت أبويه يقول بكرة تجيب ورقة طلاقي.. بغى يتجنن ... أنا ما أبغى إلا إنتي وليش أنا إش ذنبي وووو قلت والله إسأل أبوك هو إللي خرب حياتك قام يدعي عليه دعاء قسما بالله وقف شعر راسي.. وقال أسوي أي شي والله لاأقطعه ولا عاد يعرفلي طريق...
أنا مستعده أرجعلك حتى لو ما وافق أبويه.. بس بشروط .. أول شي تقول لكل الناس إن أبوك كذاب.. وثاني شي أول ما نرجع بيتنا تنقلني من البيت اللي جنبهم .. وثالث شي ما تجبرني على أهلك نهائيا.. وبالذات أبوك لا أزورهم ولا أدخلهم بيت .. وإذا جو بيت ولدهم يجو ضيوف ويروحوا أنا ما أسلم عليه ولا أطلع في وجهه ...
وفعلا هذا اللي صار رحت من بيت أهلي وأبويه زعلان طردني وقطعني ومنع كل أهلي يتصلوا فيه..

( على فكره وحتى أبوه زعلان منه لأنه كذبه.. ) ونقلنا من شقتنا شقه بعيده عنهم..
وأهله ماصرت أزورهم نهائيا.. أحيانا كانت أمه تجي عندي كنت أضيفها وأكرمها.. طبعا بعد فتره تراضى هو وأبوه ورجعت المشاكل..
راح أختصر الآن إختصار شديد لأنكم من جد مليتوا وطولت عليكم..
أول شي بعد مانقلنا بيومين وأنا أرتب البيت إتصلت فيني عمتي وعرفت إني ناقله قالت بجي أساعدك وما كنت أعرف أوصف البيت الجديد.. قلت دقي بعد شوي أسأله عن الوصف أخذ الجوال وكسره.. قال ما أبغى أحد يجيني ولا يعرف بيتي.. صار يقفل علي طول الوقت لما يخرج.. منعني من أي زيارات أو إتصالات.. وصار يضربني على أتفه سبب .. ويرجع يبكي في الليل وينام معايه.. وفي مره ضربني (لأني طيحت صحن الشوربة على الأرض) .. وكنت مره تعبانه ومنهاره أخذت قدامه علبة دواء كامله.. خاف وصار يبكي أوهمته إني سامحته وآخر الليل تعبت مره وقلت وديني المستشفى قال ليش إش فيك قلت كان يجيني ألم في جنبي من زمان من يوم أنا عند أهلي وذحين أحسه رجعلي بس آخذ إبرة وأرتاح (أحسن ضحكت عليه لأنه غبي ) وداني ولما دخلت عند الدكتورة سويت بلاغ وجابوله الضابط يحقق معاه سألوني أتنازل ولا لأ قلت أتنازل بس يوديني لأهلي وأخذوا عليه تعهد إنه يوديني عند أهلي خلال إسبوع.. وهذا اللي صار
رجعت لأهلي وتسامحت من أبوي وقلت لو إنك وقفت معاي من الأول ما كان صار هذا كله.. المهم وقف معاي هذي المره إنقهر عليه وحاولنا معاهم باللين وعلوم الرجال مافاد فيهم وإضطرينا نرفع قضية والحمدلله كسبناها بس بعد أكثر من ثلاث سنين وفسخني القاضي منه لأنه مارضي يحضر ولا جلسة بس أبوه اللي يحضر...
ملاحظه هامة : (حلوه صح ) كل الفترة إللي جلستها معاه من يوم دخلت بيته أول مره إلين وداني لأهلي آخر مرة 10 أشهر فقط لاغير .. والفتره من بداية زواجي لهذا اليوم 6 سنوات ..




إنتهت

 

[حضرمية والنعم]

واي ياقلبي وربي انك ذقت الويل بس الحمد الله ربنا نصرك واخذت حقك منهم

الله يسعدك يارب ويعوضك خير

 

[prnsesحلا]

خساره والله ماكان ودي النهايه تكون على كذا طيب انتي ماتزوجتي وهوما تدرين اذا تزوج اولا والله انك اجوديه واخلاق اياليت لو اخواني كبار كان خطبتك لواحد فيهم بس خساره اكبر مافيهم ابو 12 سنه شكلي ابخطبك لبوي بسلاتدري الوالده ههههههههههههههههههههههه

 

[الغالي::ة]

عزيزتي
الله يوفقج وينصرج
وبصراحه وايد عجبتيني لما ما رضيتي بالاهانه والطعن بالشرف
لان مجتمعاتنا العربيه غالبا تحط اللوم على المرأه اذا تطلقت فما بالج لو انك متطلقه وللحين القصه ما كذبها اهو على لسان ابوه !!!!!!
وبعدين اشلون ابوه يرضى على نفسه انه يقول انه فيكي شئ ؟ المفروض يكون حاطك مثل بنته والي يهينك يهينهم كلهم

الله يوفقك ويسدد خطاك

 

[تولين5]

الله يعوضك بالي يستاهلك يارب...................

 

[أيامي الصعبة]

:c016:الله يسمع منكم ولا يحرمني من هذي الدعوات يااااارب

:busted_red:يارونه حبيبتي إذا أمك تعرف النك حقك أنصحك تغيريه :msn-wink: الله يسعدك يااااارب تفاعلك جدا رائع من بداية القصة..