شنو تشورون على ؟؟ :(

ع

عيوني قطرية

New member
إنضم
2008/11/13
المشاركات
3
السلام عليكم ورحمه الله وبركاته


بدخل على طول الموضوع ... لاني احس بضيقه وبنفجر اذا ما تكلمت ...


انا متزوجة من فترة مو قصير تقريبا نص سنة وانا احب زوجي وهو يحبني ونموت على بعض...

بس


زوجي خانقني بتصرفاته احسه فيه مرض او نقص ....


اولا بقولكم هو فاقد حنان من طرف الاب والام لظروف خاصه فيهم ... ومن ايام الخطوبة وانا اغدقت


عليه بالحب والحنان وصرت كل شي بحياته من ام واخت وزوجة وصديقة ...الخ واللحين انا حامل


المشكله زووووجي غيور وفيه انانيه مو طبيعيه يعني يبيني طول اليوم مقابلته لا اكلم امي ولا احد


واول هوشه صارت بيني وبينه حاول يذبح نفسه انا هنا خفت ومجرد ما نتهاوش يتم يبكي مثل


الياهل ما يسكت وتجيه ضيقة نفس... انا مرت تهاوشت بسبب خاص بينا ووصل الكلام بينا اني


قلت له طلقني بعدها اختفي واتصل يقول لو فكرتي تنفصلين عني والله ما لج الا المووت واحلمي


تشوفين رجل غيري ....



انا ما اقولكم زوجي سئ بالعكس فيه صفات حلوووه وطيب بس عليه تصرفات تنفرني منه ...


تخيلو جوالي لازم تفتيش دوري واذا عصبت حط جواله بيدي وقال فتشي انتي ما تغارين ...


ربعي لو اكلم وحده ربع ساعة يعصب وتقوم الدنيا ليش تسولفين معاها هالكثر ....


انزل ازور احد من ربعي يتم برا يدور حوالي بيتهم بس كمراقب...


الى قهرني حلفته على القراءن حلف انه ما يشك وقال لى لو انا اشك ما براقبج بذبحج ....


بس انا اغار واخاف وما ابغيج تغيبين عن عيني



انا حالتي النفسيه معاه تعبانه على اى سبب تافه يتهاوووش واحس اني كبرت عن عمري 20 سنة




وحاليا والله افكر بالانفصال بس معذبني هو ميت من الفرحه على المولود وما له سيرة غيرت اذا

ربيتي انا بسوي لج وبسوى له وبوديه وبدلعه وبلبسه....



شوروا علي شاسوووي



عمري 24 وعمر زوجي 22



 
ياقلبي الله يفرج همك وهمي وهم كل مسلمه
والله دي الدنيا ماحد مرتاح فيها
يمكن فارق السن ياعمري حتى لوسنتين البنت دايما اعقل من الرجال غالبا الا فالنادر
حبيبتي واضح انه يحبك حرام لانه يغار ويهتم بك ويبغاك جنبه وبعض النساء وانا منهم سبحان الله تتمنى انو زوجها يكون كذا لكن للاسف دايم بعيد
لاتستعجلي بالانفصال فحسناته تغطي على عيوبه حاولي تتقربين منه اكثر
وماتنلامين والله ياقمر الشك والالتصاق الزايد والله يطفش بس انتي بالتفاهم والهدوء حاولي تفهميه الي انتي تحبيه واذا حسيتي انه ممكن انه فعلا يضرك او عنده اضطرابات فالشخصيه كثير مافي مانع يعرض نفسه على طبيب نفسي
ربي يسخره لك ويسعدكم ياعمري
 
