شهر عسل ما قد حصل..

الحالة
مغلق و غير مفتوح للمزيد من الردود.
حبيبتي والله تدرين شو الحلو فيج جراتج ومثل هالناس يبغيلهم جراة وخصوصا زوجج لانه ما يعرف شيء يعني على قده بس اتمنى من الله اتكون الامور تعدلت من بينكم
والله سبحان الله الدنيا غريبة وقولي الحمدلله انه انتي اهلج ناس اجاويد وقامو بج واللهم لك الحمد وان شاءالله تيسرت امورج تراها يبغيلها اشوي صبر وتعرفين ان الله اذا احب عبد ابتلاه والحمدلله ان صحتج رجعت مثل ماهي وهاذي اكبر نعمة لج
يالله نترياج وكملي افا عليج كيف نمل منج واسلوبج مشوق وجميل
 
الله يكون في عونك ويعوضك عن اللي شفتيه وتكون ااااااخر الاحزان يارب
 
يا حبيبتي . . قصتك تقطع القلب .. أهل زوجك عديمين الاحساس شدعوه كل ذا لو أن التعب فيهم كان حسواا

الله يسعدك حبيبيتي و يوفقك مع زوجك ..
 
الحمد لله على سلامتك يا الغاليه
انشاء الله تكونى بصحه وعافيه
قصتك والله تعور القلب الله يصبرك على هاعائله
كملى حبيبتى احنااااااااا معاااااااااك بس كبرى خطك
 
ماأدري اذاكانت مشكلتك أنتهت أو لا..بس ماشاء الله عليك تصرفاتك صح مية بالمية..اذاكانت لازالت المشاكل قائمة فعليك بالاستغفار..جعل الله لك من كل هم فرجا ومخرجا
 
حبيبتي الله يتمم شافك ومنتظريتك ياعسل
 
الحمد لله على سلامتك00تابعي واحنا معاك
 
الحمد الله على السلامه من جد شهر عسل ماقد صار الله يعوضك ياقلبي
 
الله يشفيك أختي
تفاعلت مع قصتك وتأثرت علشانك جدا
ومتشوقة لمعرفة النهاية
ويا ليت ما تطولين علينا​
 
بجد خنقتني العبرة من قصتك
ومن اسلوبك الجذاب موووت


ماأدري شنو صار من الأحداث

بس زوجتك مثل العجينة في يدك
تقدرين تشكلينها على كيفك ويصر أفضل رجل

هو فاقد رجولته مع أهله ومخلينه سبهه

فلو أنتِ حسستيه برجولته ونفختيه وشكرتيه لو على اي شي تافه
صدقيني بيصير مثل الطفل .زبيحس بالفخر وبيحاول يبرز رجولته قدامك
وتكوني عززتي فيه هالشي والنتيجة لصالحك...

ربي ييسر امورك ويفرجها عليك،،
 
بعدها إرتاحت نفسيتي إن البيت نظيف.. وبدأت تستقر حياتي بدأ يتعلم وصار أحسن كثير وصارت علاقتنا أحسن وأقوى كنا عايشين شي يشبه الصحبه ( إلا وقت النوم ههههههههه) لا حظت إنه يحب الطلعات واجد ولا يبغى يجلس بالبيت يوم واحد (كأنه مفكوك من سجن )
بنات أنا ألبس عباية عالراس بس كنا نطلع كثير وكنت أمشي زي البطة وما أعرف أمسك نفسي وإلا العباية لازم تكون يديني ال2 حرة وأنا أمشي كنت أستخدمها للتوازن ( زي إللي في السيرك يمشوا عالحبال) هههههههههه
المهم قال إش رايك أشتريلك عبايه عالكتف من المقفلة عشان ما تتعبي..
وكان في راسي موضوع ثاني ( كنت خايفة أحمل )
قلت ok نروح السوق وبعدها توديني مستشفى خاص ( ماعندي بطاقة الحكومي) عشان الدكتور قال لازم تشوفك دكتورة نساء في المدينه إللي تسكنيها وتستشيريها في موضوع الحمل في هذي الفترة..
إلاهو قال بس أنا ماعندي فلوس واللي عندي يادوب يكفي نقضي كم غرض للثلاجة أنا ما بجلس كل يوم أجيب غدى جاهز.. قلت مومشكلة وديني أبيع شي من ذهبي (غبيييييييييييييييييييييييييييييه )
وداني بعت بنجرتين وإشتريت العباية ورحت المستشفى وأخذت حبوب لمنع الحمل بوصفة الدكتورة سألتها إني سمعت إنها تجيب عقم للبكر إللي ماخلفت قالت مو صحيح.. وجلسنا نصرف من فلوسي كم يوم ..
تعود عالسالفه صار كل كم يوم يآخذ شي يبيعه عشان نتمشى مع إني ما كنت أحب أطلع كثير وكنت أتعب بس كان يزعل لما أقول ما بطلع ..
مشيت الأمور تماااااااااااااااام إلين إنتهت الإجازة ورجعوا أهله من السفر في بيتهم إللي جنب بيتي بالضبط ... ومن هنا كانت بداية النهاية .........
بدأ يتغير يصارخ علي كل شويه ويأمرني بأشياء مالها داعي حتى لو يدري إنها ترهقني ( على فكرة خلاص نسينا موضوع الشغالة وصرت أقوم بالبيت كامل من إلى ( يارووووووحي يا أنا والله كنت أتعب )
يشك فيني .. أكون أكلم بالجوال يسحب السماعة من إذني ويسمع .. ما يقوللي على موعد إستلاماته عشان يروح فجأه ويرجع فجأه ... وأحيان يقول عنده خفارة يلبس ويطلع وأغلب الأحيان آخر الليل بعدين أكتشف إنه موجود في البيت بس يوهمني إنه طلع .. تخيلوا أنا أعرف إني لوحدي بالبيت وأشتغل وماخذه راحتي وفجأه ألقى شخص متخبي بدولاب أو ورى منشر الغسيل أو بالحوش يراقبني من شبابيك البيت.. كذا مرة كنت راح أتجنن كان يرعبني بجد أصرخ وأجلس أبكي ولما أسأله ليش تسوي كذا يقول أمزح..
كل مرة يحصل موقف من هالمواقف كنت أزعل وتصير مشكلة ويرجع يعتذر ويبكي وسامحيني وما عاد أعيدها وحسبي الله على أهلي ..
ما خليت شي ما قلته ما خليت طريقة ما سويتها يتعدل يومين ويرجع ألعن من أول.. وفي ليله كان نايم .. ما جاني نوم وقمت أتسحب .. عشان ما يحس فيني .. طلعت من الغرفة ودخلت الحمام أخذت دش وخرجت بروب الحمام فتحت باب الغرفة بشويييييش عشان ما أزعجه (نومه خفيف) لقيته في سابع نومه متغطي عالآخر ونايم.. أخذت الفرشه من عالتسريحة وما قدرت أطلع ملابس من الدولاب الغرفة ظلام..
تذكرت إني منشرة غسيل عالمنشر في الغرفة الثانية .. سكيت باب الغرفة بشويش ورحت الغرفه الثانية لبست ملابسي وماخذه راحتي وجالسه أمشط شعري وقلت خليني أجمع الغسيل في السلة بما إنه نشف .. ولما جمعت الملا بس لقيته جالس بين الجدار والمنشر يراقبني إش أسوي ..
آآآآآآآآآآآآآآآآآآآآه ما في أحد يتخيل إش صار فيني ... لأني ماكنت أتوقع أبدا إنه هناك ياناس فتحت الغرفة شفته نايم ودخلت على طول هذي الغرفة مستحيل يدخل بعدي إلا أشوفه ... طلع الأخ حاط المخدات ومغطيها .. شك فيه لما شافني أتسحب قال أشوف إش عندها ..
دخلت في حالة هستيريه ولا عرفت أطلع منها صرت أصرخ وأبكي وأخبط بيديني على صدره وهو يحاول يهديني ومو قادر ... حتى إنه خاف يكون جاني مس ... صار يقرى عليه وجابلي مويه وهديت شوي وصرت بس أبكي بدون صوت شالني وحطني عالسرير والله ماكانت رجولي قادره تحملني حضني وحاول يتكلم قلت ما أبغى أسمع شي .. خليني أرتاح...
نام وأنا ما غمض لي جفن .. إنهرت تماما .. خلاص ماعندي أي إستعداد أعيش معاه رغم إني من جد حبيته على كثر ما كان يسوي فيه ... راح دوامه وسألني إذا كنت أبغى شي مارديت عليه ولا قمت معاه زي العاده ..
ولما خرج قمت جهزت شنطي وقررت أحط حد لتصرفاته ... إما إنه ينخلع قلبه وما عاد يكررها وإما إنه ينتهي إللي بيننا.
لما رجع شاف الشنط عند الباب جاني قال إش هذي قلت أبغى أروح لأهلي ( تراه يحبني موووووووت ويخاف كل مره أكلم أهلي إني أشتكيلهم وياخذوني من عنده )
ليه إش فيك ؟؟؟ قلت إنت تبغى تجنني وأنا ماعندي إستعداد أعيش معاك... بغى يتجنن صار يترجى وأنا ماني معطيته وجه تعود على حناني وإني بسرعه أسامحه كل مانزل دمعتين.. أصريت على موقفي وخرج من البيت جاب أبوه وتدخل في الموضوع تدرون إش قال؟ قال إنتي الفروض ماتمزحين مع زوجك الحرمة تحترم زوجها ... إش دخل هذا في الموضوع ماني عارفه وبعدين أنا من النوع اللي ما أشيل الموانه بالمره قدام أهله.. وهو يتكلم كان يبغى ينفس عن حقده فضح الشغلة كلها وعرفت إنه كان يقوللهم عن كل صغيرة وكبيرة حتى مواقفنا الخاصة .. وهم من نذالتهم يشجعوه بعدين يرجعوا يعايروه ..
المهم بدل ما يصلح الوضع خربها زيادة بيني وبينه ... وأصريت عل موقفي بعد ماطلع أبوه صار يبكي بحراره أنا أحبك أنا مقدر أعيش من غيرك أنت الوحيده في الدنيا إللي وقفتي جنبي .. قلت وهذا جزاي عندك ؟؟ ليش تسوي فيني كذا؟؟ مو حرام عليك ؟؟ ماتحن عليه ؟؟ ياخي لاتعتبرني زوجتك إتبرني وحده من الشارع .. ترضى تسوي كذا في أحد .. قلت جاوبني ليش تسوي كذا قال أهلي.. هم يقولوا لازم تراقبها ولازم ولازم جننوني بالشك قلت موعذر.. صار يسلم على رجولي ......... وحنيت عليه ماهان عليه أحط زوجي في هالموقف ... سامحته ...... سامحته يابنات .... بالله إش رايكم فيه؟؟؟
 
بنات مرة تعبت بروح أرتاح.... وأوعدكم بكرة تخلص الحدوته .. بس لازم أعرف رأيكم عشان أتحمس أواصل
 
يالله من جد ايام صعبة والله صراحة اسمع كثير عن اهل الزوج وحركاتهم اتعجب لان اهل زوجي الحمدلله يحبوني كملي الله يسعدك ويسخر لك زوجك
 
مايستاهل تسامحيه
قوليله عيل انت مثل ماتقول كل شي لاهلك هم انا بقول كل شي لاهلي
تعرفي شو تقوليله
اسمع اهلك من اذنك اليمين وطلعه من اليسار لازم تنفذ كلامهم
ولا انت ماعندك شخصيه
اثبتلي انك زوجي وتحبني وتخاف علي
ولا ماتقدر تقول حق اهلك ان زوجتي عفيفه ومايحتاج اراقبها
زوجتي ملاك

الصراحة واجد زعلت عليج بس انتي جدا صبورة الله يبارك فيج
ويفتح بويهج ابواب الخير
وايد حسيت بمعاناتج لاني انا بعد صارلي حادث زيك والسيارة الاندكروزو طاحت بكبرها على جسمي وصارت عندي اربع كسور فضيعة جدا عانيت بس يحليلج انتي عانيتي سنه واكثر وانا عانيت 5 شهور بس جد المشي بعد نومة الفراش جدا صعب والنفسية كانت مرة زفت والحمدلله ماعملتي عمليات
انا عملت 3 عمليات كلها غلط اتصوري وبعدين الله يسرها وجبنا طبيب من برا البلد وعملي عمليه ونجحت والحمدلله
الله كتبلي عمر جديد
كسر الحوض مو سهل
تصوري زواجي الاربعاء الجاي
واهملت مارحت اعمل فحص ولا اشعه
ابي اعرف اذا حملت رح اقدر اولد طبيعي ولا لازم عمليه قيصرية
واصلي قلبي معاج
 
مسكين واضح إنه ضعيف شخصية واي كلمة يسمعها من أهله يطبقها
وواضح أيضا طيبته وصفاء نيته
بس اذا انت لسى بذمته لازم تغيرينه ولازم تكونين جازمة معاه
يحترم أهله لكن مايطلع اسرار بيته لهم
هو يسمع الكلام حتى يثبت رجولته عندهم حسبي الله عليهم من أهل
الله يفرجها عليك
 
الله يكون بعونك

المفروض كان ردك حااااااازم
لانه كل شي يهون

يشيشونه يعايرونه
بس ما تسحي انه بغبائه يرضا لهم يشككونه فيك
 
الحالة
مغلق و غير مفتوح للمزيد من الردود.
عودة
أعلى أسفل