الله يعينك ويفرج همك

بس حلو انه يحبك
اذا مو هون اعملي الي بدك من اتصال او زياره وغيرها

واذا موجود خليك جنبو وين المشكله بالعكس دامه اعترف انه يحبك حلووو اكتير

حبيه متل مايحبك والحمدلله

مو خاين والا مغزلنجي متل بعض الرجال
صفاته صح تضايق بس حاولي حبه حبه تغيرينهااا

والله يوفقك

​
 
أختي الغاليه عيوني قطريه
لا تخسرين ريلج والسبب انه يغار عليج ,, كفايه انج من كلامج انكم تموتون في بعض ,, تغاضي عن الأشياء اللي ما تحبينها فيه وصدقيني مع الوقت بيخف عليج ,, والله عشان أنه يحبج خايف في يوم أنه يخسرج ,, هو لقى فيج الصدر الحنون وتعلق فيج لدرجه أنه مايبي احد ياخذج منه حتى والدتك ,,
أختي الغاليه حاولي أنج ماتكلمين أحد في التلفون وهو يكون موجود ,, عطيه أهتمامج كله ,, حسسيه أنه كل شئ بحياتج وان ما تستغنين عنه ,,

تحملي تفكرين أنك تنفصلين عنه والله أن فكرتي فبتكونين وأسمحي لي غبيه ,, الرجال شاريج والأمور هذي بتهدأ مع الأيام ,, عقب فتره بتشوفينه أنه بيخف عليج بس في البدايه يبي يطمن عليك ,,

أختي محد في الدنيا كامل ,, والمرأه تقدر تعلم الريال طبعها ,, خليه يلف على بيت صديقتج دامك انت الحمد لله واثقع من نفسك والله أختي مع مرور الأيام ومع العشره اللي بينكم بيبطل هالعاده ,, لا تحسسيه انك متملله من مراقبته فيك أنت كذا بتعطينه مجال يشك فيك وانت في غنى عن هالأمور ,,

وانا أشوف أنه النقص اللي فيه من حنان وغيره وفرق العمر بينكم خلاه في دوامه ,, أختي بحنانج وطولت بالج وسعه صدرج بتجاوزين عالأمور ,,

الله يوفقك ويخليك حق زوجك والبيبي الجديد

 
نفس حاله زوجي ما يحب اكلم حد ولا ازور حد في بدايه الزواج ..وعودت نفسي اكلم اهلي وربعي في الوقت اللي يطلع فيه من البيت ومع الوقت خفت هالغيره والحين اروح لربعي وازورهم واكلم اهلي قدامه ..حبيبتي اصبري دام بس هاي عيوبه مع الوقت بيخف هالشي ..
 
تصدقين كأنك تتكلمين عن زوج اختي بالضبط

مجننها بالغيرة الزايدة في بدايه زواجهم عانت من هالشي

وماكان يبيها تجلس مع ابوي تخيلي ..!!!

ودايم يعصب عليها وتصير مشاكل اذا شافها تكلم صديقاتها او تتدلع على ابوي !!

بس اختي ماصارت تتصل على صديقاتها اذا كان موجود وتحسسه انو هو اهم شي عندها

وبعد فترة تقريبا 3 سنوات خفت هالغيرة وصارت غيرته معقوله

لدرجه صار هو اللي يوديها لصحباتها ويتصل على ابوي يوديها بعض مشاويرها اذا كان هو مشغول

هي "مسئله وقت "يااختي اصبري عليه مو معقوله تتطلقين لسبب كذا

احمدي ربك ان زوجك يغار ولاتفرطين بحبكم وزي ماقلتي انه ناقص حنان مايبي يفقدك لانك حسستيه بالحنان

بعضهم فيهم جلافه تذبح

والله يتمم حملك على خير وتجيبين بوبو زي القمر يشبه امه

وربي يوفقك
 
الغاليه مب كل شي ينحل بالطلاق

شو بتستفيدين شوفي ايجايباته وشوفي سلبياته

مثل ما خليتيه يحبج باسلوبج الحلو خليه يخف عليج اشويه ...

لو ما قدرتي استشيري مكتب التوجية الاسري فالمحكمه لو كنتي من الامارات او عن باقي الدول ما عندي اي فكره عنهم
 
اكثري من الدعاء و الاستغفار و اصبري
يمكن المولود الجديد يشغله شوي و يغير من تصرفاته و تركيزه عليكي
و انا مع الاخوات في اللي قالوه
الله كريم حاولي تتصدقي بنية ان الله يهديه و يسخره لك و كان الله في عونك
 
اصبري وانشاالله اذا ولدت رايح يتغير
 
هذا مستحيل

كم الانسان بيعيش؟ أنا نفسج بس هو أكبر مني وبالعكس انظري للدنيا بسعادة وأحمد الله على ان الله رزقني بريل زين بس يكفي انه يحبج كان يمكن تاخذي زوج أكبر منج بس يمكن تشوفي العذاب أكثر استغفرالله كثير وحط ريلج في عينج ولا تحاولي مجرد المحاوله انج تزعلينه أو تنفصلين عنه .
 
يا اختي مشكلتك بسيطه وهينه
زوجك يحبك بس كلنا فينا عيوب ونواقص ومحد كامل

يمكن هو غيور زياده


بس انصحك لا تعاندينه بالمسايس كل شي يتغير ان شاء الله
سايريه واذا كان يضايقه تكلمين صديقاتك فترات طويله
اتقي المشاكل ولا تكلميهن قدامه

اهم شي سعادتك معاه
والباقي كله يهون
 
انا من رأى الزميلات طبعا بس نصيحه اياكى تتكلمى وهو مش موجود
لانه راح يتحول الغيره لشك
انا زوجى مثله بالضبط
وحله بسيط جدا جدا
اطلعيه على كل شئ بيحصل ليكى ولو حتى انك دخلتى الحمام (اكرمك ربي)
قولى له انك دخلتى اجعليه يعيش فيكى وداخلك والحمد لله ماعندك شئ تخبيه
اذا تكلمتى مع ربعك تكلمى امامه كل المكالمه واذا راح تخرجى تروحى لهم
قولى لرفيقتك لحظه اخذ الاذن من زوجى وهو ما راح يرفض
اذا خرجتى عند رفيقه كلميه كل نصف ساعه ايش لونك حبيبى طفشت تحب ارجع لك ؟
تطمنى عليه كل شوى اجعليه محور اهتمامك
انا فعلت كده مع زوجى خاصا انى من بلد متحرره وهو من بلد متشدده جدا وكان يخاف من اختلاف العادات
لكن الحمد لله ثقته الان لما لا نهايه
واحمدى ربك على نعمه الحب اللى وضعها ربك بزوجك واطلبي من ربك انه يزيدها
هذا كلام عن تجربه حقيقيه فلا تتهاونى به
والله يوفقك ويجعل حبك بقلبه ليوم الدين يارب​
 
آخ حبيبتي ياريت زوجي يسوي ربع من الي يسويه زوجك
والله اذا الزوج اذا ماأظهر غيرته امر متعب أكثر
نصيحة استخدمي السياسة مع زوجك بحل المشاكل
والغنج والأنوثة لتنالي مبتغاك
والحمد لله على كل والله انها سالفة ماتستاهل انك تفكري بالانفصال
انت ألحين لأنك مضغوطة فماراح تحسي بطعم الانفصال
بكرة لو يوم واحد تبعدي عنه راح تعرفي مرارة هالشي
انتظري مولودك وان شاء الله مجيء المولود بغير شغلات وااايد
وتوكلي على الله وأسأليه الهداية والسكون في قلب زوجك
 
حبيبتي انا مع كلام البنات وبالذات الغربه تاكلني وبنت وايل سوي زي ماقالو لك واصبري وطولي بالك يمكن لغاية ثلاث سنين وبعد مايتعودعليك ويكتفي نوعا ما بيخليك على راحتك بس اللحين انتي بالنسبه له نهر الحنان اللي كان محروم منه يبي له وقت والله يوفقك ياقلبي.
 
اصبري ياعمري توكم صغار وزوجك اللي بعمره توه عند امه تراعيه وتهتم فيه صدقيني مسأله وقت وبيتعدل كل شي باذن الله وخلي مكالماتك اذا طلع برا البيت واعطيه اهتمام اكثر ولاتفكرين بالطلاق نهائيا..........اتمنى لك حياه سعيده
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل